View Full Version : ماسبب وضع محركات هذه السيارات في الخلف؟؟؟
lumina
02-12-2002, 09:17 PM
السلام عليكم :
شباب سؤال : ليش يتم وضع هذه المحركات في الخلف وهذه السيارات
1: بورش
2: فراري
.......................................................................................
هذا اللي ابغي اعرفه...
سردال
02-12-2002, 09:37 PM
ما أدري :)
لكن، فيراري وبورش أنتجتا سيارات بمحرك أمامي، أما لماذا المحرك في الخلف، فربما لأنه يعطي توازن أكبر للسيارة، ربما!
CAMARO4EVER
03-12-2002, 12:53 AM
رد مقتبس من سردال
ما أدري :)
لكن، فيراري وبورش أنتجتا سيارات بمحرك أمامي، أما لماذا المحرك في الخلف، فربما لأنه يعطي توازن أكبر للسيارة، ربما!
_eyad_
03-12-2002, 02:24 AM
إمكن عشان التصميم كده وإمكن عشان التوازن وإمكن عشان ما تطير :D :D
760IL
03-12-2002, 03:56 AM
التساؤل هذا توني باطرحة بس سبقتني ...انا انتضر احد يجاوب
في ظني وتقديري..
يمكن هالاسلوب اللي تتبعه هالشركات اسلوب كلاسيك وتقليدي تميزت به الشركة بأن وضعت المحرك بالخلف..
اما في عصرنا هذا..
يمكن اسباب وضع المحرك بالخلف نظرا لقوة المحرك يمكن يساعد على ثبات السيارة عند الانطلاقة القوية .. فالمحرك يعمل بمثابة وزن ثقيل عالجهة الخلفية فيحافظ على الاتزان عند الانطلاقة..
او يمكن لتقريب المحرك من الدفريشن واستخدام نظام تروس خاص ومقرب .
والسموحة
SLR
King_SS
03-12-2002, 12:49 PM
توضع مكائن بعض السيارات السوبر رياضية في الخلف بسبب اشياء عدة
اولها تقليل نسبة فقدان عدد الاحصنة المولدة من المكينة .. كيف ؟؟؟ بان يضعو المكينة فوق الجيربكس والجيربكس فوق الدفرنس يعني تلاقي المكينة وتحتها الجيربكس على طول وتحته الدفرنس .. قطعة وحدة ..
نسبة توزيع الوزن في السيارة المحور الامامي والمحور الخلفي .. عامل مهم جدا في تقليل انحراف السيارة وعدم القدرة على السيطرة فيها في السرعات العالية
تماسك افضل في القومة وانحراف اقل في المنحنيات
التعليق المستخدم في السيارات العادية ذات المكينة الامامية .. ما يستحمل اكثر من 400 حصان وكل ما زادت القوة الحصانية كل ما عزز تعليق السيارة واصبح قويا .. فبالتالي السيارة تصبح اثقل في الوزن وسعرها اعلى ..
بينما في السيارات الرياضية ( يصطادو عصفورين بحجر ) يتم الاستغناء عن التكلفة الزائدة بوضع المكينة في الخلف وتعزيز التعليق بقوة .. وتخفيف وزن السيارة ورفع احصنتها ابتداء من 390 او 400 حصان .. فبالتالي وش هي النتيجة ...
هذي هي النتيجة ...
سيارة من صفر الى 100 في اقل من 4 ثواني
تماسك = فوق الممتاز
مناورات عالية جدا
الربع ميل = في زمن قياسي
السرعة القصوى = اكبر قدر ممكن توصل اليه السيارة بصدد الاعدادات مال المكينة الخلفية
بينما لو ناخذ مثال في بعض السيارات ذات المكينة الامامية مثل الكمارو
المكينة بتصدر قوة .... شي منها رايح في ناقل الحركة ويعتبر النصف الاكبر وهو يمثل 60 الى 70 % من قوة المكينة
والجزء الاخر بيروح في عمود الكردان
والجزء الاخير والاهم ...
القوة المفقودة بسبب عدم توافق قوة السيارة بالتعليق المصمم ..
لذلك تعمد معظم الشركات بتدعيم التعليق باقوى مرحلة ممكن توصل اليه .. ليش ؟؟؟
عشان اذا قالولك انو السيارة هذي 400 حصان على الكفرات الخلفية معناه 400 حصان على الكفرات الخلفية ...
مش مثل بعض السيارت .. وكمثال الكابرس حقي من الوكالة 260 حصان .. واللي واصل الكفرات ونازل على الارض .. ايش تتخيلو ..
190 حصان ..
وانشالله نكون عند حسن ظنكم
560SEL
03-12-2002, 03:49 PM
===================================
مش مثل بعض السيارت .. وكمثال الكابرس حقي من الوكالة 260 حصان .. واللي واصل الكفرات ونازل على الارض .. ايش تتخيلو ..
190 حصان ..
===================================
وهذا السبب اللي يخلي سيارات السحب الأمامي أقوى في القومة من سيارات الدفع الخلفي
لكن السؤال اللي يطرح نفسه : ليه ما فيه سيارات تعمل بالسحب الأمامي و تكون قوتها فوق ال300 حصان ؟؟؟
-هل السبب هو في عدم ثبات هذا النوع من السيارات ؟
تحياتي
BLUE_STEEL
03-12-2002, 06:05 PM
رد مقتبس من سردال
ما أدري :)
لكن، فيراري وبورش أنتجتا سيارات بمحرك أمامي، أما لماذا المحرك في الخلف، فربما لأنه يعطي توازن أكبر للسيارة، ربما!
King_SS
03-12-2002, 06:25 PM
560 ترا في سيارات دفع امامي وقوية مثال الكاديلاك ال sts
بس سؤالك جيد ..
انا اقللك ليش مافي سيارات دفع امامي تتجاوز ال 300 حصان ..
لانو بكل بساطة العكوس اللي توصل بين الدفرنس والكفر في الدفع الامامي اضعف بمليون مررة من الدفع الخلفي ..
عشان كدة تلاقي اللي معاه هوندا او اي سيارة دفع امامي قديمة بعد فترة اذا اخذ ملف تسمع طق طق طق طق .. وبروح اغير عكوس على طول
وفي سيارات المعدلة من هوندا اللي تشارك في سباقات الربع ميل .. يتم تغيير العكوس بغيرها ذات قوة فوق الجبارة عشان تستحمل العزم الهائل
..
ولتقليل التكاليف .. فالدفع الخلفي اسلم اقل تكلفة واقل مشاكل
760IL
04-12-2002, 03:18 AM
والله كاني ادري ان خوينا كينج بيرد على الموضوع ...تسلم .
King_SS
04-12-2002, 04:20 AM
كلك ذوق يا 760
بس موضوع جيد ويستحق الواحد اوضح فيه الاشياء اللي متخبية عن الشباب ...
V8-400hp
05-12-2002, 10:53 AM
بس احب اعطيكم معلومه هي ان
فيراري لامبورجيني هوندا( ان اس اكس( تويوتا (ام ار 2 )
وغيرها سيارات ذات محرك يسمى المحرك الوسطي لأنه في وسط السيارة تقريبا
وهذا المحرك يعطي للسياره افضل توازن حيث يكون وزن السياره من الأمام يساويه من الخلف
عشان كدا هذا المحرك هو الأكثر استعمالا في سيارات السباق
أما بورش و فولكسواجن (بيتل القدييمه)
هذي سيارات محركها خلفي يعني محركها محشور في الصندوق الخلفي
560SEL
05-12-2002, 12:59 PM
كيف الحال KING_SS
أنا عارف بمسألة الطقطقه . و مسألة العكوس
بس القصد أنه ليه ما يصنعون سيارات مثل ما قلت بعكوس (قويه) عشان تتحمل العزم الهائل ؟؟
أنا أعتقد ان السبب هو عدم ثبات سيارات السحب الأمامي و عدم توازنها
واذا كان فيه سبب آخر أرجو انك تفيدنا به
تحياتي
King_SS
05-12-2002, 04:20 PM
التكلفة العالية ...