تواصل الامطار في الرياض صور الثمامة يوم الخميس

[ACCORD-V6]

السلام عليكم ورحمة الله وبركاته

شكلي ازعجتكم بصور الثمامة صح
اعتقد مافيه احد ماراح للثمامة نهاية الاسبوع
الناس مايلامون لان الجو ممطر وبارد ومن زمان عن المطر

لكن الحمد لله الايام هذي كلها خير ومطر

طبعا يوم الخميس الفجر قبل طلوع الشمس كنا طالعين في طريقنا الى الثمامة انا والعضو doctor cars وكم واحد معنا

وكان المطر يهطل من قبل الفجر يتوقف نص ساعة ربع ساعة ثم تمطر من جديد
يعني فعلا كان يوم خيالي

توقعت ان الثمامة فاضية لكن عندما وصلنا وجدت ان الناس كلها هناك
اخترنا مكان بالقرب من طعس التحد ي وجلسنا فيه
والحمد لله اننا جينا مبكرين لان الطرق تقريبا من الظهر الى المغرب كانت شبه متوقفة الناس واقفين
تقطع مسافة 200 متر في نص ساعة او اكثر والله هذا اللي صاير
والمرور مب قادر يسوي شي
بل بالعكس تجد سيارات الشرطة في وسط الزحمة واقفين مع الناس

حتى اظطروا في الاخير لتحويل احد الطرق الى اتجاه واحد فقط للتخلص من الزحمة

وايضا للاسف نسيت كاميرتي الديجتل
لكن الحمد لله كان معي الجوال يمشي احسن من ولا شي

اكيد اي واحد راح هناك
يروح اول شي بالقرب من العاذرية كل اللي هناك طين(وحل)
يطينون(يغبرون) السيارة حتى يتغير لونها من برا يصير بني فاتح:D :D
حتى القزاز واللوحات
طبعا كل هذا من داحل السيارة فقط يمشون في الطين بسرعه


اترككم مع الصور

هذي الصورة تقريبا السابعة صباحا

http://www.al-hdhd.net/up/files/zezzo-1070638340.jpg


وهذي بعدها بقليل
صوره لطعس التحدي



http://www.al-hdhd.net/up/files/zezzo-1070638901.jpg

http://www.al-hdhd.net/up/files/zezzo-1070638073.jpg


وهذي صور بعد صلاة الظهر يمكن الساعة 2

http://www.al-hdhd.net/up/files/zezzo-1070639147.jpg

http://www.al-hdhd.net/up/files/zezzo-1070638507.jpg


وهذي صورة قرابة الساعة خمس قرب غروب الشمس

http://www.al-hdhd.net/up/files/zezzo-1070638205.jpg

وهذي الصور بعد صلاة المغرب

http://www.al-hdhd.net/up/files/zezzo-1070639198.jpg

http://www.al-hdhd.net/up/files/zezzo-1070639415.jpg


وهذي احد السيارات اللي كانت معنا
طبعا بعد التطيين
السيارة لونها الاصلي اخضر غامق

واضطرينا نمسح الشمعات الامامية لان النور مع الطين مب واضح حتى بعد تشغيل النور العالي
حتى مسحنا الشمعات

http://www.al-hdhd.net/up/files/zezzo-1070639532.jpg

http://www.al-hdhd.net/up/files/zezzo-1070639464.jpg

طبعا فيه ناس يسوون اكثر من كذا
هذا خفيف


اسف جدا جدا على الاطالة
وعلى الصور السيئة جدا

لكن شي احسن من ولا شي

انتظر ردودكم.....

[ACCORD-V6]

نسيت اقول

حتى الكامريات
والاكسنتات
تطعس
بسبب المطر

[A7medo]

مشكوووور

[زورو الامارات]

السلام عليكم ورحمة الله وبركاته


هلاااااااااااا والله

اول شي نقول لكم مبروكين على الامطار

وماشاء الله الجو روعه


واشكرك على الصور الحلوه هذي


تسلم يا اكورد بس المره الثانيه لا تنسى الكاميرا الديجيتل :)

اخر مره تسويها :) :)

[relax]

مشكور على الصور

[SL500]

بصراحة موضوع رائع وصور ولا اروع من كذا مناظر
تصدق تخلي الواحد يقول يااااااااااااليتني كنت ويااااااااكم

تسلم اخوي

[ViPeR_4_LiFe]

مشكور على الصور

[mustang cobra]

بسم الله الرحمن الرحيم

المغاسل الحين تدخل دهب مو ذهب

[doctor cars]

بسم الله الرحمن الرحيم
مشكور اخوي ACCORD-V6

بصراحة بذل مجهود يشكر عليه

اقترح وضع رتبة له تناسب جهوده الصحفيه والخاصة بالمنتدى

بصراحة كان جو شي

بس زحمه يناس

[ACCORD-V6]

A7medo
العفووووو



زورو الامارات
اول شي
الله يبارك فيك

والعفو

بالنسبة للكاميرا
ولا يهمك المرة الجاية باذن الله راح اخذها


relax
العفو


SL500
شكرا على الرد
وياليت كنت معنا


ViPeR_4_LiFe
العفو

mustang cobra
بعد مارجعنا رحنا نغسل الجمس
لان واحد قال لنا ان السيارة اللي كذا تحجز يوم كامل
المهم رحنا نغسلها يقول راعي المحطة ستين ريال:eek: :eek: :eek: :eek:
رحنا لمحطة اخرى
تغسيل خارجي فقط بعد المكاسر
بعشرين ريال


doctor cars
مشكور حبيبي على الاطراء
والزحمة احلى شي
وفي نفس الوقت اسوأ شي

مشكور مرة اخرى على ردك


مشكور اخواني على الردود...

[AU (TT) DI]

ACCORD-V6

هلاااااا
والله صور خياليه بالنسبة لي :eek:

بس مثل ماقال مشرفنا المره الجايه لا تنسى الديجتال ..:glasses2:

وبعدين على قولتك الزحام بصراحه كان بزياده ..:black:

طلعت أنا والربع بس والله كنت مريض ..لذلك هبلت فيهم إلين رجعوني لبيتي ..:D

ألف شكر ..

وصدقني مجهودك أكثر من راااائع

:D :D

[ACCORD-V6]

الاخ
AUDI S

تسلم حبيبي على ردك الحلو
وان شاء الله ماراح انساها مرة ثانية

بالنسبة للزحمة مثل ماتعرف من زمان عن الامطار والجو الروعة
فالناس ماصدقت جا مثل هالجو على البر مباشرة

وسلامات ماتشوف شر ان شاء الله

ومشكور على الاطراء

ومشكور على ردك...