View Full Version : تجربة لكزس 430 كوبيه
سيف الإمارات
11-05-2003, 09:17 AM
السلام عليكم ورحمة الله وبركاته
كيف حال شباب سوالف :) من زمان ما كتبت موضوع
أعذروني على قلة الصور
بصراحة صورتهم بالتلفون وما توقعت أني أقدر أحطهم على الكمبيوتر
http://www.arab3.com/upload/images/May03/jaraa7_FZtrVx.jpg
شكل اللكزس الخارجي جذاب و ملفت للنظر خاصة مع اللون الأحمر..جربت السيارة بعد ما فتحت سقفها
السيارة هادية لدرجة كنت أفكر أني ما أنتبه لصوت العادم إلا بعد ما أطفي السيارة.
علشان تقدر هذه السيارة لازم تنزل سقفها بصراحة تسوى قيمتها التي برأيي رخيصة (205000 درهم)
طبعا المقاعد الخلفية للزينة أكثر من أنها عملية
لا يستطيع أي شخص بالغ الجلوس في الخلف خاصة إذا السقف مرفوع
http://www.arab3.com/upload/images/May03/jaraa7_rgBIHj.jpg
بالنسبة للتجهيزات
تحتوي السيارة على كل شئ ماعدا شاشة تلفزيون وهذا عيبها برأيي
ولكن مسجلها أفخم نوع (مارك ليفنز) أذكر قيمة هذا فقط في أمريكا بين 3-4 ألف دولار
عداد السرعة الوحيد في لكزس ذو 280 كم\ساعة
الثبات
اللكزس هذه نظام تعليقها مختلف كليا عن أي لكزس ثانية
تحس في السيارة بأنها سبورت مع قدر من الراحة الجير الأول قصير ويسمح للسيارة بتسارع ممتاز
بصراحة قيادة السيارة هذه متعة وعملية كأي لكزس ثانية
ولكن في رأيي المشكلة الوحيدة في قلة الطلب وخاصة عند بيعها
عند تجربة السيارة لاحظت مشكلة الحساس للسقف بعد إغلاقه يبين أنه مش مغلق
وهذه العطل تم إصلاحه في الوكالة
**************************
أي سؤال أنا حاضر :glasses:
زورو الامارات
11-05-2003, 09:38 AM
السلام عليكم
سيف الامارات
تجربة فريده بصراحه لسياره متميزه وشخصيه
ياليت تنزل لنا صور اكثر اذا كان عندك
فالصوره تسوي شغل وتغنينا عن الف سؤال
E_TYPE
11-05-2003, 10:52 AM
رد مقتبس من زورو الامارات
السلام عليكم
سيف الامارات
تجربة فريده بصراحه لسياره متميزه وشخصيه
ياليت تنزل لنا صور اكثر اذا كان عندك
فالصوره تسوي شغل وتغنينا عن الف سؤال
أمير أبوظبي
11-05-2003, 11:21 AM
يعطيك العافيه والف شكر على التقرير عن هذي السياره المميزه ، بس ملاحظ ان شكل عدادات السرعه في شبه كبير من العدادات الخاصه بالمرسيدس SL 500 وفي الحقيقه هذا مش شبه هذا تقليد 100 % :)
امر اخر او تصحيح لما قيل بان هذا العداد هو الوحيد من لكزس المرقم حتى 280
والحقيقة ان اللكزس LS400المواصفات الاوروبية وخاصة الالمانية عدادها مرقم الى 280 ك من اول موديل لها ....اعتقد 90 ميلادي
وشكراً
بداية شكر خاص على الموضوع.احس ان مبلغ 205000 على ياباني وايد. ادور لي M3 مثل اخونا اوتنجر وايد احسن.
CAMARO4EVER
11-05-2003, 01:24 PM
رد مقتبس من 745
بداية شكر خاص على الموضوع.احس ان مبلغ 205000 على ياباني وايد. ادور لي M3 مثل اخونا اوتنجر وايد احسن.
الأنصاري
11-05-2003, 02:08 PM
والله حلوة فخمة سريعة بس ملاحظاتي عليها
لو ماكان في كراسي خلفية افضل وتكون المساحة في مصلحة السائق بدل انها زينة
السعر غالي واكيد اذا صار لها حادث اول خراب بتدفع مبالغ نار
ما اعتقد ان مبيعاتها بتكون عالية لأن سعرها غالي وتعدد البدائل
Crower
11-05-2003, 04:21 PM
السياره رغم ان الكثيرين يستكثرون هالسعر فيها الا اني ضدهم
ولد عمي اشترى وحده مواصفات خليجيه ( اول وحده في ابوظبي )
و نفس اللي فوق بس اللون الداخلي يختلف... و استعملها في الامارات و الحين شحنها بريطانيا و يستعملها هني, السياره مريحه جدا ( باستثناء الكراسي الخلفيه) و عمليه لاقصى الحدود و احسن ما فيها لكزس يعني الحمدالله خرابها شبه معدوم ( تويوتا) و قطع غيارها اسعارها مناسبه و الصوت شبه معدوم من الداخل و الخارج.. الحين السياره كملت فتره عنده و لين الحين ماشي مشاكل ابدا ابدا ( من حر البلاد لين بريطانيا و مطرها و ثلجها) و بالنسبه لسعرها اعتقد انها اكثر من جيده... هذا عن تجربه شخصيه مطوله مع السياره و هذا اهداء مني
http://store3.yimg.com/I/ntnsracing_1740_11844349
HaKeM
11-05-2003, 04:41 PM
مشكور أخوي سيف الإمارات على الصور والمعلومات لكن عيبها الكراسي الخلفية يريت يشيلوها لأنه مالها داعي وسعرها مبالغ فيه.
تحياتي:D
روح الامارات
11-05-2003, 06:30 PM
يعطيك العافية اخوي سيف الامارات على التجربة وفعلا السيارة قمة في الروعة وافضل ميزاتها تجاوبها على السرعات العالية والمنعطفات الحادة :) :)
لكن اسمحلي انا زعلان منك :( :( :mad: قطعتني وصرت ماعرف عنك لاحس ولا خبر من فترة طوووووووووووويلة .
تحياتي لك
روح الامارات
760IL
11-05-2003, 07:00 PM
انا اشوف ان السعر مناااااااااااااافس جدا ورخيص على سياره بهالمواصفات...لاكن شكل الجنوط لك عليهم شوي
سردال
11-05-2003, 07:41 PM
رد مقتبس من مسولفي
بس ملاحظ ان شكل عدادات السرعه في شبه كبير من العدادات الخاصه بالمرسيدس SL 500 وفي الحقيقه هذا مش شبه هذا تقليد 100 % :)
ما أوافقك، هذه ثاني مرة اليوم أكتب نفس الملاحظة تقريباً (الأولى كتبتها في موضوع AMG عن سيارة مرسيدس V-class الجديدة)
SL من مرسيدس جاءت بعد لكزس SC430، والجديد يأخذ من القديم، يعني لازم نقول إن مرسيدس قلدت لكزس!
سيف الإمارات
11-05-2003, 10:00 PM
^1
أحب أشكر المشرفين على تثبيت الموضوع وجزاهم الله خير
زورو الامارات عندي صورة واحده ما حطيتها .. وإن شاء الله بحطها في الموضوع ....
