سوالف للجميع - شوفوا عداد اللومينا تقريبا بسرعة 200 والضغط على ؟؟؟؟؟؟؟؟

حفيد الفاروق

13-02-2004, 11:52 AM

بسم الله الرحمن الرحيم

هذي صورة عداد لومينا موديل 2000 (سيارة صاحبي) داس تقريبا 200 وشوفوا عداد الضغط على ؟
سامحوني اذا الصورة مو واضحة لأنها من الجوال .

http://www.91119.com/uup/files/55-1076525529.jpg

أبيكم تدوسون في المكسيما أو أي سيارة فئة 6 سلندر بسرعة 200 وأبيكم تصورون عداد الضغط .
(ترى اذا صار فيكم شئ من زود السرعة تراني مو مسؤول)
علشان لا تكون بذمتي.
وتأكدوا من حالة الاطارات ....الخ
هذا اذا كنتم تبون تصورون .

يعني لو نزيد الدوسة راح توصل 250 أو 260 بالراحة بس العداد ما يكفي .:D
وعلى فكرة السيارة 6 سلندر مش 8 سلندر
علشان تعرفون ماكينة الشفر ما يتغشمر :black:
مو تقولون العداد ملعوب فيه لأني ناقله من تلفوني علطول .

محمد دريهم

13-02-2004, 11:56 AM

هلا اخوي حفيد الفاروق..

ترا اذا الضغط منخفض..مايدل على ان السياره ممتازه..

بالعكس هذا يزيد في صرفية البنزين....عشان كذا اللومينا تصرف بنزين..

وبعدين سرعة 200 هذي نطبقها يوميا ..يعني شي طبيعي
:sleep:

حفيد الفاروق

13-02-2004, 12:01 PM

رد مقتبس من ولد الخبر
هلا اخوي حفيد الفاروق..

ترا اذا الضغط منخفض..مايدل على ان السياره ممتازه..

بالعكس هذا يزيد في صرفية البنزين....عشان كذا اللومينا تصرف بنزين..

وبعدين سرعة 200 هذي نطبقها يوميا ..يعني شي طبيعي
:sleep:

هلا أخوي ولد الخبر .
بالعكس مين قالك أنا سألت الكثير قالولي معناته السيارة مرتاح ما تحن كثير وبالأخص ما تصرف بنزين .
وعسى الله يحفضك من سرعة 200

وأصدرت فتوى أن من مات بسرعة فوق 120 يعتبر منتحر وبعد ماله داعي أذكر لكم الواحد المنتحر شنو يكون مصيره يوم القيامة .

جعلنا الله من أهل الجنة .

قووووووووووووولووووووووووووووووووووا آميييييييييييين

محمد دريهم

13-02-2004, 12:05 PM

أجل وش تفسر ان اللومينا تصرف بنزين؟

والماكسيما تصرف بنزين اكثر من الماجنا رغم ان الماكسيما اهدى من صوت الماجنا...

مادري لكن اكيد فيه عوامل اخرى ...

Corvette_Stingray

13-02-2004, 12:15 PM

رد مقتبس من ولد الخبر
أجل وش تفسر ان اللومينا تصرف بنزين؟

والماكسيما تصرف بنزين اكثر من الماجنا رغم ان الماكسيما اهدى من صوت الماجنا...

مادري لكن اكيد فيه عوامل اخرى ...

الموضوع ما يتكلم عن صرفية البترول ..

وانا سئلت ناس عندهم خبرة وقالو لي هذي معناتها ان السيارة مرتاحه .. اما اذا تحن يعني الضغط محتكر فهذا يعني ان السيارة فيها شي يمكن الكربريتور فيه فتحات مسدودة او شي من هلقبيل ومشكور اخوي حفيد الفاروق على الموضوع

محمد دريهم

13-02-2004, 12:19 PM

أصلا انا من زمان ودي اسأل عن هالموضوع..وش الاقضل ؟؟الدورات العاليه ولا المنخفضه........

طيب اذا السياه مثلا ماشيه 200 وعدادها على 3ونص اجل لا مشى 120 كم يصير..

اجل هذا يدل على ان السياره راح تكربن بسرعه ..يمكن هذا سبب يخلي السيارات الامريكيه تتعرض لمشاكل التقطيع او انسداد البخاخات ونحو ذلك

مؤيد اف1

13-02-2004, 12:34 PM

هذا شي معروف ان الامريكي نفسه طويييييييييل كل ماكانت الدورات قليله كان احسن للمكينه على الخط تروح مرتاحه واستهلاك البنزين اقل ... انا سيارتي كابرس 1992 لما ادوسها على 180 تنزل نمره لل 3 ويش رايكم :D

الشبابي

13-02-2004, 12:49 PM

يا شباب ....
لما تكون عدد الدورات منخفضة على سرعات عالية يقل صرف البنزين واليابانيين تغلبوا على النقطة هذي بالجير ذا السرعات المتعددة من الـ 5 سرعات والـ 6 سرعات اوتو ...
وذلك دون زيادة حجم المكينة والتورك على الدورات المنخفضة وبما ان السيارات اليابانية اخف من الامريكية ومكائنها تعمل بـ 4 صمامات نلاحظ ان استجابة السيارات اليابانية اسرع بكثير ومنها محرك الماكسيما المعروف بالاستجابة السريعة جدا ...

اخوكم الشبابي

Corvette_Stingray

13-02-2004, 12:52 PM

[QUOTE]رد مقتبس من مؤيد اف1
[B]هذا شي معروف ان الامريكي نفسه طويييييييييل كل ماكانت الدورات قليله كان احسن للمكينه على الخط تروح مرتاحه واستهلاك البنزين اقل ...

حفيد الفاروق

13-02-2004, 12:53 PM

رد مقتبس من مؤيد اف1
هذا شي معروف ان الامريكي نفسه طويييييييييل كل ماكانت الدورات قليله كان احسن للمكينه على الخط تروح مرتاحه واستهلاك البنزين اقل ... انا سيارتي كابرس 1992 لما ادوسها على 180 تنزل نمره لل 3 ويش رايكم :D

صج كلامك كل ما السرعة عالية والضغط منخفض كلما السيارة مرتاحة , وفيها قوة زيادة (تبي دعسة من رجلك بس)

وبانتظار الآراء .

RED Chevy

13-02-2004, 02:35 PM

السلام عليكم ورحمة الله وبركاته
من متى ياولد الخبر الدورات ترتفع والصرف يزيد؟

المحرك كل ما كان يطلع قوه أكثر وعزم أكبر= سرعه أكثر على لفات أقل كل مايكون أفضل وتقنيته أعلى ومريح أكثر وصرفه أقل.

محمد دريهم

13-02-2004, 02:46 PM

أجل هناك عوامل اخرى...

لان زميلي عنده ماكسيما 3000 سي سي على سرعة 120 يكون عداد الدورات على 3 اتوقع..والماجنا تكون على 3ونص...لكن صرفية الماجنا للبنزين اصرف..

هذا من ناحية..ثانيا ..مكينة الماجنا اكبر ..ليه يكون دورانها اعلى؟؟:confused:

RED Chevy

13-02-2004, 02:56 PM

هذي أشياء تتعلق بالمحرك نفسه، ومثل ماقلت لك مساعه التقنيات لها دور كبير في كل شي، عندك مثلاً الأكورد سته سلندر 120 يكون العداد 2 وشي، ومحركها نفس حجم الماكس، لكن اللي خفض الدورات هي تقنية الفيتك، وفي الbmw الفانوس والجمس فورترك( لاحظ اليوكن 325 حصان ومكينته 5.3 والكابرس 328 حصان ومكينته 5.7) ونفس الكلام مع الكادي، النورثستار( محرك الجيب الجديد 4.6 ويطلع 320 حصان والبنز 5.0 ويطلع 309) وهذي قصه معقده يبيلها موضوع بروحه.

