View Full Version : كيا سرانتو هل ستنجح !!!!!!!
الأنصاري
24-01-2003, 11:32 PM
كيا سرانتو هل ستنجح سؤال يطرح نفسة
ربما تكون هذة السيارة الجديدة ابداع لشركة كيا حيث تم تزويدها بكل شئ من مكيف الكتروني وكراسي جلدة وسي دي وفتحة سقف وكروس كنترول وكل شئ تقريبا وعرضها بسعر جيد 80 الف ريال مقابل كل هذة المواصفات
السيارة دفع رباعي مستمر سعة3.5 بقوة 195 حصان
ومحرك اصغر 2.4 بقوة 139
السيارة لاينقصها شئ ولكن المشكلة الوحيدة ان التصنيع الكوري لم يرتقي للمستوى المطلوب مما يجعل الكثير يبحثون عن المثيل الياباني
http://www.passion-auto.com/72%20Kia%20Sorento.JPG
من الداخل
http://www.canadianautoreview.com/sorento-dash-800.JPG
اسمح لي عزيزي حطيت لك الصور في الموضوع حتى يصبح كاملا
زورو الامارات
المسافر
25-01-2003, 12:03 AM
السلام عليم
يالطيب اتوقع انا السيارة
تنجح بنسبة: 30%
وتتوسط النجاح بنسبة :50%
وتفشل بنسبة:20%
مع تحياتي اخك بو عاصم :corsair: :cool: :corsair:
VW-609
25-01-2003, 01:57 AM
اول مره اسمع بها ،،، ياريت لو تحط صوره خلنا نشوفها
مع انها 3.5 بس مافيها قوه ابد
لكن مواصفاتها حلوه
لكن ماتوقع تنجح
الأنصاري
25-01-2003, 03:00 PM
http://www.passion-auto.com/72%20Kia%20Sorento.JPG
الأنصاري
25-01-2003, 03:04 PM
من الداخل
http://www.canadianautoreview.com/sorento-dash-800.JPG
VW-609
25-01-2003, 04:13 PM
السياره حلوه ، وانا اشوف انو التجهيزات حلوه كذلك ،،،
لكن المشكله الي بتمنع انشارها اسمها " كيا "
مشكله الكوري احيانا انو يهتم بالشكل فقط واقرب مثال الهيونداي السوناتا ، شكل من برا تقول جاقور ،، وداخل " وعععع "
واحسن شي داخل بس القير تبترونك
اما التجهيزات والمواد الخام من ادنى الأنواع
الفيصل
25-01-2003, 06:01 PM
انا اوافق رأي الاخ VW-609 جملة و تفصيلاً مثل ما يقولون الناس :D
الأنصاري
25-01-2003, 06:31 PM
يعني لو كانت علامة يابانية في المقدمة بكون في كلام ثاني
VW-609
25-01-2003, 08:02 PM
شكرا لك اخي الفيصل ،،
اخي بو عبود ،، بقول لك مثال
لو التيوتا نزّلت سياره تحت مستوى الأيكو وخلتها بدون مواصفات ومن ادنى المواد الخامه و مره مافيها شي من داخل !
بتقول مابتنتشر ؟؟ طبعا بنتشر اسمها يكفي مع انها خشره
ومشكووور على الموضوووع :)
الأنصاري
26-01-2003, 12:04 AM
VW-609
مشكور اخوي وانا فاهمك
وشكرا على مشاركتك
560SEL
26-01-2003, 12:50 AM
و الله يا أخوان الكوري مشكلته مشكله
يجيك رائع بالشكل الخارجي .. لكن ما يقعد معك شهر واحد الا تسمع منه أنواع القراقيع
واحد من الشباب اشترى هونداي سوناتا 2002 و على ما أذكر راح عليها لمكه ما أمداه يرجع الا من كل مكان من السياره يطلع أصوات و نغمات و ألحان غريبه
تحياتي
من يوم طلعتها من الوكالة
وبعد التمرين الاول
1500 سافرت الى مكة عمرة وكانت السيارة كانها مرجيحة في الخط بعد 120كم قلنا بعد مانرجع ادخلها الصيانة وفي مكة طاح العزم مع وجود ارتجاج خفيف في المحرك قلنا بعد الرجوع ادخلها الوكالة
والله ادخلتها الوكالة وكل مرة يقولون مافيها شيء وآخرتها غيركفرات السيارة بالكامل المرجيحة خفت ولكن هناك مشكلة جديدة السيارة تروح يسار خفيف ومع الدعسة تروح يسار كثير
وركب معي مشخص الاعطال يقول ارني العطل تركت الدوام وصرت ادور معة الطرق السريعة ومحمل معي 30كيلو بلك لاريه ان المساعد الخلفي عطلان وفي الاخير قال لايوجد عطل بغيت اضربة في الطريق من شدة القهر
اقول من شريت السيارة وانا مداوم عندكم واخيرا تقول السيارة مافيها شيء
قلت لة اريد ان اقود سيارة نفس النوع على الطريق لنرى ان كل الانواع تحمل نفس العيب
ووكلت امري لله
الأنصاري
26-01-2003, 04:38 PM
ايش هذا العذاب لالالالالالالالالالالالالالالالالا
تحوشك السيارات الكورية
الله يخيلي الياباني
hait والله قصتك تزعل والدل على الصناعة التعبانة الكورية الله يعينك
زورو الامارات
26-01-2003, 05:59 PM
السلام عليكم
الكوريين في بداية ثورتهم الصناعية
هم استعانوا بتقنية اليابانيين في صناعة السيارات
لكن بدأو الآن يحصلون على تقنيات من صناعتهم
لو تشوفون سيارات الكيا موديل 97 وتشوفون موديل السنه
بتحسون في فرق كبييييييييييير وهذا ان دل على شي انما يدل على ان الكوريين نشيطين جدا ويطورون بشكل يومي تقدر تقول
اصبروا عليهم 10 سنوات وبتشوفون الكوري وين يوصل
VW-609
26-01-2003, 07:18 PM
اخوي زورو الأمارات
بعد 10 سنين صحيح شوف وبين بيوصلون وكذلك شوف باقي العام وين بيوصل بالنسبه لهم ،،
الأنصاري
26-01-2003, 11:19 PM
نظرة حلو منك زورو الإمارات
ومشكور على تعديل الموضوع:D
الأنصاري
26-01-2003, 11:21 PM
نظرة حلو منك زورو الإمارات
ومشكور على تعديل الموضوع:D عشان الخبرة ناقصة
الأنصاري
26-01-2003, 11:22 PM
بس حتى الان الكوري مشكلة الكبيرة في المحرك
silver
27-01-2003, 08:47 AM
سعة 3.5 بقوة 195 حصان
ما قلت لنا كم عزمها يا بوعبود
لأنه يمكن القوة الحصانية صحيح قليلة لكن العزم عالي
زي الهمر مثلاً سعته على ما اظن في حدود 7 لتر وقوته الحصانية اقل من 200 حصان
لكنه يقدر يجر جبل ... على عكس بعض السيارات تلقى القوة عالية لكن مافيها حيل حق السحب والتحميل
وصحيح إنها إذا ما نجحة فهذا بسبب اسمها بس لأن اكثر السيارات هنا تنشرى بسبب السمعة
وصحيح كلام مشرفنا زورز الصناعة الكورية في تقدم مستمر ويمكن تلقى مواصفات فيها ما تكون موجودة عير في السيارات الأروبيه
وعلى فكرة نص العالم إلي ياخذون سيارات كورية سواء كانت هيونداي او كيا او دايو ... يكون حاط في باله انه راح يستعملها لفترة بسيطة سنتين اوثلاث وبعدها راح يشتري سيارة ثانية ... وهذا إلي يخلي السيارة تخترب عنده بسرعة لأنه مش راح يهتم فيها ويسوي لها صيانة في وقتها ولا راح يمشي فيها زي مشيه مثلأ لو كان عنده سيارة بـ 100 ألف ريال ... راح يمر على مطبات بدون ما يهدي ولااح يطيحها في الحفر ويحك فيها وهو مش مهتم
وآخر شيء يجيك يقول الصناعة الكورية مش زينة ... :) ياخي عدل سواقة اول بعدين تكلم