E_TYPE
بنزل الصورة المتبقية عندي قريب إن شاء الله
:)
سيف الإمارات
11-05-2003, 10:06 PM
مسولفي
بصراحة ما لاحظت الشبه في العدادات بينها وبين ال500 SL
بالمناسبة كانت لي تجربة قبل سنة مع المرسيدس SL500
وبصراحة من ناحية القوة حسيت في فرق بين السيارتين على سرعة 120 وفوق
المرسيدس أقوى بشكل واضح
**********************************
S8
:D كان قصدي أسواق الخليج فقط
وبصراحة نسيت أن اللكزس الألمانية عدادها 280
سيف الإمارات
11-05-2003, 10:13 PM
745 & camaro4ever
ب205 ألاف تقدر تشتري أم3
ولكن هذه السيارة تصنيفها غير عن اللكزس الكوبيه
حتى الأم 3 الكشف ما تتصنف مع اللكزس في فئة الرودستر
أريدكم يا شباب تروحون موقع اللكزس في امريكا وتشوفون فرق السعر
بتلقونه أقل شئ 20 ألف درهم إذا ما كان أكثر
********************************************
بوعبود الكراسي الخلفية لعدة أسباب منها التأمين يكون أقل سعره ثاني شئ فئة السيارة ال2+2
لكزس ما تريد تغيرها
بالنسبة لقطع الغيار أكيد غالية لكن ما بتحتاج تدفع قيمتها إلا إذا صار حادث لا سمح الله
*******************************************
AMG
أشكرك ;)
سيف الإمارات
11-05-2003, 10:19 PM
:) Crower
أشكرك على الصورة الحلوة
شكل السيارة فعلا متميز على الطبيعة أكثر من الصور
أذكر أول مرة شفتها في امريكا على الشارع.. العالم ما قادرين يشلون عيونهم من عليها
*********************************************
حاكم العدل
فعلا الكراسي الخلفية ما توسع كرسي أطفال ولكن أتوقع لهم حاجة مستقبلية لهن.
:)
سيف الإمارات
11-05-2003, 10:29 PM
^1
روح الامارات أول شئ أحب أعتذر عن إنقطاعي وأرجو أنك تسمح لي
الفترة الأخيرة كانت صدق متعبة بالنسبة لي كلها شغل وسفر.
برسلك على الإيميل البقية
;)
****************************
غريبة أنا عجبني جنوطها :damp:
:D
*******************************
سردال
جزاك الله خير على الملاحظة
اللكزس نزلت قبل المرسيدس بسنة تقريبا
سيف الإمارات
11-05-2003, 10:40 PM
هذه الصورة الوحيدة المتبقية عندي وأعذروني على وضوحها
http://www.arab3.com/upload/images/May03/jaraa7_FgBzHj.jpg
:rolleyes:
خليل أبو سمرة
12-05-2003, 05:03 AM
أنا من رأي الشخصي أن اللكزس جميلة و رائعة و عملية و سعرها معقول نسبيا .
ولكن
بسعر 205.000 درهم ممكن أجيب شي أفضل منها 10000 مرة ( مع احترامي ) عندكم سيارات أوربية كثير تسولى أقل من 205000 و أفضل من اللكزس .
أنا ما أتكلم عن نفس الفئة أنا أتكلم على السيارات عموما
أذكر أن في شخص من سوالف أو في أحد المجلات شفت مرة مقارنة بين مرسيدس اس ال 500 و هذه اللكزس وكانت مرسيدس متفوقة عليها بجدارة و بدون مقارنة في بعض النواحي أيضا
شكرا
:glasses: SL 55 AMG:glasses:
سيف الإمارات
12-05-2003, 07:28 AM
^1
760IL
السعر حلو إذا بتقارنه مع مرسيدس الجديد 240 كامل الموصفات (قريب من 200 ألف درهم)!! بس الجنوط حلوات في رأيي:D
*********************************************
SL 55 AMG
الأختيارات مفتوحة بس كلها تنبني على كم ناوي الشخص يصرف على السيارة
:glasses:
gs300_2003
12-05-2003, 10:27 AM
لأسف لكزس تفوقت في دول اوروبا و امريكا بسبب المواصفات والسعر المنخفض بعكس دول الخليج خصوصا السيارة في السعودية 220 الف فرق 15 الف عن الإمارات و بدون مواصفات تستحق انا متأكد لكزس ال اس 430 مع كل الإضافات 180 الف ريال كاش في المانيا سعر منافس في عقر دار المرسيدس و البي ام (المصدر عم الوالد ساكن المانيا و عنده معرض سيارات مرسيدس )...:confused: :confused: :confused:
ACCORD-V6
12-05-2003, 04:33 PM
مشكور على التجربه اخوي سيف الامارات
وبصراحه السياره على الطبيعه افضل بكثييير عن الصور
جنوطها حلوه
وشكرا...
Saleen_UAE
13-05-2003, 04:00 AM
السلام عليكم
سيف الامارات أشحالك هذا أول موضوع من بعد سفرك وعموما مواضيعك كلها موفيده وماشاله عليك بحر في السيارات أعرفك أتموت على السيارات :D :D
SL 55 AMG
أن هب معاك في الراي الآحين السيارات الالمانيه أبسعر الكزاس كلها 6 و 4 سلندر يعين مافي عزم وبعدين لآحظ صوت المكينه في السيارات الألمانيه الي موب 8 سلندر أتلآحظ صوت المكينه عالي بدون قوه.
أبصراحه الكزاس سياره لكن ماقارنه بلمرسيدس 8 سلندر أو البيام 8 سلندر.
رأيي الشخصي وأن متاكيد أن سيف الامارات معي في الراي وألا تراني بدعس معاك ههههههههه VTC all the way
السائق المثالي
13-05-2003, 08:30 AM
تجربة ممتازة ...
وسعرها أتوقع انه منافس ومناسب ..
سيف الإمارات
13-05-2003, 08:50 AM
^1
gs300_2003
بصراحة الأسعار في ألمانيا فاجأتني بها
ولكن في امريكا متأكد أغلى
*******************************************
ACCORD-V6
أنا معاك شكلها على الطبيعة أحلى دائما
سيف الإمارات
13-05-2003, 09:09 AM
^1
Saleen_UAE
إشحالك ؟؟؟
إشتقنالك يا أخي
:D شخبار الشباب؟
أنا دوم معاك في الرأي ما نختلف في قضية ;)
سيف الإمارات
13-05-2003, 09:10 AM
شبابي
تسلم على المشاركة:glasses:
غريب السيف
13-05-2003, 10:23 AM
تسلم اخوي سيف الامارات على تجربة هذي السيارة الغامضة لكثير منا ونحتاج فعلا لتجارب مثل هذي في المنتدى
رغم اني لست من عشاق لكزس الا اني ارى ان سعرها منافس خاصة ان محركها 8 سلندر يعطى عزما قويا
ولكن سمعت ان صيانتها غالية جدا وقطع غيارها مرتفعه جدا ..مادري لو اخبرنا باللي تعرفه ..
وثاني شي هل مستوى الرؤية الخارجية للامام والخلف جيد وما هو مستوى صرف الوقود ؟
والتماسك على الطريق والثبات على المنعطفات؟؟
والسموحه
سيف الإمارات
13-05-2003, 10:49 AM
السلام عليكم ورحمة الله وبركاته
غريب السيف بالنسبة لصيانة اللكزس كل 20 الف ما تتعدى 1300 و كل 40 الف حوالي 1750 درهم هذا على حسب علمي وهذه أغلى صيانة لها
أما تبديل الزيت فهو كل 5000 كيلومتر بحوالي 330 درهم مع التشييك العادي
مقارنة مع المرسيدس 500 سي ال 800 درهم كل 10000 كيلومتر
قطع الغيار أكيد غالية
أما بالنسبة للرؤية فهي واضحة في الأمام أكثر من الخلف
بس صار لي موقف طريف وهو شفت واحد عنده لاند كروزر ما شاف أضواء المكابح عند الوقوف شغالة وكان بيصدمني من الخلف
بس الله ستر :headshak:
ما أدري هذا يرجع لعدم إنتباه أو لصغر حجم السيارة !!
الثبات ممتاز جدا و أقارنه مع السيارات السبورت بس مع تعليق مريح في نفس الوقت
والشئ المثير أيضا هو هدوئها على سرعات عالية حتى عندما يكون السقف مفتوح
بالنسبة لصرفية الوقود ما لاحظت أي صرفية (متعود على سيارات تصرف :D ) وبالرجوع للأرقام اللكزس تصرف في المدينه حوالي نفس صرفية اللكزس الأربع أبواب وهي نسبيا إقتصادية
زورو الامارات
13-05-2003, 04:34 PM
السلام عليكم
سيف الامارات
من ناحية ان انوار البريك الخلفيه صغيره وماتلاحظ بسرعه
كلامك صحيح كان من الافضل للكزس تكبيرها
لكن من النواحي الثانيه السياره ممتازه
لكن بحاجه الى لمسات فنيه اكثر تبرز جمالها
مثل رنقات متناسقه مع الشكل
شكلك وتصميم للاكزوزات جديد
يعني مثل هذي الاشياء
ويبغي لها دعايه اكثر
سيف الإمارات
14-05-2003, 04:55 AM
السلام عليكم ورحمة الله وبركاته
زورو الامارات
السيارة هذه تختلف عن باقي سيارات اللكزس في
سواقتها متعة:D
عيب باقي سيارات اللكزس إنهن هاديات وما لهن أي متعة خاصة في السواقة نفس الألماني
بالنسبة لشكل الرنجات و الأكزوز
حتى في مجلات السيارات أختلفوا أذكر حد عجبهم و حد لا
رأي الشخصي كلما كان عند المشتري أكثر من خيار بالنسبة للرنجات كان أحسن (نفس البي أم)
وأنا معاك أن دعاية لكزس لسيارتها هذه بالذات ضعيفة في سوقنا لكن أتوقع أنهم يدرون إلي يريد السيارة بيطلبها
ربيعي هذا إلي شرا السيارة أنتظر اللون الي يريده يمكن 3 شهور
:glasses:
غريب السيف
14-05-2003, 12:52 PM
شكرا اخوي سيف الامارات على ردك الوافي ..
كلامك غير نظرتي للسيارة بشكل كبير واراها الخيار الاول لراغبي القوة والفخامه ومتعهالقيادة في سيارة واحده
corvette 40th
14-05-2003, 07:24 PM
سيف الإمارات
وين هذه الغيبة الطويلة
يقولون (من طول الغيبات ياب الغنايم) !!!
و انت بالفعل يبت الغنايم :banana:
و الله تجربة ممتازة، و اختيارك كان موفق في اختيار هذه السيارة و عرض التجربه في المنتدى، لان هذه الشركة تويوتا/لكزس من الشركات المغضوب عليها هني في المنتدئ (ما ادري شو هو السبب؟!؟)، بعض الاعضاء الله يسامحهم (يجهل) حقيقة و تاريخ هذه الشركة، و خصوصآ من الناحية التكنولوجية، و فضلها على الشركات العالمية الاخرى من ضمنهم مرسيدس و غيرها، مرسيدس أخذت و استفادت من تويوتا بشكل اكبر و ليس العكس.
تويوتا هي من وضعت الانظمة الصناعية الحديثة و جعلتها في حيز الاستخدام. و تعتبر الان المثل الاعلى في مجال الصناعة كنظام صناعي متكامل، كل ما على الشركات الثانية هو التقليد و محاولة الوصول لهذا المقام ;)
على فكرة شو استراليا وياك؟ و شو اخبار الدراسة؟
بس الظاهر انك في البلاد، اذا في الامارات، كم بتيلس فيها؟ اذا بتطول يمكن في الصيف نتلاقى
:) :) :) :) :)
سيف الإمارات
15-05-2003, 08:10 AM
^1
corvette 40th :D
إشحالك؟؟؟؟؟؟؟؟؟؟؟؟؟
عساك طيب
إسمح لي على غيابي
كلها شغل ودراسة :(
كيف أخبارك أنت؟؟
أنا الحمدلله بخير و الحين في استراليا
والدراسة ماشية أظن :help:
بس يبالها صبر و شد حيل
ودي أتلاقى وياك بس شكلنا ما نجتمع في الإمارات في وقت واحد
رجعتي القادمة إن شاء الله في سبتمبر أو أخر أغسطس
إن شاء الله بنتشاوف فيها:)
التجربة هذه كانت قبل حوالي 3 أسابيع كنت في الإمارات