اكورد 2004 وكامري 2004 ؟!!!!!!!!

[الوليد]

السلام عليكم ورحمة الله وبركاته
ياشباب لو سمحتوا نبغي من الي جربوا ويعرفون الاكورد 2004 والكامري 2004 يقولون لنا ايهما افضل لاني بصراحه ناوي اشتري احدى السيارتين ومحتار بينها بغيتكم تساعدوني في الاختيار :help: :confused:
ابي اللي جربو الاكورد بالذات يتكلمون لنا عنها من كل النواحي مثل :

* صرفيه البنزين .

* الثبات والرساوه بالخط .

* ثبات سعر السياره عند البيع وهذا اهم شي ابي اعرفه لان الكامري معروف عنها انها ماتطيح قيمتها لكن الاكورد مادري عنها ياليت توضحون لنا .

* اسعار قطع الغيار , وهل اعطالها وخراباتها كثيره ولا لا .

وماهو افضل لون للاكورد برايكم ( اسود , فضي , ذهبي ) .

[TOP-SECRET]

السلام عليكم ورحمة الله وبركاته

فالك طيب اخوي الوليد .. تفضل هذي النكات من منتدى سوالف بتساعدك كثير ...



http://www.swalif.net/sforum1/showthread.php?s=&threadid=180209&highlight=%CA%CC%D1%C8%C9+%E5%E6%E4%CF%C7+%C7%DF%E6%D1%CF

تجربة مصوره هوندا اكورد V6 للعضو S8


http://www.swalif.net/sforum1/showthread.php?s=&threadid=169192&highlight=%CA%CC%D1%C8%C9+%E5%E6%E4%CF%C7+%C7%DF%E6%D1%CF


وهذا الموضوع مقارنه بين كامري والاكورد الجديده راح يفيدك كثير للعضو camry gtx 99


http://www.swalif.net/sforum1/showthread.php?s=&threadid=158011&highlight=%CA%CC%D1%C8%C9+%E5%E6%E4%CF%C7+%C7%DF%E6%D1%CF



تجربة هوندا اكورد 2003 - 4 اسطوانات .. وهذا الموضوع للمشرف المحبوب زورو الامارات



تقبل تحياتي وانشاء الله اذا في جديد بقول لك


((وجهت نظر) الكامري ماتصلح حق شباب يعني في الغالب ياخذونها حق سائقين البيوت للتوصيل ولكن هذا لا يعني انها مب حلوه هي سياره عمليه وجميله جدا لكن ماتصلح للكشخات مثل الاكورد ..انصحك بالاكورد خاصه بان شكلها جديد ;) وانا افضل الون الاسود واعتقد سعرها من 55 الى 90 الف (سعر تقريبي )

تقبل تحياتي ...

[Mr_CoRvEtTe]

الاكورد افضل

[ABD 911]

أنا أقول متع نفسك وخذ أكورد أسود ... الصراحه عليه طبلون مجنووووووووووووووووووووووووووون .. وترى حلاتها تكمل مع طقم جنوط :D ..

[Wild CRX]

رد مقتبس من ABD 911
أنا أقول متع نفسك وخذ أكورد أسود ... الصراحه عليه طبلون مجنووووووووووووووووووووووووووون .. وترى حلاتها تكمل مع طقم جنوط :D ..

ويا حبدا تكون 6 أسطوانات :banana:

[RED Chevy]

السلام عليكم ورحمة الله وبركاته
إخوي الوليد الأكورد أفضل بمراحل، بس الموديلات من2003 مادري، إحنا عندنا أكوردين، وكامريين(سابقاً أحين وحده بس)، والأكورد قوه إحتمال ورياضيه أكثر وجوده أكبر، والسعر للكامري طبعاً، لكن هم الأكورد ماتنزل وايد، لكن ماتحتفظ بسعرها مثل الكامري، وإنت شوف اللي الله يسره وشوف اللي إنت تبغيه.

[الوليد]

حياكم الله جميعا وشكرا على ردودكم .

بعدين ياشباب سعر الاكورد بالوكاله 62 الف سياحي اقل نوع
وانا سمعت انه اسعارها جديده بالمعارض 59 الف ياليت الي يعرف معارض في جده او مكه او الطايف تبيع بـــ 59 الف يخبرني بسرعـــه
ومشكووووووووووووووررررررررين

ارجو من الي يعرف معارض تبيع جديد بسعر ارخص يتفضل ويعطيني اسماء المعارض في نفس المدن الي انا ذكرتها .

[TOP-SECRET]

السلام عليكم ورحمة الله وبركاته

السموحه اخوي الوليد لكن انا مب من الغربيه :( اصلا انا مب من السعوديه :D ولكن يوم سئلت وكالة الهوندا في قطر قالو لي السياحي ب 56 الف ريال قطري :rolleyes: ليش السيارات غاليه عندكم؟

انشاء الله الأعضاء يفيدونك ومايبخلون عليك ... والسموحه على القصور

[ACCORD-V6]

هلا والله حبيبي
اكيد وبدون كلام اكورد
اصلا مافيه مقارنه
وانا جربت الثنتين
الكامري تتفوق في شي واحد
اسعار قطع الغيار ولكن مع جودة اقل من الاكورد

حتى في الشكل الاكورد تتفوق بمراحل

بالنسبة لصرفية البنزين انا جربت السته سلندر
في السواقه العادية صرفيتها حلووووه

الرساوة
الموديل الجديد 2003 بصراحة رساوتها ممتازه جدا وماعليها كلام ابدا
صدقني تمشي 170 وانت مرتاح:cool: :cool: صدقني مابالغ ابدا ابدا

ثبات السعر تتفوق الكامري
طبعا الكلام عن 2002 وقبل
الموديل الجديد ماادري ولو اني الاحظ ان الاكورد الجديدة المستعمله اسعارها غالية بعكس الموديلات القديمة اللي كانت تطيح اسعارها بشكل مخيف


اسعار قطع الغيار
لمصلحة الكامري
لكن جودة الكامري اقل بكثير من الاكورد


وبدون شك افضل لون وبدون اي مقارنة ابدا ابدا الاســــــــــــــــود لكن مع عيب صغير
وهو يبغالك كل يومين ثلاثة تغسل السيارة اذا تبغاها دائماا حلوه



اسف جدا جدا على الاطالة
وان شاء الله تستفيد من كلامي
وتأكد كلامي من واقع تجربه

[STS4ever]

وين الاكورد ووين الكامري !!!

خلك في الاكورد احسن لك بمليونين مره

سلام

[CRX]

هلا وغلا
اكيد اكورد لانه جوده و قوه و تحمل وليس مثل الكارمي حيث به عيوب عديده منها التنسيم من النوافد الاماميه و عدم ثبات والهوبات و غير وغير
خد اكورد وياريت لو لكون 6 سلندر اسود زي ما قالو الاخوان الاعزاء

[الوليد]

يااااااهلااااااااا والله بيكم جميع وشكرا على ردودكم القيمه
وابشركم اني عزمت اشتري اكوووورد وشلت فكرة الكامري من راسي

والاخوان الاعزاء الي نصحوني بمحرك ست سلندر اشكركم جزيل الشكر بس بصراحه انا ابي اربع سلندر لانها اخف في البنزين بكثير وانا شخص دواااااج مشاويري كثيره .
بس السؤال الي يطرح نفسه هنا او بالاصح المشكله الي انا فيها هي
اني رحت للشركه الموزعه عندنا بالطايف وقلتلهم ابي اكووورد يكون اربع سلندر وجنوط ويكون قير عادي مو توماتيك بس قالو لي لا الاكورد اللي بجنوط لازم تكون قير اوتوماتيك والقير العادي يكون في السياحي فقط
وانا ملزم على قير عادي ماابي تماتيك( اكرهه )
وانا ابغى اسالكم هل صحيح ان القير العادي هو في السياحي فقط ولا ممكن اني احصل جنوط وقير عادي .

بعدين سؤال اخير واعذرووووني اذا طولت عليكم
الاير باق ( الوساده الهوائيه ) موجوده بكل الانواع حتى بالسياحي ولا لا :confused: :confused: بعدين هل الاير باق اذا كان موجود بكل انواع الاكورد يكون للسائق والمساعد ولا بس للسائق , لاني سمعت كلام بس مو متأكد منه ان الاكورد السياحي يكون فيها ايرباقين اثنين واحد للسواق والثاني للمساعد .

وعذرا على الاطاله .

[RED Chevy]

السلام عليكم ورحمة الله وبركاته
هلا إخوي الوليد وبالبركه مقدماً، أنصحك تاخذ أكورد سياحي وتاخذه قير عادي وتركب رنجات عليه أفضل من إن تدفع فرق 10000 على كماليات بس، والسياحي أكيد 2 إيرباج إحنا 2002 وفيها ومن 98 نازل 2 إيرباج،
وكلامهم صح ال4 فل أوبشن ماينزل قير عادي والسته نفس الكلام.

[الوليد]

هلا والله اخوي ( رد تشيفي ) ياليت اخوي لو تقولي انوعها لاني بصراحه ماعرف في الاكورد كثير ابي تقولي هي كم نوع يعني الكامري فيها اكس ال وجونير وجي ال وقراندي ... لكن الاكورد ماعرف منها الا نوع واحد وهو السياحي علشان كذا انا رحت للوكاله وقمت اخبص عندهم لاني ماعرف انواعها ومابغيت اسأل موضف المبيعات لاني انحرجت (( مابغيت اسوي غبي قدامه واكثر عليه الاسئله )) وقلت له ابي قير عادي بجنوط فقالي لا العادي مايجي بجنوط , بعدين هزيت راااسي وقلت ايييييييه ومشيت وانا ناوي ارجع لهم بكره او بعده انشا الله .
ويمكن على قولتك ااخذ سياحي واحط له جنوط
بس انا سمعت ان الجنوط غاااااااااليه وقالو لي ان الجنط الواحد سعره 1600 الف وستمائه ريال سعودي وهذااااااا غااااااااالي جداااا والله لو انها مصنوعه من ذهب .
بعدين فيه جنوط تجاريه غير اصليه صناعتها امارتيه عند البناشر وقيمه الجنوط الاربعه معا 1400 ريال شووووووووف الفررررق التجاري ارخص ونفس الشكل بس مااعرف هل هو بنفس الجوووده يعني انا خايف انه مايصبر معي لانه مو اصلي ياليت اذا تعرف توضح لي هل الجنط الاماراتي ( الرخيص ) يصبر ولا لا ,, يعني انا اخاف اضرب به مطب قووي وينكسر ولا شي زي كذا

ملاحظه ( على مااظن ان كلمه رنجات عندكم = كلمه جنوط )

[RED Chevy]

السلام عليكم ورحمة الله وبركاته
إخوي الوليد عندك الأكورد من 2003 تبدلت فئاتها قبل كان فيEXI/LXI/VTI، أحين أقل فئه إسمها VTI-L واللي بعدها هي الفل أوبشن 4سلندر، وفي الVTI 3.0 V6 هذي السته سلندر وإنت ماتحتاجها،و الأولى مواصفاتها 2 إيرباج/ CD / عدادات مثل اللكزس/( وهي الوحيده اللي تنزل قير عادي، والثانيه يصير سيت السايق كهرباء ويصيرCD Changere، ورنجات( جنوط)، وكلهم مكاينهم i-vtec، بس مثل ماقلت لك خذ رنجات أصليه وماعليك من السعر ترى شي مضمون ولاتخاطر وتاخذ تقليد على فرق بسيط ومابيكونون بنفس الجوده، وترى سعرهم وايد رخيص، تدري إنت رنجات الكابرسSS96 كم قيمتهم؟
قيمتهم1100 بحريني يعني 11000 ريال، لاتخاف وخذ السياحي وحط له رنجات ووفر أكثر.

[الوليد]

مشكوووووووووووور وماقصررررررررت

وشكرااااااا لجميع الاخوان الي شاركووووووووووووووو .


لكم جزيــــــــــــل الشكر اعزائي .

[ACCORD-V6]

اللي اعرفه ان السته هي اللي ماتجي الا اوتوماتيك بس
لكن الله اعلم

بالنسبه لانواع الاكورد في السعودية
السياحي vti-l
فتحه مراتب مخمل سيدي واحد وطيس

فيه نوع ثاني فوقه vti-e
يجي فتحه وجلد وجنوط وست سيديات ومكيف الكتروني ومثبت سرعه
ويجي فتحه ومخمل وجنوط وست سيديات ومكيف الكتروني ومثبت سرعه
ويجي جنوط وجلد وست سيديات ومكيف الكتروني ومثبت سرعه

والسته سلندر
نوع واحد فقط

والاكورد من السياحي عدادات LED تشتغل مع تشغيل السيارة ومع فتح باب السائق وايضا ريموت كنترول في نفس المفتاح يفتح الابواب ويغلقها ويفتح الشنطه


ان شاء الله مااخطأت

واذا تبي شوري
خذ اوتوماتيك احسن لك

واسف على الاطاله

[ACCORD-V6]

واكيد لاتنسى لون اسود:black: :black: :black: