** إستشارة في تعديل اللاند كروزر واللي عنده خبره بتلغيمها ** ضروري ..

[MUSTANG-MACH 1]

بسم الله الرحمن الرحيم...

السلام عليكم ورحمة الله وبركاته ...

عندي سيارة لاند كروزر موديل 97.. 6 سلندر GXR جير عادي .

السيارة قويه بالحيل وعليها قومة جنااان وأنا أبي أزيد قوتها عن طريق التعديل الخفيف بدون أي أضرار ولا مشاكل ممكن تظهر لي .

يعني مابي نايتروز ولا تزويدات خطيرة ...

ابي تعديلات تزيد قوتها ..

وأبي استفسر عن أفضل سوبر تشارجر لها وما يخرب المكينه ولا يضرها بشي .

وكم الأسعار التقريبيه ومن وين أقدر أركب ها الاشياء بالامارات ..

أخوي روح الامارات انا سمعت انك ملغم سيارتك .. شو نوع التلغيم وكم زاد من الأحصنه عندك اذا سمحت ..


أرجوا منكم انكم تساعدوني بها الشي لأني ناوي على تعديلها في القربيب العاجل .

ومشكورين ..

اخوكم عمر ..

[King 4x4]

خلني أنا أساعدك شوي :D

أولا يا طويل العمر كم تقدر تقط في الموتر ؟

اذا كانت بحدود 2500 الى 5000 فزين :black:

اذا كانت أقل لا تفكر :headshak:

أول شيء تقدر تحط فيه هدرز بحدود 1300 ريال و اذا كنت في الشرقيه مالك الا الأحساء بمحل في شارع الزينه جنب صراف الأهلي ذاك عنده.
طبعا هو بيعطيك اياه كامل من الراس الى آخر دبه و يجي دبتين.
عنده كم نوع من الدبات فشوف وش اللي يعجبك من الازعاج :D

ثانيا عطه نظام كهرب كامل و يجي كالآتي :

بواجي : هذي ما تلقى اذا كنت في السعوديه الا بوش و سبليت فاير واثنينهم فاشلين و أحسن نوعيه هي بواجي أراديوم و لا تلقاها الا في الامارات و تكون غاليه و تجي السبليت فاير بحدود ال220 للطقم من 6 حبات و البوش رخيصه فيما أتذكر.:Sad2:

أسلاك : في عده أنواع و أنصح بأسلاك تكون من شركه MSD و لكن فيه أحسن منها و انت وحظك بس لازم تكون طبقه عزلها 8.8 ملم عشان اللند يطلع حراره شوي و تكون بحدود ال300 الى 400 على حسب النوع و السمك في العزل.

سوبركويل : مافيه الا MSD BLASTER و يجي رقمين 2 و 3 و لا شفت فرق كثير بينهم و يكون بحدود ال250 ريال.

الMSD (منظم كهرب) : ذا يجي أنواع كثيره و أرخصها ال6A و فيه 6AL و غيرهم أنواع كثيره و يكون الأول بحدود ال700 الى 800 و الثاني يزيد عنه بحدود ال200 ريال و أنصح بالثاني لأن فيه نظام أمان عشان تقدر تحدد ضغط المكينه وين حده.

شغل الميكانيكا :black: :

اذا قدرت تحصل كامات و يجي أنواع فموترك بيطير بس تضر المكينه. :shock2:

السوبرشارجر و التيربو يضرون المكينه فلا تفكر فيهم. :eek:

[MUSTANG-MACH 1]

السلام عليكم ..

مشكوور اخوي king 4x4 والله انت كفيت ووفيت ..

انا حاط 10000 درهم يعني 10000 ريال سعودي وأقدر ازيدهم اذا تطلب الامر حق تعديل السياره وناوي اركب لها جلد وخشب بعد وابي اركب لها سيستم صوت وتلفزيون وزينون غاز باذن الله ... وانا بالامارات بس ما كان عندي فكره شلون اعدلها وشو اهي الاشياء الانسب لها بس الحين وبفضل الله وفضلك خلاص عرفت شو اسوي وانشاء الله راح اعدل سيارتي بأفضل ما يمكن ..

مشكوور وما تقصر والله يخليك لي و للمنتدى ..

اخوك عمر ..


اذا فيه أحد عنده أشياء غيرها ممكن اضيفها فلا يبخل علينا ويقول اللي عنده ترى انا ابي اخلي سيارتي تكون قويه وفخمه من داخل .

ومشكور king 4x4 مره ثانيه ..

مع السلامه وبانتظار باقي الشباب . ..

بس ابي اعرف كم حصان يزيد بقوة المكينه .. ؟ :confused:


:glasses2:

[ملفت_الانظار]

السلام عليكم

أخوي MUSTANG-MACH 1 ... انا مثلك كنت أتسأل من كم شهر .. لكن اللاند كروزر اللي عندي 98 لكن قير تماتيك..

الحمد لله على الرغم من السيارة تمشي مشي رهيب الا انه لا صوت ولا ازعاج خارجي ولا شيء يضر بالمكينه..

أولا الهدرز :

أخوي حط رأس هيدرز ( مونوفول ) قياس 3.5 انش. لين الدبات اللي
بالوسط. و لا تغير و لا تفكر تغير الدبات الثانية.. والا راح يطلع لك صوت.

ثانيا الوالات :

لازم من تضبيط الوالات و تعديل فترة الشرارة الواحد في الدقيقة.

ثالثا الفلتر :

الفلتر بروحه يزيد 10 حصان للسيارة. بمعني, تركب فلتر أمريكي + انبوب من الهيد للفلتر ( أنا شخصيا مركب فلترين )

رابعا مبرد الزيت :

الأويل كولر بالانجليزي. و سعره شوي غالي مع التركيب. بس مضمون. السيارة تكون في السليم و خاصة على الخط السريع.

بالطريقة هاي السيارة عندك لا فيها صوت اذا وقفت. ولا تتعب على الخط الطويل. ولا تضر بالمكينة ... و في نفس الوقت .. الانطلاقة و العزم اكبر عن قبل.

هذا على قد معرفتي.. وأتركك مع الخبراء

تحياتي

[MUSTANG-MACH 1]

السلام عليكم ..

مشكووور اخوي ملفت_الانظار ...

والله ريحتني بها الكلام انه مايكون فيه ازعاج ولا ضرر على المكينه بالخطوط لأني انا راح امسك بيها خطوط باذن الله ..

وانشاء الله بركب لها كل ها الاشياء .. وراح اخليها كروزر خيالي ..

ومشكوور مره ثانيه على معلوماتك الثمينه ..

بس في سؤال بعد اذنك ... شو أفضل نوع فلاتر ولا تهتم بالسعر لأني انا ابيه يكون أحسن واحد والتغيير مره وحده مب كل مره .. ومشكوور .

اذا فيه أحد عنده زيادات أقدر أركبها بالكروزر وتزيد فخامة السيارة وقوتها فلا يبخل علينا ..

بانتظار باقي الشباب ...


اخوكم عمر ..

مع السلامه ..


:glasses2:

[MUSTANG-MACH 1]

للرفع ..


وينكم شباب ... :(

[روح الامارات]

رد مقتبس من MUSTANG-MACH 1
بسم الله الرحمن الرحيم...

السلام عليكم ورحمة الله وبركاته ...

عندي سيارة لاند كروزر موديل 97.. 6 سلندر GXR جير عادي .

السيارة قويه بالحيل وعليها قومة جنااان وأنا أبي أزيد قوتها عن طريق التعديل الخفيف بدون أي أضرار ولا مشاكل ممكن تظهر لي .

يعني مابي نايتروز ولا تزويدات خطيرة ...

ابي تعديلات تزيد قوتها ..

وأبي استفسر عن أفضل سوبر تشارجر لها وما يخرب المكينه ولا يضرها بشي .

وكم الأسعار التقريبيه ومن وين أقدر أركب ها الاشياء بالامارات ..

أخوي روح الامارات انا سمعت انك ملغم سيارتك .. شو نوع التلغيم وكم زاد من الأحصنه عندك اذا سمحت ..


أرجوا منكم انكم تساعدوني بها الشي لأني ناوي على تعديلها في القربيب العاجل .

ومشكورين ..

اخوكم عمر ..

هلا اخوي عمر اسمحلي على تاخري اخوي :) :) المهم طبعا اخوي KING 4X4 كفا ووفا في الاشياء الضروريه للتلغيم الكروزر ترا الكروزر علشان يعطيك فل بور لازم تحط فيه هدرز وطبع الى الدبه اللى في الوسط يكون افضل علشان مايطلع لك صوت واجد و فلتر ريس عن طريق بايب ممتد من الهد الى راس الفلتر بيعطيك جواب صح وعندك الMSD مع الوايرات لونها ازرق للكويلات يعطي كهرباء افضل للسيارة طبعا تحتاج لبلكات بلاتينيوم ويفضل ذات الريشتين تكون افضل :) :)

ايضا في عامل اعتبره العامل الجيد في الكروزر وهو تنزيل الموتر شوي يعني لو تنزله من قدلم حبه وحده ومن الخلف حبه ونص بيطلع المموتر وحش ويصير ثابت اكثر في الخط :) :) والتواير البوالين تلعب دور كبير في السيارة وفي مشيها يعني افضل عن البوالين ماشي حق خط

واي سؤال احنا حاضرين

[MUSTANG-MACH 1]

السلام عليكم ...

مشكوور اخوي روح الامارات على ردك ومعلوماتك القيمه ...

التنزيل صراحه صعب لأنه يتم بطريقتين القص والحراره وكل الطريقتين مب داشات بالي بس اذا فيه جانبينات رياضية أقدر أركبها وعندك معلومات عنها فياريت تفيدني ..

وبالنسبه حق التواير انا مركب لها ميشلان LTX العريض واللي شكله كأنه بالون .. شو رايك فيهم بالخطوط ..

وهل فيه أشياء أقدر أضيفها حق الكلتش والبريكات .. يعني هل فيه كلتشات أحسن عن العاديه الموجوده بالكروزر وهل فيه بريكات أقوى أقدر أركبهم ..

وآخر سؤال .. ادري تعبتك معاي .. أبيك تعطيني عناوين المحلات اللي في الامارات اللي أقدر آخذ منهم ها الشغلات و وين أحسن مكان أقدر أركبهم فيه ..

و مشكوور وما تقصر والله يعطيك العافيه ..


اخوك عمر . ...

:glasses2:

[روح الامارات]

السلام عليكم ورحمة الله وبركاته

هلا اخوي موستنج لا افا عليك مافي اي تعب وبالنسبة للتنزيل السيارة اقترح عليك تخلي ابع الوكالة عندك وتاخذلك واحد مستعمل وقصه هذه الطريقة الوجيده الناجحة برأيي ;) ;) واما افضل مكان عندنا في الامارات فهو السيارة الذهبية في الشارقة وانشاء بجيب لك رقم تلفونهم وعنوانهم وهو متوفر فيه كل شي كلتشات ريس وفلتر وMSD وغيرها من الشغلات الاخرى :) :) والبريكات ياطويل العمر في محل في دبي لكن للاسف ماعرف مكانه بضبط او عنوانه لكن انشاء الله بسال وبشوف لك ;) ;)

تواير ميشلان اعطيك اياهم 100%100 حق خطوط لكن البوالين احين لانها تتحمل سرعات عاليه :)

والعفو واي خدمة حاضرين :)

[ملفت_الانظار]

السلام عليكم ,,

ممكن اعرف شو هاي التواير ( البوالين )

اللي اعرفهم :
Michelin
Bridgestone
BF Goodrich


؟؟!؟!

[MUSTANG-MACH 1]

السلام عليكم ورحمة الله وبركاته ..

مشكوووووور اخوي روح الامارات ومادري شلون اشكرك على ها المجهود ...

تسلم والله يعطيك العافيه ...

*************************************

اخوي ملفت الانظار ..

التواير البالون مادري شو أفضل ماركه بس احنا نقول عليها " تواير 900 " .. وانشاء الله راح يفيدونك الشباب أكثر ..

*****


عمر .. :glasses2:

[ملفت_الانظار]

مشكور اخوي... الحين فهمت ...


ال900 انواع ... في سيام تاير و في بيجستون ...


اي نوع احسن ... مع اني سمعت ان الاطارات هاي ثقيلة ؟!؟!


تحياتي

[MUSTANG-MACH 1]

للرفع ..

علشان تجاوبون على سؤال اخوي ملفت الانظار ..

وينكم شباب .. :)

[King 4x4]

لبوالين شباب تجي من Siymat

نوعين بالحجم

900 و ذا عله ثقيييييييييييييييل :o

أنا كنت مركبه في موتري الربع و فكيته لأنه مثقل على الموتر في القومه و الخط

بس يعيييييييييش

600 و ذا خفييف

يصلح حق قومات و خطوط بس ما يعيش

الأهم شيء لا تشترون كفرات الدنلوب البالون

فااااااااشله

أضمنها لك 6 شهور و متسحته :D