محمد دريهم

13-02-2004, 02:59 PM

مشكور اخوي ريد تشيفي عالتوضيح..

بالفعل فيه انظمه وعوامل...

يعطيك العافيه

حفيد الفاروق

13-02-2004, 03:03 PM

رد مقتبس من الشبابي
يا شباب ....
لما تكون عدد الدورات منخفضة على سرعات عالية يقل صرف البنزين واليابانيين تغلبوا على النقطة هذي بالجير ذا السرعات المتعددة من الـ 5 سرعات والـ 6 سرعات اوتو ...
وذلك دون زيادة حجم المكينة والتورك على الدورات المنخفضة وبما ان السيارات اليابانية اخف من الامريكية ومكائنها تعمل بـ 4 صمامات نلاحظ ان استجابة السيارات اليابانية اسرع بكثير ومنها محرك الماكسيما المعروف بالاستجابة السريعة جدا ...

اخوكم الشبابي

شلون تغلبوا ولما ندوس بالمكسيما بسرعة 200 تحن السيارة ويكون ضغطها فوق 4 :D .
وثاني شئ مو شرط الاستجابة تكون عن طريق لما تكون الصمامات كثيرة في السلندر الواحد , ترى الصمام في الأمريكي يكون كبير مو مثل الياباني صمامين صغار (ما سوينا شئ)

وانت قلت
(واليابانيين تغلبوا على النقطة هذي بالجير ذا السرعات المتعددة من الـ 5 سرعات والـ 6 سرعات اوتو ... )
ترى المكسيما 4 سرعات والماجنا بعد .
بس الهوندا 5 سرعات .
والهوندا s2000 على ما أعتقد 6 سرعات .
بس احنا نقارن سيارة فئة صالون وليست سبورتات .

وثاني شئ احنا موضوعنا عن الدورات المنخفضة في السيارة وليست الاستجابة السريعة للسيارات .
وطبيعي يكون الاستجابة سريعة في المكسيما لأنها سحب أمامي .في نظرية فيزيائية تقول أن السحب الأمامي أسرع من الدفع الخلفي أو أقوى والله ما أتذكر بس هي وحدة من الثنتين .

وموضوعنا هو مالفائدة من أن الدورات منخفضة والسرعات عالية .
وأرجو من الشباب عدم تغيير الموضوع .
وجزاكم الله خير على الردود

NFS

13-02-2004, 04:46 PM

حفيد الفاروق ....

قير اللومينا هذا مع محرك الـV6 بيعطيها أداء غير مرضي أبداً لسيارة 6 سليندر.

يعني أقصى سرعة لنسب اللومينا هي :
الأول = 70 كلم/ساعة
الثاني = 120 أو 140 كلم/ساعة (غير متأكد من الرقم)
الثالث = 210 كلم/ساعة
الرابع = 330 كلم/ساعة عند سرعة 5500RPM "طبعاً السيارة لا تصل لهذه السرعة بسبب أنه لايوجد قوة كافية للمحرك للتغلب على مقاومة الهواء).

أيش الشيء إللي ممكن نستنتجه من هذه لسرعات؟

لايوجد تناسق بين التبديلات ، يعني سرعة المكينة من توصل للخط الأحمر وتبدل لسرعة إللي بعدها تلاقي الأر بي أم ينزل 2000 أو 2500 RPM ، وهذي تعتبر نزلة قوية وخصوصاً لما نعرف أن أقصى سرعة للمحرك هي فقط 5500 RPM!!

نروح للسرعة القصوى :مع قوة اللومينا V6 وبهذا بهذه النسب فهي بالكاد تجيب 220 كلم/ساعة والسيارة أدائها يقارن مع السوبارو ليغاسي 2.5 والنيسان بريميرا .

ومن جهة ثانية شوف قدرات المكينة ، أقصى سرعة للمكينة هي 5500 RPM ، يعني لو بنركب قير بنفس نسب الماكسيما بيكون حد اللومينا بس 200 كلم / ساعة!!

يعني المسألة في نسبة وتناسب ، محرك بسعة كبيرة (نسبياً) وبسرعة دوران صغيرة (نسبياً) تم حل هذه المشكلة بقير بنسب طويلة يعطي تسارع "يمشي الحال" ويقلل من أستهلاك البنزين.

ولد الخبر
سيارتك عند سرعة 120 كلم/ساعة يكون الـRPM 3500
سيارة صاحبك عند نفس السرعة يكون الـRPM 3000

سوي معاه تجربة صغيرة ، وهي تسابقوا من سرعة 120 إلى 200 على الغيار الخامس ، حتلاحظ أن السيارة إللي الـRPM تبعها عالي هي الأسرع .

LOVE SS

13-02-2004, 05:17 PM

مرحبا اخوي حفيد الفاروق

ضغط المكينة مايبين انها قوية او غير قوية

فمثلا انا عندي مرسيدس 560SEL وارد اليابان ماشي 100 الف

وانا ماشي 200 الضغط =4.5 بالضبط ولاتقول ان المكينة ضعيفه :::D :D ‍‍لأن الزيت حق المكينة ياصل الى اربع الاف كيلوا ولاااغيره والقاه اشقر ومو ناقص rolleyes: :rolleyes:

لأن مو من المعقولة تقارن قوة 8 سلندر بستة سلندر ‍‍‍‍‍‍‍‍

واتوقع مسئلة الضغط مالها بقوة المكينة

فمثلا عندنا يوكون على سرعة 160 او 150 يكون الضغط 2.5 ؟؟

وعندنا مرسيدس 300SEL على سرعة 160 الضغط 4

:blink: :blink:

وارجوا من الاساتذة والمشرفين التوضيح بمسئلة ضغط المكينة

والسلام عليكم

حفيد الفاروق

13-02-2004, 05:28 PM

مشكورين يا أحبائي على الردود .

بس أخوي nfs
انت قلت قير اللومينا مو مضبوط .

عيل كيف تفسر هذه المقولة
(هذا شي معروف ان الامريكي نفسه طويييييييييل كل ماكانت الدورات قليله كان احسن للمكينه على الخط تروح مرتاحه واستهلاك البنزين اقل ... انا سيارتي كابرس 1992 لما ادوسها على 180 تنزل نمره لل 3 ويش رايكم )
من رد الأخ مؤيد اف1

هل قير الكابريس بعد مو مضبوط :confused:

حبوب بوظبي

13-02-2004, 06:11 PM

هذا و الله اعلم يعتمد على عرض البساتن
كل ما زاد يقل الضغط
بس هذا مو معناته صرفيه اقل و لا معناته قوه اكبر
بدليل ان الأحمر عند ال 5.5 (عنده تفصل "تتفتف")

انا سيارتي اربعه سلندر بس الأحمر عند 6.5

و هذا و الله اعلم

RED Chevy

13-02-2004, 06:23 PM

السلام عليكم ورحمة الله وبركاته
مو مهم إخوي حبوب بوظبي كم يوصل، المهم كم يطلع، وعلى لفات أقل وبسعه أقل، يعني السياره اللي تجمع بين
1- محرك صغير نسبياً( يعني مو عدد السلندرات قصدي مقارنة بالمنافسين).
2- يعطي عزم كبير وقوه حصانيه أكثر.
3- يكون على لفات أقل.
هذي من وجهة نظري أفضل محرك وذي المحرك و في الV8 أعتبر المحرك اللي يجمه كل هذي التفاصيل هو محرك الكاديلاك الجديد
1- 4.6 لترV8.
2- 320 حصان و315 باوند-قدم.
3- لكن على صعيد اللفات يطلع 320 حصان على رقم مرتفع نسبياً وهو6400 دوره، والعزم على 4400 دوره وذي الشي اللي مخرب عليه.

MAXIMA 020

14-02-2004, 12:31 AM

رد مقتبس من حفيد الفاروق
مشكورين يا أحبائي على الردود .

