View Full Version : القسم بارد
ACCORD-V6
10-12-2003, 12:09 PM
السلام عليكم ورحمة الله وبركاته
ماادري القسم يضيق الصدر
احس انه بارد جدا
تتوقعون ليش
رد مقتبس من ACCORD-V6
السلام عليكم ورحمة الله وبركاته
ماادري القسم يضيق الصدر
احس انه بارد جدا
تتوقعون ليش
ربما السبب عدم التعقيبات التي كانت مثل قبل او عدم جديه المواضيع او ربما غياب بعض الاعضاء المميزين في ردودهم و اخبارهم و مواضيعهم المميزه :confused:
ACCORD-V6
10-12-2003, 12:21 PM
اول شي شكرا على الرد السريع
انا اوافقك في كل الاسباب اللي ذكرتها
وازيد كثرة المواضيع اللي بدون هدف
لانه بصراحة كل ماقلنا تحسن المنتدى وبدا يرجع مثل اول
نزلنا مرة ثانية
....
Wild CRX
10-12-2003, 12:48 PM
رد مقتبس من CRX
ربما السبب عدم التعقيبات التي كانت مثل قبل او عدم جديه المواضيع او ربما غياب بعض الاعضاء المميزين في ردودهم و اخبارهم و مواضيعهم المميزه :confused:
:confused:
kin porch
10-12-2003, 12:56 PM
تصير فترات يبرد القسم وفترات يشتعل .........:)
bashar_255
10-12-2003, 02:37 PM
المنتدى بارد من الأعضاء الجدد اللى ما نلحق نقول كلمتين الا و تهجمو علينا...
كاريميرو ما شال القشره من راسه يجي يتفلسلف على:D
و الله حاله
انا ابي اعرف هالردود دي ليش ما تنحذف اول ما يقرأها المشرف؟؟؟
احنا تهزأنا ياجماعه:headshak:
صرنا ملطشه:eek:
و في ناس ما تستحمل و ممكن تطلع:damp: :damp:
TOP-SECRET
10-12-2003, 02:44 PM
رد مقتبس من ACCORD-V6
وازيد كثرة المواضيع اللي بدون هدف
....
اسمحلي اخوي واتمنى ماتزعل من كلامي بس ترى هذا الموضوع من المواضيع الى مالها هدف او هدفها مافيه فايده تذكر الحين الكل يتكلم في هذا الموضوع يعني بدل مايكتب له موضوع مفيد بيجلس يعيد ويزيد ان القسم بارد يعني يحرك نفسه ويكتب مواضيع ممتازه تنشط القسم افضل من انه يكتب موضوع يسئل ليه القسم بارد؟ :)
اتمنى عدم الانفعال من ردي :)
ACCORD-V6
10-12-2003, 04:25 PM
bashar_255
ليش لا كلامك ممكن يكون صحيح
لكن فيه اعضاء جدد رائعين جدا 100%
ACCORD-V6
10-12-2003, 04:32 PM
****************************************************
اسمحلي اخوي واتمنى ماتزعل من كلامي بس ترى هذا الموضوع من المواضيع الى مالها هدف او هدفها مافيه فايده تذكر الحين الكل يتكلم في هذا الموضوع يعني بدل مايكتب له موضوع مفيد بيجلس يعيد ويزيد ان القسم بارد يعني يحرك نفسه ويكتب مواضيع ممتازه تنشط القسم افضل من انه يكتب موضوع يسئل ليه القسم بارد؟
اتمنى عدم الانفعال من ردي
*********************************************************
كاد المريب ان يقول خذوني
ليش الانفعال
لا انفعال ولا شي
كل اللي في الموضوع
انت اخوي لما تشوف اسم اكورد تروح تدور مشكلة وغلط وتكتبة ثم تختفي
ليش بيني وبينك شي
بعدين ليش ماتشد حيلك وتنزل مواضيع مفيدة وتبعد عن المشاكل الله يهديك
بعض الاعضاء الله يهديهم اذا اختلفت معهم في وجهة نظر احد المرات ينقلب عدو لك اينما ذهبيت وفي اي وقت
اما بالنسبة لموضوعي
له هدف وهدف كبير جدا
وهو ايجاد حل لبرود المنتدى
بعدين عندي ملاحظة ودي اقولها لك
بس بدون زعل
واتمنى ماتفهمني غلط
اسلوبك
مشابة لاسلوب راعي البيج
وكلكم تحبون التويوتا:confused: :confused: :confused:
عموما اسف جدا على الاطالة
واتمنى مااكون زعلتك
واذا اخطأت معليش
وشكرا...
bashar_255
10-12-2003, 04:33 PM
كم نسبتهم:OO:
50%؟؟؟؟؟
ACCORD-V6
10-12-2003, 04:35 PM
فيه ناس 20% وفيه 90% وفيه 100%
king_prelude
10-12-2003, 04:53 PM
والله شباب أتفق معاك في أرئكم وعندى بعد سبب وهو إن كل عضو يضع موضوع ويحب إن الكل يرد عليه ولكن هو مايفكر إنه يرد على موضوع غيره
وأتمنى للمنتدى الخير :glasses2:
مسيطر
10-12-2003, 04:53 PM
اي والله صح القسم بارد:OO:
طيب عندي حل
طفو المكيف:p
ابو كثير
10-12-2003, 05:44 PM
يا ولد شغل الهيتر heater :help:
HaKeM
10-12-2003, 06:05 PM
أنا في رأيي كل واحد عنده حب لنوعية من السيارات فلا يحق لأحد الهجوم عليه لأنها حرية شخصية
وبالنسبة لغياب اعضاء مميزين في المنتدى أقترح على المشرفين في قسم السيارات إرسال إيميلات لهم تدعوهم للمشاركة في المنتدى وإفادتنا بخبرتهم
تحياتي:)
bashar_255
10-12-2003, 06:05 PM
انا اللى اعرفه ان بعض الأعضاء القدامى طفشو من بعض سياسات المنتدى:headshak: :headshak: :headshak:
و الباقي ما بيطفشهم الا هالأعضاء الجدد:damp:
ACCORD-V6
10-12-2003, 06:18 PM
king_prelude
اتفق معك وبشدة
وشكرا...
مسيطر
ابو كثير:) :)
حاكم العدل
فعلا
كل واحد له حرية شخصية في حال لم يخطئ
اما بالنسبة للاعضاء فبعضهم يكون مشغول والبعض الاخر مايبغى المنتدى
وناس نسو المنتدى
bashar_255
اكثر الاعضاء طفشوا من استهتار بعض الاعضاء الجدد بهم وبمشاركاتهم
تجد عضو جديد ماله الا مشاركة واحدة يتمشكل مع عضو من اقدم اعضاء المنتدى
ثم يترك العضو القديم المنتدى
ثم لانرى العضو الجديد مرة اخرى
وانا مااقصد احد معين
وهذا مب جديد من عرفت المنتدى وهذا حاله
....
زورو الامارات
10-12-2003, 08:51 PM
رد مقتبس من bashar_255
انا اللى اعرفه ان بعض الأعضاء القدامى طفشو من بعض سياسات المنتدى:headshak: :headshak: :headshak:
و الباقي ما بيطفشهم الا هالأعضاء الجدد:damp:
سياسات المنتدى واضحه من اول يوم تسجل فيه كاتبين للكل الشروط
وفي خطوط حمراء المفروض عدم تجاوزها
وفي ناس تجاوزوها وخسروا انفسهم قبل لا يخسرون المنتدى
King 4x4
10-12-2003, 11:40 PM
احم احم احم
لكن هناك تطاولات من بعض الأعضاء الجدد على الأعضاء الحاليين المميزين (ترااااااااني عضو بقراطيسه :D ) و تكون فيه مشادات مالها دااااااااااعي من جراءها.
و بدون أي ذكر لأي أسماء :D
أخوي العزبز..انا لي خمس سنوات و انا اكتب تقطعاً في منتدى سوالف...رغم ان هناك ملايين المنتدايات على الأنترنت التي بإمكاني الأشتراك بها و انسى سوالف إلى الأبد...ولكن هناك شيء يجذبني دائماً الى سوالف...الا وهي جدية وحماس المواضيع التي يتطرق لها اعضاء سوالف والتي تشجعني على المشاركة بها وإبداء رأيي بها...تأتي فتر على الآنسان احيناً تشغله الدنيا وينسى ان يؤدي كثير من اموره الشخصية التي تعتبر اهم من المشاركة في اي حوار على الأنترنت...ولكن ااكد لك بأن هؤلاء الأعضاء لن ينسوى المنتدى وسيعودون لكتابة مواضيع جديدة جميلة تحمس جميع الأعضاء على المشاركة...
اذكر منذ زمن ان احد من الأعضاء سابقاً تطرق لطرح مثل هالسؤال...ولكن اعتقد انه ادرك اجابته بعد فترة من الزمن...وهي عندما اشغلته الدنيا وغاب لفترة من الزمن...
هذه حال الدنيا اخي العزبز...بوم لك وبوم عليك...مهما حاولت..ان تستطيع ان تجعل المنتدى ساخناً دائماً...
ولكن تذكر كلامي...اعدك انشاء الله بانه ستأتي اياماً يكون فيها المنتدى يعج بالمواضيع الساخنة المهم التعرف عنها...وايام..كهذه..يكون فيها المنتدى بارد...للبعض لغياب هذه المواضيع الجميلة...
هذا والله اعلم..
تقبل تحياتي..
:cool:
silver
11-12-2003, 01:02 AM
بالنسبة لي اشوف إن السبب في برودة القسم
إن اكثر الأعضاء الجدد يكون هدفهم زيادة عدد الردود والمواضيع إلي مالها فايدة وبدون داعي ...
في المقابل نشوف اعضاء قداما ... ردودهم ومشاركاتهم على قلتها ... لكن لها فايدة ومعاني وفيها جديه
انا كل ماشفت المنتدى صاير بارد ... اروح وبحبش في المواضيع القديمة إلي من أول ما بدا القسم :)
عاشق التضبيط
11-12-2003, 03:26 AM
السلام عليكم ورحمة الله وبركاته
طيب خلونا نناقش ايش سبب البرود حبه حبه
اولا هل تعني بالبرود قلة المواضيع او قله الردود ؟
انا بالنسبه لي الاحظ ان سبب البرود هو قلة الردود او بالاحرى كثرة الردود اللي مالها داعي يعني يجيك واحد تعبان ومسوي موضوع كبير مثل جست كورفييت ماشالله عليه يعطينا اخبار دسمه واخر شي نرد عليه بكل برود بكلمة مشكور بس ويجيك اللي بعده ويفتبس كلمة المشكور واللي بعده نفس الشي تمتلي الصفحه كلها بنفس الكلمه
ويجي اللي تاعب على الموضوع ويطالع الردود ويجيه احباط لانه هو يبغى نقاش يبغي تعليقات
وبعدين في ناس ماهما هنا الا الانتقاد وبس وياليت باسلوب محترم لا باسلوب الله لايوريكم مدري مافي شي عاجبهم اي موضوع ينحط سواءا صوره او خبر يعلقون تعليقات ترفع الضغط تخلي كاتب الموضوع يطلع من طوره ويبطل يحط مواضيع
وفيه كم عضو انا حاط عليهم اكس من ناحيتي واتمنى انهم مايجون صوبي :D واتمنى من المشرفين التركيز بالردود اكثر واكثر ماشالله احنا القسم الوحيد اللي فيه ثلاثه مشرفين واي عضو يرد بطريقة غير ملائمة يتعدل رده ويرسل له رساله على الخاص توضح له وش غلطه
ثانيا هل يهمنا كثرة المواضيع او نوعية المواضيع ؟
انا اشوف نوعية المواضيع حلوه يعني لوتلاحظ الاخبار الحصريه والسريعه تلقاها عندنا اكثر شي مثلا كان عرض القادسيه حنا المنتدى الوحيد اللي حاط الصور بنفس اليوم تصور ان كل المنتديات الثانيه ناقلين الموضوع من منتدانا وكمان عرض السيف وانت بعد ياكاتب الموضوع اول واحد حاط صور معرض الرياض بجميع المنتديات وماشالله انت بعد حاط صور للتطعيس اللي كان بالثمامه وتارجا حاط لنا صور معرض الكويت
وAMG ممتعنا بمواضيعه الحصريه والسريعه وجست كورفيت اخباره حلوه
والشباب كل شوي حاطين لنا مواضيع صور مو مقصرين
انا بصراحه اشوف منتدى سوالف من افضل المنتديات
بس ناقصنا الردود اللي تحمس اللي فيها نقاش محترم وهادف واللي ماتخلو من الطرافه
وطبعا غياب اعضاء مهمين بالنسبه لردودهم ومواضيعهم مثل شرخشين 2000 وكورفيت انديانا بوليس وامبالا اس اس وام 5 وسي ال 600 وغيرهم اللي مايحضروني حاليا هذولا مستحيل يوم تلقاهم رادين بشكرا لازم تلقاهم يعلقون على الموضوع ويناقشون:)
ياخخي احس اني اتفلسف كثير هالايام مدري وش صاير فيني :confused: والله شكلها من الفضاوه الزايده :sleep:
king_stratus
11-12-2003, 06:49 AM
السلام عليكم ورحمة الله وبركاته
اشكرك اخويي على الموضوع وهتمامك بالمنتدى وبصراحه كلامك عدل بس يجوز لان الناس مشغوه شوي او مافي وقت يرد على الجميع فيحاول يشوف المواضيع الي في البدايه ويسيب الباقي
وعلشان جدي يصير كدا ولو تلاحض مواضيع الصور القليل الي يرد عليها
وتسلم لي;)
doctor cars
11-12-2003, 09:39 AM
بسم الله الرحمن الرحيم
والله انا اشوف من ناحيتي ان المنتدى من افضل المنتديات العربية والقسم افضل قسم من ناحية السيارات انا من ناحيتي اقول البرود لانه هذي ايام اختبارات والكل مشغول باخوه نفسه .. لكن العيب لا من الاعضاء ولا من القسم
كل المنتديات بارده هذي الايام
وبعدين فيه ملاحظة
المشرفين ماقصرو بس مهمة المشرف ليست حذف وتعديل الردود والمواضيع السيئة ولكن ايضا مكافئة المحسن والرد على مواضيعة وتثبيتها اتمنى محد يفهمني غلط وانا مبطل انزل مواضيع لانه اولا فيه شباب متخصصين اكثر مني ثانيا يجيك واحد يقول الهوندا افضل الكامري اسوا يجي الثاني يقول الكامري افضل الهوندا اسوا يجي ثالث يقول لا كلهم سيئات الماكس افضل اتمنى من كل قلبي نزع التعصب والاحزاب ونكون كلنا اعضاء حزب سوالف
TOP-SECRET
11-12-2003, 03:36 PM
رد مقتبس من ACCORD-V6
****************************************************
اسمحلي اخوي واتمنى ماتزعل من كلامي بس ترى هذا الموضوع من المواضيع الى مالها هدف او هدفها مافيه فايده تذكر الحين الكل يتكلم في هذا الموضوع يعني بدل مايكتب له موضوع مفيد بيجلس يعيد ويزيد ان القسم بارد يعني يحرك نفسه ويكتب مواضيع ممتازه تنشط القسم افضل من انه يكتب موضوع يسئل ليه القسم بارد؟
اتمنى عدم الانفعال من ردي
*********************************************************
كل اللي في الموضوع
انت اخوي لما تشوف اسم اكورد تروح تدور مشكلة وغلط وتكتبة ثم تختفي
ليش بيني وبينك شي
بعدين ليش ماتشد حيلك وتنزل مواضيع مفيدة وتبعد عن المشاكل الله يهديك
===========
لووووووووووووول ... والله العظيم ان لو راعي البيج كتب الموضوع قلت له نفس الكلام الي قلته لك حرفيا اخوي مافيه عداوه بيني وبينك انا قلت رايي انا ماحبيت ارد عليك لاني ادري ان الموضوع بيتشعب ...
===========
بعض الاعضاء الله يهديهم اذا اختلفت معهم في وجهة نظر احد المرات ينقلب عدو لك اينما ذهبيت وفي اي وقت
===========
انت اخو وعزيز والاختلاف شي عادي كل واحد له تفكير خاص فيه الله يهديك انت ليش ماخذ عني هالفكره السيئه كل هالكلام عشان ردي عليك في الموضوع
===========
اما بالنسبة لموضوعي
له هدف وهدف كبير جدا
وهو ايجاد حل لبرود المنتدى
===========
والله هذي وجهت نظرك وانا احترمها وعلى العين والراس بس وجهت نظري انك تكتب موضوع مفيد يحرك شباب المنتدى بدل من انك تبين لنا ان القسم بارد !!
============
بعدين عندي ملاحظة ودي اقولها لك
بس بدون زعل
واتمنى ماتفهمني غلط
اسلوبك
مشابة لاسلوب راعي البيج
وكلكم تحبون التويوتا:confused: :confused: :confused:
============
راعي البيج اخو عزيز وغالي مثلك اخوي ... والله يعلم اني حتى اسمه ماعرفه الا من خلال النك نيم ... بالنسبه ان احنا نحب التويوتا ترى حتى انت تحب الهوندا وفي النهايه هذا حديد ..
===========
عموما اسف جدا على الاطالة
واتمنى مااكون زعلتك
واذا اخطأت معليش
===========
ولا يهمك اخوي مافيه زعل ورايتك بيضا وانشاء الله يرجع القسم مثل ماكان وافضل بمواضيعك وردودك الجميله:)
===========
وشكرا...
===========
عفوا :D
مؤيد اف1
11-12-2003, 05:29 PM
كل شي له موسمه :D
ACCORD-V6
12-12-2003, 07:10 PM
عاشق التظبيط
هلا حبيبي
بالعكس لاتتفلسف ولا شي
كلامك صحيح
انا اقصد قلة الردود
او بالاحرى قلة الردود الهادفة
يغني تلقا الاعضاء الجدد يردون على جميع المواضيع
لكن لو ردينا على المواضيع اللي تستاهل رد نناقش فيه الموضوع
لوجدنا المواضيع الرائعة في الاعلى
لكن الان العكس
تجد مواضيع تافههه في الاعلى
والمواضيع الرائعة في الوسط ضائعة
واتمنى من المشرفين يشدون حيلهم على بعض الاعضاء
اللي صاروا يتجاوزن حدودهم في امور واضحة
تصدق انا اللي صرت اتفلسف
وشكرا..
ACCORD-V6
12-12-2003, 07:19 PM
TOYOTA - OBAS
تصدق اعجبني ردك
يمكن انا ضلمتك
لكن انا اسف
لكن وجهة نظري في الموضوع
انه مب لتوضيح ان القسم بارد
لكن لايجاد حل
ان شاء الله فهمتني
مرة اخرى
اذا اخطأت انا اسف جدا
وان شاء الله تستمر على كلامك
وصدقني احنا اخوان