خبراء المحركات الامريكية بليييز

[VIPER GTS-R]

السلام عليكم ورحمة الله وبركاته

انا عندي ونيت دودج قير عايدي NG3000 ابي انزل عليه محرك قوته من 250 الى 300 حصان طبعا 8 سلندر بس محتار وما عندي خبرة بالمحركات وهل يحتاج تغير طرمبة البنزين وهل راح تكلف العملية اقل من 5000 ريال او اكثر ..... ياليت تساعدوني ولو تعرفون ورش ترهيم للمكاين الامريكية بالرياض تدلوني عليها لاني مستعجل ابي اخلص الشغل قبل نهاية الاجازة باذن الله تعالى ..

:help: انا بانتضار ردودكم ...

تحياتي

[مؤيد اف1]

مالك الا الشفر تركب مكينة LT1 حق كابرس اس اس 95 او 96 انا سمعت ان المكينه والقير في الامارات ب7 آلاف ريال واتوقع الطرمبه لازم تغيير ..بالنسبه للورش مااقدر افيدك

[VIPER GTS-R]

مشكووور

يعطيك العافية اخوي مؤيد اف1 انا بصراحة رائيي من رايك بس محتاج لاراء باقي الشباب وخبرتهم يعطيك العافية

تحياتي

[الارهابي]

السلام عليكم

اخوي القير اللي تقصده new venture 3500
يعني NV3500

هذا القير يجي قطعه وحده يعني الداير يجي في القير مو مثل القيور القديمه الجير لوحده و الداير قطعه ثانيه

قرأت عنه في عده مواقع انترنت يقولوا انه يحمل الbolt pattern حق الدودج و حق الشفر و نزل على الداكوتا و على السييرا و السلفرادو ال5 نمر

و تركيب مكينه الشفر عليه من اسهل التحويلات مثل ما يقولون

نجي لاختيار المحرك

اذا بتشتري LT-1 انصحك تشتريها كامله ( بدون القير ) يعني ببكراتها و اكسواراتها ( دينمو ، كمبرسر ، طرمبه زيت البور ) و ظفيرتها و كمبيوترها ولا اذا اشتريتها مكينه بس بتطلع عليك اغلى من بيع السوق

اما اذا ودك تكون في الجانب الرخيص و المريح :D
شوف لك 350 كربريتر منتهيه يمكن تحصلها ب300 - 500 ريال كامله
و وضبها على يدك و حطها المفروض ما يكلفك التوضيب اكثر من 3000 ريال ( شامل شغل اليد ) اذا كانت القطع من هنا
الشي الحلو فيها
صيانتها سهله ولا يبغى لها شطاره و قطعها متوفره في كل مكان


اما الLT-1 لما بتشتريها مستعمله اغلب الظن يكون ديلكوها و طرمبه الماي رايحين فيها

و عشان اعطيك صوره مبسطه عن اسعار قطع الغيار

البواجي لل350 سواء كربريتر او بخاخ ما يوصلوا 50 ريال
البواجي للLT-1 من 120 - 160 ريال

طرمبه الماي لل350 ب90 ريال AC Delco و ب50 ريال امريكيه و الامريكيه افضل
طربمه الماي للـ LT-1 بحول 300 ريال

طرمبه البنزين لل350 ميكانيكيه على جنب المكينه و نادرا ما تخرب و رخيصه من 30 - 70 ريال
اما الLT-1 كهربا بس بالضبط ما ادري كم سعرها

الديلكو لل350 يكون من فوق المكينه و لو كان خربان قطعه رخيصه و يتصلح او اذا مره مره ارميه و اشتري واحد مستعمل ب200 ريال:D
اماديلكو الLT-1 معروف انه كثير الاعطال و غالبا ما يستبدل خصوصا اذا سربت طرمبه الماي و نزل عليه شويه ماي و سعره حول 1000 ريال اقل او اكثر حسب الموديل


من ناحيه التزويد ال350 ( من مديل 86- 99 ) تشترك مع الLT-1 في الكرنك و البساتم و العواميد و طرمبه الزيت و بعض الاشياء الاخرى
لكن الـ LT-1 اسعار اغراضها اغلى بكثير من الكربريتر
و تذكر الLT-1 لو فكرت تعدلها مستقبلا تعديلات قويه لازم تبرمج الكمبيوتر ( و هذي مو مشكله لان في عندكم كم ورشه تبرمج في الرياض )
اما الكربريتر ركب و شغل و امشي :D

بس هذا اللي اتذكره الحين :D

اذا عندك الفلوس و حاب الLT-1 انصحك بها لانها اقل صرفيه و افضل للاستخدام اليومي من الكربريتر



لكن اذا نويت تخربها من جد و تفقع القير و الدفرنش نزل لك 454 و لغمها شوي :D

[A7medo]

أنا أنصحك أب 454 أو شوف ويش بتسوي في العالم :D

[bashar_255]

الـ454 يجي لها ستروكر يحولها لـ511 و حسب ما سمعت المكينه حريقه:black:

[الارهابي]

اخوي بشار

ما في شي اسمه 511

هدي كذبه يلعبوا بها على الاطفال

ما اقول ال511 مو ممكنه
لكن الشفر ما نزلتها شد بلد ولا شركات التعديل نزلتها

الستروكر المتوفر لمحرك ال454 ( الستروك الاصلي 4 انش و البور 4.25 انش )

496
تركب كرنك 4.25 انش و تخرطها الى 4.31 انش

او
524
تركب كرنك 4.5 انش و تخرطها الى 4.31 انش

في شركه توفر كت يحول ال454 الى 512
لكن بكرنك 4.25 انش و تخرطها الى 4.375 انش يعني تخرطها 0.125 زياده و مع ان هذا الشي ممكن لكن بتكون جدران السلندر cylinder walls ضعيفه جدا و بتتكسر مهما كنت محافظ عليها هذا غير مشكله الحراره اللي بتصادفك

الكلام هذا عن سلندر ال454 الاصلي

اما اذا تكلمنا افترماركت
فتقدر توصلها الى اكثر من 700 انش :D

[WRX]

السلام عليكم ورحمة الله وبركاته

اخوي الأرهابي ممكن سؤال؟؟؟:rolleyes: :rolleyes: :rolleyes:
طيب لو حبين نركب 512 لو 524
طبع الـ512 بتغير السلندر كم تتوقع تكلف الشغله لأن لقيت مكان جاهزة معدلة وسعارها فووووق :help: فكم تتوقع تكون التكلفة...

[الارهابي]

اخوي WRX

ال524 و 512 يمكن تطبيقهم على سلندر ال454 الاصلي
لكن و مثل ما قلت من قبل عشان تعمل ال512 لازم تخرط السلندر 0.125 انش زياده

و هذا الشي بيضعل جدران السلندر الى درجه تكون ما تصلح الا للاستخدام العادي لانك لو دعست عليها او دقيت عليها غاز ممكن تنكسر فضلا عن ارتفاع الحراره الكبير اللي بيصير معك يعني ما تسوى عليك

عموما الrotating assymbly شامل الكرنك و العواميد و البساتم و الشنابر و السبايك توصل قيمته فوق 2000 دولار
طبعا كلها forged و الكرنك و العواميد مصنوعه من forged steel 4340 يعني لك و للزمن لا تقول تقدر تكسره :D


عموما اي محرك بق بلوك مهما كان حجمه ما بيعطيك نتيجه بدون ما يتعدل و اهم شي يتعدل هو الراس :sleep:

يعني لو تجيب محرك بحجم 700 بروس و كام و ثلاجه ستوك
اكيد ما يصف جنب 454 بروس و كام و ثلاجه افترماركت :D

[VIPER GTS-R]

السلام عليكم ورحمة الله وبركاته

اخوي الارهابي ماقصرت والله بصراحة معلوماتك وفيرة وراح اعتمد عليها كثير .. بس باقي عندي كذا سؤال اذا مافيه كلافة ..
طبعا بالنسبة للمحرك LT-1 انا تقريبا صرفت النظر عنه للاسباب اللي ذكرتها يعني احتمال ضعيف جدا اني اركبة الا اذا حصلت مكينة من نفس النوع بسعر مغري ..
بالنسبة للمحرك 350 فانا بنسبة 60% عزمت عليه بس اذا ما فيه كلافه عليك ابي اعرف كم يعطي حصان الستوك وهل يحتاج الى كمبيوتر وطرمبة بنزين جديدة يعني غير طرمبة الدوج وابي اعرف على اي سيارة نزلت ال 350 ووش الفرق بينها وبين 305 ..
اما بالنسبة للمحرك 454 فهذا نخليه خيار اخير لانه راح يكلف من ناحية القير والدفرنس وهالشغلات بس احتمال 40% اني اركب هالنوع ..

اخيرا ابي اعرف الكورفت C4 الى موديل 88 يجي عليها اي محرك 350 او 305 ..

تحياتي لك

اخواني A7medo & bashar_255
المحرك 454 معروف بقوته ما يحتاج كلام وانا ما صرفت النظر عنه بس لانه يحتاج شغلات كثير قير ودفرنس وكلتش وهالشغلات خليته الخيار الثاني بعد ال 350 ويعطيكم الف عافية على ردودكم ..

تحياتي

[RED Chevy]

السلام عليكم ورحمة الله وبركاته
إخوي فايبر أنصحك بال350، لأن الLT1 بتتعبك والدلكو أكبر مشكله فيها أقل شي وسلم عليه، وال350 بتريحك وقطعها تحصلها في كل سكراب وبسعر رخيص، وتقدر تلغم الثنتين بسهوله، لكن الأفضل ال350، لأن مابتتعب معاها ومابتكلفك كثير.
وإذا تبي موترك يطير، ركب له LS1، وبتحصل بسهوله في السكراب بسبب كثره اللومينا هناك.

[max2003]

اخوي الارهابي
ضيفني في الماسنجر عندك
aama010@hotmail.com
------------------------------------------------------------------------------
.O.K

[الارهابي]

اخوي VIPER GTS-R
ال350 تجي على بعض الكوابرس و على الجموس ( ونيتات و سوابر و فانات ) و على الكومارو iroc-z في اخر سنواته و على الكورفت

ارتبها لك حسب افضليتها

مكينه الكورفت ( نفس مكينه الiroc-z ال350 ) : اهم شي تكون روسها المنيوم لان الروس الالمنيوم حق الكورفت الflow حقهم جيد فبيصير اداء المحرك حلو و هو ستوك و اذا حصلتها كامله ببخاخها TPI و كان صاحي ركبه و الا دور على ثلاجه كربريتر حق موديل 87 و فوق و ركبها

5.7 فورتيك : روس الفورتيك ممتازه جدا مقارنه بالروس القديمه تلاقي هالمكينه على الجموس ( ونيتات ، يوكن ، سوبربان ، فان ) من 96 - 99
اذا شريتها اشتري المكينه بالروس بس و اطلب لك ثلاجه فورتيك كربريتر من برا


اما اذا ما لقيت ولا وحده منهم
شوف لك مكينه ونيت 350 لان روسها افضل من مكاين الكابرس
و لقم الكرنك فيها 4 بلوط ( اقوى لو نويت تلغم الموتر على الثقيل مستقبلا :D )

مميزات المكاين حسب سنه التصنيع :D

86 - الآن : صوفه المكينه الخلفيه قطعه وحده و نادرا ما تسرب اذا كانت اصليه ( اذا بغيت تغيرها لازم تنزل القير و الحداف ) و الحداف اللي يستخدمه يختلف عن الموديلات القديمه

80 - 85 : الصوفه الخلفيه قطعتين و تسرب بعد فتره من الاستخدام و معيار الزيت من جهه الراكب ( مثل المحركات الجديده ) ( عند تبديل الصوفه الخفيه ينزلوا الكرتير و لقم الكرنك الاخير )

79 و تحت : مثل 80 - 85 صوفته الخلفيه قطعتين لكن معيار الزيت من جهه السواق و بشكل عام المكاين في هذي السنوات مصنوعه من مواد اقوى و تتحمل التعديل بينما المحركات الجديده موادها تعبانه شوي و غالبا ما يصير فيهم core shift اثناء التصنيع و كثير ما تتكسر جدران السلندر فيها :D

