View Full Version : Accord (H22a) Vs. Caprice SS (LS1)
السلام عليكم
اليوم جربت مع كابريس SS موديل أظن 2002 بالاكورد تبعي 4 مرات ،
3 طلعات كانت من الصفر (من عند 3 أشارات ضوئية) لغاية سرعة 170 كلم/ساعة والطلعة الرابعة من سرعة 120 لغاية 190 كلم/ساعة........(هذا وقتك يا SPOON CHIP:()
ودي أسمع التوقعات وبعدها أعطيكم التفاصيل الممل...........(للأسف لا يوجد فيديو).
على فكرة الكابريس فيه 3 أشخاص (السائق + 2 ركاب) وأنا لوحدي...
silver
11-07-2003, 07:11 PM
اتوقع انك طلعت على الكابريس ... لأنها راح تكون اثقل من سيارتك ... وكذلك ممكن تحرق في البداية وهذا يمكن راح يعطيك وقت علشان تطلع :)
A7medo
11-07-2003, 07:27 PM
الكابرس قومة أو خط
Accord-R
11-07-2003, 09:48 PM
رد مقتبس من A7medo
الكابرس قومة أو خط
لو تركيب لك كمبيوتر السبوون اللي تتكلم عنه .. بدوون منازعه انت اللي تطلع ..
(( مجرب))
SPOON SPORT
evo.505
11-07-2003, 11:17 PM
والله تبي الصراحة انا ماادري ايش مسوي بالأكورد تبعك علشان اعطيك توقعاتي:D
بس ممكن احد يعطيني معلومات عن الكمبيوتر اللي تقولوا عنه SPOON SPORT ايش يسوي وكم سعره وكم يعطي حصان زيادة ويركب على اللومينا SS ولا لا;)
Dreams_Maker
11-07-2003, 11:36 PM
رد مقتبس من evo.505
والله تبي الصراحة انا ماادري ايش مسوي بالأكورد تبعك علشان اعطيك توقعاتي:D
بس ممكن احد يعطيني معلومات عن الكمبيوتر اللي تقولوا عنه SPOON SPORT ايش يسوي وكم سعره وكم يعطي حصان زيادة ويركب على اللومينا SS ولا لا;)
نفس الشي
:D
:banana:
بس اتوقع الكابرس يجيبك بنهايه الخط
D_M
:)
ويلووو
12-07-2003, 02:08 AM
والله اشوفك مبدع اخووي ...
صرت تلعب وي الكبااار هع هع
اتوقع انك تقدمت عليه في البدايه بفرق سياره او اكثر وبعدين بدأ يتقرب اليك ..
وحيوووووو
760IL
12-07-2003, 05:11 AM
اتوفع الكابريششش لفارق القوه الكبير
corvette indiana police
12-07-2003, 05:31 AM
اتوقع اللي من الصفر كلها لك
والخط للكابريس
corvette indiana police
12-07-2003, 05:34 AM
للي وده يعرف زياده عن اكورد جاسم (http://www.swalif.net/sforum1/showthread.php?threadid=164019&highlight=%C7%E1%C8%CD%D1%ED%E4)
فـهـد
12-07-2003, 08:18 AM
الهوندا قومه وخط ;)
بما اني لا أعرف وظيفة وامكانيات الـ SPOON CHIP
لذلك أتوقع الكابريس طلع عليك وبالراحه كمان خط وقومة وأرض وجو وكله
تحياتي
جاسم
اعطيني ايميل تفتحه باستمرار
السلام عليكم
هذه تفاصيل الأحداث التي حصلت الليلة الماضية :
أنا طلعت بالسيارة على أمل ألاقي أحد أتسلى معاه (ما يهم إذا فزت أو خسرت) ، لفيت في الكورنيش ما لقيت شيء يحمس ، طلعت لمضمار الخبر لسباقات الأشارات السريعة (شارع الظهران):D كالعادة لأني دائماً ألقى أحد أتونس معاه على هذا الشارع.......
أخذت الشارع بطوله ما لقيت شيء يسوى.
رجعت أيضاً لا جديد،
في المرة الثالثة أنتبهت لكابريس أبيض يتمشى على راحته ، قلت في نفسي أن شاء الله ما طلع إللي فيه واحد شايب أو مع عائلته ،
وصلنا الأشارة ، وفي الصف الأول ، ووصل الكابريس الأس أس وفيه ثلاث شباب من منطقة (.........) ، بعده وقف أكورد موديل 2003 وفيه 4 على ما أظن .....
