View Full Version : king ss _NFS لو سمحتوا تفضلوا
mtayam
20-01-2003, 04:39 PM
السلام عليكم ورجمة الله وبركاته
ارجو اني ما اكون معطلكم بس المساله وبختصار شديد
انا عندي مكسيما 2000 وابي ازودها وابي مشورتكم عن القطع وكل ما تحتاجه السياره لتزويدها يعني معلومات كامله وانا ناوي ازود على ثقيل :D :D فا ابي مشورتكم واسفين على اضاعة وقتكم معنى وابي اسال شباب الامارات عن افضل مركز للتزويد في الشارقه ودبي
وعليكم السلام ورحمة الله وبركاته
أبدأ بالتالي:
(1)- غير نظام العادم من عند الهيدرز لغاية أخر دبة (ما يحتاج تغير الهيدرز الأصلي لأني سمعت أنه ممتاز من الوكالة).
(2)- ركب CAI أي Cold Air Intake أو كما نسميه بالعامية فلتر رياضي لكن مع الماسوره تبع الفلتر
(3)- بكرات السيور بس أنا مش متأكد من فعاليتها على المحرك الماكس.
على العموم ننتظر رأي الأخوان الخبراء بالماكسيما يمكن يكون عندهم أراء أو تعليق على الموضوع.....
Oettinger
20-01-2003, 07:40 PM
طيب اي ثقل ناوي؟؟
عندك 20 الف ريال تحرقهم عليها؟ قولي
mtayam
20-01-2003, 10:23 PM
thank you NFS
i have 50000 s.a for my max
mtayam
20-01-2003, 11:07 PM
معليش رديت من جهاز مافيه عربي
مشكوووووووووووووور اخوي NFS
ــــــــــــــــــــــــــــــــــــــــــــــــــــــــــــــــــــــــ
اما بالنسبه للمبلغ اخوي oettinger
انا راصد لها قيمه سياره ثانيه يعني من الخمسين حتى السبعين الف درهم اماراتي
uae speed
21-01-2003, 12:51 AM
مرحبا اخوي متيم .. وشحالك ؟
يا خوي اسف بتدخل شوي .. لكن انت ما لاحظت ان الخمسين الف هذي وايد ..!
يعني اذا كنت انا في مكانك كنت بعت المكسيما وزودت عليها الخمسين الف وباخذلي ايفوليوشن موديل 2000 او 2001 ..
مجرد اقتراح , واسف على الازعاج :)
--------
على العموم في عندك قراج بن سليم بيرفورمانس .. في دبي بس غالي شوي .. لكن شغلهم مضبوط مثل العسل :cool:
تحياتي ::
Oettinger
21-01-2003, 01:43 AM
اذا انت عن جد ناوي تحطي فيها على الاقل 50 الف
فمستعد اساعدك انا والاخ MAD MAX حيث انه ايضا عنده ماكسيما 2001 وناوي يعدلها
1. توربو كت! http://www.pfispeed.com/images/Products_MaximaTurbokit/Maxima%20kit%20-%201.JPG
http://www.pfispeed.com/Products_MaximaTurbokit.htm
التيربو كامل مع التركيب = 20 الف ريال او 2000 دينار بحريني في البحرين مع الاكسوست والتركيب
2. يايات + جوانبين ، عشان الثبات طبعا!
3. طقم بريكات Up rated
4. تعديلات خارجة طفيفة
5. تغيير لون اذا حبيت!! كل شي متوفر من هالناحية ، طالما في فلوس
6. جنوط وكفرات محترمين
7. ويش في راسك بعد؟
وتحياتي لك
Oettinger
21-01-2003, 01:45 AM
uae speed
الصراحة ، اقتراحك جدا حلو ، بس يمكن الرجال مصر على سيارته!
الافلوشن مجال تعبيثها واسع بعد!
King_SS
21-01-2003, 03:05 AM
شوبر شارجر ..
تخطو من 0 الى 80% من تلغيم المكسيما .. في خطوة وحدة
King_SS
21-01-2003, 03:06 AM
رد مقتبس من King_SS
شوبر شارجر ..
تخطو من 0 الى 80% من تلغيم المكسيما .. في خطوة وحدة
==========
اقصد سوبر لووول مش شوبر
Oettinger
21-01-2003, 03:10 AM
بس يا King SS
اذا حظر التوربو بطل السوبر تشارجر! والرجال دفيع
أبو نايف
21-01-2003, 06:09 AM
بتلغم بخمسين الف????????
الله يستر عليك ياخي:rolleyes:
رد مقتبس من King_SS
شوبر شارجر ..
تخطو من 0 الى 80% من تلغيم المكسيما .. في خطوة وحدة
كم يكلف السوبر تشارج
وهل هو متوفر في السعوديه والا لازم طلبيه?
MAD MAX
21-01-2003, 06:55 AM
زى ماقال Oettinger
اذا ناوى قول بس وانشاء الله مانقصر معاك
وهاذا فيديو حق ماكسيما عليها التيربو كت
الفيديو (http://www.turbomaxima.com/modules.php?name=Downloads&d_op=getit&lid=2)
طبعا في هاذا الفيديو الماكسيما ماكان حاط البوست حق التيربو على 6 psi
يعني لسه فية مجا واجد:D
evo.505
21-01-2003, 08:17 AM
رد مقتبس من uae speed
مرحبا اخوي متيم .. وشحالك ؟
يا خوي اسف بتدخل شوي .. لكن انت ما لاحظت ان الخمسين الف هذي وايد ..!
يعني اذا كنت انا في مكانك كنت بعت المكسيما وزودت عليها الخمسين الف وباخذلي ايفوليوشن موديل 2000 او 2001 ..
مجرد اقتراح , واسف على الازعاج :)
--------
على العموم في عندك قراج بن سليم بيرفورمانس .. في دبي بس غالي شوي .. لكن شغلهم مضبوط مثل العسل :cool:
تحياتي ::
mtayam
21-01-2003, 11:15 AM
مشكور يا اخ كنج اس اس على المعلومه بس انا ابي منك معلومات اكثر عن القطع الاساسيه بس بالسبه للسوبر تشارجر انا مطلعه من الميزانيه يعني عيني:shock2: على التيربو:D :D :D وعلى فكره السياره اوتو يعني شغل اكثر وانا عندي عليها سبرنجات ايباش
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اخوي _evo.505_uae speed ابي كل واحد ياخذ راحته يعني ابي اقتراحاتكم ما ابي احد يتردد في الرد علي مهما كان رده وعادي اخوي ما فيه ازعاج ولاشي بس ابي منك وصف لموقع الكراج لو سمحت لاني سعودي بس مقيم في الامارات واخوك فريش يعني جديد
:D :D :D يعني ما يدل محتاج:help: :help: :help:
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اخوي oettinger_mad max
اخوكم اللي هو انا :D ناوي بقوه يعني الله لا يعوق بشر وانشا الله انتوا ماراح تقصرون معي بس اللي ابيه انا من اهل الخبره في التلغيم توضيح القطع وفايدتها وصورها :D :D (طرار ويتشرط)
mtayam
21-01-2003, 11:18 AM
ابو نايف مشكور وما قصرت
وتحياتي لك
King_SS
21-01-2003, 11:26 AM
صحيح التيربو افضل من السوبر شارجر .. ولاكن التيربو لازمله تغيير بساتم واشياء كثيرة وبرمجة كمبيوتر ونظام بنزين خاص وتعديل في الاكزوز والغاء اشياء كثيرة ولازم يكون التيربو صغر ما تقدر تحط واحد كبير لانه راح يفقع المكينة
واذا حطيت تيربو لازم يكون البوست منخفض نوعا ما واذا رفعته لازم بنزين خاص حق سباقات ..
ولاكن السوبر شارجر ..
3 ساعات تركيب .... وتطلع الخط في نفس اليوم تدعس على كيفك .. واداء جبار .. واذا حبيت ترفع الاداء شوية ترفع البوست الى 10 psi
وتقريبا نفس القوة الحصانية اللي اعطيها التيربو ..
mtayam
21-01-2003, 01:12 PM
معليش اخوي كنج اس اس استحملني شوي بغثك معي ابي اسالك بالنسبه للقير الاوتو كيف اقدر اخليه يستحمل التلغيم اللي على السياره
بس انت قلت في اكثر من موضوع ان السوبر تشارجر خاص بسباقات الربع ميل
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ومشكور على الرد واستحملني شوي
mtayam
21-01-2003, 01:17 PM
معلش نسيت اقولكم ان عندي في السياره بالنسبه لخرطوش الهوى اللي من الفلتر للمكينه فيه حساس فكيته مره ابي اشوف وش راح يصير وسقت السياره وصارت تقطع يعني راح تقابلني هذي المشكله اذا بغيت اركب ماصوره الفلتر الرياضي
مع تحياتي
اخوكم متيم
King_SS
21-01-2003, 04:40 PM
رد مقتبس من mtayam
معليش اخوي كنج اس اس استحملني شوي بغثك معي ابي اسالك بالنسبه للقير الاوتو كيف اقدر اخليه يستحمل التلغيم اللي على السياره
بس انت قلت في اكثر من موضوع ان السوبر تشارجر خاص بسباقات الربع ميل
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ومشكور على الرد واستحملني شوي
=============
وهذا الكلام صحيح اللي قلته .. المكسيما مافيها سرعة قصوى ..
المكسيما جربت من قبل شركة ستيف ميلن وحسبت سرعتها القصوى بمسدس قياس السرعة وجابت 142 ميل في الساعة على الخط الاحمر في النمرة الخامية
اي بما يعادل 227 كيلو متر في الساعة .. عشان كدة حيكون السوبر شارجر خير كفيل بهالموضوع الى حد هذي السرعة ..
Oettinger
21-01-2003, 06:34 PM
سيارتك اوتو؟!!
طيب اول شي يا جماعة الاوتو يتحمل كل هالقوة؟
بما أن السيارة أوتو فأول شيء تغير القير إلى عادي!
ممكن سؤال؟
أيش هدفك من التعديل؟
هل هو أنك تعمل أقوى وأسرع سيارة (بناءً على ميزانيتك)
أو
مجرد تلغم الماكس إللي عندك؟
إذا كان هدفك تلغيم الماكس فأشوف أن التوربو أفضل من السوبر تشارجر مع أنه حيكلفك أكثر .
لأن التوربو بيعطيك عزم أفضل على سرعات متدنية لغاية أقصى سرعة للمكينة بعكس السوبر تشارجر اللي يكون أقصى ضغط عند الخط الأحمر (يمكن Mad Max يفيدنا أكثر لأنه يتابع أخبار الماكسيما أكثر مني).
ممكن يا MAd MAX تحط (كل) التوربو كت و (كل) السوبرتشارجر كت المتوفر للماكسيما مع تكلفة كل كت وأقصى بوست مع الداينو؟
زورو الامارات
21-01-2003, 10:59 PM
طيب ياكينج سؤال
السوبر تشارتج سهل التركيب وبالامكان استعماله بشكل يومي
واضراره على المحرك اقل من التوربو
ماقلت لي تكلفته كم في العاده تكون
اذا فرضنا انك بتركبه على الوانيت تبعك مثلا
mtayam
21-01-2003, 11:04 PM
NSF مشكور على الرد اما بالنسبه لهدفي من التزويد هو اني مولع بهالمجال ومتابع له من كل النواحي وبغيت اقتحم هالمجال من زمان بس كانت ناقصتني بعض المعلومات اللي لقيتها هنا بس هذاك الوقت ماكان فيه تسجيل في المنتدى وتوها جاتني الفرصه وبعدين تعرف في الرياض ما فيه اي نشاطات لهذا المجال وانا توني منتقل للامارات وهذا راح يساعدني في هالمجال وقلت ابدى مشواري بحبيبت قلبي سيارتي اللي اعتبرها رفيقة دربي:D :D :D و اللي اعتبرها اخوي الصغير بس ما اعرف اكلمه :damp: :banana:
واتمنى من الاخوان في الامارات انهم يدلوني على افضل كراجات التعديل في الشارقه ودبي
واتمنى منكم المزيد
اخوكم متيم (طرار ويتشرط):D :D :D :D
mtayam
21-01-2003, 11:07 PM
وعلى فكره انا ما فكرت في تغيير القير بس ممكن اركب له شفت كت بس ما ادري هل يوجد شفت كت للماكس ولا ما فيه
ViPEr_&_7 sERieS
22-01-2003, 02:59 AM
الحين كل هالتزويد (تلغيم) ... شقايل بتسجل موترك ؟؟؟؟؟
إذا أنا حاط دبة صوت و ما مشوني
أمير أبوظبي
22-01-2003, 09:23 AM
رد مقتبس من ViPEr_&_7 sERieS
الحين كل هالتزويد (تلغيم) ... شقايل بتسجل موترك ؟؟؟؟؟
إذا أنا حاط دبة صوت و ما مشوني
مثل ما قال صاحبنا اداره المرور ما راح تخليك تسجل سيارتك او انك تقوم بتجديد الرخصه اذا كانت ملغمه
لانهم يعارضون فكره تلغيم السيارات ..
أمير أبوظبي
22-01-2003, 09:54 AM
رد مقتبس من ViPEr_&_7 sERieS
الحين كل هالتزويد (تلغيم) ... شقايل بتسجل موترك ؟؟؟؟؟
إذا أنا حاط دبة صوت و ما مشوني
مثل ما قال صاحبنا اداره المرور ما راح تخليك تسجل سيارتك او انك تقوم بتجديد الرخصه اذا كانت ملغمه
لانهم يعارضون فكره تلغيم السيارات ..
MAD MAX
22-01-2003, 12:28 PM
اوكية بالنسبة الى السوبرجارجر كت فهو متوفر من شركة Stillen وقيمتة حوالى 3800 دولار وطبعا السبورشارجر نفسة المستخدم في هاذى الكت هو Vortec V2
اما بالنسبة الى التربو كت فمتوفر من عند PFI SPEED وقيمته تقريبا 4200 دولار طبعا التيربو المستخدم في هاذا الكت هو T04 من شركة Turbonetics
وهاذا التربو ممكن يوصل قوه السيارة لحد 550 حصان
اما بالنسبة الى الداينو
هاذا داينو بين ماكسيماتين وحدة عليها Stillen سوبر شارجر على ظغط 10 psi
والثانية عليها PFI تربو كت على ظغط 4 psi
طبعا لما حطوا البوست على 9 psi على التيربو وصلت القوة الى
355hp/348ft-lbs بس موموجود الداينو شارت
http://www.pfispeed.com/images/Products_MaximaTurbokit/maxturbo-dyno02.gif
http://www.pfispeed.com/images/Products_MaximaTurbokit/maxturbo-dyno01.gif
mtayam
22-01-2003, 04:17 PM
اخواني بالنسبه لتسجيل السياره انا ما افكر بتسجيلها لانها سعوديه فا انشا الله بعد ما الغمها راح ارسلها للرياض وراح تتشمع وتتخزن يعني اقل شي راح تاخذ ثلاث سنوات وهي واقفه وبالنسبه للتسجيل في السعوديه الاستماره راح تتجدد من تحت الطاوله:D (مسوي قوه)ههههههههههه يعني ما راح احتاج ارسلها للفحص الدوري
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اخوي mad max
معلش ممكن تستحملني شوي ابي منك لو تكرمت لسته فصيليه بالقطع اللي راح تتغير معى التيبربو من والسياره زي ما ذكرت من قبل عليها سبرنجات ايباش وابي نصيحتك في الفرامل
ومشكووووووووووووووووووووووووور مقدما
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اخوي زورو الامارات ( مشرفنا العزيز)
ابي اسالك عن موقع كراج بن سليم بيرفرومانس
ودمتم
اخوكم متيم:corsair: :corsair:
mtayam
23-01-2003, 01:57 AM
انا مركب على السياره audio system
على كيف كيفكم بس ابي اصوره لكم واحطه هنا انشا الله في القريب العاجل انشا الله
لان الصوره ابلغ من الكلام
King_SS
23-01-2003, 04:31 AM
رد مقتبس من زورو الامارات
طيب ياكينج سؤال
السوبر تشارتج سهل التركيب وبالامكان استعماله بشكل يومي
واضراره على المحرك اقل من التوربو
ماقلت لي تكلفته كم في العاده تكون
اذا فرضنا انك بتركبه على الوانيت تبعك مثلا
====
الشباب فكرتهم انو التيربو اقوى .. وهادا الكلام صحيح ما اعترض عليهم ولاكن .. انا من القوم اللي جربت السوبر شارجر وجربت النيتروز وجربت التيربو .. وعلى قول المثل اسأل مجرب ولا تسال طبيب .. ولاكن اذا هو يبي يركب تيربو .. الله اوفقه بس يا ليت يعطينا تقرير كامل في حالة جديته للموضوع عشان اتمنى اشوف النتيجة هل هي مثل ما انا اتوقعت او مختلفة تماما .. والله اوفقه ..
انا كل غرضي انو انت تنظر الى السيارة وتشوف .. هل في مجال انها تصير حقة سرعات قصوى .. يعني انسيابيتها وكل شي يساعدها الى تحقيق سرعات عالية .. او ان السيارة لا تحوي في داخلها الى مسافات قصيرة ..
والمكسيما من واقع خبرتي وبحيث اني كنت امتلك وحدة .. السيارة عليها دفرنس 4.32 اذا ما خابني الظن .. بالنسبة للجيربكس العادي .. مما يجعلها سيارة مصممة ومبدعة في المسافات القصيرة وسيئة للغاية في السرعات القصوى .. مثل ايام زمان كنت اطارح فولفو 580 تيربو وكان في الخط يطلع علي بسهولة .. على الرغم اني كنت قافل عداداتي كلها على لاحمر
ولاكن هن االفكرة .. انا ركبت السوبر شارجر على الكابرس ووجدت اني في الخط ماني قادر اكمل والسبب انو قوة سحب المكينة اصبحت اقوى من سحب السوبر شارجر فبالتالي تضعف السيارة في الخط .. واكبر دليل المطارحة بيني وبين الفيراري .. شفتو كيف طلعت عليه في القومة وكيف لحقني في الخط .. وايضا مع ال ام 5 الهامان ..
ولاكن اتعكست الامور راسا على عقب لما ركبت التيربو ..
اصبحت السيارة وحش كاسر بالفعل خيالية .,,
الان انا في صدد تركيب ضغط خارجي على الونيت حقي ..
انا جربت عليه النيتروز .. ومبين في الصور الل شفتوها ولقيته مناسب بس مشكلته انو قوة لحظية ماهي دائمة ..
الان معظم الشباب يقولولي ركب تيربو .. استنادا لما رأوه من اداء في الكابرس .. ونصهم قالي ركب سوبر شارجر ..
انا من وجهة نظري السوبر شارجر افضل .. ليش ؟؟
لطالما انسيابية الونيت وحجمه وضخامته تجبره غصب عن انفه انو ما يتعدى حاجز ال 210 كيلومتر فعلية ..
فبالتالي ليش انا احط تيربو فيه .. طالما سرعتي محددة وما اقدر اتعداها .. ردة فعله ابطئ من السوبر شارجر والعزم المولد منه اقل من العوم المولد في السوبر شارجر .. صحيح هوا اهدء وسواقة السيارة تصبح عادية وفيه ممزيات كثيرة .. بس في الاخر انت تبغ شي يعطيك قوة تتناسب طرديا مع مؤهلات السيارة ..
لقيت انو السوبر شارجر انسب شي للونيت .. راح يعطيني عزم وقوة حصانية على دورات منخفضة .. والى 5500 دورة .. وهي كفيلة تماما انها تنقل الونيت من المرحلة الاولى الى المرحلة الاخيرة بعناء اقل .. وبالتالي السوبر شارجر بما انه ملك الربع ميل والمسافات القصيرة .. والونيت مؤهلاته ممتازة في المسافات القصيرة .. انا اعتقد انو حيكون جبار .. وحيكون قوي فوق ما انتو تتخيلو .. وايضا حيكون اقوى مما لو كان عليه التيربو ..
نفس الشي ينطبق على المكسيما ..