لو تحصل روس قديمه جوانبها مثل هذي


http://i18.ebayimg.com/02/i/01/35/a8/44_1.JPG

http://i16.ebayimg.com/01/i/01/36/de/ef_1.JPG

http://i17.ebayimg.com/02/i/01/3a/74/dd_1_s.JPG

لاحظ صاير فيها شكل زي سنامين الجمل جنب بعض
هذي الروس يسموها douple hump heads
او camel humps heads
روس قديمه من الستينات و السبعينات و الflow حقها افضل من الروس حق الثمانينات ميه مره :D ( بس الفورتك افضل )
يمكن تحصلها برخص التراب بس تكون محتاجه شغل كامل :rolleyes:



اما بالنسبة للمحرك 454 فهذا نخليه خيار اخير لانه راح يكلف من ناحية القير والدفرنس وهالشغلات

القير اللي يركب على ال350 يركب بعد على 454
بس المسأله مسأله تحمل
و لو كانت ال454 ستوك اعتقد القير ما بيخالف و بيعيش فتره طويله :rolleyes:

[VIPER GTS-R]

اخوي الارهابي

بصراحة معلوماتك جدا رائعة وتستاهل والله لقب خبير شفر بكل جدارة واتمنى تتابع موضوعي هذا الى ان ننتهي منه طبعا الكلام اللي قلته كله حطيته بعين الاعتبار عندي ومشكور جدا على الشرح والصور وبصراحة وفيت وكفيت وان شاء الله خلال هاليومين راح انزل السوق وادور مكاين واذا لقيت شي يناسبني راح اصورة واعرضه هنا عشان تعطيني رايك وعندي بسعد مسالة بسيطة اللي هي :-
بالنسبة للقير طلع كلامك مضبوط 100% نوعه هو NV3500 وليس NG3500 على حسب كلامي انا بس لما بحثت عن هالقير بالنت لقيت منه انواع كثيره منها 3500 و 4500 و 5400 على ما اضن المهم لقيت هالصفحة فيها بعض المعلومات عن القير اتمنى تشوفها وتعطيني رايك وشاكرين ومقدرين



RED Chevy
اخوي بصراحة كلامك في محله بس الميزانية تحكمني كثير عشان كذا ما ابي شغل ترهيم واجد المكينة اللي اقرب لسيارتي وما تحتاج ترهيم افضل من اللي محتاجة للترهيم عموما ربك يكتب اللي فيه الخير

تحياتي لكم

[الارهابي]

وين الموقع ؟ :confused: :D

[أبوالزين]

رد مقتبس من A7medo
أنا أنصحك أب 454 أو شوف ويش بتسوي في العالم :D

[WRX]

بصراحة معلوماتك جدا رائعة وتستاهل والله لقب خبير شفر

والف شكر مني انا بعد بس بصراحة صدمت من الأسعار :confused: :confused: :confused: بس الي في بالي الصراحة انوا اقدر اخلي الأستروكر ضغط عالي او واطي يعني حسب الطلب ولا ما اقدر اطلب من الشركة هذا...وهل اقدر مثلا اطلب منهك يجهزة للنيتروس (مثلا مثلا يعني لاتفهمني غلط):rolleyes:

[VIPER GTS-R]

السلام عليكم ورحمة الله وبركاته

سوري وربي نسيت من الموقع ههههههههههههههههه
لاكن ولا يهمك هذا هو الموقع
http://media.gm.com/product/gmc/transmissions/mg5.html

وعلى فكرة انا اليوم رحت للصناعية ومريت محل مكاين امريكية حصلت عنده حتى ال LS-1 المهم لقيت عندة مكاين مستخدمة ومكاين موضبة بس للاسف الموضبة ما تجي كاملة بس هو نصحني بالمستخدمة يقول راح تكلفني مكينة ال 454 + قير عايدي 3 او 4 تعاشيق ب 3500 او محرك 454 + قير اوتوماتيك ب 3800 مع التركيب طبعا وضمان لمدة شهر طبعا السعر يشمل كامل التوليف ماعدا الهيدرز وعامود الكرن وعلى فكرة هو يقول موديلات 82 الى 85 هي احسن المكاين ونصحني فيها طبعا نسيت اكلمة عن المكيف هل هو من ضمن السعر ولا لا وانا الحين محتار اروح ادور محل ثاني ولا وش اسوي :( ..

اخووي racing_guy
توكلنا على الله راح نحط ال 454 ونشوف الله يستر بس ..

تحياتي للجميع

[Third Eye]

عجيييييب 454 بالتوفيق إنشاء الله


أهم شي لا تنسى تكتب تقرير


وتحياتي:)

[الارهابي]

انا انصحك انك ما تركب 454 و لو انهم عطوك القير بعد :D

اغلب الظن ان يكون قير ونيت قديم

ما يعشق الا بالهواش :D

بعدين كبوت الداكوتا صغير ( زي كبوت السنوما او اكبر بشوي )
و شفت اكثر من واحد مركبين 350 على سنومات و يشتكوا من الحراره
مع انهم ربكوا رديترات المنيوم و مراوح محترمه
هذا غير صرفيه ال454
و وزنها :eek: :banana:
و يمكن الدفنرش بعد فتره ينحاش من التورك حقها

يعني اشياء كثيره حطها في بالك

خلك على ال350 افضل

الخلاصه ال454 ما تصلح لاستخدام يومي

الا الLS-1 بكم :confused:

[VIPER GTS-R]

هلا خيووو الارهابي

بصراحة خليتني احتار بين ال 350 و 454 بالنسبة للجير اقدر اخليه اوتو او عادي الفرق بينهم 200 ريال بس للاوتو وعلى فكرة انا افكر ادور كلتش رياضي اذا كان موجود عند الشركات التعديل الامريكية ..
بالنسبة للحرارة والله مشكلة انا عندي الراديتر 4 رصات وهو نفسه يركب على المحركات 5.2 و 5.9 :think:
طيب لحد الان انا ماسويت اي شي بس اذا ماعليك كلافه اخوي او اي احد من المنتدى ابي اعرف الفرق بين هالمحركات :-
305 - 350 -454 لاني بصراحة اجهل هالمحركات تماما فاذا ممكن تعطوني لمحة عنها او حتى مواقع تهتم فيها راح اكون شاكر لكم وراح ادرس الموضوع زين ...

انا في انتضاركم :Sad2:

[الارهابي]

305 شكليا نفس ال350 بالضبط
من الداخل نفس الكرنك لكن البساتم اصغر
بستم ال350 قطره 4 انش
اما ال305 قطره 3.767 انش

و الروس حجم غرفه الاحتراق فيها عاده تكون اصغر
روس ال350 تكون 64 او 76 او 78 سي سي حسب الموديل
لكن ال305 غالبا تكون 58 سي سي

لما توضب المكينتين تلاقي ال305 تكلفك زياده 100 - 200 ريال لان بساتمها اغلى

ال305 حلوه في صرفيتها و حرارتها
و لو تحط لها رديتر محترم ان شاء الله في عز الصيف وقف ساعتين و انت مشغل المكينه ما ترفع حراره

اما 350 ترتفع حرارتها لتحت النص بشوي و هذا شي طبيعي جدا

من ناحيه التزويد لو تحط نفس القطع بالضبط على المكينتين بتلاقي ال350 تعطيك زياده 70 - 100 حصان بسبب الحجم الاكبر

من ناحيه التكلفه ( شراء المكينه ) المفروض يكونوا بنفس السعر

اما الLT-1
نفس ال350 من الداخل
لكن طرمبه الماي تختلف ( و اتجاه دوران الماي فيها عكس ال350 القديمه )
روسها تختلف
ثلاجتها تختلف
ديلكوها يختلف
طبعا لازم كمبيوتر و ظفيره ان كنت تبغاها بخاخ

نصيحتي لك

* شوف لك 350 نظيفه و ما تكون مخروطه واجد يعني ستاندرد او مخروطه 10 او 20 اهم شي تنظف على خرطه ال30 يكون افضل

و يستحسن لو كان مديلها 86 و فوق

و ما تفرق سواء كانت حق كابرس او حق ونيت

طبعا خذها مع الكربريتر و الديلكو و الدينمو و اذا ممكن تولف مضخه زيت البور حق الشفر على علبه البور عندك ( الداكوتا power steering ولا manual steering ?) و بالنسبه للكمبرسر اما ترهم كمبرسر الشفر على سيارتك او ترهم كمبرسر سيارتك على مكينه الشفر :D يعني تفصل لها قاعده او براكيت بحيث تجي صح مع بكره الكرنك

طرمبه البنزين تكون في نفس المكينه في جهه الراكب و سعرها AC Delco ما يتعدى 50 ريال
يعني يبغى لك تكنسل طرمبه البنزين الاصليه الكهربائيه


*او تشوف لك LT-1 كامله بالظفيره و الكمبيوتر و تركبها :cool:
و اذا ما حصلت لك LT-1 كامله تقدر تشتريها مكينه بدون ثلاجه و تجيب لها ثلاجه LT-1 كربريتر :D من برا و تحط عليها ديلكو حق 350 كربريتر و بتعطيك نتيجه حلوه لان روس الLT-1 افضل من روس ال350

اما ال454 شيلها من بالك ما هي عمليه مثل ال 350 :banana:

[VIPER GTS-R]

اخووي الارهابي

كلامك كله على عيني وعلى راسي بصراحة ال 350 اعتقد انها هي الافضل من ناحية السعر والبانزين وكل شي انا عندي الدركسيون باور سترنج يعني لازم ترهيم والكمبرسر عندي تمام وصعب اولف كمبرسر الشفر على الثلاجة عندي .....

امممم الحين اللي في راسي اني راح اخذ بكلامك وادور لي مكينة 350 منتهية ونبدا في تلغيمها من الصفر وان شاء الله تساعدني في هذا الشي لان خبرتي في المكينة وتلغيمها قليل ابيها تكون مثل هذي ان شاء الله ...

http://www.scs.wsu.edu/~gadrian/images/350chevy.jpg

عموما بعد العيد ان شاء الله راح نتابع هالموضوع وان شاء الله بس ابيك تكون متابع لموضوعي ولا يهونون باقي الشباب بس محتاج خبرتك كثير ويعطيك الف عافية ومن العايدين قبل الزحمة وكل عام وانتم بخير ..

فيبو :)

[الارهابي]

نسيت اقول لك

مع ال350 تقدر تستعمل القير الاصلي حقك و هذا بيخفف عليك التكلفه شوي

[VIPER GTS-R]

ولكمووووو

بصراحة المهندس يقول ان القير ما يركب لان قير الداكوتا سداسي وقير ال 350 ثماني يختلف الجرم اللي يركب على المكينة والله اعلم الا اذا كان المهندس ما يفهم هذي المشكلة :cry: ..

بس مو مشكلة انا حصلت الكلتش الرياضي بحدود 600 ريال اعتقد يكون احسن ولا وش رايك

تحياتي

[الارهابي]

المفروض انه يركب

لان الNV3500
القير و الداير حقه integrated يعني قطعه وحده
و حسب ما قرأت انه يجي 3 انواع و لا يمكن تعرف الاختلاف الا لما تفك القير من الداخل

يعني المفروض يركب

تقدر تدور لي كم وزن الداكوتا
شوف المواقع و خاصه الكار دومين

اللي يعجبني في هالسيارات خفه وزنهم :D
مره شفت سنوما مديل 92 مع المكينه و كل شي و زنها 1000 كيلو و قوتها حول 500 حصان :banana:

[VIPER GTS-R]

بالنسبة للقير ما راح استعجل لما نفكه راح نقارن الاثنين ونشوف اذا بيترهم ولا لا انا افضل قير الداكوتا لانه 5 تعاشيق ..
اما الوزن فانا دورت ولحد الان مالقيت وان شاء الله اول ما احصله راح اقول لك على طوول بس اتوقع الداكوتا ثقيل لان البودي شكله يدل على كذا ...
عموما راح اعطيك خبر بالرد الجاي ولا يهمك

تحياتي

[VIPER GTS-R]

اخوي الارهابي

يسعد صباحك او مساك :laugh:
اتمنى تضيفني بالماسنجر عشان نتناقش بالمموضوع ونبدا فيه وبعد ما نخلص نعرض التجربه على الاعضاء بالصور عشان يعطونا ارائهم بالموضوع وان شاء الله ما ناخذ من وقتك كثير

الايميل :-
goomat@hotmail.com

ومشكور مقدما

تحياتي لك

فيبو

[G.T.A]

بسم الله الرحمن الرحيمالسلام عليكم ورحمة الله وبركاته
اخوى الارهابى ماشاء اللة عليك وعلى معلوماتك اول شى
انا اخوك محمود من مصر وعندى ترانزام 82 وابى اعدل في
المكينة شوية اشياء خفيفة تانيا ابى ليها نوع بوجيهات جيد
لان فى صديق لى فى منطقة بريدة فى السعودية راح يرسلهم
لى وشكرا المكينة كربرتير ولو سمحت كيف افرق بين المكينة
305 و350 من اشكل الخارجى او لو عليها رقم معين:banana: :help:

[مؤيد اف1]

روح دا الموقع بيساعدك انك تعرف مكينة سيارتك الي اعرفه انه حق السيارات الامريكيه بس مو متاكد اذا كل انواعها بس الشفر اكيد :D كل الي تسويه تحط رقم الشاسي الموقع (http://www.carfax.com) :banana:

[مؤيد اف1]

طبعا ال 350 5.7 لتر

وال 305 5.0 لتر :rolleyes:

للمعلوميه للي مايعرف :)

[الارهابي]

اخوي GTA

تفضل هنا


http://www.sparkplugs.com/results_app.asp?productTypeID=1&AAIA=1251021


اذا عندك رقم البوجي الاصلي ac delco
ابحث عنه في هذي الصفحه و شوف البواجي المكافئه له
http://www.gofastzone.com/techtips/sparkplugs/sparkplugs.htm

[الارهابي]

رد مقتبس من VIPER GTS-R
اخوي الارهابي

يسعد صباحك او مساك :laugh:
اتمنى تضيفني بالماسنجر عشان نتناقش بالمموضوع ونبدا فيه وبعد ما نخلص نعرض التجربه على الاعضاء بالصور عشان يعطونا ارائهم بالموضوع وان شاء الله ما ناخذ من وقتك كثير

الايميل :-
goomat@hotmail.com

ومشكور مقدما

تحياتي لك

فيبو

تم يا راعي القومات :D

[G.T.A]

السلام عليكم ورحمة الله وبركاته
مشكور يا الارهابى واللة يخليك لنا:banana: :banana:

[G.T.A]

السلام عليكم ورحمة الله وبركاته
بس حبيت منك توضيح اكثر كيف استطيع افرق
بين 305و350 من الشكل الخارجى ومعلش تعبناك:cry: :cry:

[الارهابي]

في مؤخره المكينه فوق مكان اتصال القير بالمكينه
من جهه السائق
تلاقي مكتوب 350 او 305 او 5.0 او 5.7

و احيانا حتى على جوانب المكينه

[G.T.A]

السلام عليكم ورحمة الله وبركاته
اخوى الارهابى معلش لو تعبناك ولكن
انا تونى بادى فى تلغيم السيارة بس
واحدة واحدة فيا ريت تدلنى على افضل واقوى
ماكينة كاربرتير ستوك تركب على الترانز ام:help: :cry: :cry:

[الارهابي]

وش مكينه سيارتك حاليا 350 او 305

و كم ميزانيتك :banana:

[G.T.A]

السلام عليكم ورحمة الله وبركاته
الماكينة الحالية 305 والميزانة فى حدود
5000 بس المشكلة انو فى مصر ما يوجد امريكى
كثير فانا ابى تعديل من الممكن انو الميكانيكى يسوية
مع امكانيت تغير الماكينة والقير بس تدلنى ايش اجيب
وايش يركب سهل ويكون قوى وهو ستوك وبسيط التعديل:banana: :banana: