استفسار مهم ومطلوب الرد من ذوي الخبرة (عاجل جدا)

[lexus ES300]

مرحبا شباب

بدخل في الموضوع على طول

طبعا سيارتي ليكزس ES300 2002 وماشية تقريبا 27000 كم وامس رحت الوكالة للتأكد من حالة السفايف(القماشات) وبعد الفحص
اتضح ان حالة السفايف تمام بمقدار 8 ملم للأمام و 7.2 للخلف طبعا من 11 ملم

ولكن المصيبة طلعت من( الدرام ويل) قالي يبليه تورنه (خراطه)

السؤال : كيف اخترب الدرام ويل والسفايف ما اختربت؟؟؟؟؟؟؟؟؟؟؟؟؟

مع العلم بأني ما بدلت السفايف يعني مثل ما استلمتها من الوكالة

طبعا أنا أمس عفستهم في الوكالة واليوم بكمل عفستهم على الساعة 3 العصر
المطلوب أدلة دامغة من الشباب على انا كلامي مظبوط ولكي أتلافى لعانة الوكالة وأسالبيهم الملتوية .
لأنهم اتهموني بأني بدلت السفايف بره

أرجو الرد للأهمية
وشكرا
:confused: :confused: :confused: :confused: :confused:

[lexus ES300]

اشدعوه يا شباب ولا رد أفا والله ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[deaddly 99 yukon]

اصلا هي بالغقل مو معقوله شياره ماشيه 27000 و تخرب هوباتها لكن انت تعرف الوكاله يبغو يخسروك باي طريقه
صراحه ما عندي ادله لكن العمليه واضحه بالنطق حتى لو انك بدلتهم برا ايش المشكله؟

[الأنصاري]

الصراحة ما عندي تفسير انا اعرف ان الدرامويل يغرب لمة تسوق السيارة وسفايف رايحة بس السفايف ممتازة وانت مامغيرها من قبل
وسيارتك لكزس يعني جودة
ماعندي تفسير

[560SEL]

و الله غريبه ان الفحمات سليمه و الهوبات خربانه :confused:

هذي غير مقبوله منهم أبدا

شوف الهوبات تنعرف اذا كانت خربانه ام لا !!

مش اصبعك على الهوب اذا لقيت فيه تجاعيد فاعرف انه لازم توديه المخرطه (طبعا التجاعيد لازم تكون عميقه ) و لا توديه المخرطه الا اذا كان الهوب سميك اما اذا كان الهوب دقيق ممكن ينكسر اذا خرطته

هذا اللي اقدر اقوله لك




تحياتي

[زورو الامارات]

السلام عليكم

يا اخ lexus ES300 منزل الموضوع الساعه 10.56 صباحا كلنا في الدوامات والي في كليته وين نحلق نرد ؟؟

بالنسبة لمشكلة الدرامات او الهوبات هذي مشكلة عويصه في تويوتا

اللاندكروزر الاوتوماتيك 97 فيه هذي المشكلة

وكذلك الجديد ال8 سلندر

فما ادرى شو الحل مع هذة المشكلة

دائما اسمع الشباب يسوون خراطه للدرامات خصوصا تويوتا شي اكيييييييد تسويه

[lexus ES300]

مشكورين يا شباب وانا طبعا ماني ساكتلهم وماقصرتوا