تقرير عن فولفو s60

[deaddly 99 yukon]

السلام عليكم ورحمة الله وبركاته

بسم الله الرحمن الرحيم
شباب انا شريت السياره هاذي من يومين وهي
موديل 2002 ....لا تنسون تذكرون الله

السياره: فولفو s60 2.4 لتر
الفئة: سيدان
المحرك : 2.4 لتر (2400cc) 170 حصان
السرعه القصوى :210 كم حسب موقع الشركه المصنعه
التسارع من 0-100 كم في 9.6 ث حسب موقع الشركه المصنعه
المواصفات : نظام مكابح ABS بالاضافه الى ABD و
لا يتوفر ال TCS بهذا الموديل , فتحه .مقاعد جلد
,مثبت سرعه. 6 وسائد هوائيه للسائق و الراكب
, قير اتوماتيك من 5 سرعات , نظام صوتي اكثر من
رائع مع CD و كاسيت و راديو FM-AM و تحكم كامل
بالنظام الصوتي من المقود ,هاتف للسياره يتم التحكم به عن الطريق المقود بالاضافه الى سماعه منفصله , مقعد للسائق
كهربائي مع القابليه للتغير بعشر اتجاهات بالاضافه ا
لي ذاكره تخزيت لثلاث وضعيات.
انطباعات
:1- القياده : استجابة المحرك اكثر من رائعه ف
ي الحقيقه اكثر من ما كنت اتوقعه من 170 حصان
بالاضافه الى وجود ميزة KICK-DOWN و التي تقوم
بارجاع غيار عكسي عند الضغط بقوه على دواسة البنزين .
السياره تشعرك بتشبث فائق على الطريق و تعطيك
القدره على دخول المنحنيات بسرعات عاليه .
تعشيقات القير ناعمه جدا و تكاد لا تشعر بها .
2-الراحه الداخليه و المقصوره : اول ما يلفت نظرك
عند الجلوس خلف المقود هو الراحه الكبيره التي
يشعرك بها المقعد و في وجهة نظري فهذه اكثر ا
لمقاعد راحة التي جلست عليها في حياتي ,
المقصوره هادئه ومريحه ومغطاة بكل مكان بالجلد
الاصلي الذي يعطيك احساس بالفخامه , وما يعيبها
هو ارتفاع صوت المحرك نسبيا داخل المقصوره و الغريب
فالآمر انه لا يشعر بهذا الصوت الا السائق و و في نفس
الوقت يعطيك احساس رياضي رائع عند التسارع القوي
و انا ارى انها ميزه اكثر منها عيب ، يتوفر فتحتي تكيف
للمقاعد الخلفيه بالاضافه الى طفاية سجائر وولاعه ,
المقاعد الخلفيه قابله للطي لتزيد مساحة صندوق
الامتعه .
3- الامان السياره مجهزه ب 6 وسائد هوائيه بالاضافه
الى نظام فولفو لحماية العنق في حالة الحوادث ,
المكابح مجهزه بنظامي ABS و ABD كأنظمه اساسيه
ويتوفر نظام TCS كميزه اختياريه (غير متوفر بسيارة التجربه)
, المكابح ذات أداء رائع سيدهشك وذلك لقدرتها
على اخفاض سرعة السياره بزمن قياسي مقارنة
بالسيارات الاخرى ، تم وضع بطارية السياره في
الخلف وذلك لتفادي الاضرار الناتجه منها في حالة
الحوادث الاماميه .
الدرجه 9\10 (وجهة نظري )
ملاحظه السياره موديل 2002 و موديلات 2003 و
2004 لا تختلف عنها
و الآن اترككم مع الصور




http://makavilie.jeeran.com/images/0039.JPG

http://makavilie.jeeran.com/images/0038.JPG

http://makavilie.jeeran.com/images/0037.JPG

http://makavilie.jeeran.com/images/0036.JPG
http://makavilie.jeeran.com/images/0035.JPG
http://makavilie.jeeran.com/images/0033.JPG

http://makavilie.jeeran.com/images/0030.JPG

http://makavilie.jeeran.com/images/0040.JPG

[الارهابي]

ماشاء الله

الله يعطيك خيرها و يكفيك شرها

[deaddly 99 yukon]

مشكور اخوي الارهابي و ما تقصر

[Dreams_Maker]

لونها حلو ماشاءالله.......

ومبروك عليك..

:)

[deaddly 99 yukon]

الله يبارك فيك اخوي و مشكور على الرد ;)

[Third Eye]

أنا ملاحظ أخوي أنو كان عندك في السابق فولفو
ليش وقعت عليها مرة ثانية
خصوصاً أنو قطعها غااااااالية
و وكيلها زفت

[Third Eye]

وفي إقتراح عندي طبعا بعد مدة
ترش الجزء السفلي للسيارة مثل لون السيارة أتوقع شكلها يصير أحلى

وبالتوفيق

[deaddly 99 yukon]

رد مقتبس من a.w.t
أنا ملاحظ أخوي أنو كان عندك في السابق فولفو
ليش وقعت عليها مرة ثانية
خصوصاً أنو قطعها غااااااالية
و وكيلها زفت
معاك حق انا اول كان عندي فولفو و صراحه
الفولفو ادمان يعني من تشتري وحده اكيد راح
تشتري الثانيه اول شي السياره فيها
امان عالي جدا مع ان الي عندي قديمه و
ماكان فيها اي من وسائل الامان الحديثه الا
اني صدمت فيها صدمات كثيره و 2 أو 3
منها كن ممكن تكون مميته لكن لولا الله ثم الفولفو كان انا بخبر كان ....:D
و بعدين تحس ان فيها اهتمام بأدق التفاصيل
و سواقتها فعلا متعه و الكوالتي مالها عالي جدا .
انا معاك ان الوكيل زفت و قطع الغيار تعبانه
لكن السياره تعيش و تتحمل الكرف يعني
القديمه حقتي كنت كارفها كرف كان RPM ما يقل عن 6000 :D و و على كذا ما واجهتني اي مشكله فيها
السياره يبغالها صيانه دوريه كل 20000 كم
تشمل الزيوت و الفحمات و البواجي و الفلات
ر و تكلفتها اقل من 1000 ريال .
و صدقني لما تسوق فولفو راح يكون
صعب عليك انك تسوق اي سياره ثانيه حتى لو بي ام او مرسيدس .

[moon_back]

مــشاء اللــه .. :)

اختيـــار موفـق ..

يعطيــك خير ويكفيــك شــره .. :)

[STS4ever]

ماشاء الله تبارك الله

الله يعطيك خيرها ويكفيك شرها

والف مبرووووووووووووووووك

سلام

[مجنون بورش]

يعطيك خيرها ويكفيك شرها
بس لاتسرع بيها:D

[TOP-SECRET]

مشاء الله وفقت في اختيارك سياره فخمه وعمليه في نفس الوقت بس مو حق سرعه :laugh: ومشاء الله الون جذاب ... يعطيك خيرها ويكفيك شرها اخوي والف مبروك ;)

[محترم]

بسم الله الرحمن الرحيم

ما شاء الله

مبروك... الله يعطيك خيرها ويكفيك شرها


بس ما قلت كم السعر؟

[deaddly 99 yukon]

الله يبارك فيكم

مشكورين شباب و ما تقصرون وترى خلاص تبنا عن السرعه :D :D

[deaddly 99 yukon]

رد مقتبس من محترم
بسم الله الرحمن الرحيم

ما شاء الله

مبروك... الله يعطيك خيرها ويكفيك شرها


بس ما قلت كم السعر؟
اخذتها ب 65 الف ريال موديل 2002 وماشيه 46الف
و الجديده سعرها اظن بحدود ال 115 الف

[الشرقاوي]

بسم الله الرحمن الرحيم
الموتر حلو ماشاء الله يعطيك خيره ويكفيك شره:D

بس مادري شباب فيه نوع من الفولفو يجي تيربو ماتدرون وشهو:confused:

[deaddly 99 yukon]

رد مقتبس من الشرقاوي
بسم الله الرحمن الرحيم
الموتر حلو ماشاء الله يعطيك خيره ويكفيك شره:D

بس مادري شباب فيه نوع من الفولفو يجي تيربو ماتدرون وشهو:confused:
قصدك ال T5 5 سلندر مع تربو قوتها 250 حصان:cool:
تسارعها 0-100 كم بـ7.1 ثانيه
بس لالاأسف مالقيت مستعمل وسعرها جديد بـ135000 :eek: