View Full Version : ابغـــي فزعتكـــــــــــم ياشباب 0عاجل0
غالية
06-10-2003, 12:17 PM
السلام عليكم ورحمة الله وبركاته
اتخذت قرار....بــبــيــــــــــع سيارتي :(
بس ابغي احصل سعر زين إلها ....انا سرت معرضين يشترون السيارات المستعمله.....بس احبطوووووووني وكسرو مياديفي:cry: ..... للأسف عطوني اسعار مووووول مب مناسبه و بخسر في السياره وايد وااااااااااااااايد خصوصاً ان أنا اريد اسدد حق البنك بالقيمه اللي ببيعها ايها...و سعر السياره نزل بشكل ما كنت اتوقعه....برغم من ان سيارتي يديده وموديل 2003 ...
ممكن تساعدوني كيف اقدر احل هالمشكله... والله ترى داير راسي وما اعرف شو اسوي...:(
بوأربع
06-10-2003, 12:54 PM
ممكن نعرف نوعية السيارة
الأنصاري
06-10-2003, 01:37 PM
اذا سيارتج يايانبة مستحيل تسير هذة المشكلة
اكيد سيارتج امريكية او اوروبية غير مشهوره او حتى لو كانت مشهورة
الحل
تبيعين السيارة على واحد من الأقارب او الأصدقاء
ترجعين السيارة لوكالتها وتاخذين سيارة بدالها
هذة انسب طرق بعدين تجيك المعارض الي يخسسون في قيمة السيارة
في حل اخر تنزلين اعلان في ملحق لجريدة او شئ من هذا القبيل
بس عندي سؤال يعني انتي محتاجه فلوس :confused: :confused:
سيارتج يديدة ومهما كان نوعها فبتكون جيدة خاصة ان الوكالات تعطي ثلاث سنين ضمان
مادري هذا كل الي عندي واتمنى اكون اجبت عن تسائلاتك
Turbo Kit
06-10-2003, 01:40 PM
اخوي شنو السياره؟
E_TYPE
06-10-2003, 02:05 PM
على مااعتقد باسات سته سلندر والسياره يديده ليش بتبيعنها؟؟ حراااااااااااااام:(
حبوب بوظبي
06-10-2003, 02:12 PM
هاي فايدة الياباني و المرسدس :D
ممكن إذا كنتي تعرفي حد من الصحاب المعارض خليه يبيعلج إياها (مب هوه اللي يشتريها)
بتفرق كم الف
خصوصا هم عليهم لسان ( يخليك تشوف البيكب مايباخ)
و خصوصا 2003 و استخدام بنيه (يعني احسن سعر ممكن تحصليه بيكون بهالطريقه)
او انه مثل ما قال بوعبود حطي اعلان فجريده ( 30 درهم تقريبا)
و بيعيها لأعلى سعر
إذا كنتي فبوظبي حطي الأعلان فالوسيط (الوسيط حلك بسيط)
غالية
06-10-2003, 02:17 PM
اخوي بوعبود..أنا سيارتي المانيه فولكس واجن باسات 6 سلندر..و لالالالالالالالالالالالا انا ما ابي فلوس انا مش هذا طلبي في الموضوع .....:headshak:
انا بس اريد اذا حد يقدر يدلني على حد يشتريها او معرض يدفع سعر زين...والسبب اني اريد ابيع السياره...لا مب عشان السياره فيها شي...لالالالالالالا.....السياره اوكي.....بس أنا عندي ظروف شخصيه مضطرتني اترك العمل وابيع السياره بس اريد ابيع السياره بأقل الخسائر الممكنه وايطيح عني قرض البنك...عادي حتى لو اخسر 3 آلاف بحد اقصى....انا بس طالبه اللي يشتريها يكمل اقساطها....وأنا افتك منها....بس هذا المطلوب..............اعرف انه طلب صعب...
المطلوب 75 الف.....ومعرض السيارات المستعمله احبطوني و دمروني قالو لي 50 الف.....تخيلو السياره سعرها الاساسي 92 الف....وبس شارتها شهر 3 اللي طاف...وبس 7 الالف كيلو ماشيه...وجذيه نزل سعرها :( .....بس شو اسوي الحين انا مضطره اترك وظيفتي....وإلا ما ببيعها و بخسر فيها كل هالمخاسير :(
غالية
06-10-2003, 02:24 PM
مشكورين اخوني اللي ردو علي.....بوأربع.....Turbo Kit
E_TYPE ايوه هي الباسات
حبوب بوظبي: هيه والله صدقك .....هنيه تبان فايدة الياباني و المرسيدس....وأنا حطيت اعلان في الجريده بس للأسف اول ما يعرفون السعر يشردون و ما يردووون :cry:......
ومشكورين اخواني على تعاونكم
حبوب بوظبي
06-10-2003, 04:00 PM
الصراحة ما دام :
- ماشيه 7000 الاف بس
- استخدامج ( يعني استخدام بنيه ) هذي ميزه
- فل اوبشن و سته سلندر
- و موديل 2003
- ( و اقدر اقول مب مدعومه) <-----
- بس عيبها الوحيد انا فولكسواجن
انا اتوقع بتيبلج
( لا تعصبي:D إذا بتعصبي لا تقري الرقم )
65000 درهم تقريبا
و إنشالله خير
غالية
06-10-2003, 04:27 PM
حبوب بوظبي
مشكوووووووور اخوي على ردك ويزاك الله خير....لا 65000 ما احبطني مثل ما احبطني الرقم اللي عطاني ايه معرض السيارات الهندي....
بس والله ما توقعت ان الباسات جذيه يطيح سعرها و يديده و استخدم كمن شهر بسسسسسس.......ما اقول غير آخخخخخ يا القهر :(
بس ان شاء الله يفرجها علي يا رب....الله يخليكم ادعو لي
روح الامارات
06-10-2003, 09:08 PM
السلام عليكم ورحمة الله وبركاته
اسفين على التاخير اخت غالية لكن تبين نصيحتي انا دوم شو اسوي اذا ابغي ابيع سيارتي في معرض شو كطنت اسوي اروح المعرض بسيارة ثانيه واسالهم كم سعر سيارة الفلانية بقولون لي سعرها وطبعا السعر اللى حاطينه هم مش الحقيقي لانهم اصلا شارينها بسعر اقل من جذه ويبون الفايده بالزياده عن سعرها الاصلي (معروف ان اصحاب المعرض شغلتهم النصب ) فعقب اجيهم بسيارتي واقولهم اني طالب فيها هذا السعر طبعا هو بيتحايل على شوي لكن شو اقولهم اوكي سعر سيارة اللى واقفة نفس سيارتي بكم ( وانا امس سالنه عن السعر لكن هو غشيم ) فيقول سعر اقل من اللى قاله امس فاتحداه انا واغلبه اطلع على هذيك السيارة بلاوي الدنيا كلها :) :) الين مايقولي بس ويوافق على سعلري وهذه تجربتي مع 3 سيارتهم بعتهم بنفس الطريقة هذه ;) ;) ;)
اغلبيهم ولا تخليهم يغلبونك :D :D
تحياتي
روح الامارات
Turbo Kit
06-10-2003, 09:26 PM
زين انا اختي من السعوديه واخوي يدور سياره
وكلمته عن سيارتك
واختي السوم ما يزعل
وسامها منك ب 55 الف
اذا خاطرك تبيعين رديلي خبر
Crower
06-10-2003, 10:02 PM
شو لون السياره وكم حاطه في بالك السعر النهائي اللي بتبيعينها......... يمكن انا اشتريها حق استعمال خفيف حق البيت... ارجو الرد في اقرب فرصه
غالية
07-10-2003, 02:52 AM
وعليكم السلام ورحمة الله وبركاته
اخوي روح الامارات مشاء الله عليك تعرف كيف تتصرف وياهم...بسير عيل اسوي نفس طريقتك...
اخوي Turbo Kit....اهلين اخوي بس السعر مش امناسب لان واايد جذيه بخسر فيها وايد....
اخوي Crower ....السياره لونها كحلي ومن داخل بيج مخمل وفيها فتحه وسيدي واشياء ثانيه بعد....وأنا ابقي تكملت اقساط الحين باقي لها 77 الف.....بس مستعده ابيعها.... بـ 72....
على كل حال اي حد يبغي يتواصل معاي بخصوص السياره يراسلني على هالايميال noor_alghmar@yahoo.com
Turbo Kit
07-10-2003, 03:36 AM
زين اختي الظاهر سعري بعيد عن اللي تبينه
الله يوفقك والله حالتك تكسر الخاطر
بس عندي اقتراح ماادري ينفع او لا :)
ودي السياره لوكالتها وبيعيها عليهم او خليهم على الاقل يعرضونها
عندهم.
اغلب الوكالات عندنا يسوون كذا مع السيارات النظيفه في خدمة الافضليه. واتوقع في الامارات بالمثل.
او روحي للمعارض اللي تبيع السيارات بالاقساط وهم عرضيها عليهم
وتجنبي المعارض العاديه لان مثل سيارتك ما تنفع لهم.
على العموم الله يساعدك ويباركلك في بيعها.
غالية
07-10-2003, 06:44 AM
مرحبا اخوي Turbo Kit ومشكور على الرد..
روح الامارات
07-10-2003, 12:44 PM
الله يوفقك اخت غاليه في بيعك للسيارة واهم شي رضاك بالبيع :D
تحياتي
روح الامارات
غالية
08-10-2003, 12:51 AM
مشكور اخوي روح الامارات على ردك و نصايحك....جزاك الله الف خير
روح الامارات
08-10-2003, 12:57 AM
العفو ماسوينا غير الواجب ومثل ماقلت لك ياغاليه اسالي اول وعقب روحي لهم وثاني شي خلك حازمه معاهم يعني لو حد منهم قال سعر مو عاجبنك اصري على سعرك مارضى روحي عنه ولا تتركين له مجال وخذي لك لفه صدقيني اذا مريت عليه مره ثانيه يا انه يوقفك او مايقفك وطبع اذا وقفك غصبا عنه ذيك الساعه بيدفع لك السعر اللى انتي تبينه :) :)
غالية
08-10-2003, 01:59 AM
السلام عليكم...
مرحبا اخوي روح الامارات...والله شاكره لك تعاونك اخوي..:) ..بس و لا عليك أمر بغيت اعرف إذا في معارض معينه تنصحني فيها ان اسير لهم......
او اي حد من الاخوه يخبرني عن معارض تدفع قيمه زينه في دبي او بوظبي او العين........وشكراً
روح الامارات
08-10-2003, 02:18 AM
السلام عليكم ورحمة الله وبركاته
هلا اخت غالية العفو مرة اخرى ,بالنسبه للمعارض انصحك تروحي معارض الشارقة احسن من خلال تجربتي اما معارض دبي وتحديدا معارض العوير يقصونك قص في الاسعار اما ابو ظبي والعين ماعندي خبره منها وانشاء الله الشباب مايبخلون عليك ويخبروك :) :)
حياك الله اختي مرة اخرى
غالية
08-10-2003, 02:36 AM
وعليكم السلام ورحمة الله وبركاته
تسلم اخويه روح الامارات على الرد .....اتصدق عاد أنا كنت امفكره اسير العوير اتحرى اهناك بيكون الحال احسن زين انك خبرتني...و أسال الله العظيم ان يجعل مساعدتك لي في ميزان حسناتك...
روح الامارات
08-10-2003, 02:42 AM
العفو وانشاء الله بشوف واحد من الشباب اعرفه ويدور موتر وانشاء الله اذا شي نصيب بخبرك وبقوله عن السعر اللى تبينه لكن يهمني اعرف شو لون موترك وثاني شي طبعا سيتات جلد عندك اكيد صح طيب لونهم اسود ولا بيج :) :) واذا صار نصيب لاتنسين عمولتي :D :D
غالية
08-10-2003, 03:02 AM
اهلين اخوي روح الامارات....
الموصفات:
اللون : كحلي - السيتات....بيج بس مخمل مش جلد ....لان أنا سيارتي رقم 2 ....و V 6....قيمتها الاصليه 92 ....و شي اكييييييييييييييد ما بنسى العموله اذا صار نصيب :D
NOFEAR
08-10-2003, 10:48 AM
اختي انا لو محلك اكمل قسط السيارة حتى لو بأي طريقة ثم ابيع السيارة قطع وبهيك تجيبلك سعر معقول (رأي شخصي):glasses2:
غالية
08-10-2003, 11:46 AM
اخوي NOFEAR انته قرايت الردود....أنا شرحت فيها اسبابي.....وكيف ابيع السياره قطع :confused:
غريب السيف
09-10-2003, 05:32 PM
السلام عليكم ورحمة الله وبركاته
اختى ..انتى نسيتي اهم مكان وهو الوكالة لانهم اصحاب السيارة
جربي وروحي الوكالة وبتحصلين سعر مناسب خاصه انهم يستردون السيارات المستعملة
ونصيحه منى لاتبيعين السيارة على معرض ..بل اعتبريه امر ..لان المعرض لو خذاها ب50الف راح يبيعها االيوم الثاني ب70 الف او 72الف
واسلئي مجرب
..انا اتعامل في سوق السيارات (دلال) اشتري السيارات وابيعها واحصل نسبة 30% من ربح البيع من الممول التاجر يعني عارف السوق
وكله نصب وشطارة ..نضحك على الناس ونحنا اللى نربح
صدقيني السيارة بتييب لج سعر بس لا تستعيلين لان الشاري بستغل استعجال البايع ويفرض السعر اللى يبغيه
ومثل ما قالو الاخوان اعلان في الوسيط او في مجلة auto trader اللى تنباع في محطات البترول وانشالله تلقين الشاري او روحي الوكالة
اعرضي السيارة مثلا ب 72الف ومع التفاوض يصير 70 الف مثلا
وانشالله كل الامور تتحسن
في النهاية اخذي مشورة اي واحد من قرايبج عنده خبرة في التعامل مع هذي المواقف
والسموحه على الاطاله
غالية
10-10-2003, 02:26 AM
اخوي غريب السيف مشكور اخوي على نصايحك الثمينه.....بصراحه وعيتني على أشياء ما كنت اعرفها واجهلها....وانا البارحه واحد شافها و عطاني 68 الف.....قلت له انا جذيه بعد وايد بخسر خصوصاً انه لازم اكمل فلوس البنك.....على كل حال مشكور مره ثانيه و جزاك الله خير على النصيحه :)
روح الامارات
10-10-2003, 07:09 PM
السلام عليكم ورحمة الله وبركاته
في الحقيقة مادري شقولك لكني حاولت ورحت بعض المعارض اسالك عن سيارتك وكلهم يسعرونها من 64000 الى 69000 درهم وحتى حاولت مع شباب اعرفهم قالوا لي السعر النهائي 67000 درهم :cry: :cry: وقالوا لي ايش السبب اللى يخلي سعرها جذيه السبب انها فولكس واجن يعني قطع غيار نار يساوي سعر اقل للسيارة :( :( لان صدق بقولك شغله اللي يشتري سيارة دوم يحاتي سعرها عند البيع مستقبلا فعلشان جذه تلاقين اقبال اكثر مثلا على سيارات يابانيه والسبب لان قطع غيارها ارخص فبالتالي يصير مرغوب وسعره في السوق اكثر :( :(
انت حصلتيها الحين 68000 درهم دوري اذا ماحصلت انصحك بيعيها ولا تخسرين اكثر من جذه
وربي يوفقك
غالية
11-10-2003, 02:41 AM
اخوي روح الامارات والله ما اعرف كيف اشكرك....يكفي انك حاولت تساعدني..وسرت و تعنيت وسألت عشاني ..وهذا أن دل انما يدل على شهامتك و طيبك و طيب اصلك وأخلاقك....ربي يوفقك ويفرج عنك كل ضيق ويسعدك في حياتك يا رب.....وأنا ان شاء الله .....الله بيفرج عني همي....ويا رب تنحل مشكلتي......بس انتو ادعو لي....
http://www.hanaa.net/postcard/images/thank8.jpg
abu_nasser
11-10-2003, 03:16 AM
كان عندنا فليكسواجن باسات 2002 بعناها سنة 2002 في معارض النسيم ( مكان في مدينة الرياض )
نفس مواصفات سيارتك بـ71 الف عند معرض القمر للسيارات
في السعودية اعتقد تجيب لك السعر اللي تبينه
يونكس
روح الامارات
11-10-2003, 04:06 AM
السلام عليكم ورحمة الله وبركاته
العفو اختي ماسويت غير الواجب ;) ;) ;) وربي يوفقك اختي على قد نياتك :) :)
تحياتي
روح الامارات
لاتنسى ان المعارض اللي في البلاد professional في النصب والاحتيال واكيد بيودونك في الكلام والاعذار مثل ماتقدمت وقلت ان قطع الغيار غاليه واي عذر يتسبب في انخفاض السعر...
... ان من رأيي ان السيارة تنعرض في الكلاسيفايد في الجلف نيوز ومافي حل غير هذا...
SLR