سوالف للجميع - ســؤال للجمـيـع: أيــهــمــا تـفـضــل؟؟؟

View Full Version : ســؤال للجمـيـع: أيــهــمــا تـفـضــل؟؟؟

SLR

11-12-2002, 01:10 PM

هلا وسهلا شباب..

ابغي راي الجميع..

ايها تفضل من الآتي والسبب شو؟؟

هوندا سيفيك >< تويوتا كورولا = موديلات 2003

هوندا اكورد >< تويوتا كامري = موديلات 2003

-------------------------

والسموحه...

SLR

كـيـمـو

11-12-2002, 01:19 PM

كورلا عشان الكرف
هوندا اكورد عشانها افخم واحلى والقير اوتو عليها مايحتاج عكس الكامري

أبو نايف

11-12-2002, 01:34 PM

أنا أفضل الهوندا سيفيك " قير أوتوماتيك" على الكامري.... موب على الكورلا بس:)

Infiniti Q45

11-12-2002, 01:50 PM

ماأدري ماأحس انه في فرق كبير بين الكورولا و السيفيك لاني مامره ركبتهم

بس انا شفت الكامري و الاكورد

الكامري 2002 و الاكورد 2002 كان الاكورد احسن بكثيير

بس كامري 2003 صارت فيه مواصفات ماتتوفر في الاكورد بس بسعر اغلى اذا ماكنت غلطان

SLR

11-12-2002, 01:57 PM

صحيح ان الكورولا عمليه وتتحمل..

بس مادري ليش قلبي يميل للسيفيك اكثر.. احسها بلمسات انيقة ورياضية اكثر.. يعني افضلها عالكورولا.. رغم ان المنافسة بين السيارتين مش فارقة كثير..

اما عن موديلات 2003 بين الاكورد والكامري الصراحة..
الكاميري قال للاكورد.. اسمح لي..
جد تصميم الكامري والمواصفات اللي فيها شي ثاني..
بخصوص الاكورد شكلها قبيح الصراحة مادخل مزاجي وللبقية اراء..

نسيت اخبركم..

بخصوص كوب الكامري والاكورد..
صراحة الاكورد وحش.. شكله ماخذ من الاس ال والسي ال في الخلف..

مادري اذا شفتوا صورته..

والسموحة..

SLR

Infiniti Q45

11-12-2002, 02:53 PM

رد مقتبس من SLR
نسيت اخبركم..

بخصوص كوب الكامري والاكورد..
صراحة الاكورد وحش.. شكله ماخذ من الاس ال والسي ال في الخلف..

مادري اذا شفتوا صورته..

والسموحة..

SLR

شنو قصدك كوب ؟

SLR

11-12-2002, 04:17 PM

:)
وهذا هو الاكورد الكوبي اللي يشبه السي ال من الخلف ببصراحة وحشش ومنافس قوي للكوب الكامري سولارا..:)

http://www.hondacars.com/images/banners/2003/accord_coupe/exterior_gallery/photo_04_popup.jpg

وهذا الكوب كامري سولارا:)..
http://www.toyota.com/images/shop/vehicles/gallery/solara/exterior/photo_1.jpg

والسموحه..

SLR

760IL

11-12-2002, 09:12 PM

الاكورد وانت مغمض والسبب احلى وافخم وتقنيات محركات هوندا وايضا سبب كرهي للكامري اتشار التاكس زيه
السيفك علشان سبب واحد...ركب زوايد وشوف شكل السيارة يطلع كيف:glasses:

ايطالي

11-12-2002, 09:43 PM

بين الكورولا والسيفيك .. اكيد اختار الكورولا .. سيارة تتحمل الكرف

وعلى الاكورد والكامري .. اخذ الاكورد .. لانها سيارة فخمة وسواقتها ممتعة .. والجير العادي حقها مريح .. بس عيبها الوحيد هو وكيلها

تحيـــاتي لك ,,

SeSo_2003

12-12-2002, 12:38 AM

اهلا وسهلا اذا تبغا سياره ترتاح وتخدم وياك العمر خذ كورلا موديل 2003 شكلها صار احلي من موديلات السابقه 2001/2002
بلصراحه انا عندي كورلا 2001 وخدمت معاي ولا شفت فيها اي عيب والسياره تخدم معاك العمر كله واقتصاديه وقويه في نفس الوقت ولا تقدر تحط فيها عيب واحد

او الكامري الجديده 2003 تغيرات كليا وصارت كانه لكزس

اما الاكورد والسيفك والله مادري عنهم وخرابهم ارفع منهم وسعرهم مرتفع على الفاضي

PRINCEMQ

12-12-2002, 09:11 AM

أنا أفضل الهوندا ولكن لازم تعرف شى الهوندا قطع غيارها غالية جدا ولكن شكل الهوندا أحلى بكثير من التويوتا

والله ولي التوفيق

BLUE_STEEL

12-12-2002, 09:20 AM

رد مقتبس من 760IL
الاكورد وانت مغمض والسبب احلى وافخم وتقنيات محركات هوندا وايضا سبب كرهي للكامري اتشار التاكس زيه
السيفك علشان سبب واحد...ركب زوايد وشوف شكل السيارة يطلع كيف:glasses:

thehacker

12-12-2002, 11:05 AM

-1 كورولا
-2 كامري

560SEL

12-12-2002, 11:16 AM

اولا اقتصاديا الكامري والكورولا ما يضاهيها الا النيسان

بالنسبة للفحامة والرساوة والراحة الاكورد شكلها احلى وافخم واثقل الجديد والقديم
بس قطع غيارها غالية مثلا عندك الفحمات للاكورد بـ350 ريال
الكامري مع التركيب 120 ريال

بس اللي سمعته ان قطع الهوندا من جهة غالية لكن من الجهة الثانيه
ما تغيرها الا بعد فترة طويلة

تحياتي

SLR

12-12-2002, 12:13 PM

بخصوص القطع الغيار..

ارى ان الجميع فسر السبب..

وارى ان النتائج تدل ان السعر يقابل شي يسوى ويتحمل..

فان غلاء قطع غيار الهوندا يرجع لتحمله فترة طويلة اكثر عن التويوتا..

وللبقية آراء..

اتمنى الردود والتعليق حول هذا..

والسموحة..

SLR

12-12-2002, 12:37 PM

SLR

عشان لا اتفلسف عليك .. بصراحه انا ما جربت السيفك

لكن كان عندي كرولا 93 .. بس ما طولت معي .. ( سنه ونص ) فما أقدر احكم عليها ... لكن خلال الفتره هذي ما شكيت منها

وبعدها شريت كريسيدا 90 مستعمل .. جلست سنه وبعتها

من عام 97 الى الآن معي أكورد 97 .. خمس سنوات من الاستخدام القاسي .. ما قد خرب فيها شيء

قد لا أبالغ اذا قلت لك بأنها تتحمل وتعيش أفضل من الأسطورة كريسيدا
فما بالك لو قارنتها بكامري

بالنسبة للباقي فالهوندا أفضل من الكامري في المشي والثبات والهدوء

بس الكامري مكيفها أفضل

ومشكلة الهوندا في قطع الغيار بس !

Infiniti Q45

12-12-2002, 02:48 PM

رد مقتبس من SLR
:)
وهذا هو الاكورد الكوبي اللي يشبه السي ال من الخلف ببصراحة وحشش ومنافس قوي للكوب الكامري سولارا..:)

http://www.hondacars.com/images/banners/2003/accord_coupe/exterior_gallery/photo_04_popup.jpg

وهذا الكوب كامري سولارا:)..
http://www.toyota.com/images/shop/vehicles/gallery/solara/exterior/photo_1.jpg

والسموحه..

SLR

أدري بتقول عن فيلسوف بس كلمة Coupe تنطق كوبيه مو كوب كوبي :) و سلملم

SL500

12-12-2002, 09:43 PM

من الاختيار الأول افضل الكورولا...
شكل احلى ونعومة وراحة اكبر والوان افضل...غير القوة والاقتصادية...
والسيفيك والله مادخلت بمزاجــــي ابدا...

وبالنسبة للاختيار الثاني...فاكيــــــــــــــــ الأكورد ـــــــــــــــــــــــــــــــــــد
وخصوصا بعد التعديلات الي تمت في العام الحالي...
لأن الكامري كانت حلوة بنظري>>>>>>>>>> ولكن من يوم ماشفت الاكورد الجديدة...(من موضوع معارض الرياض نازل قبل شهر) وانا منهبلة على عليها...هذا بس من ناحية الشكل...

لكن بالنسبة لسيارة ابي اشريها واستخمها للكرف فاعتقد انه مافي افضل واقوى من التويوتا...

وســــلامتكم.:p :rolleyes:

SLR

12-12-2002, 10:44 PM

رد مقتبس من Infiniti Q45

أدري بتقول عن فيلسوف بس كلمة Coupe تنطق كوبيه مو كوب كوبي :) و سلملم

صدق هالمرة انته فيلسوف..

كلمة كوب هذا النطق الصحيح مش كوبيه.. لانها كلمة انجليزية مش عربية..

حاول تقراها.. Coupe وشوف شو بيطلع معاك.. يافيلسوف انته..