View Full Version : الـX5 بعد سنة و 8 أشهر
السلام عليكم ورحمة الله تعالى وبركاته ..
اعزائي .. احببت ان اشارككم بتجربتي مع الـ X5 بعد استخدام دام لسنة و 8 اشهر ...
في البداية سمعت ان الـX5 تعاني من كثير من المشاكل وبصراحة تخوفت في البداية من شرائها...
لكن الحمدلله .. السيارة ما عليها كلام ...
مواصفات السيارة
V8
السعة 4.4
280 حصان
نبدأ بأهم شيء .. المكيف .. :)
بارد كالثلج والحمدلله .. حتى في الصيف .. والسيارة تحت الشمس .. لا تحتاج اكثر من دقيقة ... لتزول الحرارة .
استهلاكها للبترول جداً ممتاز... معظم اصدقائي الذين جربوا السيارة لاحظوا ذلك .. داخل المدينة وحتى على السرعات العالية في الخط ... السيارة رياضية بشكل عجيب ... تماسكها مذهل على الطريق وفي المنعطفات ... تسارع عجيب بالنسبة لسيارة دفع رباعي..
بصراحة ... حملت السيارة فوق طاقتها .. استخدامي جداً سيء ... دائماً مسرع ... دائماً اذهب الى البر ...
ذبحت السيارة ... وماشاءالله عليها .. تحملتني .. :)
السيارة استخدامها جميل جداً في البر .. عزم جبار على الرمال... وفي الطين والوحل ... والحقيقة جميع من كانوا معي... اثنوا على السيارة ... وتعجبوا من آدائها .. والحقيقية .. لم يتوقع أحد قوتها على الرمال بما فيهم انا !!
السيارة ماشية الى الآن .. 57000 .. دخلت خلالها الوكالة 3 مرات ... كلفتني من يوم شرائها الى الآن حوالي 2600 درهم .. تشييك كامل وشامل
مرة دفعت 45 درهم ثمن الكشاف امامي .. لأنه احترق ..
وغيرت العجلة الخلفية قيمتها 1150 درهم
المجموع حوالي 3800 درهم دون حساب صرفية البترول ..
عيوب السيارة ...
نظراً لأنها ذات تعليق رياضي .. فإنها قاسية بعض الشيء ... على سرعة 60 مثلاً .. تحس ببعض الرجات الخفيفة .. ولكن كل ذلك يختفي على السرعات العالية ...
شيء آخر لفت انتباهي ... احياناً احس ببطء في استجابة الكمبيوتر وجهاز النفيجيشن .. GPS Navigation
امور غريبة حدثت معي لا أجد لها تفسير:
في أحد الأيام كنت في طريق عودتي من دبي الى ابوظبي ... حوالي الساعة السادسة مساءاً .. وكنت في عجلة من أمري ..
السرعة 230 كلم ...
فجاًة .. احسست برجة خفيفة جداً في المقود .. اعتقدت انها من الطريق ...
نظرت الى المرآة .. فوجدت سحابة هائلة من الدخان الأبيض تخرج من مؤخرة السيارة !!!
اوقفت السيارة على اليمين .. ونزلت اتفحص السيارة .. وكانت المفاجأة ..
العجلة الخلفية من جهة اليسار تقطعت شر تقطيع .. ويمكن القول اني كنت امشي على الرنج ...!!
صدقوني يا شباب ... لولا اني رأيت الدخان لكنت اكملت طريقي .. !!
لم أحس بأي شيء ... إلا بهزه خفيفة في المقود ..
قطرت السيارة الى ابوظبي .. وانا مستغرب !! ولكن الحمدلله رب العالمين... جت سليمه ..
في مرة من المرات .. حصلت " مطارحة" : ) بيني وبين البورش كايين ..
كانت كايين اس ... وليست التوربو ..
حسب معلوماتي .. اعتقد ان الكايين اس تأتي بمحرك 4.5 بقوة 350 حصان ... لست متأكداً ..
عموماً .. كانت الفكرة ان نرى هل ستتمكن الـ X5 من مجاراة البورش بفارق بسيط ... او انها ستخسر بفارق كبير ؟؟
ولكن كان لدى الكل قناعة ان البورش ستفوز بكل الحالات ...
وبدأت المطارحة ..
المرة الأولى .. تقدم الـ X5 ..!!! فأوقفت السيارة ... اعتقدت ان راعي البورش توقف لسبب ما ..
ولكنه اكد لي انه ظاغط على الريس بشكل كامل .. ومختار وضعية Sport ..!!!
حاولنا مجدداً .. ومرة أخرى تقدم الـ X5 لدرجة اني اصبحت امامه بفارق نصف سيارة ..!!!
لم نستطع التقدم اكثر نظراً لضيق الشارع ..
وحاولنا اكثر من مرة ... دائماً نفس النتيجة ..!!!
شيء غريب جداً ...
اترككم مع بعض الصور ..
http://www.omardesigns.com/images/DSC00367.jpg
http://www.omardesigns.com/images/DSC00375.jpg
http://www.omardesigns.com/images/DSC00376.jpg
http://www.omardesigns.com/images/DSC00377.jpg
http://www.omardesigns.com/images/DSC00387.jpg
http://www.omardesigns.com/images/DSC00388.jpg
http://www.omardesigns.com/images/DSC00393.jpg
بعد حمام دافئ : )
http://www.omardesigns.com/images/DSC00407.jpg
تحياتي لكم ...
BMW745Li
29-09-2003, 03:37 AM
السلام عليكم ورحمة الله وبركاته
ما شاء الله لا قوة إلا بالله
أنا بصراحة أصدقك بكل شئ قلتة
وخصوصا لما بنشر على الكفر
أنا مرة كنت مسافر على BMW 728iL موديل 97 وكانت السيارة ماشية 32000 تقريبا
المهم كنت على سرعة 200 كم أو أكثر شوي وفجأة إلا أسمع صوت غريب وخفضت السرعة إلى 180 كم تقريبا والصوت لازال موجود
تركت المقود وبعدها أحسست بإنحراف بسيط جدا ناحية اليمين
بعدها وقفت وإلا الكفر الأمامي الأيمن منعدم على الأخر .
ولله الحمد والمنة أولا وآخرا
لالا ليش يا عمر معذب السيارة الله يسامحك :p الله يحفظلك السيارة
topspeed
29-09-2003, 06:56 AM
السلام عليكم ورحمة الله وبركاته
الله يعطيك من خيرها ويكفيك شرها
بالنسبه حق البنشر فانا اصدقك لان الجنط او rim يجي مقاس 18
فطبيعي انك ماتحس بالبنشر لان ارتفاع التاير بهالحاله يكون قليل
يعني الجنط مقارب من الارض ولا ننسى جودة التصنيع عند الالمان
ومدى اهتمامهم بوسائل السلامه بعكس بعض المصنعين
والعذر على الاطاله:) :)
bashar_255
29-09-2003, 08:51 AM
:damp:
ما يحس بالبنشر شي عادي
الشيئ حصل لي بالبيجو 307:damp: بس على 140
الشي الغير طبيعي على 230 :shock2: :shock2:
اشكركم يا شباب على تفاعلكم ...
BMW745Li >> الله يحفظ الجميع ... سيارات تخليك تسرع .. خصوصاً على الخطوط ... اتحمل على عمرك ;)
AMG >> مشرفنا العزيز ... تسلم والله .. ولو سمحت .. طلب بسيط .. شوفلنا حل في الـ CL55 AMG سيارة جننتي من كل النواحي..حتى لما سألت عن سعرها ... 490 الف درهم ...
ملاحظة: بعد الخصم :banana:
topspeed >> صدقك والله ... الامان والجودة فعلاً عالية ..
bashar_255 >> وهذا المجنني ... فقط هزة خفيفة في المقود .. ولاحظ اني استخدمت البريك .. شيء غريب بس الحمدلله على سلامتك ..
خليل أبو سمرة
29-09-2003, 01:21 PM
صلى الله عليه وسلم
ماشالله سيارتك تحملتك زيادة عن اللزوم
تقريرك عن استعمالك لها في البر غير فكرتي عنها تماما بصراحة
كنت أتوقع انها تعبانة في البر
و بالنسبة للمنافسة مع الكايين , أتحفتنا بهذه المطارحة و ما كنت اتوقع ايضا
برأيك شو ممكن يحصل مع X5 4.6 is شو ممكن تكون النتيجة يعني نع كايين اس ا كايين توربو
شكرا على الموضوع
خليل
Dreams_Maker
29-09-2003, 01:37 PM
تقرير رائع..
بس أكثر شي بهرني حقيقة....الـ3800 اللي صرفتها فقط على السياره... مع انها ماشيه 57000 كيلو...
بالرغم من انها B M W
الله يحفظها لك انشاءالله...وعيني عليها بارده..
:p
تحياتي
:)
علي عبدالله
29-09-2003, 01:40 PM
مشكور اخوي على الموضوع والصور
لكن واضح ان استعمالك للسيارة خشن جدا (من الصور) يعني في العادة نشوف اللي يشترون الاكس فايف يستعملونها على الشوارع الناعمة ومايشد عليها كثير .... مع العلم ان في بعض الشباب يحبون انهم يقودونها بخشونة بس الحمدلله واضح من كلامك ومن الصور انها تتحمل الظروف الخشنة بشكل ممتاز وهذا هو المهم
:)
Q80eng
29-09-2003, 03:23 PM
الأخ O|D
يا أخي موضوعك رووووعة ....... واسلوبك كذلك ..... واسمك أروع ( فعلا اعجبني )
ما شاء الله تبارك الرحمن لون سيارتك جميل جدا ......
ويا أخي حط بالك من السرعة والله يحفظك
وتعليقي على مصاريف السيارة ... اعتقد أنها معقولة جدا لسيارة مثل البي ام ... وللسيرفس بالوكالة ..... آنا توقعت أكثر ؟؟!؟
اخي الفاضل عندي بعض الاسئلة :
كم موديل سيارتك وبكم اشتريتها ؟
ما هي الكاميرا الديجيتال التي تستخدمها وما هي درجة وضوحها Resolution ???
تحياتي لك ولجميع الاعضاء
:) :)
مرة أخرى أشكركم على التفاعل ... :D
الأخ خليل أبو سمرة ... فعلاً عزيزي .. سيارة ما يستهان بها .. وبالنسبة للـ X5 4.6is مع الكايين S اعتقد انه في منافسة جيدة..
لكن مع الكايين توربو .. اعتقد مافي أي مقارنه ... لا مع 4.4 ولا حتى 4.6 ولا حتى مع الـ 4.8 الجديدة .. اقولك ليش ..
جربنا الكايين توربو مع اللومينا SS الجديدة ...
الكايين اختفى قومه وخط ... تخيل .. !!! :black:
ما اعتقد في اي مجال لأي X5 "حالياً" بس ما يندرى في المستقبل شو يستوي ... :p
شكراً مرة أخرى ..
الأخ Dreams_Maker :: السيارة تمشي معاك 25000 كيلو قبل ما تحتاج صيانه او تبديل للزيت ... واذا كنت ممن يحافظ على السيارة "ما تسرع كثير" ممكن تطول الفترة اكثر ... فلما نحسبها مقارنه ببعض السيارات الأخرى اللي يجب عمل صيانه لها كل 5000 أو 10000 كيلو
تجد انها تكلفة مقبوله جداً ... بس صراحة .. بشكل عام قطع غيار BMW جداً غالية .. وشكراً لك ..
الأخ راعي البيج ... كلامك صحيح .. بس لما اشوف كاتالوج سيارات مثل هذي .. مثلاً البورش كايين .. حاطين صور لها تمشي و نصها غرقان في الماي ... !! فأتوقع انه هذه السيارات مصممة للمهام الصعبه.. :rolleyes:
الأخ Q80eng ... يا خي كلك ذوق .. والله احرجتنا
السيارة موديل 2002 كانت قيمتها 205000
بالنسبة للكاميرا .. استخدم كاميرا فيديو سوني الجديدة
بقوة 2.1 ميجابكسل .. يعني الصورة تطلع 1600 في 1200
طبعاُ ممكن تحصل كاميرات ديجيتال بقوة تصل الى 5 ميجابكسل
بس هذه اللي عندي كافية وتغنيني عن حمل كاميرتين .. لأنها تصور فيديو ايضاً...
