View Full Version : سؤال عن البواجي واسلاكلها
الأنصاري
06-10-2003, 11:33 AM
حبيت اعرف هل نوعيه البواجي تاثر على ممشى السيارة يعني تسير اقوى
لأني اعرف ان التيوتا له بواجي خاصه فيه من الوكالة
والمتسوبيشي له بواجي من الوكالة
كما في بواجي ngk
هل في انواع راياضية ولا كلها تادي نفس الغرض
وبالنسبة للأسلاك ايش الحكمه انك تغيرها اذا هي سليمه
هذا سؤال محيرني من زمان
الارهابي
06-10-2003, 01:38 PM
البواجي :D
سيارتك اذا كانت ستوك .. البوجي الاصلي يكفي و يوفي معاها
ناس تركب بلاتينيوم >> عشان عمره طويل
انتبه اذا ركبت البواجي ( سواء الاصليه او غيرها ) ان الgap يكون نفس الموصى عليه
لكن اذا كبر الgap تكبر معاه الشراره لكن يحتاج كهربا اقوى
و اذا صغر الgap تصغر الشراره و لا بتحرق البنزين عدل
و لا تركب بواجي و بس عشان اسمها بوش او شاميبون او كنتاكي او الطازج :D
اذا كان ولا بد
جربها لفتره بسيطه و شيلها > افحصها شوف عليها كربون او ما كربون او زيت
اذا زبطت ركبها مره ثانيه :D
ناس تركب كويلات
الكويل فايدته انه يقوي الكهربا
الكهربا مهما زادت ما راح تأثر الا على شي واحد >> البواجي
اذا كانت البواجي تعبانه و نوعيتها معفنه لو زادت الكهربا اللي تجيها >>> تذوب :D >>> ( للاسف رميت البواجي اللي عندي ) :D
و عشان الكهربا الزايده هدي الناس تركب اسلاك رياضيه لان السلك يكون اثخن و مقاومته اقل و ينقل كهربا افضل
اما ليش الناس تغير الاسلاك و هي سليمه ؟؟!!
اشوف ما لها داعي
اذا كانت سليمه و حالتها اوكيك مو لازم تغيرها
عموما اسلاك البواجي حق السيارات مو معدنيه :D
الماده الموصله في اسلاك البواجي اما الياف كربون او الياف فيبر
السبب في انهم ما يستخدموا معدن زي النحاس :D
انهم لو استخدموا معدن و مع مرور تيار بفولطيه عاليه جدا 40000 فولت و زياده
راح يتولد عنه مجال كهرومغناطيسي يجيب العيد في كل شي الكتروني حوله ( راح يأثر على الchips و الmoduls اللي في السياره نفسها )
لذلك الاسلام المعدنيه كانوا يستخدموها سابقا في بعض سيارات التوب فيول
طبعا السياره ما يستخدموا فيها اي شي الكتروني
حتى الديلكو فيها كان ببلاتين :D
شوف هالصوره
فيها توضيح لاسلاك البواجي
http://terror85.jeeran.com/ignition%20wires.jpg
الأنصاري
06-10-2003, 01:46 PM
الارهابي مشكور على الشرح الوافي والصراحة هذا الموضوع كان محيرني خاصة ان اشوف شباب المنتدى ماعندهم سالفه غير البواجي واسلاكها
ويوم غيرت بواجي سيارتي ماحسيت بشئ:D :D لأن الي قبلها كنت سليمة انا استغربت سعرها رخيص 5 ولا7 ريالات بس:D :D
اما الأسلاك شوي غاليه
على العموم اشكرك شكرا جيرا على هذا الشرح تسلم والله:banana: :banana: :banana:
DodgE
06-10-2003, 01:49 PM
هلو كلام أخوي الأرهابي تمام التمام
بس شرايك تدخل على الماسنجر كل يوما ماتدخل إلا بعزيمه
الارهابي
06-10-2003, 01:51 PM
:laugh: :D :laugh:
المسنجر مبنشر
يبغى له بواجي و اسلاك :confused: :D
Third Eye
06-10-2003, 03:52 PM
رد مقتبس من الارهابي
:laugh: :D :laugh:
المسنجر مبنشر
يبغى له بواجي و اسلاك :confused: :D
لووول الحال من بعضه
يبغوك غصب تحط مسنجرك 6