رجاء مساعده من شباب الامارات

[الارهابي]

السلام عليكم

واحد من الشباب عنده كابرس اس اس موديل 2002
يشتكي ان تعليق الكابرس قاسي خصوصا التعليق الخلفي
و سمع انه تتوفر في الامارات مساعدات لسيارته
في منها comfortable و في منها قاسيه sport



اذا احد عنده حل لمشكله التعليق القاسي
او يعرف معلومات عن مساعدات الين للكابرس اس اس
من اي ناحيه
ارقام تلفون
عناوين
part numbers

فله جزيل الشكر :)

[الارهابي]

مشكورين ما قصرتوا :confused: :rolleyes:

[عاشق التضبيط]

السلام عليكم ورحمة الله وبركاته

من حقك تطرطع يالارهابي

لما احد يبي منك خدمه على طول تجاوبه وترد عليه ويوم بغيت منهم خدمه ماحد عطاك خبر

انا والله ما اعرف ولا كان رديت عليك

بس يارجال اصبر الصبر زين وان شالله شباب الامارات مايقصرون معك ;)

[الارهابي]

تسلم اخوي
فيك الخير و الله :)


و انشاء الله ما يقصروا معنا الشباب

[STS4ever]

اي والله ياشباب ساعدوه على الاقل عشان اللي قاعد يسويه بالمنتدى والعذر والسموحه يالارهابي مااقدر اساعدك بشي

سلام

[uae speed]

هلا ..

انا من الامارات بس ما اعرف للأمريكي للأسف .. بس شفتك زعلان منا .. فقلت لازم نرد عشانك .. كله ولا زعلك ..

بشكل عام احنا نميل صوب السيارات اليابانية .. والسيارات الامريكية مب ذاك الزود .. :)

اسمحلي ياخوي كان ودي اساعدك .. وان شاء الله الشباب ما بيقصرون معاك :)

[زورو الامارات]

السلام عليكم ورحمة الله وبركاته


هلا بالارهابي واسمح لي على التأخير ماشفت موضوعك

الكابرس ماندري عنها ولا عن تزويدها ابدا نادرا ماتسمع احد يتكلم عن شي امريكي عندنا ياباني وبس وشوي الماني

كان ودي افيدك بس مثل ماتشوف
مافي طلب على الكابرس بس على حسب علمي ان تعليق الاس اس رياضي وفيه نظام يشبه الهايدروليك

ماعندي اكثر من هالشي



:confused:

[King 4x4]

أخوي الارهابي . . . . . . . . . صارت رساله :D


لا تلوم أهل الامارات على قلت الرد .....

لأنه شغلهم هناك أصلا كله ياباني و قليل الامريكي (رغم معظم القطع الامريكيه تمر عندهم :OO: )

اسئل عن جيوب يابانيه يعطون و يفون و لا يزيدون بعد :D


بس زي ما قل تلك شغلهم هناك معظمه ياباني.

[corvette c4]

والله يالارهابي انت عارف انا من وين يعني ماقدر افيدك بشي ابد بس قلت حرام الارهابي يطلب وماحد يرد على الاقل لو مشاركه مثل ماسووا الشباب وانت والله ماتقصر لو احد طلبك وزود عليك بالاسئله بالك وسيع وماتقصر معه بس للاسف طلبك ماكان بحيلة اهل الامارات بس هذا الشي يالارهابي لازم يخليك تحاول تجمع معلومات عن ال اس اس سواء اللومينا او الكابرس حتى لو السياره مادخلت مزاجك ومزاج الشباب كلهم بس على الاقل يكون عندك خلفيه عنها

اقولك شي تسويه احسن لك بعد كذا لاتجاوب على احد حتى يعرفوا قيمتك يالارهابي :D >>>>>واحد محرش :laugh: :D
بس انت اصيل ماعندك السوالف هذه :banana: :banana:

[الارهابي]

تسلمو شباب ما تقصروا

كان ودنا واحد يفيدنا :D

بس يللا

يعطيكم العافيه :)

[فـهـد]

كراج بن سليم معدل لومينات وموصلها 700 حصان,مع تعديل نظام التعليق والفرامل.

يمكن تحصل عنده شي للكابرس.

[الارهابي]

اخوي فهد 2
اعتقد مع تعديلات قويه مثل اللي تقول عنها
اكيد خلوا التعليق رياضي اكثر بمعنى اخر
اقسى :D


احنا نبغاه يكون الين :damp: :Sad2:


عموما

مشكور و يعطيك العافيه
ما قصرت

[silver]

شوف موقع سبيد فو إيفر ... ممكنتلقى ناس يعرفون في القطع إلي تبيها هناك:)