إللي في السيارتين نزلوا و :banana: :banana: :banana: <ما يحتاج أكمل>
قبل ما تفتح الإشارة ، أنا عطيتهم دعسة بنزين أعلن فيها إني بتسابق ، إللي في الأكورد فهم الإشارة ،
الإشارة فتحت عندنا ، طلعت طلعة عادية وبعدها كبست ، طلع معاي الأكورد وبعدها طلع الكابريس ،
من الأول قلت باي باي للأكورد (4 أشخاص وتلاقيه أوتو :sleep: ) ، بدلت ثاني ، الثالث ما ضبط معاي إلا بالهواش والكابريس جاي مقلع والفرق كان بيني وبينه في حدود سيارة ونصف .
عند الإشارة ، نزل صاحب الأكورد ودار الحوار التالي:
هو: السلام عليكم
أنا : وعليكم السلام
هو: المكينة إللي عليها وكالة؟
أنا : لا
هو: وش عليها؟
أنا : كل شيء (مع إبتسامة خبيثة;) )
أما راعي الكابريس فنزل من السيارة و :banana: :banana: :banana:
قبل ما تفتح الشارة ، ركب صاحب الكابريس ، عند إشارة الأنطلاق أنطلقت أنا والكابريس ، من الغيار الأول لغاية الغيار الثالث وصدام سيارتي الأمامي مع الرفر الخلفي للكابريس ، ببدل رابع للأسف حطيتها ثاني! وأنتهت الجولة بدري:o
عند الإشارة الثالثة ، فتحت النافذة ، وسألت صاحب الكابريس "تجرب مرة ثانية؟"
وافق ، في هذي الطلع كانت النتيجة نفس نتيجة الطلعة الثانية لغاية الغيار الرابع ،
هنا صعدنا في كبري وعلشان كذا إحنا خففنا السرعة ، وطلعنا من سرعة تقريباً 120 ، ودعسنا ،
المفاجئة ، إني مسكت معاه من 120 لغاية 190 .
توقعي لو أني مركب الـSPOON CHIP بطلع عليه وبعطيه فرق لكن بيكون فرق قليل وخصوصاً على السرعات العالية لأن سيارتي في السرعات العالية تسحب سحب غير طبيعي ، ليش ما أدري!
لكن لو تكون الطلعة متكافئة ، يعني أنا لوحدي (مع SPOON CHIP) وهو لوحده ، أتوقع بتكون النتيجة متكافئة لغاية 200 وبعدها ..... الله أعلم..
الـSPOON CHIP وظيفته تغيير برنامج كمبيوتر السيارة ، فهو يحتوي على Fuel Mapping مختلف و Ignition Timing محسن يعطي تقريباً 15 حصان على الداينو ، بالأضافة إلى أنه يزيل محدد السرعة ويجعل الـVTEC يعمل عند 5000 RPM بدل من 5200 وأيضاً الـRev Limiter يعمل عند 8500 RPM بدل من 7800 RPM.
وأخر ميزتين لوحدهم تنفع كثير بأن يبقى المحرك في مجال الـVTEC لأطول فترة ممكنة
ففي البرنامج الأصلي عندك فقط 7800-5200 = 2600 RPM
بينما مع Spoon فلديك 8500-5000 = 3500 RPM
M5
أيميلي:
binabd@yahoo.com
أن شاء الله أجرب مرة ثانية بس أكيد بيكون في كاميرا.....
Third Eye
12-07-2003, 04:32 PM
مبرووك يا جاسم
صراحة هاذي الى أسميها سيارة تكون من الخارج عادية جداً
يستهين بيها الواحد....لكن
في الميدان ياحميدان
وإنشاء الله تكمل سيارتك في القريب العاجل
Dreams_Maker
12-07-2003, 11:51 PM
رد مقتبس من NFS
السلام عليكم
هذه تفاصيل الأحداث التي حصلت الليلة الماضية :
أما راعي الكابريس فنزل من السيارة و :banana: :banana: :banana:
راعي الكابرس ويش سوى بالضبط....:confused:
قبل ما تفتح الشارة ، ركب صاحب الكابريس ، عند إشارة الأنطلاق أنطلقت أنا والكابريس ، من الغيار الأول لغاية الغيار الثالث وصدام سيارتي الأمامي مع الرفر الخلفي للكابريس ، ببدل رابع للأسف حطيتها ثاني! وأنتهت الجولة بدري:o
LoooooooooooL.........,وليه حطيته على الثاني...شدعوه ارتباك هذا ولا شنو :D
D_M
:)
evo.505
13-07-2003, 12:32 AM
ماشالله اخوي NFS الله يعطيك خيرها ويكفيك شرها:)
اخوي Dreams_Maker يقولك (أما راعي الكابريس فنزل من السيارة و:banana: :banana: :banana: ) نزل يرقص :banana: ولا انا غلطان;)
Dreams_Maker
أرتباك :laugh:
بس حلوة منك;)
