View Full Version : مين جرب الأنوار البيضاء على الكامري الي في وكالة تويوتا(تشبه الزينون)وسعرها 350 ريال؟
كابريس
17-10-2002, 02:20 PM
موجودة في قسم الإكسسوارات وسعرها 350 ريال
هل تسبب مشاكل للسيارة ؟؟ هل تسبب احتراق الإسطبات؟؟
لأني شفت كامريتين مركبين زينون ( نور ابيض ) ماأدري هوا هادا ولا مو هو لكن موديلهم كان 2001 واحد الإسطبات الخلفية محروقة !!
مع انو الي بيستخدم نفس النوعية الأصلية الي تجي مع السيارة ماينحرق عنده الإسطب
ايش رأيكم؟؟
واذا ابغى اركب زينون عالي وواطي كم يكفني وايش احسن نوع وفين اقدر اسويه في جدة ؟؟ وهل الكوثر ممكن يسويها؟
760IL
18-10-2002, 01:35 AM
للرفع للاهمية
اما عن سعر الانوار الموجودة في الشركة وهل لها اي ضرر
فانت تقدر تسأل هنا الموظف في الشركة وتساله ايضا عن لونها وادائها وووالخ...
اما بخصوص الانوار الزينون المنتشرة اليوم بين الشباب فجهازها الخاص فيها هو من نوع هيلا والانوار من شركة فيليبس
وسعر الجهازين مع الشمعتين لليمين واليسارة 1100ريال تقريبا وسعر تركيبها 100 ريال او حسب السيارة سهولتها من صعوبتها
واذا حبيت انك تركب عالي وواطي فلازم تحسب حساب الميزانيه يعني دبل
اي خدمة تانيه ؟;)
نسيت اقول لك
الجهاز والانوار والتركيب كلها موجودة في زينه السياراات في بني مالك او كيلو 2 طريق مكة القديم
S55AMG
18-10-2002, 03:29 PM
بس يا شباب
انا نويت اركب زينون للسيارة رحت ادور ( مسوي كونان :p )
المهم ما لقيت افضل من زينون الشبح من محلات قطع الغيار
الهندي الاهبل قلي 1300 ريال
و قلي الهندي زينون الفياغرا بـ 4000 ريال
المهم جيت تاني يوم و رحت محل قريب من محل الهندي قلتلو ابغا زينون شبح قلي 2600:confused:
قلتلو اللي جنبك بـ 1300 ريال و الفياغرا 4000 ريال
قلي و هو قصدو المقوي واحد ( الجهاز ) و الشمعة وحدة ( اللمبة )
يعني الشبح 2600 ريال و الفياغرا 8000 بدون تركيب كمان
قلتلو اما الهندي دا اهبل يعني با اركب وحدة و وحدة لا
ايش يقول الناس سيارة حولا
قلتلو با اركب حقت كيلو 2 قلي انتبه الجهاز مو اصلي و اللمبا يقولو انها الماني فيليبس
قالي انها ماليزي و ماخذين اسم فيليبس
هذا و الله اعلم:(