للبيع نيسان ماكسيما موديل 2001 فل كامل تايب 3

[Oettinger]

المواصفات:
- قير عادي ، مع شورت شفتر متغير الاوضاع ماركة Stillen
- مسجل كاسيت سيدي شد بلد مع مغير 6 اسطوانات بالخلف
- ستارة خلفية شد بلد
- كفرات جديدة ماركة Toyo Proxes T1-S
- تعديلات خارجية ناعمة ومميزة ، انظر الصور بالاسفل
- يايات سبورت ماركة Eibach الالمانية ، لتحسين مظهر السيارة وثباتها!!
- اكسوست مفصل خصيصا للسيارة ، مع صوت جدا رهييييب
- انتيك مع فلترK&N يسحب الهواء عن طريق فتحة جانبية في الصدام الامامي ، الشغل كله تفصيل ومميز خصيصا للسيارة ،
- طبعا مع السيارة الشفتر الاصلي واليايات الاصلية والاكسوست الاصلي ضمن البيعة


السيارة جدا جدا نظيفة ، وبحالة ممتازة من جميع النواحي ، ومن ناحية القوة ما شاء الله التجربة خير برهان

السعر المطلوب 48 الف ريال سعودي
السيارة في المنطقة الشرقية - السعودية
الاتصال على " محمد " على رقم: 056820677

السيارة ملك العضو MAD MAX




صور السيارة:
http://clubvdub.com/OLD/madmax/madmax1.jpg
http://clubvdub.com/OLD/madmax/madmax2.jpg
http://clubvdub.com/OLD/madmax/madmax3.jpg
http://clubvdub.com/OLD/madmax/madmax4.jpg
http://clubvdub.com/OLD/madmax/madmax5.jpg
http://clubvdub.com/OLD/madmax/madmax6.jpg

[A7medo]

ما شاء الله السيارة حلوة باين عليها أو سعرها فيها
بس ممكن تذكر أخوي السيارة كم ماشية

لو حاط الموضوع في موضوع البيع المثبت كان أحسن



أو أمسمامحة أذا طولنا عليكم

[MAD MAX]

السياره ماشية 91 الف
وفي الاسبوع الماضى عامل لها صيانة دورية (تبديل الزيت والفلاتر والقمشات وكل القطع الاستهلاكية

[Oettinger]

هلا بيك حبيبي

السيارة فعلا تستاهل سعرها

والسيارة ماشية تقريبا 91 الف كيلو ، بس والله كانها ماشية 20 ، كل شي فيها نظيف وجديد ، وزي ما قلت الشوف احسن دليل


تحياتي

[كابريس]

مو كإنه سعرها رخيص؟

[MAXIMA 020]

السلام عليكم كيفكم شباب انشالله بخير
كيفك يا اوتنقر وكيف ماد ماكس والشابا كلهم والله وحشتوني
المهم يا ماد ماكس لا تقولي ان السياره انباعت ترى لي نيه في شريتها اذا كانت على نفس حالتها يوم نتقابل في جمعت الكرنيش المهم ابغى اكلمك بالموضوع هذا ضروري دق على جوال 053996933:banana:

[Oettinger]

رد مقتبس من MAXIMA 020
السلام عليكم كيفكم شباب انشالله بخير
كيفك يا اوتنقر وكيف ماد ماكس والشابا كلهم والله وحشتوني
المهم يا ماد ماكس لا تقولي ان السياره انباعت ترى لي نيه في شريتها اذا كانت على نفس حالتها يوم نتقابل في جمعت الكرنيش المهم ابغى اكلمك بالموضوع هذا ضروري دق على جوال 053996933:banana:

عليكم السلام والرحمة اخوي
السيارة صارت احلى من اخر مرة شفتها بالكورنيش ، بعد التعديلات الخارجية لو تلاحظ خطوط الكروم كلها انمسحت وحتى في الخلفية والجوانب مع اضافة فتحة في الصدام الامامي
ومن الاضافات ايضا cold air intake يسحب الهواء مباشرة من الفتحة اللي بالصدام ، والسيارة ما شاء الله ادائها ممتااااز

وعموما عندك رقم محمد فوق اتصل عليه اخوي



-------------------------------
كابريس
والله اخوي MAD MAX هو اللي طلب هالسعر! لاني اعتقد تسوى اكثر بهد
لانه يبي يحط سعر معقول عشان لا يكون نصب على احد او شي من هالقبيل زيادة انو هو يبي يبيع السيارة لسبب واحد فقط وهو عشان يدعم الميزانية لشراء وحش جديد:banana:

[DodgE]

السلااااااام

سيارتك ماد ماكس مو كانت قير أوتو :damp:


وننتظر وحشك الجديد على قولة أوتنقر وعسى الله يجيب إلي فيه الخير

[Oettinger]

السيارة قير عادي!!

[NFS]

السلام عليكم


الصراحة السيارة نظيفة ومحمد معتني فيها .

بس أنا عندي طلب قبل ما تنباع السيارة:


ممكن مقطع لصوت الاكسوست ؟ (من داخل وخارج السيارة)







وأهدي هذا الطلب للأصدقاء محمد وفيصل والزملاء عبدالله وصلاح ولجميع الاهل والاصدقاء <--- ما يطلبه المستمعون:D :D

[Oettinger]

ههههههه خلاص يا جاسم ابشر! غالي والطلب رخيص

اليوم نصور لك مقطع ولا يهمك:D

[NFS]

ومشكور وما تقصر عزيزي

[corvette indiana police]

اليوم شفت السياره وانا رايح الجامعه الساعه 8 الصباح
الظاهر هو كمل على ميناء الملك عبدالعزيز

mad max قاااااااااااافله اخلاقه مع الصباح (معذور مع هالشمس)
ومعاه واحد مكشخ قدام وواحد ورا

بس صراحه السياره ما عليها كلام

[NFS]

corvette indiana police

أنت معانا في الجامعة؟

[corvette indiana police]

جاسم :cry: :cry: :cry: :cry: :cry: :confused: :confused: :confused: :confused:
دفعة 2000

[NFS]

عادي أيش فيها دفعة 2000؟

أنا دفعة 98 (المفروض 96 بس هذا قدري و المفروض أنا هو اللي يبكي:cry: )

[Third Eye]

ممكن صور للكبوت وبالتحديد مكان الفلتر
ويا ليت الفديو يكون صوت وصورة



وتحياتي

[MAD MAX]

corvette indiana police
يااخى اعذرني من الصباح والواحد رايح الدوام يعني المعادله كلها معتفسة
بس ماعرفتك ويش سيارتك ؟

a.w.t
الفتحه في الصدام مش في الكبوت
وهاذى الصوره

http://clubvdub.com/OLD/madmax/madmax6.jpg

[NFS]

تصدقوا عندي مقاطع لصوت الأكزوست من أيام تجارب الـAuto_cross في الكورنيش.

ما أدري ينفع أحطها في المنتدى.......

[Oettinger]

والله اليوم كنا بنصور المقطع عشان صوتها وكل الاشياء اللي طلبتوها

بس انشغلنا بعرس صديق MAD MAX
اللي يصير اخو Lorinser300E

الله يبارك له ان شاءا لله ، وان شاءا لله نصور الفديو للسيارة قريب

[كتوت]

السلام

حط لينا صور المكينه والسياره من تحت اذا امكن

[Third Eye]

mad max
ليش الفتحة في الصدام ؟
أنا الى أعرفه تكون في الكبوت
والفتحة الى في الصدام يكون عندها العلبة السودا حق الفلتر
أما الفلتر يكون مجاور للمكينة يعني فوق مو تحت

[NFS]

a.w.t

سمعت بالـCold Air Intake؟

أدخل هنا وستعرف كل شيء (http://www.maxima.org/shoptalk/sub_modifications/mod_cai/index.shtml)

[Oettinger]

رد مقتبس من a.w.t
mad max
ليش الفتحة في الصدام ؟
أنا الى أعرفه تكون في الكبوت
والفتحة الى في الصدام يكون عندها العلبة السودا حق الفلتر
أما الفلتر يكون مجاور للمكينة يعني فوق مو تحت

عاد هذي اخوي انا فكرت فيها هع هع

المهم اللي حاصل هو ، العلبة حق الفلتر خلاص تكنسلت ، وزحنا البطارية شوي على اليسار
وبعدين ودينا السيارة لورشة عشان تفتح فتحة تحت البطارية
وبعدين مدينا بيب مع الفلتر الى برا السيارة!!
بكذا يصير الهوا 100% من برا واداء السيارة تحسن غير الصوت الرهيب هع

وشوف اللنك اللي حطه NFS

[Third Eye]

nfs
أنا أعرف هذا الفلتر لكن الى استغربته
أنو نازل تحت
لأنو في مكسيما أعرفها
فلتر رياضي الى اسمه Cold Air Intake
لكن الأكسوست حقه مهو طويل زي ذا ونازل تحت
ومشكور على الرابط
Oettinger
وضحت المسألة لكن الطريقة هاذي تسير على أي سيارة
أنا في سيارتي ملغي العلبة بس مني شايف اي فايدة مجرد صوت
بس مني مركب فلتر

وعذرا على الخروج عن الموضوع الاساسي

:D

[الارهابي]

رد مقتبس من a.w.t
nfs
أنا أعرف هذا الفلتر لكن الى استغربته
أنو نازل تحت
لأنو في مكسيما أعرفها
فلتر رياضي الى اسمه Cold Air Intake
لكن الأكسوست حقه مهو طويل زي ذا ونازل تحت
ومشكور على الرابط
Oettinger
وضحت المسألة لكن الطريقة هاذي تسير على أي سيارة
أنا في سيارتي ملغي العلبة بس مني شايف اي فايدة مجرد صوت
بس مني مركب فلتر

وعذرا على الخروج عن الموضوع الاساسي

:D


اخوي a.w.t
مع انها لقافه

لكن اعتقد ان اللي مسويه انت
زي معظم الفلاتر اللي تبيعها المحلات
بحيث يكون الفلتر داخل الكبوت
و غالبا يصير جنب البطاريه

بهالطريقه
الهوا الحار المحصور داخل الكبوت
كله يروح للفلتر ولا بتستفيد شي
الا من الصوت :D

[Third Eye]

الارهابي
عجيييب مع أني أشوف السيارت المعدلة الفلتر حقها زي كده
مثل
http://to4r.com/members/media/peterblach_newEngine1.jpg

[فـهـد]

الهواء في السوبرا اذا دخل الفلتر مو على طول بيروح المكينه, اول شي بيدخل في التيربو وبخليه نار حتى لو الهواء الي في الفلتر بارد, وبعد ما يطلع من التيربو بيدخل في الانتركولر الي يخليه بارد مره وبعدها يدخل في المكينه,

يعني سويت كولد اير انتيك او ما سويت ما في فرق في السوبرا.

[NFS]

هذي الصورة لسيارة توربو

والهواء يتم تبريد عن طريق الأنتركولر فلا يوجد داعي بأن يأخذ هواء بارد من أسفل السيارة.

[Third Eye]

المشكلة جيت ادور على صورة سيارة عليها فلتر بهذا الوضع
ما حصلت إلا هاذي
مع اني عندي صور لسيارة واحد من الشباب
مكسيما مركب عليها فلتر وضعه زي هذا
وما عليها لا تيربو ولا سوبر تشارجر


والله شكلو ا خربنا الموضوع:D :D :D :D

[max2003]

يا اخ Oettinger
ابغا اسالك سؤال واحد ؟
انت كاتب انك مركب ييات سبورت
وانا المكيسما حقتي ذبحتني بعدم الثبات بالخط
فارجوا منك توضح النوع الي انت مركبه؟ وهل فادك؟ وكم سعره؟
واذا فيه انواع تعرفها افضل ملي انت مركبه بلغنا لان سيارتي بغيت اموت فيها كذا مره
وابغا اسالك سؤال ثاني ؟؟
ايش شورت شفتر متغير الاوضاع ماركة Stillen؟؟؟؟:OO: :OO:
ارجو منك الافاده :cry: :cry:

[NFS]

a.w.t

أنا مركب فلتر في سيارتي (K&N) وهو صاير مثل الصورة إللي أنت حطيتها ،،،


طبعاً بهذي الطريقة المكينة بتبدأ تشفط الهواء الحار المحيط بالمكينة ،،،،


البعض يسمى هذه الطريقة بالـRam Air Intake.


إللي أفضل من هذي الطريقة هو سحب هواء بارد من المحيط الخارجي "أي خارج الكبوت" ، عن طريق تمديد ماسورة الـIntake ما بين الصدام والغطاء الداخلي البلاستيك للرفرف.

تسمى هذي الطريق بـCold air Intake.


ما الفرق بين سحب هواء ساخن وهواء بارد في أداء المحرك؟

كما هو معروف كلما قلت درجة حرارة الغازات إزدادت كثافتها ، فلو أخذت 1 متر مكعب من الهواء الساخن ستجد أنه أخف من 1 متر مكعب من الهواء البارد (رغم أن الحجم نفسه) لكن بما أن الكثافة مختلفة فأن الوزن "وبالتالي الكمية" ستكون مختلفة.

[محمد دريهم]

بصراحه ودي اجرب مع ماكسيما معدله لاني اقوم على الاستوك بدون مجهود

انا معاي ماجنا ستووووك
وودي نتقابل واشوف


خذ رقمي 055905869


شكرا

[Third Eye]

شكرا need for speed
دامك أنك تعرف أنو الهواء البارد أفضل لييييش
ما تخليه يستقبل هواء بارد بدال الحار ؟

[max2003]

شباب محد اعطاني وجه:mad: :mad:
جاوبوا على اسئلتي

[الراوي]

اخوي max2003

افضل شي حاليا يايات Eibach وهي معروفه عالميا ,, واذا محتاج توضيح زياده قولي

وبخصوص الشورت شفتر اعتقد انه يسهل عمليه تبديل الغيارات في القير العادي وينعمها ,,, http://www.stillen.com/product_images/452210_f.jpg

والشباب فيهم الخير والبركه بيفيدونك اكثر مني

[max2003]

تسلم يا أخ ShaY6ooN
بس ابي توضيح (الله لا يهينك) بنسبه للييات:laugh: :laugh:

[E_TYPE]

اهللللللين
هلا شباب ممكن احد يقول لي اسم الدبه الي مركبه على الماكس ؟؟؟؟؟واكون لكم من الشاكرين .
وشكرآ

[MAD MAX]

max2003
يااخى بالنسبة الى اليايات الى مركبنهم ماركه ايباخ
وراح يعطوك ثباث اكثر في الخط وحتى في المنعطفات حيث انهم راح يسوو لك شغلتين راح ينزلوا السيارة تقريبا 1.3 انش من قدام و 1 انش من ورا ز الشى الثاني اليايت هاذى اقسى من الاصلية يعني راح يقل عندك ال Body sway حق السيار يعني تخيل نفسك داخل منعطف حاد بالسيارة راح تحس ان السياره راح تميل بشده طبعا اما تركب اليايت راح تحس بتحسن في اداء السياره وخصوصا في المنعطفات

واما الشفتر راح يقصر المسافة الى تتحركها العصا بين التعشيقات


ولد الخبر
يااخى انا هاليومين مشغول اعذرني اذا فضيت انشاء الله راح اكلمك اوكية


E_TYPE

الدبه الى يسلمك هاذى مسوينا طلبية خاصة
:D

الدبه مسوية تفصيل في البحرين عند اكزوسست ماستر
شغلهم مره رهيب تصور انى قعدت اوصف له كيف ابغى الصوت يطلع وسوى لى الدبه على هاذا الاساس

[max2003]

مشكووووووووور اخوي MAD MAX
بس تعرف محلات بجده تركب هالنوعيه
لاني نويت خلاص:mad: :mad:
بس يبغالي هيدرز وين القى؟ الهيدرز وشفيه انواع جيده منه؟ وهل يفرق في العزم كثير؟

نرجو منكم الافاده...:help: :help:

[MAD MAX]

بالنسبه الى المحلات وين تلقى في جدة ماعندى خبرة انا عمرى مارحت جدة

بالنسبة الى الهدرز
شوف بالنسبة الى الماكسيما ممكن تركب لها هدرز تفصيل بس ماراح تعطيع قوه زياده الى راح تعطيك اياه صوت احلى وحراره السيارة وبالذات في الصيف راح تتحسسن عندك اذا كنت م النوع الى دايم يدعس بالسيارة
طبعا الاكزوسست حق الماكسيما تقدر تركب Y-PIPE وهاذى اهم قطعة في الاكزوسست حق الماكسيما راح تعطيك مابين 15 الى 20 حصان على العجلات
وهاذى صوره لل Y-PIPE
http://www.stillen.com/product_images/503386_f.jpg


وثاني شى عندك ال P-PIPE
وهاذا راح يبدل الجزء الى فية الدبات الصغيرة الى قبل الدبه الاخيرة
وهاذى صوره حق الدباه الاخيرة وال P-PIPE هو الى في الوسط

http://www.stillen.com/product_images/503534_f.jpg

[HaKeM]

أخوي MAD MAX لمن تمشي في خط سريع أو في شارع في حفر ومطبات اريح من اليايات الأصلية؟

تحياتي

[MAD MAX]

يااخ حاكم العدل
بالنسبة الى الخط السريع افضل
اما بالنسبة الى الشارع الى فيه حفر ومطبات تقريبا نفس الاصليين اذا مو اخشن شوى

واذا تبغى يايات يكونوا مريحين اكثر من الاصليين في عندك ماركه H&R
اسمع عنهم انهم مريحين مره بس ماجربتهم صراحه

[max2003]

مشكوووووووووووووووووووووووور على التوضيح ياخوي MAD MAX
كم اسعارها ؟ وهل تفرق في العزم فرق واضح؟ وهل لها اضرار ؟
لاني راعي خطوط
وبعدين انت كتبتلي عن الاكزوسست .... وش الدبه الي تحتها هي تكمله للاكزوسست ولا هذي قطعه لحالها...

واشكرك بقوه
MAD MAX

[MAD MAX]

بالنسبة الى السعر ال Y-PIPE تقريبا ب 370 دولار
وبقية الاكزوسست مع الدبه ب من 350 الى 400 دولار
طبعا هاذى القطعة اصية يعني جاهزة من برا
اما اذا بغيتها تفصيل فراح تكلفك كلها حدود ال 1200 ريال

واكيد على طول راح تحس بقرق في القوه وخط السياره يصير قوى مرة

وبالنسبة الى الضرر اعرف شباب مركبين هاذى القطع لاكثر من سنتين على سيارتهم والحمدلله مافيهم اى ضرر

[max2003]

مشكوووووووووووووووووووووووووووووووووووووور اخوي MAD MAX
وذا تنصحني بحاجه اركبها غير الاكزوسست قلي عليها


THANK YOU

[MAXIMA 020]

حبيت اسألك يا مجنون الماكس كم سؤال عن سيارتك:
السرعة القصوى: ؟
التسارع من 0 - 100: ؟
عدد احصنة السيارة بعد التعديل: ؟
الفرق بين سيارتك وبين سياره من نفس نوع سيارتك بس تكون ستاندر بدون اضافات: (اقصد الاضافات الاخرى مثل اليايات والفلتر ...)

[max2003]

من تقصد بمجنون المكس :glasses2: :glasses2:

[MAXIMA 020]

MAD MAX

[MAD MAX]

MAXIMA 020
جربت السياره يعني ب stop watch
يعني مش دقيقة واجد تقريبا من 0 الى 100 في 6.5 ثانية
السرعه القصوى ماادرى صراحه بس قصى شى انا جبته 250

[MAXIMA 020]

مشالله على موترك الله لا يضره عيني عليه بارده (تلاحظ اني مزود التعويذات عليه :D :D :D ) بالنسبه للماكس من الصفر الى ال 100 في 6.5 يعتبر انجاز لاني وانا مش متأكد الستاندر قير عادي يجيب الميه في 7.5 بس حبيت اسألك ال شورت شفتر الي في القير وش فايدته وبالنسبه للكفرات الي انت مركبهم كم اقصى سرعة يتحملها الكفر

((معليش اعذرني اذا كثرت الاسأله بس ودي اعرف عن سيارتك تقريبا كل شي انت مركبه عليها))

[max2003]

MAD MAX
لقيت اكزوسست مع الدبه الاخيره مالقيت الدبه الي في الوسط
بس ماادري ينفع اركبها مع الدبه الي ورا يعني بكون عزمها زي مع الدبه الي في الوسط
وانا بصراحه ما احب الازعاج صوت بيكون مع الدبه الي ورا..
وبعدين انا ودي اركب حذاف (ما ادري يزيد في العزم ولا لا)

[MAD MAX]

max2003
بالنسبه الى الاكزوسست انا مركب نفس الشى بدون دبه في الوسط
وبالعكس اذا ماكان فيه دبه في الوسط راح يكون احسن من ناحيه القوه
واما شغله الصوت ترى كله من الدبه الاخيره يعني اذا ركبت الدبه الاصليه ماراح يكون عندك ازعاج
واما بالنسبه الى الحذاف فهو ماراح يعطيك احصنه زياده ولكن راح يوفر لك احصنه كانت ضايعة في الحذاف القدام الى وزنه اثقل من الحذاف الرياضي
بس راح تحس بفرق اذا ركبته وال RPM عندك راح يصير مجنون
واذا بتركب حذاف انصحك مره وحده ركب معاه كلتش رياضى لانك بتحس بتحسن في الاداء في التبديل بين النمر

[NFS]

MAD MAX

بشر كم وصل سعر الموتر ؟

[NFS]

لقيت مقاطع لصوت الأكزوست:

One (http://f4.grp.yahoofs.com/v1/cPQfP5Fv-SEoS5Q0a7T36dST8mvlh-aAoZ2igaqvMSujaqoU3Ec-zMUsyWydQQbMkvO_aX8O6qIcfYgU/Mad_Max_01%4015.56.avi)
Two (http://f5.grp.yahoofs.com/v1/cPQfP4girUMoS5Q0MPV1MuU8wjlKJD1x8oQ1lUPwcquHRio9FD_k-R_QpLbuKvDeJySh_3E1TO7sT8ay/Mad_Max_02.avi)

[MAD MAX]

جاسم خلاص انباع الموتر بنفس السعر الى بغيته
وانشاء الله خلال هالاسبوعين بيوصل الموتر الجديد

[NFS]

شيء طيب


بس أنا عندي طلب.......


ودي أجرب سيارتك الجديدة ، أبي أعرف كيف الشعور وأنت تسوق سيارة قوتها أكثر من 500 حصان.....

[MAD MAX]

جاسم مايصير خاطرك الا طيب بس
عاد فضحتنا بسالفه فوق ال 500 حصان :D
كنت ابغاها مفاجاه هع هع
والى الحين ماصار شى على السياره يعني خلال هاليومين هاذى يكون الشئ اكيد

[TOP-SECRET]

اقعد :glasses: 500 حصان مره وحده :glasses: بالتوفيق اخوي :laugh: :laugh: MAD MAX

[Third Eye]

المقاطع ما تشتغل يا NFS
ياريت لو تعطينا الموقع الاساسي ننزله منو

ومبرووك يا mad max
على الموتر الجديد
لا تنسى تبشرنا بيه

[Dentist]

ما شاء الله

إبداع أخوي MAD MAX

وألف مبروك مقدما الموتر الجديد .. ويعطيك خيره ويكفيك شره ..

لكن . تهون عليك عشرة الماكسيما ؟ :headshak:

:D :D

[max2003]

ما يسير اخوي MAD MAX
فوق 500 حصان
بس كل شي جايز بالدنيا......
------------------------------------------------------------------
اخوي MAD MAX
بنسبه للاكزوسست انا ابركبه الاسبوع الجاي مع اليايات وبعدين بنسبه
للحذاف ليش اركب كلتش رياضي معه؟؟؟؟؟؟؟؟؟
وايش RPM؟؟؟؟؟؟؟؟
---------------------------------------------------------------------------
مشكور

[max2003]

ارجواااااا الرد
:mad: :mad:

[MAD MAX]

اخوى Dentist
اذا عرفت ويش الموتر الجديد راح تعذرني
وصدقت ماتهون عشره الماكسيما

max2003
اعذرني تراني كنت مسافر وماصار لى يومين من وصلت
انا كنت اقول لك ركب كلتش مع الحذاف عشان يكون ارخص لك بالنسبه لاى شغل يد الورشه
ولما تركب الحذاف مع الكلتش راح تحس بفرق اكثر وبالذات لما تغير بين النمر راح تحس باستجابه السيارة معاك احسن من السابق

اخ تويوتا وبس
اخ a.w.t
مشكورين
بس اذا وصلت السيارة باركوى لى مره ثانية:D

[Third Eye]

تصدق يا أخ mad max
كإني عرفت السيارة :D


كل الى اقوله لك الله يباركلك فيها

هيا من نيسان ومحترمممة ولا مو;)

[NFS]

MAD MAX

ها ، نقول مبروك؟:D

[MAD MAX]

a.w.t
مشكور على الرد
وانشاء الله تعرف السياره قريب جدا


جاسم قول مبروك :D




واخيرا وصلت السياره
وانشاء الله اذا قدرت اليوم اصورها واحط صورها

[الشرقاوي]

طيب ليش جاسم؟؟؟؟:D

انا ابقول مبروك اول واحد :D

الف الف الف الف مبروك ويعطيك خيرها ويكفيك شرها بس وشهو الموتر(مسوي فيها مايدري:confused: )

[HaKeM]

مبروك أخوي MAD MAX على السيارة الله يعطيك خيرها ويكفيك شرها

لا تنسى الصور..

تحياتي

[NFS]

أوكي اوكي اوكي

مع أن المفروض تخليني أشوف السيارة على الطبيعة (وأسوقها بعد)


لكن هذي المرة بسامحك وبأقبل بالصور:cool:




المهم لا تبطي علينا وإذا تبغا كاميرا ديجتال أو فيديو تراني جاهز:D

[MAD MAX]

الشرقاوي
حاكم العدل
الله يبارك فيكم ومشكورين

جاسم ترى الصور الظاهر انها مابتكون موجد الا بكره
انا ماعندى كاميرا وكنت معتمد على الكامرا حق علي بس هو اليوم مشغول في المحل تبعة (اليوم الافتتاح:D ) ,فاانشاء الله بكره او الليله اخد الكامرا من عنده واذا ماصورتها اليوم انشاء الله بكره

وانشاء الله تشوفها على الطبيعة وتسوقها بعد مايصير خاطرك الا طيب

[Third Eye]

ما أوصيك أنك تكتب تقرير مبدأي عن السيارة:D
وننتظر الصور