هل صحيح أن الدوريات السعوديه تحمل مكاين مــخــروطــه !!!

[ABD 911]

بسم الله الرحمن الرحيم

أبغا أتأكد يا إخوان من هالمعلومه الي سمعتها من أكثر من شخص ومن مصادر مختلفه أن دوريات الشرطه السعوديه خاصة الجديده منها ((الفوردات واللومينات)) عليها مكاين بفتحات بساتم مخروطه ((خراطه محليه)) ... يعني لو تلحق دوريه لومينا لومينا ثانيه بنفس المواصفات يمديه يجيبه وهو يضحك :D ...

فما أدري وش رايكم هل هي مجرد إشاعه تنشر من أناس جهله أو ماذا؟؟

ABD 911

[alhalooo]

لا كلام بس مين يقول وأنت مصدق أنهم بيخرطونها حتى كل مره يغيرون لها بساتم وأذ أنخرطت الماكينه تصير تصرف بنزين وهم عطوهم لومينا لأنها سته 6 سلندر عن الصرفيه الزايده لا تصدق ما يقال كلام فاضي تقفل مثل ما تقفل أي سياره لا تنسى أنهم شارين السيارات من الجميح لا تصدق ما يقل حتى سيارات أمن الطرق كلام فاضي لو يبون السرعه كان حطو سيارات عدله يكفي أن الكابريس اقوى من الفورد الشفر دايم قدام ما في مقارنه :glasses2: :glasses2:

[محمد دريهم]

الكلام هذا صحيح ..بس في سيارات امن الطرق.,,لكن دوريات المدن ماتوقع انهم يعدلون فيها..ولو تلاحظ ان اللومينات تكون داخل المدن فقط,,اما الفورد والونيتات تكون على الخطوط السريعه..وهي المخروطه..


والله اعلم

[mustang cobra]

بسم الله الرحمن الرحيم

اتوقع انها اشاعه عشان الناس تهجد

[Third Eye]

الجيوب اللندكروزر الربع مخروطة فعلا

اما الومينا فلا وكذلك الكراون فكتوريا

خاصة وأنو صار عندنا انترسبيور



وتحياتي

[حبوب بوظبي]

عندنا فأبوظب
تقريبا كل الدوريبات مكاينها مخروطه
( اللومينا اس اس و اللومينا العاديه و الكابرس و.......)

خصوصا اللومينا اس اس تكون مخروطه و تكون قير عادي ( هذا شي متأكد منه)


الخراطه كلها تكون في ورشة الشرطه :black:

[بورش]

خصوصا اللومينا اس اس تكون مخروطه و تكون قير عادي ( هذا شي متأكد منه)

اجراااااااااااااااااااااام

[RED Chevy]

رد مقتبس من حبوب بوظبي
عندنا فأبوظب
تقريبا كل الدوريبات مكاينها مخروطه
( اللومينا اس اس و اللومينا العاديه و الكابرس و.......)

خصوصا اللومينا اس اس تكون مخروطه و تكون قير عادي ( هذا شي متأكد منه)


الخراطه كلها تكون في ورشة الشرطه :black:
والله مروركم شي، إحنا طايحين لان باللندروفر والكراون واللومينا، وماظن إنهم مخروطين، بس الكابرس في الثمانينات كانت مكينته350 وقيره700، بس أحين مادري، لكن ماتحصل لنا دوريه لومينا مستعمله، لو نحصل وحده بتصير صاروخ عقب اللغام.

[bashar_255]

و الله انا سألت واحد من اصحابي يشتغل في الدفاع المندي(المدني) عن هالشي:rolleyes:

لأنه كان في المرور قبل ما يتحول:p

المهم...

اكد لي ان الكلام 100% غلط:damp:

و انهم اصلاً يحاربو هالشغلات العبث في المكينه و غيره....

و في سيارات من ياخذوها لما يعدموها ما تحقل توضيب حتى:help:

شوفو الكوابرس المرور تحت التسعين حالتهم ما يقبلها تشليح على 1000 ريال:D

[بدوووري]

إيه صح ..

دوريات أمن الطريق كلها مخروطة ..

و حتى اللومينات الجديدة كلها قير عادي ..

[ACCORD-V6]

انا اقول اشاعة

[bashar_255]

شباب اضمنو كلامي في الرد اللى فوق و انتو ساكتين:o


و جبت لكم اضافه السيارات القديمه للشرطه تجي على آخر خرطه خصيصاً من مصانع gm اما الجديد لا تصدق:headshak:

[الارهابي]

كلام فاضي و ما له اساس


حتى لو كانوا يخرطوها

خلهم يخرطوها مليون مو بس اخر خرطه

هل في هناك فرق في القوه :confused:
في فرق بس ما يستاهل كل هالتكاليف:rolleyes: :sleep:

[bashar_255]

و انا ادري:sleep:



عندك كراون الشرطه الأمريكي 10 سلندر آخر خرطه:sleep:

[PT Cruiser]

خذو العلم يا شباب
---
العساكر والضباط الي عند سوق الفيصليه كلهم اخوياي
سالتهم عن دورياتهم
---
كانت النتيجه
ان سيارات المرور والشرطه
بالنسبه للومينا
هي مكينه عاديه الي هي مكينة LS
الشي الوحيد الي هو متغير بالسياره الي هو جهاز التبردي مع اللديتر وملحقاته
بسبب ان الحراره عندنا مرتفعه واغلب الدوريات تكون واقفه
------
الشي الثاني سيارات أمن الطرق الي هم على الطرق السريعه وعلى الحدود هي الي مكينتها مخروطه
على فكره الطراد الحوض
الي هو الرام
مكينته ملغمه + تحت الرفارف في كتل رصاص عشان وزن السياره يقل ش وي بالمقارنه مع قوة المكينه ( تعرفون السواقه عند العساكر ميه ميه )
يا ليت اكون افدتكم
بااي

[cruiser2000]

شباب بخصوص الدوريات اللي في السعودية

مب متأكد بس انا سمعت انه
سياراات الجمس

عليها مكاين قوية جدا جدا

وجايبينها طلب من برا


يعني عادي ينزل 280 ويحطونها على الخطوط

يا ليت شباب اريد اتأكد هل هالكلام صحيح ؟
:confused:


تحياتي لكم

اخوكم

كروزر2000

[PT Cruiser]

اخوي cruiser2000
الجمس
قصدك الجمس الحوض
والا الجمس العادي ( اكيد شفت دوريات جديده بجمس عادي 2500 )
--
اذا قصدك الجمس الحوض
ايه مكاينها قويه قويه قويه واقولك من قوة مكاينها
يحطون تحت رفرف السياره ( هو المكان الي يكون فوق الكفر مكان فاضي )
يحطون فيه رصاص ( مو رصاص طلق نار ) لا رصاص يعني :damp: مدري شلون بس هذاك الشي الي اسمه رصاص عشان يثقل السياره
معليش شباب
التعبير عندي رايح فيها

[Third Eye]

رد مقتبس من PT Cruiser
اخوي cruiser2000
الجمس
قصدك الجمس الحوض
والا الجمس العادي ( اكيد شفت دوريات جديده بجمس عادي 2500 )
--
اذا قصدك الجمس الحوض
ايه مكاينها قويه قويه قويه واقولك من قوة مكاينها
يحطون تحت رفرف السياره ( هو المكان الي يكون فوق الكفر مكان فاضي )
يحطون فيه رصاص ( مو رصاص طلق نار ) لا رصاص يعني :damp: مدري شلون بس هذاك الشي الي اسمه رصاص عشان يثقل السياره
معليش شباب
التعبير عندي رايح فيها


يعني مادة الرصاص أظنو يخلوها كتلة ويحطوها فوق الرفرف.....>إنشاء صح:D




نجربة:
:think:
:anger:
:banana:
:shy:

[cruiser2000]

اهاااا والله قوية عيل الدوريات

نحن عندنا الدوريات في العين موب مزودات ولا ملغمات

ما كد شفت نيسان ربع ( هالانسان يتكلم بعدة لهجات للتوضيح :D )
مزود

كلهن صافيات ولا فيهن حتى ريشة

:anger:

بس اكيد مخروطات بكيف كيفك ( ما اعرف معنى مخروطات )

يعني مدموات ملعوب فيهن

هذا اللي اعرفه عن الكلمة

[بدوووري]

ايه اخوي cruiser2000 ،، ما حطوها كذا عبث ..

عندك ناس في الرياض مهابيل ،، لدرجة انهم يفحطون على سرعة 220 ..

تدري عاد إنهم الحين رخصوا للشرطة انهم يطلقون رصاص على أي مفحط إذا ما استجاب لهم ،، حتى لهم الحق يصدمونه بسياراتهم ..

[PT Cruiser]

اخوي Third Eye
عليك نوووووووور
انا قصدي مادة الرصاص
كيف راحت عن بالي الكلمة هذه
يالله مو مشكله
-----
موب مني من الي اقوى مني

[ABD 911]

السلام ...

ألف شكر على ردودكم الي وضحت لي حقيقة الفكره اللي كانت عندي (إيه طــل واحد يقول إيه وواحد يقول لأ :cool: )

يعني من كلامكم أستنتج التالي

1-أن اللومينات مب مخروطه .. الميزه الي فيها هي إنها قير عادي وينظام تبريد مطور :think:

2- دوريات أمن الطرق مخروطه وتحوي كتل رصاص تحت الرفاف للمساعده على تثبيتها .... وأن الونيتات حقتهم تجيب مكسيمات وهي تضحــ :D ــــك ..

شكر خاص للاخ PT CRUISER لمعلومته الي كانت عن الرصاص الي تحت الرفارف .. معلومه جديده بصراحه :glasses: ..


تحياتي للجميع ABD 911 ...

:p