ومثل ما قال evo.505
الجماعة كانت :banana:
760IL
13-07-2003, 05:47 AM
انا ماني عارف لو في سيارتك تربو ايش راح يصير:shock2:
-----------------------------------------------------------------------------------
طلعت لمضمار الخبر لسباقات الأشارات السريعة (شارع الظهران
------------------------------------------------------------------------------
ههههههههه:D
Accord-R
13-07-2003, 07:36 AM
هلا اخووي جاسم . دامك هناا زيين مش لازم انزل موضووع ثاني :D
حبيت اسئلك كم كلفك الماكينه H22a مع الاغراض حقهاا .. بدون قطع
التزوويد طبعااا .. وكم كلفك تركيبهاا .. لان ماكينتي 1.6 ((لعبه اطفال ))
ما تمشيء عندي :o مستواااها حلو بس لان عليها كمبيوتر سبوون
http://www.spoonsports.us/catalog/civic/electronics/029_01.jpg
Oettinger
14-07-2003, 11:28 AM
u got yourself a good SLEEPER
هع هع
ها متى البوية والجنوط؟؟ تراني On vacation
VIPER GTS-R
14-07-2003, 12:07 PM
السلام عليكم
اخوي جاسم افهم من كلامك انك تقدر تطلع على الكابرس ltz الشكل الجديد بالراحة :cool:
بصراحة جاسم كنت اتمنى هالتعديلات تحطها بسيفك كان افضل من الاكورد بكثير :cry:
وبعدين تعال انا اعتقد غلطتك في التعشيق من الثالث الى الرابع ورجعتها في الثاني بسبب Short throw shifter
;) ولا انا غلطان .....
تحياتي
السلام
oettinger
اليوم ركبت "إستعرت" جنوط أكورد 95 على سيارتي وشكلي بنوي عليهم.
Accord-R + VIPER GTS-R
صاحبي مركب نفس المكينة على سيارته السيفيك هاتشباك وعليها نفس الشغلات باللإضافة إلى كذا شغلة خفيفة وجربت معاه وشوفوا النتيجة:
http://www.mybiznas.com/shrmand/videos/acclude_vs_civilude_dead_stop_a.mpg
سيارته هذي قادرة على تحطيم أي كمارو "بتعديل بسيط" في مسافة الـ400 متر وأنا شاهدت تجربه له مع كمارو 98 قير عادي 6 سرعات "بتعديلات بسيطة" وطلعت السيفيك بمسافة سيارتين:shock2:
أنا أعطي تسارع سيارته ما بين 13.1 إلى 12.9 ثانية في الربع ميل "بدون غاز أو توربو أو سوبر تشارجر".
ACCORD-V6
14-07-2003, 05:04 PM
والله مستوى رائع
مبروك جاسم
وشكرا...
VIPER GTS-R
صح الشورت شيفتر يخليك ما تفرق بين التبديلات وتخطأ بسهولة ، بس هو في التبديل السريع + المتعة فهو خطير مرة;)
على فكرة في المقطع السيفيك وصلت إلى سرعة 190 لما خفف(الكمبيوتر مقفول).
لكن السيفيك بالـH22a فيها عيوب:
(1)- ما تقدر تشغل المكيف لأن ما في مكان علشان تركب الكومبريسور.
(2)- ما فيها Power Steering لنفس السبب الأول.
لأن المكينة ما تركب إلا لما تقص أجزاء من الكبوت من الداخل + تكلفة التركيب المبالغ فيها .
ACCORD-V6
الله يبارك فيك وفي كل واحد رد في الموضوع بس على شنو ؟ الهزيمة :D ;)
Third Eye
14-07-2003, 05:17 PM
سوال
ما هو الباور سترينج؟
ACCORD-V6
14-07-2003, 05:21 PM
بالعكس اخويNFS
اعتقد بها المستوى مع كابريسSS ولا اروع
DodgE
14-07-2003, 06:27 PM
ولله ولله
على راسي الأكورد وسواقها
الارهابي
14-07-2003, 06:33 PM
رد مقتبس من DodgE
ولله ولله
على راسي الأكورد وسواقها
:)
ما شاء الله
Accord-R
14-07-2003, 08:28 PM
مشكوور اخوي جاسم .. يبي لي افكر في الـ 1.8
Oettinger
14-07-2003, 09:59 PM
خلاص يا جاسم علي اشوف لك الكفرات!!
لا بديل عن ال Toyo T1-S للاداء العالي!
ومبروك الجنوط! بس يلا خلصنا متى البوية؟
SnoopY
15-07-2003, 01:47 AM
رد مقتبس من NFS
السلام
oettinger
اليوم ركبت "إستعرت" جنوط أكورد 95 على سيارتي وشكلي بنوي عليهم.
Accord-R + VIPER GTS-R
صاحبي مركب نفس المكينة على سيارته السيفيك هاتشباك وعليها نفس الشغلات باللإضافة إلى كذا شغلة خفيفة وجربت معاه وشوفوا النتيجة:
http://www.mybiznas.com/shrmand/videos/acclude_vs_civilude_dead_stop_a.mpg
سيارته هذي قادرة على تحطيم أي كمارو "بتعديل بسيط" في مسافة الـ400 متر وأنا شاهدت تجربه له مع كمارو 98 قير عادي 6 سرعات "بتعديلات بسيطة" وطلعت السيفيك بمسافة سيارتين:shock2:
أنا أعطي تسارع سيارته ما بين 13.1 إلى 12.9 ثانية في الربع ميل "بدون غاز أو توربو أو سوبر تشارجر".
السلام جاسم ...
كيف حالك ؟
ما ادري عن السيفيك ال H22a ايش الترهيمات اللي سويتوها على السياره علشان تتصقط فيها المكينه ..( ياليت تعطيني تفاصيل قد ما تقدر لاني محتاج لاي معلومات ممكن الاقيها عن الشغله هذه ) ... فيه فكره قاعدين نمخمخ عليها :glasses2: :black: :glasses2:
ومشكور وما تقصر ............. سلام
GT 02
15-07-2003, 09:09 PM
حلو
السلام عليكم
أشكر جميع من شارك في الموضوع فرداً فردا......
a.w.t
الـPower Steering هو إللي نسميه بالعامية (سكان باور) أو (دريكسون باور) ، فأنت لما تلف بالسكان والمكينة طافية تلاقي السكان ثقيل ، بس تشغل السيارة تلاقيه يصير خفيف (سؤال: أنت عندك سيارة؟)
Oettinger
كم سعر مقاس 15 أنش 195 / 55؟؟
لاني أفكر في الـFalken :
في التماسك جيدة جداً
السعر جيد (أقل من 1000 ريال للطقم)
لكن في الهدوء سيئين (غير مهم).
على فكرة إذا زاد الرقم تبع الـTread Wear هل معنى هذا أنهم يعمروا أكثر وإلا أقل؟
Snoopy
في تركيب الـH22a ، عندك الأكورد "موديل 90 ~ 97" و البريليود "92+" بتركب المكينة بتعديل بسيط على كراسي المكينة والعكوس ، أي سيارة ثانية بتحتاج إلى أنك ترهم . أيش المقصود بالترهيم؟
يعني تستخدم قطع من سيارات ثانية علشان تحل مكان القطع المطلوبة وبالنسبة للسيفيك حتستخدم أجزاء من السيفيك Si القديمة و الـCRX وأعتقد من الأكورد ، أيش هي الأجزاء هذي بالضبط؟ الصراحة أنا ما أعرف القطع بالضبط لأن صاحبي ركب كل شيء في ورشة (في البحرين).
على العموم التركيب غالي (4500 ريال!!) والمكينة بتكلفك في حدود 4000 ريال ، وشغلات يمين ويسار بتوصل التكلفة النهائية إلى 10,000 ريال.
وتوقع الاداء حيكون في حدود 13.8 ثانية (ربع ميل مع سائق محترف) "بهذا الأداء تستطيع القضاء على 98% من السيارات الموجودة في الشارع :laugh: "
Accord-R
16-07-2003, 03:05 AM
رد مقتبس من NFS
VIPER GTS-R
لكن السيفيك بالـH22a فيها عيوب:
(1)- ما تقدر تشغل المكيف لأن ما في مكان علشان تركب الكومبريسور.
(2)- ما فيها Power Steering لنفس السبب الأول.
تحطمت آماالي :Sad2:
عالعموم مووو مهمه ماكينه H22a لان اسرع سيفك كوبي جابت سرعه عاليه
بماكينة 1.8 .. بس كم سعرهاا التقريبي .. وكم تركيبهاا .. وبشنو تنصحني
اوسع الماكينه حقي 1.6 الى 1.8 والا اركبهاا من جديد .. وهل عندك فكره
عن توسيع الماكينه :Sad2:
سوووري على الاطاله :rolleyes:
Third Eye
17-07-2003, 04:19 AM
نعم
بس لييييش السوال :)
بعدين عندي سوال
إذا برهم المكينة على سيارة يابانية من غير هوندا
هل في شي أغيره غير المكينة والجربكس والكراسي حقت المينة
والكمبيوتر والظفيرة
وكم تكلفتها
Lamborghini
17-07-2003, 02:30 PM
السلام عليكم .. :)
أنا أتوقع إنك سرت قومـة أما الخط فأظن إنه جابك .. :D
أوه .. خلاص قلت القصـة .. :o
:D :D :D :D
بس إنت متأكد إن مافي مكان حق الكمبريسر والبور ستيرنق ؟؟ لأني عل ماأعتقد شفت وحده من المواقع وصاحبها مركب كل شي حـتى الكومبريسور و البور .. بس ما أدري شو امسوي .. :confused: