الاطفال والعيد .. وقمة الفرحه والكشخه

[أسير الليل]

السلام عليكم
وكل عام والجميع بصحه وعافيه

طبعا لكلا منا ذكرياته مع العيد :) لان العيد ما يحس بحلاوته
الا الاطفال .. لبراءتهم .. وكشختهم على غير العاده ..
بلبس تقليدي وتراثي :)

نرجع ونقول ليه الاطفال يحسون بالعيد
لانهم اكلينها ولعه ( حلاوه _ وفلوس ) :) واللي اخذناه ريالات
هم ياخذوه اضعاف طبعا لفرق العمله والظروف الاقتصاديه العالميه ..

يحسون بالعيد لانهم ياخذون فره جماعيه على الحي او الفريج
او الحاره .. وبسم الله .. وعاد عيدكم ;)
وياويلك لو تعطيهم حلاوه بدون قريشات تحصل الحلاوه عند الباب :laugh:
وياسلام لو كانت الفلوس جديده ;)
المهم انا عن نفسي احرص على تأمين الريالات الجديده الطازه
اللي تخليهم يحبوك طول السنه .. بس شرط السنه الجايه تحول
من البيت عشان ما يتعودوا ;)

انا اذكر واحد من خوينا من سنين .. طفش من كثرهم
كل ما جلس في البيت ماسك خفاره ( طبعا كل يوم واحد من اهل البيت يمسك خفاره ) :) والبقيه يروحوا مع الوالد للمعايده ..

المهم صاحبنا كاشخ بالمجلس .. وكل ما يدق الجرس يقوم على
باله ضيف يحصلهم ( الوراعين ) يقوم ويعيد عليهم وكل واحد ياخذ نصيبه
المهم استمر الحال .. لين ما نفذ صبره :mad:
واخر مجموعه جات قلطهم بالمجلس وجاب العصا .. واعطاهم علقه
خفيفه .. وكان شكل العصايا كاااافي ومعبر :)
طبعا انتشر الخبر .. وسار محد يقربه .. ولسان حالهم يقول
مالت عليك انت وعيدك :laugh: لانه سار خلل في ميزانية الاطفال

اما الكبار .. مالكم غير قهوه وشاي وحبه بقلاوه حتى تشوف نجوم الظهر
والحبايب بس نصيبهم دبيازه ( بدون فوفل يامسلمه ) :)

وكل عام والجميع بخير
وكل عام والاطفال بحب وسعاده وبهجه وفرح وسرور :)

[aziz2000]

وعليكم السلام ورحمة الله وبركاته

الله يرحم هذيك الأيام :(

ألحين من كثر الإفلاس الواحد وده يعطونه عيدية تعدل الميزانية شوي :D

[Huda76]

السلام عليكم ورحمة الله وبركاته

كل عام والجميع بخير وصحة وسلامة إن شاء الله :) :)

خلاص يا أسيـر .. راحت الأيام اللي يعطونا عيدية ..

صرنا احنا نعطي العيدية الحين ..

بس بصراحة .. أنا أعطي عيدية لأخواني بس ..

يهال الفريج عيديتهم مو مسئوليتي :D

مسئولية الوالد الله يحفظه :)

[MUSLIMAH]

وعليكم السلام ورحمة الله وبركاته

فعلا .. العيد حلاته بالأطفال ، براءة و كشخة و ابتسامة و ضحكة و شغل عدل :)

ترى الفلوس مو بس حقهم ، حتى احنا نآخذ .. لما نشتغل ذيك الساع يقولون لنا ماكوو :headshak:

عندنا .. العيادي توزع على أطفال الاقارب اكثر شي .. مو أي طفل يشوفونه عايدوه ، لكن ساعات تصير :)

المشكلة يا اسير ان الحلو و الشاي و القهوة حق الضيوف مو لنا ، بس احنا اللي انقنق بالحلو و نشرب هالقهوة لي وقت الغدا و نقول شبعنا :OO:

طاااااااايب يا اسير بدون فوفل :glasses:

الفوفل بعيد الاضحى :D

و كل عام و انت بخير و صحة و سلامة :)

[أسير الليل]

ايوالله عزيز أيام ورااااحت :(

أقول يالحبيب اللي زيي وزيك كان يدبروا حالهم من اول رمضان

بسطة سوبيا :)

والا بسطة سمبوسه في النهار وفي الليل تقاطيع :laugh:


فاصل اعلاني ..
مسلمه لو مريتي بالموضوع اش معنى تقاطيع :help:

نجي لعزيز .. والا بسطة حلاوه وتعين من الله خير :) لكن خل سوالف
تفيدنا :cry:

[أسير الليل]

وعليكم السلام ورحمة الله وبركاته
هلا هدى .. كل عام وانت بخير وعساكم من عواده :)

عاد الاخوان حقهم شئ ثاني وعيديتهم غير شكل :)
بس برضوا كلها 100 دولار خلى الورعان يفرحون :)
لان الصغار ما ينسون ترى .. وعسى الله يحفظ لك الوالد

وكل عام والفريج بخير :)

[أسير الليل]

هلا مسلمه
كشخه وزينه بس حدهم ساعتين الا والدنيا معتفسه :)
طيب شغلكم مقابل صرفيتكم ياكثرها كثراه يالبنات :black:

بعدين انا معاك انها لاطفال الاقارب اكثر شئ .. بس هنا باين
انك مو ساكنه بمنطقه شعبيه .. او بالاحرى فريج مدري اش تقولوا
المهم لان الاطفال يدورون كمجموعه على كل البيوت .. بيت بيت

وهذا الشئ اللي كنا حنا حاسين فيه يوم كنا ساكنين بالمناطق اللي تعتبر وسط البلد .. ياكثرهم :)
لكن من يوم ما نقلنا وتطورنا وسكنا جنب .... محد سار يدق بابنا
ماكو اطفال :cry: لو تشوف طفل وتعطيه فلوس تخاف يقلك
ليه شايفني محتااااااااااااج :mad: ويمكن يروح يجيب لك عسكري :cry:

مو عشان كذا البيت يعمل اكثر من صحن حلوى وخرابيط يخاف من
النقنقه والهجوم اللي يسير باخر الليل مع السهر على الاطباق :)

اقول مسلمه الفوفل غيروه بالعيد بهديه صغيرونه للورعان ومعاه
10 والا 15 ريااال :cry: ياحليل الورعان يكسبوا ذهب أسير حسودي :mad:
وفوفل عيد الاضحى هذا عاااااااااااااااد شئ ثاااااااااااني :)

وكل عيد وانتي بصحه وعافيه

[حمامه]

السلام عليكم و رحمة الله و بركاته


مشرفنا أسير الليل

كل عام و إنت بخير :)

قريت الموضوع و الصراحه لفتت انتباهي كلمة فوفل مادري كنت تكتب الموضوع و نت جوعان و قصدك فلافل و غلطت بأحرف الكيبورد :confused:

و تراهي عااادي تصير في أحسن العوائل :glasses:

بس الله لا يهينك شنو معنات فوفل :rolleyes:

و ما عليك أمر كتاب الترجمة معاك مره ثانية :D


ماشاء الله الله يزييد و يبارك بس ترا نسيت الطفل هذا ما عيدته ×?°"?`"°?× شـنـو أنــا يـاهـل ×?°"?`"°?× (http://www.swalif.net/sforum1/showthread.php?s=&threadid=178920) http://www.njooood.com/vb/images/smilies/00017.gif

[أسير الليل]

وعليكم السلام ورحمة الله وبركاته

أهلين جارتنا المشرفه حمامه :)
كل عام وانتي بصحه وعافيه

يعني سبتي الموضوع كله وما حبكت الا على ( الفوفل ) :)
لا .. أبشرك مو غلطان .. أحد يجوع بالعيد :)

وليش اساعدك .. عندك عمتك مدري انتي عمتها ( مسلمه )
تراها سايره خبيرة لهجات :)

لا كتاب ولاشئ .. بالعكس انا استانس لما اقعد اوايق والناس
مو عارفين الفوفل والدبيازه :glasses2:

صادق الصغيرون العيد فرحه :)

شكرا لزيارتك بعد غياااااب

[حمامه]

مشرفنا

أنا قريت الموضوع كله وفهمته بس شفت كلمة فوفل موجود و قلت في بالي شنو الأرتباط بينها و بين الفرحة و العيد :glasses:

فخمنت إنك يمكن تقصد فيها الفلافل أو الفول :damp:

الظاهر انا اللي جوعانه و بالي بالأكل و أنا أقرا الموضوع :help:


لا كتاب ولاشئ .. بالعكس انا استانس لما اقعد اوايق والناس
مو عارفين الفوفل والدبيازه :glasses2:
مو مشكله الحين بعرف شنو معناتهاا و إنا عرفت الأولى ( الفوفل ) علشان أعرف الثانية ( الديبازه ) :rolleyes:


عفوووووووووا :D


بس خلاص هونت مابي أعرف ولا شي مشكور و يزاك الله خير :rolleyes: شكل حضرتك زعلت :(

[MUSLIMAH]

الله يقطع ابليسك يا اسير :laugh:

الحين شكو فاصل اعلاني بردك على عزيز :glasses2:

اخاف بس انا اللي ماعرف يعني شنو تقاطيع :rolleyes: حتى عزيز مايعرف :p صح عزيز :D

بس اللي يسأل ما يضيع ، عرفت يعني شنو بس ما راح اقوووول ;)

ياخي حتى على كشخة العيد حاسدنا ، سيبنا فحالنا :cry:

((وهذا الشئ اللي كنا حنا حاسين فيه يوم كنا ساكنين بالمناطق اللي تعتبر وسط البلد .. ياكثرهم
لكن من يوم ما نقلنا وتطورنا وسكنا جنب .... محد سار يدق بابنا
ماكو اطفال لو تشوف طفل وتعطيه فلوس تخاف يقلك
ليه شايفني محتااااااااااااج ويمكن يروح يجيب لك عسكري ))

المدنية و آثارها و انا اختك :glasses2:

البيت يعمل اكثر من صحن .. اهو في بيوت تسوي شي الحين يا حافظ :rolleyes: الله يعافي الجاهز .. الكسل صاير مو طبيعي .. كل شي يبون زاهب مزهب !!!!
قبل ، ما انسى السمسمية كانوا يسوونها في بيت يدي و يقدمونها للضيوف بالعيد ، لكن هالكلام من سنين .. الحين محد يفكر يسوي شي ، يفكرون من وين يشترون الحلى ! برضوو المدنية و آثارها و انا اختك :glasses2:

خل يكسبون ذهب ، كدا العيد و لا بلاااااااش :p

بانتظاااار فوفل العيد .. غير ، كالعادة :rolleyes:

==========

حمامه .. بعدين اقولج شنو الدبيازة و شنو الفوفل ، بس للأسف بيكون كلام نظري ما في عينااااات :Sad2:

[أسير الليل]

هلا بالمشرفه حمامه

شفتي كيف الجوع له عمايله :)

بعدين وانا اخوك من قالك انا زعلت افااااااااا عليك بس :)

تحياااااااتي لك مجددا

[أسير الليل]

هلا أختي مسلمه
الفاصل الاعلاني عشان ازيد من رصيدك بالكلمات :)
خلااااااااص انا تعتمد على الجاهز لان حتى الشغلات الشعبيه
تلاقيها جاهزه ومغلفه .. ويقولك التعب ليه :)
لاحسد ولا شئ بالعكس حتى حنا فينا قسمنا سار في تنافس :)

اقول .. خذي الطريقه من عند هايدي وعليكم بالعافيه انتي وحمامه :)

والسلااااااااام ختاااام