View Full Version : شرايكم في هذي السيارة وبكل صراحه
زورو الامارات
22-03-2003, 02:17 PM
السلام عليكم ورحمة الله وبركاتة
ابغي رأيكم في هذي السياره بكل صراحه يعني الي سمع عنها شي يقوله او الي يملكها يقول تجربته عنها من عيوب او مميزات وكل شي اذا امكن
http://www.lexus.com/images/showroom/model/gallery/extphotos/gs/ext_GS-275.jpg
http://www.lexus.com/images/showroom/model/gallery/extphotos/gs/ext_GS-314.jpg
http://www.lexus.com/images/showroom/model/gallery/extphotos/gs/ext_GS-278.jpg
من الداخل
http://www.lexus.com/images/showroom/model/gallery/intphotos/gs/int_GS-382.jpg
http://www.lexus.com/images/showroom/model/gallery/intphotos/gs/int_GS-294.jpg
المحرك :
6 اسطوانات على خط مستقيم
بسعة 3000 سم مربع
بقوة 220 حصان
الرجاء من الشباب ابداء آرائهم بكل صراحه ووضوح
ولا تبخلون علينا بأي شي عنها
تحياتي
سيارة جيدة من لكزس لكن بدات مبيعاتها تقل في الامارات علشان جذه أقولك لا تشتريها وانتظر الموديل الجديد اذا مفكر تشتري مثلها :damp:
760IL
22-03-2003, 03:04 PM
انا كنت من مالكين موديل 2001 وبصراحه السياره ماشفت منها ولاعيب او اي خراب اطلاقا (ماشي عليها 55000 + الكرف)والسياره في الثبات انا اشهد لها بقوه تصور امشي بيها 200 كلم وكانه شي عادي وايضا صرفيه ممتاز وماخلاني ابيعها الى علشان ادرس والله وفي الراحه طبعا مايحتاج اقول ..لكزس ..عيبها الوحيد عدم وجود شاشه معلومات
وجنوط مقاس 18..فقط واذا عندك سؤال انا في الخدمه
gs300_2003
22-03-2003, 03:36 PM
يعني سيارة ممتازة اكيد ما في خرابات يابانية بالنسبة للشاشة و الجنوط الكبيرة الموجودة في الفئة الخامسةو الفئة E عيب من و كيل لكزس مش مصنع لأنها اصبحت تقريبا اساسية في السيارة في الدول الأوروبية... بس انتشرت انتشار كبير بين الشباب... نسيت ان اذكر انها ذات هدوء كبير وراء محركها القوي 232 حصان..
خليل أبو سمرة
22-03-2003, 04:13 PM
رد مقتبس من AMG
سيارة جيدة من لكزس لكن بدات مبيعاتها تقل في الامارات علشان جذه أقولك لا تشتريها وانتظر الموديل الجديد اذا مفكر تشتري مثلها :damp:
السيارة عن تجربة فهي ما عليها كلام
:glasses: SL 55 AMG:glasses:
عمرTarga
22-03-2003, 04:31 PM
والله سيارة حلوة وممتازة
GS300 '98
22-03-2003, 06:44 PM
سيارة 100%
سيارتي مشيت بها تقريبا 99000 كيلو + دعس وسرعة (مو ناقص الا افحّط بها :D )
والحمد لله عال العال .. ماصادفني فيها مشاكل رئيسية .. يعني كلها خفايف ..
اذا ناوي لك على وحده .. لا تتردّد .. واذا تنتظر الشكل الجديد يكون افضل ..
Oettinger
22-03-2003, 07:25 PM
سيارة جيدة
مشاكلها قليلة
فحمات او قماشات البريكات بسررررررررررعة تتآكل
قطع غيارها غالية جدا جدا جدا جدا
تتحمل كرف
ثباتها في المنعطفات "عادي" مو ذاك الزود مو زي الالماني
في الخط راسية وحلوة
من الداخل في الخلف ضيقة بالنسبة لحجمها
تصميمها فيه بعض العيوب وبعض من عدم التناسق ، وقديم الان
غير مميزة
CAMARO4EVER
22-03-2003, 10:17 PM
والله وقمة الفخامة والروعة...:)
السيارة عند واحد من ربعي و موديل 2003.
انا حربت السيارة و هي في القيادة ممتازة و هادية لاخر درجة كما اشتهرت سيارات لكزس. موخرة السيارة غير متناسقة و تحتاج تغيير.
على كل، السيارة راح تتغير 2004.
التصميم الداخلي مو ذاك الزود و من وجهة نظري احس اني راكب تويوتا عادية. السيارة ما فيها كمبيوتر يحسب المسافات و الوقود المستهلك الخ. من وجهة نظري اشوف انك تاخد ES300 سبورت احسن لك. تصميمها الداخلي قمة في الاناقة و الروعة و المحرك قوي ايضا. انا حربت السيارتين و احس انES اشخص بكثير. على فكرة الES جذابة اكثر و بشهادة "بنات" اللي هوم يقيمون شكل السيارة الخارجي احسن من الشباب. أسف على الاطالة
تحياتي
الأنصاري
23-03-2003, 07:18 AM
اهلا زورو الإمارات
انا كلمت واحد صديق لبناني من شركة لمزين عندنا في قطر عشانك لأنهم يستخدمون هذة السيارة اضافة للكابرس
وقالي ان السيارة حلوة وقوية مرة وفخامة وهدوء بس ماتناسب سيارات المزين لأن السيارة تشتغل 24 ساعة وتخيل سيارة2001 ماشية 200 الف قالي على مدى الكرف الطويل تضهر مشاكل في المكينة والجير بس انت لاتاخذ هذا مقياس لأنك مش حتكرفها كل هذا الكرف اما الكابرس فتضهر مشاكل في كل شئ الا المكينة ((احسن شئ في الكابرس))
واضافة مالها داعي بس سيارات الكزس استبدلت بكامري جراندي2003 اتوقع نفس الشئ لأن الإثنين اخوان واتوقع السبب الرئيسي هو توفير قطع الغيار