وش تنصحوني بسيـارة أشتريها ؟

[كوبرا]

هاي شلة


كيف حالكم


وش مسوين


عساكم تمام











ادري ادري قلتوا وراه طوووول علينا


يا شباب , انا ناوي بإذن الله اشتري سيارة لكن ما تتعدى 65 الف ريال


وش تنصحوني بسيارة بهالسعر ؟



واتمنى ان تعطوني من ارائكم السنعة .




ولكم فائق إحترامي ...

[TOP-SECRET]

هوندا اكورد فل اوبشن 4 سلندر او ماجنا VR-X ب 66 الف الله يعينك الف زياده ;) بس مادري انت ماحددت صالون ستيشن ياباني امريكي :rolleyes:

[WRX]

السلام عليكم ورحمة الله وبركاته

لخيارات عندك كثيييير فيه عندك عيوني لو كوري(هونداي كبير والسوناتا) وفي اليباني طبعا السوباروا وياعيوني على السوباروا (بس يبغالك تستنى الشكل الجديد لو نويت على سوباروا لأنه بكى بمعنى الكلمة) غير كذا لو ودك بتايوتا (وما انصح) انت عارف ايش عندهم مايحتاج اقلك .... يعني السيارات كثييييييره الي ممكن تشتريها بالسعر هذا بس انت حدد شوية مواصفات تبغاها زي اخوي تويوتا وبس ما قال...

[الارهابي]

سيات ليون :glasses2:

[WRX]

سيات ليون
سياره روعة و انا حاط عيني عليها بس خايف منها....

[WRX]

السلام عليكم ورحمة الله وبركاته

اتمنى عزيزي انك تعمل بحث عن كلمة سيات ليون في المنتدى هنا...

[CRX]

هلا و غلا
اولا اخي الكريم فكر قبل شراء اي سياره فكر في الصيانه وتوفر قطع الغيار و السعر بعد البيع كدلك جوده السياره و هنا انا انصح اما اكورد او ماجنا مع انه الاخير الصيانه عنده في الشرقيه تعبانه شويتين

[الارهابي]

رد مقتبس من WRX
سياره روعة و انا حاط عيني عليها بس خايف منها....

خايف من ايش

انا عندي 2002 و ماشيه تقريبا 45 الف
و الحمد لله كل شي تمام
ولا حطيت فيها الا
قماشات( سواقتي مو حكم لاني لو اسوق امريكي كان كل شهرين بغير قماشات :D )
و بواجي ( غيرتهم في البيت ) :D

[LC_LE]

بسم الله الرحمن الرحيم
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين



اخي انصحك بالمازدا6 لانه صراحه سياره. يمكن صح سعر الرقم واحد اكثر من 6500 ريال عماني بس ما لازم انك تشتري رقم واحد. اللي انا اعرفه ان في عمان ينزل 18 نوع من المازدا6 و رقم واحد قيمته 7800 ريال و ما يميز المازدا6 عن باقي السيارات اليابانيه ان البريكات نظامها غير و انك ما تحتاج تغير التايمنج بلت ابدا لانه اصلا جنزير ما ربر و ايضا تغير الزيت كل 10.000 كيلو ما 5.000.


:black: :black:

[RED Chevy]

السلام عليكم ورحمة الله وبركاته

والله إخوي بهالسعر في سيارات كثير، وإذا تبي ياباني عليك بالأكورد أو الماكس، وإّا أمريكي خذ لومينا، وإذا ألماني أنصحك إن تاخذ أوميجا، وإنت شوف شنو أفضلك وتوكل على الله ولاتنسى الإستخاره.

[bahrainlove]

هلا خوي
أعتقد ان أفضل اختيار في حدود المبلغ اللي حددته هو

أولاً الهوندا أكورد وسعرها في البحرين يبدأ بــ 6300 دينار

ثانياً المازدا 6 وسعرها في البحرين يبدأ بــ 5800 دينار

والخيار لك

[Corvette_Stingray]

هلا اخوي .. بالنسبة لرأيي فانا اقول لك اذا تبي ياباني اخذ ماكسيما أو هوندا أكورد أوكامري واذا ألماني خذ بي ام او اوبل اوميغا واذا امريكي خذي لومينا او كابريس مستعملة واللي الله كاتبه لك أكيد راح تاخذه

[A7medo]

ماجنا

[mustang cobra]

رد مقتبس من CRX
هلا و غلا
اولا اخي الكريم فكر قبل شراء اي سياره فكر في الصيانه وتوفر قطع الغيار و السعر بعد البيع كدلك جوده السياره

كل المواصفات هذي موجوده في موستنج

[560SEL]

السلام عليكم ورحمة الله وبركاته


ما أدري يا أخوي ... هل لك نظر في المونديو :confused:



تحياتي

[SLR55]

إذا تبى سيارة حلوة في سيارتين عندك ماجنا أو مازدا 6

الصراحة هذه السيارتين ما عليهم كلام

http://www.mitsubishicars.com/images/2003/dia/photos/large_1.jpg

وهذه المازدا 6

http://www.mazda.gr/mazda6prospe/yellow.jpg

والسلااااااااااام

[cruiser2000]

السلام عليكم ورحمة الله وبركاته

نصيحة مني

لا تاخذ الماكسيما لانها تعبانة جدا جدا

رخيصة والقطع متوفرة لكن شوف الامان

البودي مالها ورقة ماشي امان ابد

وخفيفة جدا


وانت توكل على الله وخذ اللي في خاطرك


بس انت حدد هل تريد فورويل ولا صالون ولا شو؟

من ناحيتي انا اقترح ( مجرد اقتراح ) مازدا 6
اشوفها حلوة وزينة سعر جيد والقطع متوفرة بعد
الهيكل مالها اقوى من الماكسيما


وانت شوف الشباب بيفيدونك


والله يعطيك خيرها ويكفيك شرها


تحياتي
كروزر2000

[WRX]

خايف من ايش

خوي الأرهابي انا خايف من اشياء كثيره منها :
أولا:انوا بصراحة اسم السيات مو قد كذا عندنا هنا .
ثانيا:نفس الشئ بالنسبة للوكيل وتعامله مع الزبائن .
ثالثا:قطع الغيار وأسعارها .
رابعا:سعر مابعد البيع اكيد نااااازل وهذي ماتهمني كثير لأني لو اشتريتها
مراح افكها (تقليد عائلي)
خامسا:التربو كيف صيانته.
والأهم ان انا في مدينتي مافيه وكيل لها واقرب وكيل لي الي في جده يعني اجي ابغى اغير زيت التمرين ولا اقل مشكلة لازم انزل لجده علشان المشكلة .
فهمتني ؟؟؟ واتمنى انك تجاوبني _(انت او الشباب الي عنهم سيات)_
والف شكر...




والكثير الكثير بس خلها بعدين لمن افضالك....

http://www.automarket.bg/wallpaper/seat_Leon_1.jpg

[الارهابي]

أولا:انوا بصراحة اسم السيات مو قد كذا عندنا هنا .
-------------------------------------------------------------
شي طبيعي
السوق هنا ما يعترف الا بماركات محدده و معلوفه




ثانيا:نفس الشئ بالنسبة للوكيل وتعامله مع الزبائن .
-------------------------------------------------------------
انا اشوف تعاملهم زين ( مع اني ما دخلت السياره صيانه الا مره وحده بس :D )




ثالثا:قطع الغيار وأسعارها .
-------------------------------------------------------------
متوفره
و اسعارها مناسبه مقارنه مع مثيلاتها من الاوروبيات




رابعا:سعر مابعد البيع اكيد نااااازل وهذي ماتهمني كثير لأني لو اشتريتها
مراح افكها (تقليد عائلي)
-------------------------------------------------------------
اذا ما تفكر تبيع اوكيه
اذا تفكر تبيع
خذ لك مستخدم احسن




خامسا:التربو كيف صيانته.
-------------------------------------------------------------
ما له صيانه ابد
طبعا له عمر و ينتهي خاصه اذا كنت تدعس :D
بس للمحافظه عليه لا تطفي السياره و هي حاره او توك داعس او جاي من مشوار
خليها تبرد شوي




والأهم ان انا في مدينتي مافيه وكيل لها واقرب وكيل لي الي في جده يعني اجي ابغى اغير زيت التمرين ولا اقل مشكلة لازم انزل لجده علشان المشكلة .
-------------------------------------------------------------
المسافه بين بيتي و بين الوكاله حول 50 كيلو :rolleyes:
لكن ان شاء الله ما راح تحتاج للوكاله
و نصيحه
بتاخذ الليون او غير الليون
امن عليها قبل ما تطلعها :D

[الأكورد العنيد]

خلك مع الياباني احسن

خذ لك هوندا أكورد أو مكسيما :cool:


و مبروك مقدماً

[كوبرا]

مشكوووورين اخواني على تفاعلكم الأكثر من رائع مع الموضوع


وما قصرتو


والله انا محتار



لكن انا افضل الاكورد لكن المشكلة في قطع غيارها نااااااااار





ونتمنى المزيد من التفاعل



ولكم فائق إحترامي و تقدري ...

[RED Chevy]

السلام عليكم ورحمة الله وبركاته

والله إخوي توكل على الله ولا تهتم بقطع الغيار، صج إنه بتكلفك أكثر من التيوتا، لكن بتريحك من جميع النواحي، إحنا عندنا أكوردين أحين، ومرتاحين منهم، والكامري اللي عندنا تشوفه كأنه موديل80 مو99، أخس مواد حاطينها فيه، ولاتنسى الأستخاره.

[كوبرا]

مشكور اخوي وما قصرت على رايك


والله يجزاك خير على تذكيري بالإستخارة



ولك فائق إحترامي و تقديري ...

[WRX]

السلام عليكم ورحمة الله وبركاته
اول شئ تسوية اخوي اذا نويت على سياره استخير ربك ...
و الف شكر اخوي الأرهابي على ردك ليه اما بالنسبة لي
و اسعارها مناسبه مقارنه مع مثيلاتها من الاوروبيات
الخوف انها اوربية يعني اخوي ياليت تديني مثال كذا على طاير يعني الأقمشة مثلا او الأشياء الاستهلاكية هذي.

اذا ما تفكر تبيع اوكيه
افكر ادور لي وحد وارد من الي تكون دفع رباعي (اهااااا لو الاقيها) تتقوع القيها ولا؟؟؟


المشكلة انوا بيني وبين الوكالة اكثر من 150كيلو !!!
وغير كذا انت عارف الوضع هنا (لفين على نص الورش ندور واحد يصلح لنا كادلك تخير كادلك امركي مش سيات وتيربو بعد)...
على فكرة ترى مجهزلك كم سؤال بس خل تغلق الأختبرات وافضى لك...

[ملك الفوردات]

قلنا لك موستانغ :black:

[SLR]

انا انصحك بالمورشيلاجو والا الانزوو

بصراحة العالم يمحدونها

[ابوغنام]

السلام عليكم ورحمة الله وبركاته

هوندا كورد وبس:corsair:

[MuGeN]

متسوبيشي جلنت Galant موديل 2004 اللي اعرفه بالأقساط 55 ألف ما أعرف مواصفاتها ..

روح و اسأل ;)

[Third Eye]

أنا أقترح سيات ليون

أو أكورد 4i




الإرهابي
على حسب كلامك

"طبعا له عمر و ينتهي خاصه اذا كنت تدعس :D"

ما تنفع للي رجله حارة ولاكيف؟ وبعدين ليش ما تتستحمل الدعس..إيش الضرر الناتج عليه؟

طيب...الى أعرفه أنو التيربو يطيح عزمه في جونا البااارد جدااا:D !!

ما قولك؟؟





وتحياتي للجميع:banana:

[مجروح من البشر]

ماجنا vr-x :banana:

[الارهابي]

رد مقتبس من Third Eye
أنا أقترح سيات ليون

أو أكورد 4i




الإرهابي
على حسب كلامك

"طبعا له عمر و ينتهي خاصه اذا كنت تدعس :D"

ما تنفع للي رجله حارة ولاكيف؟ وبعدين ليش ما تتستحمل الدعس..إيش الضرر الناتج عليه؟

طيب...الى أعرفه أنو التيربو يطيح عزمه في جونا البااارد جدااا:D !!

ما قولك؟؟





وتحياتي للجميع:banana:

التيربو اذا كان يعمل في ظروف طبيعيه جدا
عمره يكون محدود بحاله الbearings و الseals حقه
و للحفاظ عليه المفروض ما تطفي السياره و توك داعس بها بقوه او جاي من مشوار طويل
لانه احيانا يجمر من حرارته :D ( هنا تكمن اهميه الturbo timer )
فلازم تخلي الموتر يشتغل شوي و يبرد على التيربو بواسطه الزيت

بالنسبه للتيربو الستوك حق الليون
في امريكان و بتيربو ستوك مع تعديلات كثيره قدروا انهم يقطعوا الربع ميل في 12 ثانيه و شوي
طبعا في هالحاله :D تكون طلعت اقصى قدرات هالتيربو الصغير المسكين ولا تتوقع انه يعيش معاك اكثر من سنه :D

اما في الاستخدام الطبيعي ( استخدام شبابي :D ) المفروض يعيش معاك فتره طويله 3 سنين و فوق :D

بالنسبه للعزم
مو بس التيربو اللي يطيح عزمه حتى السيارات الNA يطيح عزمها في الحر و الرطوبه بشكل ملحوظ جدا بعد :banana:
تقدر تحل هالمشكله بتركيب chargcooler محترم و تكون معبي القربه حقه ماي في الايام العاديه و ثلج لما بتطلع قومات :D

الشي الحلو في الchargcooler انه ارخص و لما تركبه عاده تكون المواسير اقصر يعني ما راح تخسر بوست زياده و ما في اي intercooler يجاريه في الكفائه ( خاصه في الدراق ريس و داخل البلد >>> الانتركولر يصير تمام على سرعات عاليه لان الهوا يضرب فيه بقوه )