عنوانها http://www.sony-ae.com/handycam/dcrip210e.htm
وشكراً لكم جميعاً...
خليل أبو سمرة
30-09-2003, 02:59 AM
أخ O|D عندي لك سؤال + طلب
السؤال هو : ما ي أهم السيارات التي سابقتها و كانت النتيجة غير متوقعه و انت نفسك صدمت بها
الطلب هو : حسب معلوماتي السابقة من التجمع الأول ان عندك موستانغ كوبرا معدله . ( ممكن تقرير مفصل عنها و رأيك في السيارة و تجربتك معها )
شكرا
خليل
مدردش متقاعد
30-09-2003, 03:30 AM
السلام عليكم ورحمة الله وبركاته
الله يعين سيارتك... معذبها تعذيب الله يسامحك:)
بصراحة الإكس فايف سيارة ما عليها كلام... سواء من ناحية الشكل أو أداءالمحرك..و سعرها مناسب جدا مع مميزاتها.. الله يبارك لك فيها و يحفظ لك إياها..:)
على فكرة.. يمكن إنت ما تعرفني .. بس أنا أعرفك ..حضرت عرسك..ووالدك يعرفني زين:)..
ما كان عرسك في الظفرة قبل حوالي....سنة و شوي؟:D
تحياتي لك:rolleyes:
760IL
30-09-2003, 03:59 AM
مشكور اخوي الف على الموضوع و على الصراحه البالغه في الكلام
كـيـمـو
30-09-2003, 05:11 AM
ارحم ياشيخ .. هلكت السياره ياويلك الحين مدردش متقاعد يعلم ابوك :D
ماشاء الله تبارك الله سياره روعه وتقرير رائع يعطيك العافيه
BMW745Li
30-09-2003, 05:19 AM
أخوي O|D
بغيت أسألك سؤال أنت ليش دفعت 2600 درهم
أنا اللي أعرفة أن الضمان شامل بإستثناء الإطارات أعتقد
يعني كل شئ على الوكالة عدا البنزين :D
يا ليت توضح الضمان عندكم لو سمحت
ومشكور ,.,.,
الأنصاري
30-09-2003, 08:10 AM
قوة وتحمل وراحة وامان بكل اختصار الألماني الى الأمام :D :D
اكيد فرحك هذا الكلام:D :D
الأخ / خليل أبو سمرة
انتظر الكوبرا..... قريباً ... :black:
الأخ / مدردش متقاعد
ماشاءالله عليك .. انا نسيت متى كان عرسي .. انت بعدك متذكر :D
حياك الله اخوي ...
الأخ / 760IL
العفو اخوي .. والصراحة ضرورية .. لأن الهدف هو نشر الفائدة
الأخ / كيمو
مشكور على مرورك الكريم .. و لا تحاتي .. مدردش متقاعد حبيبنا ;)
الأخ / BMW745Li
صحيح ... بس لازم تدفع فقط ثمن الأشياء الاستهلاكية .. تبديل زيت .. سفايف .. الخ .. مثلاً انا احترق عندي كشاف الضباب الأمامي .. دفعت ثمنه 45 درهم .. بس مرة اختربت الجامة الخلفية .. صلحوها على الضمان .. هذا هو الفرق .. ومشكور عزيزي مرة أخرى ...
الأخ / بوعبود
مشكور على مرورك .. وفعلاً .. الألماني الى الأمام :D
القرن الجديد
01-10-2003, 08:18 PM
بسم الله الرحمن الرحيم
ماشاء الله ماشاء الله ماشاء الله ماشاء الله ماشاء الله ماشاء الله ماشاء الله ماشاء الله ماشاء الله ماشاء الله ماشاء الله ماشاء الله ماشاء الله ماشاء الله ماشاء الله ماشاء الله ماشاء الله ماشاء الله ماشاء الله ماشاء الله ماشاء الله ماشاء الله ماشاء الله ماشاء الله ماشاء الله ماشاء الله ماشاء الله ماشاء الله ماشاء الله ماشاء الله
وين الشاب الي يقولو ا x5 للمدينة بس
ويقولو لما تطلع للبر يخرب :help:
والله ماشاء الله
رد مقتبس من القرن الجديد
وين الشاب الي يقولو ا x5 للمدينة بس
ويقولو لما تطلع للبر يخرب :help:
انا اخالفك الرأي بأمرين
الاول
لو تروح للشركة وتسال عنها في البر بيقولوا لك ابدا مايصلح للبر وخاصة اللي مقاس جنطه 19 انش
الثاني
انا شفت قدام عيني ثنتين X5 من جد تفشل في البر ..ليس قصرا من محركها لكنها ذات تعليق لا يتناسب مع البر ومقاس الجنوط كبير جدا
طبعا مع احترامي لصاحب الموضوع ولا يفكر اني مكذب له:)
mustang cobra
02-10-2003, 01:19 PM
بسم الله الرحمن الرحيم
يا O|D ارحم سيارتك شوي لوها لاند كروزر كان قلنا معليه بس بي ام مو معقوله والسبب غلى قطع غيارها لوها رخيصه كان قلنا معليه;)
Lorinser
05-10-2003, 11:29 AM
السلام عليكم ورحمة الله وبركاته
اعلومك عمر وشخبارك .. عساك الا بخير وسهالة .. وينك ياريال ما تنشاف ... أحيد أخر مرة شفتك فيها في اللقاء الاول بس وبعدها قطعتنا .... :cool: :Sad2:
صلى الله عليه وسلم
مشالله الصور تتكلم عن نفسها :)
وداعة الله
بسم الله الرحمن الرحيم
اخوي القرن الجديد
تسلم ياخي ... ومشكور على مرورك الكريم على الموضوع ...
اخوي S8 ... شكراً على ملاحظاتك ...
على فكرة .. اتذكر قبل ما اشتري السيارة .. رأيت شهادة Certificate على احد المكاتب الخاصة بمسؤول المبيعات ..خاصة بقيادة الإكس 5 على الــ OFF Road
ولما سألت قالوا لي ان الشركة ترتب دورة في كيفية قيادة الأكس 5 في البر للموظفين ...
فأعتقد ان السائق ايضاً يلعب دور في الموضوع ... انا شخصياً احس بفرق بين سواقة النيسان في البر .. وسواقة الكروزر ..
فمابالك بالاكس فايف .. اكيد في فرق .. وله طريقة خاصة ..
ومثل ما اتفضلت ... قياس اطارات الاكس فايف 19 انش .. والجديد 20 انش .. اكيد سواقتهم بتختلف ..
بالمختصر المفيد .. اعتقد أن الاكس 5 تمشي .. بس يبالها دريولي :D
شكراً لك مرة أخرى عزيزي ...
الأخ mustang cobra
اول شيء .. احييك على اسمك ... موستينج كوبرا ...
وماعليك .. الكس فايف تبيض الوجه .. لا تخاف عليها ;)
عزيزي Lorinser
عاش من شافك يا ريال .. والله لكم وحشة كلكم ...
ان شاءالله نتشاوف قريب ...
وسامحونا ظروف الدوام ... ما تخليلنا فرصة .. الله ايعيين ...
تحياتي لكم جميهاً ...
mtayam
06-10-2003, 07:48 AM
بسم الله الرحمن الرحيم
السلام عليكم ورحمة الله وبركاته
يعطيك خيرها ويكفيك شرها
عيني عليك بارده
اخوك
متيم
abu_nasser
06-10-2003, 04:12 PM
السلام عليكم ورحمة الله وبركاته
هلا اخوي بصراحه السيارة ممتازه لكن فيها بعض العيوب من خلال تجربتي معها خلال ست شهور تقريبا
وهو الدركسون ( الطارة مثل ما يحب البعض يسميها ) ثقيل بشكل غير طبيعي
مادري اذا هذا العيب موجود عندك او لا
ابو ناصر
ايطالي
07-10-2003, 04:13 PM
الله يعطيك خيرها ويكفيك شرها .. مع اني حاس ان السيارة بيجيها شي بعد الموضوع هذا :D .. بس الله يحفظك ويحفظها لك
اخوي على الامان فالـX5 معروف انه افضل جيب بالعالم من ناحية الامان على الخط وبالحوادث كمان .. وتقدر تشوف الجوائز اللي اخذتها البي ام من عناصر الامان اللي متوفرة بال X5
بس انا بعلّق على نقطتين .. اول شي على الجيب الكايين .. انا سمعت بوكالة البورش ان الكايين اس تروح على الـ 4.6 مع اني اظن ان البي ام اخف من البورش
فهل تتوقع انه خويك ما دعس كل الدعسة او انه صار شي بالخط .. لان اللي سمعته ان الكايين اقوى فوور ويل موجود الان
وعلى البر .. فأنا معاك انه مو اي واحد يروح البر بالـ X5 .. لان السيارة نفسها ولو تسأل اي احد بيقولك انها للمدينة مو للبر .. وما تتقارن باللاندكروزر او بالباترول
واسفين على الاطالة .. ومشكور على الموضوع الرائع .. ولون السيارة الاروع :)
السلام عليكم ورحمة الله وبركاته
O|D
هلا فيك اخوي
طبعا السياره ماعليها كلام مشالله
بس بسألك سؤال واحد
من كلامك عرفت انك جربت اللاند كروزر ولباترول بالبر
بس بغيت اعرف اي احسن موتر جربته بالبر
الباترول ولا الاكس فايف ولا اللاند كروزر
مع التفصيل لو ماعليك امر
ومشكور على الموظوع:)
بسم الله الرحمن الرحيم
الأخ mtayam ...
مشكور على مشاركتك معانا .. وجزاك الله كل خير ...
الأخ abu_nasser .... حياك الله اخوي .. بالنسبة للسكان .. ما اعتقد انه ثقيل .. بالعكس خفيف جداً .. بس كل ما تسرع يبدأ السكان يثقل .. اعتقد انه هذا النظام اسمه Active Steering Weel
تحياتي بوناصر ...
أخوي ايطالي ....
تسلم يا خوي والله ... صراحة كلك ذوق .. ودايماً الايطاليين فنانين .. ;)
ومشكور على تعليقك ..
بالنسبة للبورش كايين اس .. ذكرت اني كنت متوقع انها تروح .. بس اللي حصل معانا غريب .. على العموم قد يكون بهذه البورش اللي جربت معاها مشكلة ... وقد يكون الوضع مختلف مع واحدة اخرى ..الله اعلم ..
جزاك الله كل خير ..
الأخ فاهم ...
هلا والله فيك اخوي .. وحاضرين ... طلباتكم اوامر .. :p
بالنسبة لموضوع للبر والسيارات الثلاث ..
صراحة الاكس فايف فاجئتني بأدائها الممتاز .. ولكن أعتقد انك بترتاح اكثر في نيسان أو كروزر ...
من خلال تجربتي الشخصية للإثنين .. ماعليهم كلام وهم الأفضل طبعاً من الاكس فايف كاستخدام للبر ... خصوصاً اذا كانت طلعاتك كثير ...
النيسان ممتع وخفيف .. (القير العادي) :black:
والمفروض انه ما يوقف عليك ابداً ...
الكروزر واثق من نفسه كثير ... :p
سيارة ما تتعب .. ماشاءالله عليها .. سواقتها ايضاً ممتعة
اعتقد انها تتحمل اكثر من النسيان ... خصوصاً في الحر ..
والله اعلم ...
واكيد معلومات الشباب وخبراتهم اكثر .. وما بيقصرون ..
تحياتي لك عزيزي ..
السلام عليكم ورحمة الله وبركاته
O|D
هلا فيك طال عمرك ومشكور على الرد وعساك على القوه :)