تقرير كامل عن الباثفايندر ((نيسان))

[الأنصاري]

قررت اكتب مواضيع عن العديد من السيارات لأني محتار لذلك المواضيع الي اكتبها هي عبارة عن سيارات تعجبني :D :D

الباثفايندر سيارة من الحجم المتوسط اثبتت وجودها خلال فترة بسيطة ولذلك لجودتها وسعرها المناسب وقوتها

المحرك 3.5 بقوة 240 حصان اوتو و250 عادي مادري ليش العادي اقوى من الأوتو والملاحظ ان المحرك قوي جدا بنالسبة لسعة المحرك

التجهيزات والشكل :الشكل الخارجي من الأمام متناسق ومن الخلف ايضا ولكن لم تعجبني من الجانب خاصة وضع مقابض الباب الخلفي
تجهيزات السيارة راقية بالنسبة لكامل الزيادات

كراسي جلدية وفتحة سقف خشب تيك لمبات زينون مثبت سرعة ريموت ووووووووووووو

اعتقد انها سيارة حلوة ومادري ايش رايكم في احد جربها

عيب لسيارة الوحيد انها جائت في البداية بمحرك 3.3 ثم تطور الى المحرك الحالي والمشكلة القادمة انها ممكن تسير 5.6 الي هي الباثفايندر ارماد ((سياسة نيسان الغبية:D :D ))

http://www.nissanusa.com/m/cma/i/3pa/3pathfinder_gal_med01.jpg

http://www.nissanusa.com/m/cma/i/3pa/3pathfinder_gal_med03.jpg

http://www.nissanusa.com/m/cma/i/3pa/3pathfinder_gal_med09.jpg

http://www.nissanusa.com/m/cma/i/3pa/3pathfinder_gal_med11.jpg

[زورو الامارات]

وعليكم السلام ورحمة الله وبركاته


تقرير حلو

واوافقك في اعجابك في هذة السيارة

فعلا الافضل في الفئه اداءا وسعرا

لو قارناها بالجيب شيروكي نجدها تتفوق من ناحية القوة

ولاتنسون انها نيسان صحيح القطع اغلى من التويوتا

لكن الفرق انك تقود سياره لن تخذلك مثل الشيروكي

[infiniti]

تقرير فعلا تشكر عليه

[روح الامارات]

يعطيك العافيه اخوي بوعبود وسيارة اثبتت تفوقها بالفعل على قريناتها من شيروكي وبرادو :) :)

[ALFA ROMEO]

السلام عليكم ورحمة الله وبركاته

مشكور أخوي على التقرير...

أحب أذكر بعض العيوب البسيطة بالسيارة لأن الوالد عنده باذفايندر 2003...

أول شي ما في تكييف للمقاعد الخلفية ...التكييف بس للمقاعد الأمامية...وهذا شي سيئ بالنسبة لفخامة السيارة...

ثاني شي هو عدم توفر مقاعد للصف الثالث :headshak:

ثالث شي صوت السيارة عالي جدا جدا بس الصوت مو من المحرك.. الصوت يجي من الخلف من العادم...

-------------------------------------------------------------------------------------------------
قومة السيارة قوية جدا وبالخط جابت سرعة 200 كم/ساعة ... والثبات جيد جدا عند المنعطفات...

[بو كايد]

تسلم اخوي على التقرير :)

تحياتي

[الأنصاري]

الله يسلمكم وباين ان الجميع يوافقني الراي الحين صرت افكر بجدية فيها:D :D

[black scorpion]

بصراحة الموضوع ممتاز بحكم اني امتلك باث فايندر موديل 2001 3.3 لتر.
وفعلاً صوت الكنداسة مرتفع نسبياً والموديل ال 3.3 ثقيل شوية في الخط . وانا اعتبرها الافضل في فئتها حتى الان.
بس ما فيها زينون الا الفئة الافخم الانفنتيQX-4

[Third Eye]

طيب ليش ما تشوف البرادو وتجربه....ومرة وحده سوي تقرير عنه:D

[A7medo]

مشكور يا بو عبود على التقرير الكامل الذي لا يوجد فيه شئ الا أو ذكرته عن الباثفايندر بس بغيت أزيدكم من الهدرة في واحد من الشباب عنده باثفايندر صارت بينه أو بين لكزس LS 400 مطارحة (عن قولتكم) كان ماسك معا ألين 120 كم

[الأنصاري]

black scorpion يمكن هذا سبب تغيير المحرك الى المحرك الكبير
a.w.t والله البرادو مادخلت مزاجي احس انها سيارة عوائل وسعرها نفس سعر الاند كروزر اذا اخترت مكينة استه سلندر
A7medo انا مسعت من اكثر من واحد انها قويه مره بس انها تمسك مع لكزس
:shock2: :shock2: