سؤال : شنو الفرق بين التربو والسوبر جارجر

[حفيد الفاروق]

حسب معلوماتي إن السوبر جارجر لما تركبه ما يحتاج إنك تسوي برمجة لكمبيوتر السيارة عكس التربو . وإن السوبر جارجر يستمد حركته من الغايش أما التربو فإنه يستمد حركته من الأكزوز .
فأنا أبي أعرف شنو الفروق بينهم في الممشى .
فمثلا صاحبي عنده باثفايندر يبي يزود عزمه شوي من غير إنه يضر المكينة (ما يبي يتسابق في السيارة ) فهل تنصحونه بالسوبر جارجر ؟؟؟؟؟

ورجائي من الأخوة إنهم لا يبخلوا بمعلوماتهم حتى نستفيد من تجاربهم .واذا هناك فروق أساسية أخرى الرجاء وضعها وجزاكم الله الف خير.

هذي صور للسوبر جارجر

http://www.rapidparts.com/new/Media/nue_suchg.jpg

http://www.strictlybmw.com/images/products/engine/supercharger_200.jpg

وهذي صور للتربو

http://www.infrared-thermography.com/irimages/turbocharger.jpg

http://www.easternaerospace.com/automotive/engine/Garrett_Turbo.gif

http://www.jhdiesel.com/TURBODIAG.jpg

[WRX]

بسم الله الرحمن الرحيم
عيوني انا الي اعرفة انا السوبر تشارجر مايعطيك القوة الي ممكن تاخذها مع التيربو وغير كذا التشارجر شغله كله في القومة لأن بعد كذا تصير قوة الهواء الداخل للكمينه (مع السرعة الزائده) اقوى فما يلحق يضغط شئ ويصير ماله فايدة
بس التيربو غير لأنه اصلا مايشتغل الا على دورات عالية للمكينة (يعني ملك في الخط)
اما بالنسبة للأستحمال فما اضن ان المكينة راح تستحمل اي من الاثنين (يعني لازم تغير شغلات في المكينة)
عموما KingSS تكلم عن السوبر تشارجر والتيربو والفرووق بينهم في موضوعه و في مواضيع ثانية كمان...
اتمن اني ما كثر عليك
وشكرا

[bashar_255]

بسم الله الرحمن الرحيم

السلام عليكم ورحمة الله وبركاته

اخوي كل اللى اعرفه ان السوبر شارجر يعمل سبولنق على دورات منخفضه جداً على عكس التيربو علشان كذا يستعملوه في الربع ميل...

أما التيربو فكل ما كبر كل ما كان السبولنق تبعه على دورات أعلى و هذا اللى نستعمله في سباقات الشوارع اللى عندنا اللي توصل الى 1000 متر:glasses:

اما صاحبك انصحه انه يحط تيربو صغير علشان يعمل له سبولنق اول ما يقوم علشان ما يطيح في البر

:glasses: :glasses: :glasses:

و السلام




:black: bashar_255:black:

[حفيد الفاروق]

مشكورين يالنشاما على ردودكم
لو في شئ ثاني الرجاء من الشباب الباقيين ذكره .

[WRX]

عيوني اتذكر ان عندي مواضيع عن السوبر تشارجر والتيربو انشاء الله ارسلك ايها على الميل اول ما القها

[bashar_255]

في موضوع الكنق واحد عنده رنجلر عليه مكينه 350 شفر ...

فكانت نصيحة الكنق انه يركب تيربو صغير افضل :glasses:

فالكلمه دي انا ما خذها من الكنق مع اني مقتنع بالسوبر شارجر اكثر:help:

لاكن الكنق افهم مني و من طوايفي في هالشغلات:D



;)

[ViPeR_4_LiFe]

هنا شرح لكيفية عمل السوبر تشارجر
السلام عليكم ورحمة الله وبركاته

السوبر تشارجر بالعربي ضاغط حجمي عباره عن كمبريسر يضغط الهواء مثل كمبريسر المكيف
ينقسم الى 3 انواع متعارف عليها كالتالي سوبر تشارجر ,بلوّر و توربو (مو تيربو) كلها فب النهايه super charger ضاغط حجمي ياخذ الهوا الخارجي ويزيد ضغطه من الضغط الجوي اللي هو على مستوى سطح البحر 14,8 بي اس اس الى نسبه محدده مثل 5 او سته ويوصل الى 60 بي اس اي في السيارات اللي تشتغل على كحول (في امريكا السيارات الطوال )
مبدأ العمل يختلف بينهم بس البلور او السوبر تشاجر يدور الكمبريسر بواطة سير المكينه والتوربو يدور الكمبريسر بواسطة هوا العادم
من الاخطاء الشايعه يقول فلان مركب فورتك ولا باكستون ولا سوبر تشارجر . كلها نفس الشي بس اختلاف ماركات هذي الشركه اسم راعيها باكستون والثانيه نسبه الى اسم حركة الهوا لما ينضغط بالعربي عصف
المصمم يعتمد على مبدأ بسيط وهو
اذا كان ضغط الهوا 14,8 بي اس اي (وعشان التقريب بنخليها 15 بي اس اي) المكينه تطلع 300 حصان اذا ضفنا 5 بي اس اي تصير 15+5 =20 ولاحظ ال5 ثلث ال 15 الاصليه تعطينا 100 حصان زياده وال 100 ثلث ال 300 حصان الاصليه وهكذا اذا زدت ال بي اس اي ال 15 + ال 15 بي اس اي الاصليه تصير 600 حصان
لكن في اشياء يحطها المصمم في باله لما يصمم بلور حق سياره مثل كم تستحمل مكينة شد بلد وكم ضغط البساتن ..................

[ViPeR_4_LiFe]

نعود لموضوعنا اول شي اتفقنا ان الجهاز اللي يضغط الهواء اسمه ضاغط حجمي (بلور سوبر تشارجر او توربو) السلفه زي ما السيارات انواع سيدان و بكس و بكب الضاغط الحجمي انواع مصنفه حسب الشكل او طريقة العمل وهي
1 سنتري فيوجال centrifugal (مثل توربو الياباني اللي يجي على الزد والفورتك والباكستون والبروتشارجر)
2 رووت نسبه للي مخترعه اسمه رووت (وهو اللى يركبون سكوب فوق الكبوت عشانه لانه كبير ويطلع بره الكبوت حق السياره)
كل نوع له ميزاته وعيوبه
1 السنتري فيوجال ميزته انه صغير الحجم بس غالي جدا وتركيبه ياخذ وقت
الفورتك يستخدم زيت المكينه للتزييت من عيوب هذا النظام انه يرجع الزيت مع وصخ الفوتك للمكينه
الباكستون فيه خزان زيت يعني زيته منه وفيه ومايرجع الوصخ للكارتير بس صوته اعلى من الفورتك (يفضح)
الفورتك والباكستون يستخدمون سير المكينه للتدوير وهذا الشي يستهلك قوة احصنه وايد من المكينه
بينما التوربو (زي حق الز)د يستخدم هواء العادم يعني مايكلف احصنه بس يجمع حراره ويذوب الاسلاك القريبه منه ويرفع درجة حرارة الهواء اللي يخش المكينه
الرووت عيبه انه كبير و ثقيل بس ميزته ان الكل يشوفه (خاصه لما يكون كروم)
المكينه اذا عاملتها بالمعقول تعيش وياك باي نوع من الانواع اللي فوق

[حفيد الفاروق]

قواكم الله
أدري إني مصختها :D لو في شباب يعرفون زيادة لا يبخلون علينا

[SLR]

انا اعرف وبجاوب بس بشرط اذا في جوائز

وطبعا الشباب ماقصروا وقربوا من النتيجة

بس في هناك اساسيات نسوها.. بقولها اذا في جوائز فقط...

[حفيد الفاروق]

جاوب وراح توصل الجائزة لبيتك .
صدقني ما أكذب :D


وأنا بقول للكنق أس أس إنك ما تساعدنا علشان لا يجواب على أسئلتك :laugh: :laugh:

[WRX]

هذا الموضوع للكينج خاص بطريقة عمل السوبر تشارجر والتيربو وممكن تقتبس بعض الأشياء الي تبغها
http://www.swalif.net/sforum1/showthread.php?s=&threadid=174418
اما باقي المواضيع انشاء الله ادورلك عليها لأني مالقيتها...