انا صاحبي مركب سوبر شارجر .. والسيارة مثل العسل تسارع شي خيالي .. وطبلونه اللي كان يجيبه في 5 كيلو .. اصبح يجيبه في 2 كيلو .. وهذا هوا المطلوب ..
========
بالنسبة للسوبر شارجر .. فهو اسهل بمليوم في المية في تركيبه من التيربو
وغير معقد
صيانته اسهل ومتطلباته اقل
وممكن تعتمد على السيارة في السواقة اليومية
وصاحبي راعي المكسيما من سكان مكة .. وهوا يوميا يطلع ينزل من جدة والى مة .. يعني 180 كيلو متر يوميا يقطعها .. غير السباقات اخر الاسبوع
بالنسبة لسعر السوبر شارجر حق الونيت
برو شارجر 3400 دولار تقريبا
بور داينو 2599 دولار
فورتيك 3800 دولار
باكستون 3800 دولار
ماغنا شارجر 4000 دولار
ويبل شارجر 3900 دولار
كيني بيل شارجر 3800 دولار
التيربو 3600 دولار
وانا اللي ناوي عليه البروشارجر انشلله او الفورتيك .. بس غابلا البرو شارجر
MAD MAX
23-01-2003, 08:52 AM
اوكيه ياكنج بالنسبه الى السرعه القصوى حق الماكسيما اتوقع ممكن نتغلب على هاذى المشكله بتغيير نسب التروس او حتى تركيب قير جديد ب 6 سرعات مثلا والا ايش رائيك هل ممكن يكون فية حل ثاني ؟؟
وبالنسبه الى الاشياء الى راح تغيرها يا اخ mtayam
اول شئ راح تبدل الجير لانه صراحه مااتوقع الجير الاوتو راح يستحمل
وثاني شئ لازم يكون عندك كلتش رياضي
وثالث شئ لازم تبدل البساتم
رابع شئ الانجكترات (البخاخات)
خامس شئ يبغ لك LSD هاذ ضرورى اذا كنت تبغى سيارة ممتازه في القوة وفي المناوة وفي القومه وظيفته طبعا في الدفرنش الامامي لانه لما يكون عندك قوه فوق ال 300 حصان في سيارة دفع امامي راح تلاحظ ان السيارة لما تقوم من الصفر دائما تحفط وتحرق الكفرات الى راح يسوسه لك ال LSD انه يوزع القوة بالتساوى على الكفرات الامامية بحيث انه لما المفر اليمين مثلا راح يعمل Over spining راح يشيل القوه منه ويعطيها الكفر اليسار, والعكس
وسادس شئ لازم تبدل المكمبيوتر حق السيارة
طبعا هاذى الشغلات كلها ماتحاج تبدلها الا اذا بغيت تشغل التربو على ضغظ اعلى من 6 psi
اما اذا شغلتها على ظغط 6 psi او الق ماراح تحتاج تبدل شئ غير الكلتش
King_SS
23-01-2003, 12:11 PM
رد مقتبس من MAD MAX
اوكيه ياكنج بالنسبه الى السرعه القصوى حق الماكسيما اتوقع ممكن نتغلب على هاذى المشكله بتغيير نسب التروس او حتى تركيب قير جديد ب 6 سرعات مثلا والا ايش رائيك هل ممكن يكون فية حل ثاني ؟؟
وبالنسبه الى الاشياء الى راح تغيرها يا اخ mtayam
اول شئ راح تبدل الجير لانه صراحه مااتوقع الجير الاوتو راح يستحمل
وثاني شئ لازم يكون عندك كلتش رياضي
وثالث شئ لازم تبدل البساتم
رابع شئ الانجكترات (البخاخات)
خامس شئ يبغ لك LSD هاذ ضرورى اذا كنت تبغى سيارة ممتازه في القوة وفي المناوة وفي القومه وظيفته طبعا في الدفرنش الامامي لانه لما يكون عندك قوه فوق ال 300 حصان في سيارة دفع امامي راح تلاحظ ان السيارة لما تقوم من الصفر دائما تحفط وتحرق الكفرات الى راح يسوسه لك ال LSD انه يوزع القوة بالتساوى على الكفرات الامامية بحيث انه لما المفر اليمين مثلا راح يعمل Over spining راح يشيل القوه منه ويعطيها الكفر اليسار, والعكس
وسادس شئ لازم تبدل المكمبيوتر حق السيارة
طبعا هاذى الشغلات كلها ماتحاج تبدلها الا اذا بغيت تشغل التربو على ضغظ اعلى من 6 psi
اما اذا شغلتها على ظغط 6 psi او الق ماراح تحتاج تبدل شئ غير الكلتش
==============
والله بيني وبينك انا في تلك الايام حاولت بقصارى جهدي اني اغير التروس ولاكن نظامها معقد فوق ما انت تتخيل لدرجة اني فكيت الجيربكس وصلة وصلة .. وحاولت اغير بس للاسف ما قدرت .. فاذا هو قدر يحل المشكلة هادي فالى الامام وانشالله امتعنا بالسيارة واذا ما قدر يحل المشكلة هادي انا كل اللي راح اسويه راح اتفرج عليه وانتظر منه تقرير عن السيارة ... خاصة في الخط اذا وصلت النمرة الخامسة الى 6500 دورة في الدقيقة ..
بالنسبة للجيربكس ال 6 سرعات .. والله فكرة حلوة .. بس هل يوجد 6 سرعات للمكسما .. لاحظ انك تتكلم على سيارة دفع امامي ومكينة بالعرض والجيربكس حقها مختلف تماما عن اي سيارة اخرى
الراوي
23-01-2003, 12:28 PM
مشكوووور يا كنج على شرحك ولا تخاف ما راح اسألك شي ثاني :)
والله انك ولد أصول وما عليك قصور , كفيت ووفيت والله يقدرني ارد جميلك ,,,
أوكي ننتقل الى موضوعكم :
و معليش آسف على المداخله :)
اخواني في جيربكس 6 سرعات للماكسيما وأظن انه يركب على المكينه , لأن الماكسيما 2003 في أمريكا الجير العادي 6 سرعات ,, أظن ممكن يطلبه من أمريكا ويركبه على الماكسيما , انا ما اعرف اذا المكاين تتشابه ولا لأ بس اقول يمكن !! وانتوا أدرى ,,,
وآسف على المداخله , واتمنى لك التوفيق اخوي mtayam
تحياتي للجميع
mtayam
23-01-2003, 05:01 PM
اخوي king ss
مشكور على الرد ومشكوور على النصيحه بس بالنسبه لمدى جديتي في الموضوع انا ابحث الموضوع الحين معاكم اذا فيه جدوى راح ابت في الموضوع على طوووول يعني ما راح اتردد بس اذا راح يواجهني مشاكل وراح تعفسني فوق تحت انا ما عندي اخسر سيارتي كذا وبس وانا انشا الله معاي الين بعد اجازة عيد الاضحى انشا الله راح ابت في الموضوع اما بديت ولا نسيت ومشكوووورين ولا قصرتوا واتمنى لك التوفيق والنجاح والى الامام انشا الله .
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اخوي MAD MAX
مشكووووووووووووووور وما قصرت والبالنسبه للقير ست نمر انا راح اشوف عنه وارد لكم انشا الله
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اخوي ShaY6ooN
مشكووووووووووووووووووور على المداخله ولا اعتقد انه فيه داعي للاسف لاننا هنا كلنا اخوان ولا بيننا هالكلام والله والله والله انو مداخلاتكم تفرح الواحد وتسعده وتحسسه انه في احد مهتم لموضوعه
وشكرا
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
وانا اوعدكم اني انشا الله اذا بتيت في الموضوع وانتهيت بيكون انتوا اول من يشوف اول تقرير عن السياره بس ادعوا للمشروع بالنجاح
وشكرا
اخوكم / متيم
دبل تيربو 2
02-02-2004, 07:46 PM
يرفع موضوع الماكس :cool:
بوخالد
04-02-2004, 10:28 AM
تبا رايي يالغالي
خل المكسيما على صوب وال70 الف اشتر لك سوبرا موديل 97 عليها 2j سته غيار احسن لك
او خذلك سكايلاين جتي ار مودل 99 عليه RB 26
وريح بالك :rolleyes:
والسموووحه