View Full Version : سؤال لاصحاب الماجنا
الطائر
08-10-2003, 05:02 AM
بسم الله الرحمن الرحيم
اولا باركولى شباب. شريت ماجنا جديدة من الوكالة :cool:
فى شغلة موعاجبتنى وابى اسأل اهى طبيعية بكل سيارات الماجنا أو سيارتى يبيلها عيار. مع المكيف احس بأهتزاز بالمكينة. الاهتزاز بسيط وليس رجفة كبيرة ولكنى احس انها موطبيعية. بدون المكيف تخف بس تضل موجودة.
سياراتكم نفس الشى ولا سيارتى مو مضبوطة؟
الأهبل
08-10-2003, 05:05 AM
مبرووووووووووووك اخوي الطائر على السياره الجديده
الله يعطيك خيرها ويكفيك شرفا
بالنسبه للمكيف ماعندي اي خبره الشباب بيفيدوك اكثر مني
او تقدر ترجعها الي الوكاله ويشوفو اي المشكله
الطائر
08-10-2003, 05:25 AM
بسم الله الرحمن الرحيم
الله يبارك فيك اخوى الأهبل. السيارة الحين بالوكالة لأول سيرفس وقلت لهم عنها. بس ابى اتأكد من هل الشغلة طبيعية والا اتعافر معاهم عشان يصلحونها :)
الأنصاري
08-10-2003, 07:27 AM
لا مش طبيعية انا رفيقي عنده وحدة هاديه ومافيها شئ اعتقد عندك سير مش راكب عدل مع التشيك في الوكالة تنحل المشكلة
على فكرة رفيجي سيارته 2002 والحين ماشيه 50 الف مادخلها الوكالة ابدا الا يوم كان ببلاش:D :D
durango
09-10-2003, 07:09 PM
السلام عليكم ورحمة الله وبركاته
اولا الف مبروك على الماجنا
الله يعطيك خيرها و يكفيك شرها
انا امتلك ماجنا 2003 ماشيه الان حوالي 22 الف كم
بالنسبه لرجه المكيف فهي غير طبيعيه لكن الوكاله يعدلوها غصب عنهم (بلاش)
بالنسبه لمحاسن الساره:
واسعه, قويه , تسارعها جباااار , تصميمها حلو نسبيا
اما بالنسبه لمساوئ السياره :
وكيلها العيسائي في السعوديه , تنسيم هواء عند الشبابيك بعد سرعه 120 , خفيفه جدا و التحكم بها سيئ على السرعات العاليه
قطع غيار نااااااار, مافيها اي من وسائل السلامه من حيث اكياس هواء و انظمه مكابح مانعه للانزلاق ABS ولا فيها تراكشن كنترول, الريموت ما يفتح الشنطه :cry:
حصل لي قبل فتره حادث بسيط على سرعه 70 كم
كلفت السياره 9500 ريال مجرد ركن السياره :help:
انت سالت سوال و جيت على الجرح و فضفضتلك
و الحمد لله ارتحت
و اي سوال ممكن تراسلني على
m__k@hotmail.com
EMO
الطائر
10-10-2003, 08:50 AM
بسم الله الرحمن الرحيم
جزاكم الله خير على الافادة.
اخوى durango الضاهر انك ماخذ البيسك (نفس الى عندى) ولكن الدرجة الثانية من السيارة يجى معاها ABS و Airbag للسايق. الدرجة الاولى يجى معاها 2 ايرباج للسايق والى جنبه. والرموت يفتح الشنطة بعد :)
الوكيل عندنا بالكويت حرامى بعد وقطع الغيار هم غالية. المتسوبيشى بشكل عام قطعه غالية وخصوصا الباجيرو والماجنا. التنسيم مشكلته مشكلة. تصميم الابواب اهو سبب المشكلة بس إذا تعيرت الشبابيك بشكل مضبوط يروح التنسيم.
انا شريت السيارة لانهم يبيعونها الحين برخص التراب. الوكيل يبى يتخلص من السيارات الى عندة عشان يجيب الشكل الجديد. البسيك سعرها الحين 4175 دينار والدرجة الثانية سعرها 4700 دينار. فوقها سرفس مجانى لغاية 40 الف وبانزين مجانى 1000 لتر. ويوم استلمت السيارة عطونى مسجل ستيريو للبيت هدية :)
كنت بصراحة ابى الكامرى ولكن سعر ال XL اربعة سلندر اكثر من 5500 دينار :mad: لما شفت الماجنا وهى نفس الكامرى شغل استراليا بس مكينتها دبل عن الكامرى قلت نتوكل على الله ونجربها :)
الجفة للحين موجودة والوكالة يقولون عادى هذى الرجفة لان المكينه قوية. يبيلى اجرب ماجنا ثانية وان طلعت غير رحت لهم مع اربعة صعايدة :)
السلام عليكم ورحمة الله وبركاته
أخوي الطائر
لو رحت للوكالة وقلت لهم سيارة تشرب لتر زيت كل يوم ، بيردوا عليك "هذا شيء طبيعي".
لو قلت لهم سيارتي تطلع صوت مزعج لما أركب المطب ، بيردوا عليك هذا شيء طبيعي.
لو سيارتك تطلع دخان بألوان قوس قزح ، بيقولو لك هذا شيء طبيعي...
هذا هو حال الوكلاء عندنا ، ما عندهم إلا رد واحد "هذا شيء طبيعي!!"...
لذلك أنت إذا شفت شيء (غير طبيعي) في السيارة لا تسكت لهم خليهم يصلحو المشكلة ، وإذا كانت الشغلة طبيعية قول لهم طلعوا لي سيارة جديدة وشوفوا هل الصوت أو الرجفة موجودة أو لا ، وبتلاقيهم بعد هذي الهذرة يصلحو لك السيارة......
الطائر
10-10-2003, 11:41 AM
بسم الله الرحمن الرحيم
مشكور اخوى NFS على نصيحتك. والله صدقت، كل الوكالات عندنا بعد يقولون نقس الشى :)
المشكلة اخوى ان الرجفة مو مثل الرجفة العادية الى تكون بالسيارات الى محتاجة تصفية او غيره. هى اشبه باهتزازات السيارات الامريكية السبورت الى مكاينها V8 ولكن طبعا اقل بكثير. احس فيها لما تكون السيارة واقفة والجير على D وهى بسيطة وبصراحة ساق سيارتى واحد من الربع وما حس فيها باى شيئ. لازم اجرب سيارات ثانية واحكم.
فى شى ثانى شاغلنى بالسيارة بعد، الماجنا عندنا قوة مكينتها 230 حصان. نفس السيارة بامريكا (تباع باسم Diamante) ونفس المحرك (6G74-S4) قوته 210 حصان. باستراليا نفس السيارة ونفس المحرك قوته 155 كيلوواط وهذا يعادل 208 حصان تقريبا. زيادة ال 20 حصان قد يكون سببها عدة امور. استخدام دبة تلوث (Catalist Converter) مختلف عن المستخدم بامريكا واستراليا يمكن يكون واحد من الاسباب. تعديلات خاصة على الكامات يمكن تكون سبب ثانى. وغيرها طبعا اسباب كثيرة. ولكنى بصراحة مو مصدق ان متسوبيشى تسوى تعديلات خاصة على السيارة وتزيد من قوة المكينة عشان خاطر عيونا بالخليج وعلى كم الف سيارة تبيعهم.....
المكينة صج 230 حصان والا الجماعة عندنا يغشونا؟
محمد دريهم
10-10-2003, 12:59 PM
مرحبا اخوي الطاير...
بالنسبه للرجه اكيد ماهي طبيعيه والوكالة اكيد بيعرفون وش فيها..
انا عندي ماجنا 2003 ماشيه 40 الف الحمدلله بس دخلتها فحص 10 الاف بعدين ماعاد غيرت شي,,
لكن ان شالله ان المشكله بسيطه,,
شكرا
ameer_al3shg@hotmail.com
الطائر
10-10-2003, 02:58 PM
بسم الله الرحمن الرحيم
مشكور اخوى ولد الخبر
مجنون بورش
10-10-2003, 03:24 PM
انا عندي ماجنا 2002 ماشية 80 الف
ومافيها رجة ولا شي ماشي كويس
وحتى مافي تنسيم هواء
والسيارة والمد لله تمام بس نصيحة امن على السيارة
لان القطع نار
مرة سويت بيها حادث تقريبا كلفت 3000 ريال
durango
10-10-2003, 07:43 PM
رد مقتبس من مجنون بورش
وحتى مافي تنسيم هواء
======================================
كيف يعني مافي تنسيييييم؟؟؟؟؟؟؟؟؟؟؟؟؟؟
انا نفسي و منى عيني يروح التنسيم
و كل من سالت يقول انه في تنسيم
انا اسافر كتير بالسياره و هدي المشكله مجننتني
===============================
مرة سويت بيها حادث تقريبا كلفت 3000 ريال [/B]
==================================
بس 3000 ريال؟
ايش من حادث ....... انكسرت الشمعه الاماميه و الاسطب بس؟؟؟
انا الحادث حقي بس الركن فقط و السياره كلفت اكتر من 9500 ريال
ما غيرت الا شمعه و اسطب و رفرف و كبوت و مساعد و عكس و صدام
و الله لو انه كابرس كان كلف 600 ريال
انا اخويه عندو كابرس 94 اشترى الرفرف ب 150 ريال جديد
ايش الفرق يعني .... مو كله حديد؟
على العموم يا اصحاب الماجنا . يعطيكم خيرها و يكفيكم شرها
و الله يعين اصحاب الليون و المكسيماو الTT عليكم :D
و بالتوفيق
EMO
مجنون بورش
10-10-2003, 08:13 PM
اخوي durango
انا من يوم ما شريتها وعلى سرعة 160 مافي اي صوت للتنسيم
والحادث ركبت اسطب وشمعة يمين وبوية للصدام والرفرف اليمين
والصدم الخلفي كان في كسر صلحته وظربته بوية والباب حق السايق سمكرة وبوية
الطائر
11-10-2003, 05:23 AM
بسم الله الرحمن الرحيم
مشكورين اخوانى على مشاركتكم.
مافى خلاف ان قطع المتسوبيشى غالية. مو بس الماجنا، حتى الباجيرو والجالانت. الوكالات تطلع فلوسها من قطع الغيار مو من بيع السيارات :)
السيارة بدت تنتشر عندنا بالكويت بشكل كبير. هذى الشغلة زينة لان الشركات التجارى راح تجيب قطع غيار لما تشوف السيارة منتشرة. الحمد لله ان خرابات المكينة قليلة :)
الطائر
11-10-2003, 05:40 AM
بسم الله الرحمن الرحيم
طيب شباب ماحد جاوبنى على موضوع قوة المكينة. ليش عندنا السيارة 230 حصان وبامريكا 210 حصان وباستراليا 208 حصان؟