لكل خبراء شركة لكزس وتحديدا (( ES 300 ))

[ES 300]

السلام عليكم ورحمة الله وبركاته

اولا يا شباب انا عضو جديد في هذا المنتدى الاكثر من رائع شدني خبرتكم مشالله عليكم في مجال السيارات فقلت اخذ بعض المعلومات المهمة منكم حول اخبار سيارتي المحبوبة لكزس ES 300 ..

انا ناوي اشتري هالسيارة طبعا مستعملة يعني ناقصة موديل واحد عن السنة الي بشتريها فية وعلى الارجح بشتريها على عام 2004 يعني الموديل الي بشترية هو 2003 ...

دام في وقت حبيت اعرف كل شي حول هالسيارة من الأمان الي قوة المحرك .. وهل توجد انواع مختلفة من هالسيارة في الخليج يعني مكينة مختلفة قوة مختلفة .. وهل في نوع كامل المواصافات ونوع اقل من الكامل .. ويليت لو تقولون لي وش الفرق بين الفل والعادي ...

ايضا حبيت اعرف اسعار هالسيارة ناقصة سنة مثلا ... ابي توقعات او من واحد يعرف ويزور معارض بيع هالسيارة ...


السؤال الاهم الي في بالي هو مستقبل هالسيارة يعني متى راح يتغير البدي بشكل كامل للسيارةما ودي اتوهق واخذ السيارة والسنة الي بعدها تتغير ... مالها داعي ... فيليت احد يفيدني بهالشي ...


تحياتي مع اني طولتها شوووي بس يليت لو تستحملووني ..


تحياتي لكم مقدما ..:D :D

http://www.velocityphotos.com/images/stk/2002/lx2002es30001.jpg

http://www.edmunds.com/media/roadtests/comparison/2002/entrylevel.luxury.sedan/lexus.es.300/02.lexus.es300.int.500.jpg

:banana: :banana: :banana: :banana: :banana: :banana: :banana: :banana:

[الشرقاوي]

بسم الله الرحمن الرحيم

هلا والله المهلي مايولي:D

شوف حبيبي وصلت خير :D اقوللك عن السياره كل شي

لكزس اي اس ثلاثميه هي بحق لكزس يعني فيها الراحه والامان المنشود عن لكزس والمعروف عنها مني انا عندي السياره لها ثلاث شهور تقريبا :sleep:

ماشتكيت منها ولاشي عمليه طبعا وراح تبهرك بصراحه انا ماكنت اتوقعها كذا لاكن فيها عيوب بسيطه اللي هي ان لكزس تحاول تخليها تحت الLSوGSمع العلم انها احلى من الجي اس من جوا وتصميم الطبلون ياخي يكفيك بس التخشيب حق الدركسون موووووووووووت:eek: :eek: :eek:

وبالنسبه للراحه انا سافرت فيها الرياض اكثر من مرتين واحل كلاااام عالخط ومن جوا حلوه للسايق والراكب الحين خلنا نروح للتجهيزات:D

السياره مجهزه بسيدي وكاسيت (مو زي السيارات الجديده بس سي دي) والسيدي حقها يستوعب 6 تنحط كلها مع بعض مو في بوكس خاص فيها لا اظن واضح قصدي انظر الصوره:D

الشنطه حقتها وما ادراك مالشنطه كبيره جدا

الرساوه عالخط راسيه بس مادري احس انو الا لماني ارسا منها:rolleyes:

بس لاتنسى السياره هذي فيها كل حاجه ستاره ورا وسيدي واي بي اس ومانع انزلاق ووش بعد زينون وفتحه وملاحظه بس:D

انا اشوف انها افضل من الباسات <--------------وجهة نظره

لان الباسات مراتب الخلفيه مو مريحه زي اللكزس وطبلونها احلى من جوا يعني هذا اللي اعرفه عن السياره بغيت شي ثاني انا حاضر:D

[gs300_2003]

رأى السيارة حلوة من الداخل و من الخارج عليها كلام بس 2004 راح تنزل ES330 اذا صدقت الإشاعة...

اعرف واحد الله يهديه ان شاء الله عنده الشكل القديم كان يحاول يزحفه على سرعة 200 على خط الجبيل و ماشاء الله ما تزحف ابد...

و روح الوكالة في تجربه جرب و احرقها وشوف وطبعا استخير الله الخيرة فيما اختاره الله...
صيانة ولا احسن ما راح تشتكي من شي انشاء الله مع سابق تجاربي مع الوكيل اشترينا 5 مرات لكزس و لا مرة ولله الحمد ماشاء الله تبارك الله اشتكينا ما نعرف كلمة عطل اصلا...

[ح ب ي 300]

السيارة رائعة وما عليها كلام وأحب أقولك أن أنظمة الأمان في300 ES هي نفسها الموجود في LS430 ومنها:
وسادات الهواء(SRS)
الفرامل المانعة للغلق(ABS)
نظام مساعدة الفرامل(BA)
التحكم الألكتروني بالثبات(VSC)
نظام إلكتروني لتوزيع قوة الفرامل(EBD)
نظام التحكم في الالتصاق(TRC)
أضواء عالية الكثافة(HID)

بالاضافة إلي مميزات عديدة