اخر الاختراعات ... السفر والموقف (( اختراعي))

[مرايا مبعثرة]

السلام عليكم ورحمة الله وبركاته



طبعا كل ناس عندها هواية ومن الناس من يعشق السفر بس مو محصل له (( زيي :D )) ومنهم من يسافر غصب عن خشمه عشان شغله <<---- متى بتخلص ذي ؟؟؟ مو كنها اندمجت ؟؟:damp: :damp:



الزبددةةةةةة (( حتى الزبدة باقوها :D ))




شرايكم كل وحد يقول لنا وين سافر

اش احلا دولة عجبته

اش اسوأ دولة وليش؟؟؟

مواقف طريفة صارت له في السفر :)

ببتدي بخشمي وبقول لكم


انا الله يسلمكم ويطول عمركم سافرت الى ....


الامارات

http://fuae.net/1/pic/dubai

اكثر شي اعجبني دبي وخاصة ال City center روعة الصراحة ... غير الشوارع الواسعة والعمارات والفنادق الكشخة

كان ودي اسكن ببرج العرب .. بس ان شاء الله بفرصة ثانية (( ايه هين افلقيني))




الكويت

http://fuae.net/1/pic/kw-twr.jpg

اكثر شي حلو بالكويت سووووقها ..... الصراحة لا يعلى عليه :D (( بو بدر قاهرته الكويت عشان لاعت كبده وهو يودينا السوق :D ))

سوريا

http://fuae.net/1/pic/dimashk.jpg

ديرة حلوة ورخيصة وجوها فظيييع بس شعبها الصراحة (( لا تعليق )) طبعا ما اقول كلهم بس اللي صادف وتعاملنا معهم

ماعتقد اني بزورها نكست تايم (( من عزمج اصلا ؟؟))



الاردن

http://fuae.net/1/pic/IGTJOR41.jpg



دولة حلللوة مناظر طبيعية وانهار وغابات وفيها براري شي كشخة حق تشوون اللحم
الاح شي عجبني (( البتراء)) شي فظيع خاصة كيفية حفر البيوت في الجبل !!

من المواقف اللي حصلت عليها هوشة اني انا واختي اللي بعدي على طوول ( اللي اصغر مني ) ركبنا فوق شجرة نبي نصور (( حشا قرود )) وكانت اختي الصغيرة تبي تصور معنا .. بس من نحاستنا ما نبيها قمنا ودزيناها .. طاحت من فووق وانشقت شفتها !!

كان ابوي رايح يجيب فحم للشوي ... جاب لنا وهو راجع كم طراق لووووول على كم تهزيئة معتبرة من اللي يحبهم قلبك

اختي صارت مشوهة (( بسم الله عليها )) خيطو لها فمها بابرة وخيط !!! (( قولي قسم)) :d





لبنان

http://fuae.net/1/pic/jeita1.jpg

عاد لبنان بصووب والدير اللي فوق كلها بصوب ثاني
الفاكهة كل وحدة كبر راس بدوري (( الحين بو بدر بيكفخني ))
والجو ما يحتاج اقول لكم كل شي فيها عجبني خاصة مغارة جعيتا
يوم دخلنا من زود ماني متخرعة صرت اشرب من الماي اللي تحتي وانا في القارب <<--- صدق ما شايفين خير

عندنا بالخليج ماي حنفيات وحاااار ... اغسل وجهي الصباح تطب شيفتي بالمغسلة من زود الحرارة


ما بطول عليكم الدول الباقية بس بحط صورها (( شوفو الادب بس ))


بريطانيا

http://fuae.net/1/pic/big ben.jpg

فرنسا

http://fuae.net/1/pic/evil.jpg

مصر

http://fuae.net/1/pic/egypt.jpg


احلا شي عجبني خان الخليلي واوبرا عايدة ... والقناطر الخيرية

كان ودي اروح الغردقة والشردقة بس ماكان في وقت :cry:

سويسرا

http://fuae.net/1/pic/swiss.jpg

وسلالالامتكم

على فكرة اشكر حمامة لانها ساعدتني بالصور ترا :)



هق الهاااق

خشم


:D

[حمامه]

و عليكم السلام و رحمة الله و بركاته

ماشاء الله صاايره بن بطوووطه مو Oasis الملقبه بأم خشم :D

أم بدر إذا عن السوق في الكويت إذا زرتينا دقي علي و ماخلي سووق ماوديج له أفا عليج :glasses2:وخلي بدوري عنده :help:

بالنسبة لي سافرت البحرين و الأمارات و السعودية و مصر بالنسبه للدول العربيه
و الدول الأجنبية لندن و أمريكا و الأخيره تكفي عن دوول كثيره لأختلاف في مناخها :)

بالنسبة للمواقف الطريفة كثيره ، بس في موقف كان خطير أكثر منه إنه طريف
كنا في أمريكا في ولاية جورجيا و تونا طالعين من الجمعية و مانسمع إلا صوت شرطه و إسعاف و صوت ضرب نار و كان معانا أخوي ما يشوف إلا كلنا مسكنا بطرف قميصه :cry: بس الله ستر ومارحنا فيها :Sad2:



و ماشاء الله أكثر المواقف الطريفة صارت في مصر ما شاء الله الله يزيد و يبارك كل الشوارع عندهم زحمه فكان في واحد راكب دراجه و حاط فوق راسه شبك و عليه يمكن لا يقل عن خمسين خبزه و الخبز في مصر يكون شوي متين و حنا واقفين بالطريج ننطر الشارع يمشي و عيونا عليه و نتكلم عنه شلون قادر يشيل الكميه هذي على راسه و يمسكها بدين وحده و الثانيه على مقود الدراجه ، شوي ومانشوف إلا هذا أهو و الخبز متكودين بالأرض ، الصراحه اللي كنا بالسياره كل واحد يطالع الثاني و يشك بالثاني منو اللي فينا عينه حاره :corsair: و حصلت لي مواقف غيرها في مصر بس أخاف تقولون عن حمامه خوافه :rolleyes:

العفو أم بدووري لا شكر على واجب عزيزتي :)

[مرايا مبعثرة]

حركاااات يا حمامة ;)

بسميج

ام عين حارة :p :p

هلون تطيحين الرجال وتنثرين رزقه؟؟؟

:D :D

انا ودي اورح اليوناااان :cry:

شكرا لمشاركتج خيتو

هق الهاااق

خشم

:D

[سالمين]

ماشالله عليك لا تصيرين زي الرحالة ابن بطوطة وانا ما ادري:D

[مرايا مبعثرة]

لا اله الا الله

لوووول

سالمين ما علمتنا انت وين رحت

لا تقص علينا .. نبي نعرف كل شي عن تحركاتك ترا ;)

هق الهاااق

خشم

:D

[مجروحه]

سلااااااام
بالنسبه لي رحت دبي و اردن و سوريا و تركيا و رومانيا
و احلى شي تركيا و رومانيا
و شكرا

[مرايا مبعثرة]

هلالا مجروحة

ما شاء الله رحتي رومانيا

طيب علميني وش احلا شي اعجبك والمواقف اللي صارت لك ؟ :)

هق الهاااق

خشم

:D

[مجروحه]

شوفي اختي اويسز صحيح رومانيا حلوه و طبيعه خلابه و اكثر من خلابه
و الجو رااااااااااااااااائع
لكن مهما كانت تبقى دوله اوروبيه ما ترتاحين فيها
بس خلينا من ناسها
باقي الاشياء رااااااااائعه
الجو و المناظر
سبحان الخالق و المبدع
اما المواقف ما في شي في بالي حاليا اذا تذكرت قلت لك
بس اللي اتذكره اني كل شوي اطيح
هههههههههههههههههههههههههههههه :p

[مرايا مبعثرة]

مجروحة

كل شوي تطيحين ؟؟؟ :confused:

لا تكون الارض هناك اسفنج بس؟ :D

اوكوو انا بانتظارك خيتو

هق الهاااق

خشم

:D

[مجروحه]

لا يا معوده السبب انا بس اشوف المناظر ما اشوف طريقي
و اطيييييييح
ههههههههههههههههههههههههه
:p

[مرايا مبعثرة]

:D :D

[بنت نت]

بالنسبة لي رحت الاردن والصراحة ما عجبتني يمكن لان مافيها سوق ومجمعات بس جوها بالليل شي شي ورحت لندن ووناسة من قلب هناك ياريت اروح لها مرة ثانية ورحت الامارات واحلى شي هناك الستي شي من قلب بس ما رحت بوظبي عششت في دبي ومرينا مرة عالحسا في احد السفرات بالسيارة ولا بأس فيها بس ما شفت سوقتها ورحت البحرين بس الصراحة البحرين حلاها بهلها وناسها والسيف طبعا:D

[مرايا مبعثرة]

كمبيوتر غيرل

تسلمين عالرد حبيبتي

بس ترا على فكرة البحرين فيها كثثير غير السيف

مجمع الدانة ومارينا

وعندج منتجع البندر وبلاج الجزائر

و غير المطاعم والكوفي شوبات

شرفتي الموضوع خشم

هق الهاااق

خشم

:D

[محامي الزعيم]

احسن بلدان زرتها

لبنان طبعا (مليت منها كل سنه طابين فيها)

ايطاليا شئ روعه
الامارات ماتصلح الا بالعيد الجو رهيب

[نواف بن أحمد]

يمدحون مكة:D


أنا سافرت سوريا الأردن ولبنان.. فقط ...


وكانت أحلى أيامي في سوريا ...:rolleyes:

[مجنون بورش]

انا زرت مصر ما عجبتني لسبب احتفظ فيه لنفسي:mad:
ورحت تركيا حلوة مرة
ورحت بريطانيا حلوة :D


نواف
اشبها مكة:D :D :D :D

[ابو الفياصل]

احلى ام بدر.

صايره كشخه بالمواضيع:D


بالنسبه لي..

سافرت في دول الخليج للإمارات والبحرين فقط..

والدول العربيه الأردن..

وسافرت إلى

اندونيسيا وماليزيا وسنغافوره (( قريبين من بعض )) لكن يختلف التقدم في سنغافوره وماليزيا عن اللي في اندونيسيا..
اندونيسيا اجمل شي فيها المياه الحاره.. والجبل اللي قريب من العاصمه..:)

وسافرت
للنمسا وسويسرا وألمانيا..

سويسرا والمانيا ما طولت فيهم..
رحت لميونخ.. وصار لنا موقف.. ما اذكر عدل..

لكن اذكر انه كان فيه تمثال كبير بالشارع لونه ذهبي.

قعدنا ندور بالمدينه وظيعنا.. قعدت اطالع من الشباك لين حصلت التمثال. قلت الرجال اهوه:D

والنمسا.. كانت من اجمل الرحلات في حياتي.. ان شاء الله اكررها قريب..

ومن المواقف هناك..

كان فيه بحيره ساكنين فيها اسمها zeel am see كانت قريه فيها بحيره ومنتجع سياحي على البحيره .. واذا كان الجو حلو اروح البحيره اسبح (( المويه باااارده بس ما يخالف:D )) المهم.. اختي الصغيره كان عمرها حدود 6 سنوات.. كانت تسبح المهم طلعت.. قالت لي عبدالله شوف هذاولا ما ادري وش يبون.. كان فيه اربع شباب يناظرونها ويضحكون.. يمكن لان ملامحها عربيه وغربيه..!!

انا طبعاً طلعت فيني الشياطين.. كنت وقتها محلق شعري موس:D طالع تحفه..!
المهم واروح وامسك واحد من رقبته واقعد اتهاوش معه.. المهم انا قاعد اصارخ بالعربي.. هو سالني انت ايش قلت انا عربي.. وانحاشوا كلهم:D

ياخي والله العرب هيبه..

واذكر تعرفت على شباب نمساويين.. قعدت اسبح معهم. ما ينادوني إلا عبدول.!!! اقول يا ابن الحلال اسمي عبدالله.. يقول ya abdool!!!

وهذا رجال كبير فشلته..

كنت قاعد العب كوره في النمسا..

المهم جا يستعرض بالكوره قدام زملائه وزميلاته (( حطوا تحتها خطين:D)) المهم يوم خلص وانا آخذ منه الكوره.. حطيت فيه كبري.. والله العظيم مو صاحي.. احس طاح وجهه:D

وبس هذا اللي عندي.


الصراحه تعبت من الكتابه..:)

[تعبان]

هلا خشم البرج ..

اممممم

أنا مو مسافر واجد بس يعني رايحلي دولتين أو ثلاثة .. :

الامارات :

1- بدبي المراكز كلها شي .. :D :D :D

2- الشارقة : مركز Mega Moll

سوريا :

عجبني الجو والمغارات اللي زرناها ..

لبنان :

عجبني التليفريك ..

وتمثال مريم العذراء


إيران :

الجو والطبيعة هناك مرة !!

الهند :

1- بومباي : وعععععععع

2- مدراس : وعععععع

ماليزيا :

1- كوالا لامبور : سفاري نايت بارك ( كانت الحيوانات بدون أقفاص ونحن جنبها بالباص ) والملاهي :D

2- جينتج هاي لاند : هذي مدينة على الجبل ..

الفندق كان نهايته مغطى بالضباب

وعليهم ملاهي : ما حصلتش !!

سنغافورة :

الأسواق : وااااااو ..

وعندهم معابد الواحد يتعجب منها ( أشكال والوان ) .. :D !!

وسلامتكم .. :)

[مرايا مبعثرة]

تعبان

بلبنان ما عجبك الا هذولا؟؟؟

وجعيتا وبيت الدين ؟؟؟ لا تقول لي ما شفتهم ؟ :confused:

ودي والله اروح دول شرق اسيا :)

سنكو يو للمشاركة خيو :D



ابو الفياصل

احلالالا يا سندباد الجوي

اجل خرعت خلق الله انت وصلعتك ؟؟؟


:D :D

شاااو عبدول تشكورات

هق الهاااق

خشم

:D

[مرايا مبعثرة]

مجنون بورش

انا مصر رحتها مرتين ونيسة بس لازم تكونون group كبير

ابوي ما يحبها ولا حتى بو بدر :rolleyes: :damp:

شكرا خيو

:D

نواف بن أحمد

سوريا عجبتك ؟؟؟؟ :confused: لازم تعاكسني ولا يجي لك شي :D


محامي الزعيم

جو الدول الاوروبية ما يبغا له كلالالام

ولبنان آخ يا لبنان :) :)

هق الهاااق

خشم

:D

[ملكة الليل]

وعليكم السلام ورحمة الله وبركاته

انا ما سافرت واجد وما رحت غير الدول العربية

سافرت سوريا جوها حلو وفيها مناظر طبيعية

حلوة بس ناسها خلنا ساكتين احسن:D

وسافرت لبنان طبيعتها وجوها روووعة الصراحة

ورحت البحرين مع الحرارة الشديدة اللي فيها

بس الاسواق حلوة وناسها طيبين:)

وفي مصر طبعا الاثر اكثر شي عجبني فيها

وناسها الصراحة لصقات :rolleyes:

وما اذكر صارلي مواقف:rolleyes:

تحياتي لك:)

[مرايا مبعثرة]

يا سلالالام ملكة

رايك من رايي تمام

انشالله تروحين دول غير عربية


بس مش على حسابي :D


هق الهاااق

خشم

:D

[ابو الفياصل]

بس كنت طالع ابضاي:D

[مرايا مبعثرة]

واضح ما يبغا لها كلام :D


هق الهاااق

NoSe

:D

[تعبان]

تراني ما جلست بلبنان غير يوم واحد .. !!

[وفوووية]

بسم الله الرحمن الرحيم


أنزين خليني أفكرررر


أممممم


يوم كنا نبغي روح من الأردن للبنان اشتركنا في قروووب سياحي..

والمرشد...ولا كان يسكت..كل شي يتفلسف علينا ويقول هني الجبل الفلاني وهني المعرض الفلاني ..لحد ما راسنا صدع وما قدرنا ننام..فقلنا له إن ما نبي نسمع..قم وقف الباص عن أقرب مطعم وقال:


اللي بدوا يتغدى واللي ما بدو يصطفل>>>ليش نشتغل عنده :damp: :damp:

وفي الإمارات سافرنا مع الأهل فأجرنا ميني باص..وأحلى شي عجبنا في دبي..قولوا شنو..عبرة الهنود!!!!

فكنا كل يوم نغني في الباص:

يالله بينا يالله ...يالله نروح عبرة..عبرة وايد حلوة..يا بابا :D :D


وفي فرنسا في ديزني...

طبعا كل شي عندهم يوقفون عنده ساعااااات من الزحمة...حتى الحمامات :shock2: :shock2:

وكان أبوي يطلب الغدا قعد حوالي الساعتين..وبعدين وهو يجيب الأكل.....طاااااااااخ...وإلا كل الأكل على الأرض!!!


هذي اللي اتذكره...أويسيس...موضوع روعة!!!