متسوبيشي GT 3000

[الأنصاري]

متسوبيشي GT 3000 او GTO من السيارات الإسبورت المميزة والنادرة

هذة السيارة وصلت اسواقنا بكميات قليلة اضافه الي ان تم ايقافها

السيارة تشبه اكيرورا NSX وشوفرولية كورفت

شكل السيارة مميز وجميل رغم ان موديل السيارات الي في الصور 1994:shock2: :shock2:

بالنسبة للمحرك هو من ستة اسطوانات سعة 3.0 مع 24 صمام DOEH مزودة بتوين تيربو بقوة حصانية لم استطع تحديدها هي بين 300 و400 حصان اغلب المواقع تحطها معدلة بالنسبه للجير من 6 نسب عادي

في القليل من الناس يمتلكون هذة السيارة في الخليج يعني مميزة:D :D
http://www.thecarsource.com/mitsu/images/den294gt2b.jpg
http://www.evanscooling.com/gallery/94_Mitsubishi_VR4_2.jpg

http://auto.mail.ru/images/historic/imgLr1696mi3000GT.jpg

[@elmalghoom@]

أنت من وين؟

[الأنصاري]

ليش:confused: :confused:
انا قطري من قطر
في شئ شايفه علي:damp:

[bashar_255]

و الله سياره حلوه واجد:D

بس ما ادري انتاجها وقف ولا ايش:confused:

[MaKMaN]

لما شفتها بالكويت من يومين


اندهشت لما قريت عليها .... متسوبيشي !!!

[CRX]

هلا و غلا
فعلا زي ما قلت فيها شبه من ال NSX و انا احس ان السياره مظلومه حقها يعني ما احد ركز عليها من قبل الشركات

[A7medo]

مشكور يا بو عبود

هذه السيارة مانجحت الا ذاك الزود لأن الي يملكونها يعانون من كثرة مشاكلها

[@elmalghoom@]

بس اللي فهمته من كلامك أن السياره مومتوفره ومحد يدري حتى عن مواصفاتها عندكم لدرجة أنك حددت قوتها من خلال التخمين.
بس عندنا في البحرين السياره كانت أكثر من الهم على القلب وتوها بدت تقل لأن صيانتها شوي غلجه(صعبه)ومافي لها قطع غيار في الوكاله.
بس السياره في وقتها كانت ومازالت شي عجيب.وكانت تتوفر بعدة فئات أقواها VR4 تتميز بدفع رباعي وقير بست سرعات ومحرك بست أسطوانات توين توربو 3000CC وبقوه 280 حصان.وفي منها فئه بنفس المحرك بس بدون التوربو وبسحب أمامي وآخر أيامها وفرتها الشركه بسقف صلب مع إمكانية طيه في الصندوق الخلفي(قبل البيجو206 أو حتى مرسيدسSLK).

ملاحظه: السياره كانت مشروع مشترك بين متسوبيشي اليابانيه ودودج الأمريكيه. والدودج كانت تسوقها تحت أسم ستيلث.والستيلث كان تصميمه يختلف وكان بملامح أمريكيه واضحه.

[الأنصاري]

@elmalghoom@
مشكور اخوي على الشرح الوافي:D :D انا قلت انها مش منتشره لأن الموجودين في قطر ينعدون على الأصابع اما البحرين معروفة بالسيارات الرياضيه بالنسبة للقوة انا ماخمنتها بس يوم سويت سيرج في المواقع كان كل واحد يكتب قوة على ما اعتقد لأنه معدلها بس انت جبت قوتها صافية من الوكالة
على العموم انا عرفت السيارة من لعبة على البلايستشن اسمها جراند تريسمو
وعجبتني لأنها قوية وشكلها جذاب بس المشكلة انهم وقفوها

مشكوووووووور على الشرح اخوي