بس أخوي nfs
انت قلت قير اللومينا مو مضبوط .

عيل كيف تفسر هذه المقولة
(هذا شي معروف ان الامريكي نفسه طويييييييييل كل ماكانت الدورات قليله كان احسن للمكينه على الخط تروح مرتاحه واستهلاك البنزين اقل ... انا سيارتي كابرس 1992 لما ادوسها على 180 تنزل نمره لل 3 ويش رايكم )
من رد الأخ مؤيد اف1

هل قير الكابريس بعد مو مضبوط :confused:

يا اخوي هو ما قالك انه مش مظبوط يقصد ان القير حقها يتحمل مكينه اقوى من كذا يعني اذا السياره قيرها صار متناسق مع قوة المكينه (واكثر ناس يهتمون بالشغله هذي هم الألمان BMW Mercedes) اما الامريكان الله يخلف:damp: :damp: :damp:

ACCORD-V6

14-02-2004, 07:32 AM

رد مقتبس من ولد الخبر
أصلا انا من زمان ودي اسأل عن هالموضوع..وش الاقضل ؟؟الدورات العاليه ولا المنخفضه........

طيب اذا السياه مثلا ماشيه 200 وعدادها على 3ونص اجل لا مشى 120 كم يصير..

اجل هذا يدل على ان السياره راح تكربن بسرعه ..يمكن هذا سبب يخلي السيارات الامريكيه تتعرض لمشاكل التقطيع او انسداد البخاخات ونحو ذلك

ACCORD-V6

14-02-2004, 07:39 AM

رد مقتبس من NFS
حفيد الفاروق ....

قير اللومينا هذا مع محرك الـV6 بيعطيها أداء غير مرضي أبداً لسيارة 6 سليندر.

يعني أقصى سرعة لنسب اللومينا هي :
الأول = 70 كلم/ساعة
الثاني = 120 أو 140 كلم/ساعة (غير متأكد من الرقم)
الثالث = 210 كلم/ساعة
الرابع = 330 كلم/ساعة عند سرعة 5500RPM "طبعاً السيارة لا تصل لهذه السرعة بسبب أنه لايوجد قوة كافية للمحرك للتغلب على مقاومة الهواء).

أيش الشيء إللي ممكن نستنتجه من هذه لسرعات؟

لايوجد تناسق بين التبديلات ، يعني سرعة المكينة من توصل للخط الأحمر وتبدل لسرعة إللي بعدها تلاقي الأر بي أم ينزل 2000 أو 2500 RPM ، وهذي تعتبر نزلة قوية وخصوصاً لما نعرف أن أقصى سرعة للمحرك هي فقط 5500 RPM!!

نروح للسرعة القصوى :مع قوة اللومينا V6 وبهذا بهذه النسب فهي بالكاد تجيب 220 كلم/ساعة والسيارة أدائها يقارن مع السوبارو ليغاسي 2.5 والنيسان بريميرا .

ومن جهة ثانية شوف قدرات المكينة ، أقصى سرعة للمكينة هي 5500 RPM ، يعني لو بنركب قير بنفس نسب الماكسيما بيكون حد اللومينا بس 200 كلم / ساعة!!

يعني المسألة في نسبة وتناسب ، محرك بسعة كبيرة (نسبياً) وبسرعة دوران صغيرة (نسبياً) تم حل هذه المشكلة بقير بنسب طويلة يعطي تسارع "يمشي الحال" ويقلل من أستهلاك البنزين.

ولد الخبر
سيارتك عند سرعة 120 كلم/ساعة يكون الـRPM 3500
سيارة صاحبك عند نفس السرعة يكون الـRPM 3000

سوي معاه تجربة صغيرة ، وهي تسابقوا من سرعة 120 إلى 200 على الغيار الخامس ، حتلاحظ أن السيارة إللي الـRPM تبعها عالي هي الأسرع .

بصراحة اكثر كلام منطقي كلام NFS

Wild CRX

14-02-2004, 02:33 PM

مرحبا شباب عجل اش رياكم في سيارتي

SPEED RPM
4500 120
6000 160
7000 200

افيدونا يا شباب السيارة 4 سلندر
DOCH VTEC
علما باني جربت السيارة تجيب ال 220 بكل سهولة
السيارة سيفك سي ار اكس
وووووووووووووشكرا.

:glasses2:

RED Chevy

14-02-2004, 02:39 PM

الCRX معروف بأدائه القوي، وحق قومات ممتاز لاكن ماينفع حق خط، إحسب لو دربك 300كم وبتكون سايق 200 مابتوصل إلا والمكينه :eek: :help: :cry: :cry1: :shock2:

LOVE SS

14-02-2004, 04:02 PM

رد مقتبس من Wild CRX
مرحبا شباب عجل اش رياكم في سيارتي

SPEED RPM
4500 120
6000 160
7000 200

افيدونا يا شباب السيارة 4 سلندر
DOCH VTEC
علما باني جربت السيارة تجيب ال 220 بكل سهولة
السيارة سيفك سي ار اكس
وووووووووووووشكرا.

:glasses2:

حبيبي تأكد من مكينة سيارتك لاتطق :)

عندنا مرسيدس 300SEL MODEL 90
120 الضغط 4
160 5.5
180 6

لاكن المكينة تعبانه ؟؟؟ واداريها تخيل اذا مسرع عليها 140

ترى وصول الضغط للحد الاعلى للفترة طويله

يسبب

خروج البساتم من السلندر :eek: :eek: :rolleyes: :D

عمرTarga

14-02-2004, 05:53 PM

آنا جبت 220 كم بالماجنا

وكان عددا الضغط 4.5

والمشكلة ان السيارة فصلت عند 220 كم

يعني ما يصير تزيد الا لمن الشركة تفتح العداد

يعني لو في مجال كان راحت السيارة وما قالت لا:D

560SEL

14-02-2004, 06:02 PM

رد مقتبس من LOVE SS
مرحبا اخوي حفيد الفاروق

ضغط المكينة مايبين انها قوية او غير قوية

فمثلا انا عندي مرسيدس 560SEL وارد اليابان ماشي 100 الف

وانا ماشي 200 الضغط =4.5 بالضبط ولاتقول ان المكينة ضعيفه :::D :D ‍‍لأن الزيت حق المكينة ياصل الى اربع الاف كيلوا ولاااغيره والقاه اشقر ومو ناقص rolleyes: :rolleyes:

لأن مو من المعقولة تقارن قوة 8 سلندر بستة سلندر ‍‍‍‍‍‍‍‍

واتوقع مسئلة الضغط مالها بقوة المكينة

فمثلا عندنا يوكون على سرعة 160 او 150 يكون الضغط 2.5 ؟؟

وعندنا مرسيدس 300SEL على سرعة 160 الضغط 4

:blink: :blink:

وارجوا من الاساتذة والمشرفين التوضيح بمسئلة ضغط المكينة

والسلام عليكم

يا أخوي المرسيدس ال 560SEL بالتحديد يبي له موضوع منفصل عشان نناقس أسراره

المسأله فيه مو ان مكينته ضعيفه أو نسب القير فيه تعبانه .. المسأله ان الخط الاحمر ينتهي عند 7000RPM أو 7500RPM ((ما أذكر)) يعني المكينه ضغطها منخفض مره .. لأنك لو شفت المكسيما بتلقا ان الخط الاحمر فيها يبدأ من عند 6500 RPM

و بالرغم من كذا تلقا ما فيه سياره من السيارات الموجوده الان تجاكره أو تطلع عليه و كذلك تلقا أداءه على الخطوط من أحسن ما يكون :D

حط في بالك ان سر قوته في الدفرنشل مو في المكينه نفسها

تحياتي

hait

15-02-2004, 01:43 AM

بسم الله الرحمن الرحيم

السلام عليكم ورحمة الله وبركاته

لايمكن مناقشة انواع مختلفة من السيارات لان كل سيارة لها نظام خاص بها او نقول مفصلة تفصيل خاص مثل الثوب لايمكن تلبس ثياب احد آخر
معناه ان لكل سيارة محرك خاص وجير خاص ودفرنس خاص والجميع متناسب مع بعضهم البعض ليعطي آداء مناسب ومدروس من الوكالة ولو قراتو ان آخر صيحة في الالماني تعدد نسب الغيار بدات من 4وبعدها 5 واخيرا 7 غيار في 2004 فما تتوقع لصرف البنزين
حيث اصبح سيارات البنزين تنافس الديزل في الصرف وتجمع سيارات البنزين القوة والسرعة والاقتصادية
:banana:

محمد دريهم

15-02-2004, 03:51 AM

آنا جبت 220 كم بالماجنا

وكان عددا الضغط 4.5

والمشكلة ان السيارة فصلت عند 220 كم

يعني ما يصير تزيد الا لمن الشركة تفتح العداد

يعني لو في مجال كان راحت السيارة وما قالت لا

اخوي تاقرا,,,,

انت من وين؟؟؟

وماتعرف محلات تفك هالفصله؟؟لاني بالفعل احس السياره تسارعها جبار الى 220 وبعدين تجي الفصله وتنكد...

الأنصاري

15-02-2004, 04:09 AM

بخصوص قفلة السيارة انا عندي الكروزر يفصل قبل 200 على 195 والشباب دلوني على الطريقة انك تفصل العداد بس طبعا على طول الضمان يروح فعشان كدة انا شلت الفكرةمن راسي بس اتوقع لو فصلت قفلة الماجنا بتقطع في اخر تبديل:D :D

RED Chevy

15-02-2004, 11:11 AM

رد مقتبس من 560SEL
يا أخوي المرسيدس ال 560SEL بالتحديد يبي له موضوع منفصل عشان نناقس أسراره

المسأله فيه مو ان مكينته ضعيفه أو نسب القير فيه تعبانه .. المسأله ان الخط الاحمر ينتهي عند 7000RPM أو 7500RPM ((ما أذكر)) يعني المكينه ضغطها منخفض مره .. لأنك لو شفت المكسيما بتلقا ان الخط الاحمر فيها يبدأ من عند 6500 RPM

و بالرغم من كذا تلقا ما فيه سياره من السيارات الموجوده الان تجاكره أو تطلع عليه و كذلك تلقا أداءه على الخطوط من أحسن ما يكون :D

حط في بالك ان سر قوته في الدفرنشل مو في المكينه نفسها

تحياتي
إخوي سوى حركه في 500 خلاه يدخل الأحمر كامل يعني كان يطير طيران لامكسيما ولا خواتها كان يقصهم قص.:D

عمرTarga

15-02-2004, 03:56 PM

رد مقتبس من ولد الخبر
اخوي تاقرا,,,,

انت من وين؟؟؟

وماتعرف محلات تفك هالفصله؟؟لاني بالفعل احس السياره تسارعها جبار الى 220 وبعدين تجي الفصله وتنكد...

أخوي آنا من الكويت

والي أعرفها ان الوكالة عندنا تفتح الفصلة بس بسعر غالي

بالكويت 70 دينار تقريبا

أي ما يعادل 1000 ريال سعودي

مكلف

والصراحة ما أبي أكثر من 220:D

لأنها تكفي وتوفي:D

infiniti

16-02-2004, 05:31 PM

رد مقتبس من RED Chevy
الCRX معروف بأدائه القوي، وحق قومات ممتاز لاكن ماينفع حق خط، إحسب لو دربك 300كم وبتكون سايق 200 مابتوصل إلا والمكينه :eek: :help: :cry: :cry1: :shock2:

للاسف انت تتكلم ولا عندك اي معلومات تقنية علميه بحته.

ثاني يوم العيد سافرت الى دبي المسافه بالضبط من باب البيت الى شارع الشيخ زايد في مدخل دبي 933 كيلو السرعه 180 الى 235 صرفية البنزين عبيت في الدمام و عبيت في الحدود و دخلت دبي و باقي ربع التانكي و رجعت و انا امشي نفس السرعه و ضغط السياره على سرعه 235 يوصل الى 7000 RPM يعني السياره ماتصرف بنزين مثل ما تتخيل صرفيه اكثر من ممتازه المكينة شغاله معاي مع العلم اني دايم اسافر على سرعات عاليه السياره اللي قبلها كانت بلوبيرد و هي نفس المكينة و مشت معاي 297 الف كيلو و بعتها و حالتها ميه ميه لاتفكر ان اليابانيين اغبياء مثل الامريكان لما صنعوا المكاين اللي تعمل على دورات عاليه استخدموا مواد عاليه الجوده تتحمل سرعه الدوران العاليه ولا تستغرب اذا شفت اغلب سيارات التكاسي يستعملون السيارات اليابانيه وليس الامريكيه و السبب جودة المواد المستخدمة في صناعة الياباني و خصوصا المحركات و انا اجزم ان اغبى محرك ياباني يعمر اكثر من محرك كاديلاك نورث ستار .

ياليت لو تتكلم و تجيب معلومات او على الاقل تجارب شخصية خصوصا عن السيارات اليابانيه و الامريكيه .

عموما انا بحكم عملي جربت اكثر سيارات الشفر خصوصا الكابرس و البيوك رودماستر و الهولدن لومينا و جربت الياباني نيسان و تويوتا و هوندا عمر الياباني اطول و مشاكله اقل و المكاين تعيش الى 500 الف كيلو لاكن ماعمري شفت امريكي يتعدى 350 الف كيلو !!!!!!!!!!

لو استرسل في الكلام راح يفصلوني من عملي.

ياليت لو تتكلم من واقع تجارب مو من واقع محبه للشفر اتمنى يوم ادخل المنتدى و اشوف رد تنتقد فيه جودة الشفر.

حفيد الفاروق

16-02-2004, 08:21 PM

رد مقتبس من infiniti
للاسف انت تتكلم ولا عندك اي معلومات تقنية علميه بحته.

ثاني يوم العيد سافرت الى دبي المسافه بالضبط من باب البيت الى شارع الشيخ زايد في مدخل دبي 933 كيلو السرعه 180 الى 235 صرفية البنزين عبيت في الدمام و عبيت في الحدود و دخلت دبي و باقي ربع التانكي و رجعت و انا امشي نفس السرعه و ضغط السياره على سرعه 235 يوصل الى 7000 RPM يعني السياره ماتصرف بنزين مثل ما تتخيل صرفيه اكثر من ممتازه المكينة شغاله معاي مع العلم اني دايم اسافر على سرعات عاليه السياره اللي قبلها كانت بلوبيرد و هي نفس المكينة و مشت معاي 297 الف كيلو و بعتها و حالتها ميه ميه لاتفكر ان اليابانيين اغبياء مثل الامريكان لما صنعوا المكاين اللي تعمل على دورات عاليه استخدموا مواد عاليه الجوده تتحمل سرعه الدوران العاليه ولا تستغرب اذا شفت اغلب سيارات التكاسي يستعملون السيارات اليابانيه وليس الامريكيه و السبب جودة المواد المستخدمة في صناعة الياباني و خصوصا المحركات و انا اجزم ان اغبى محرك ياباني يعمر اكثر من محرك كاديلاك نورث ستار .

ياليت لو تتكلم و تجيب معلومات او على الاقل تجارب شخصية خصوصا عن السيارات اليابانيه و الامريكيه .

عموما انا بحكم عملي جربت اكثر سيارات الشفر خصوصا الكابرس و البيوك رودماستر و الهولدن لومينا و جربت الياباني نيسان و تويوتا و هوندا عمر الياباني اطول و مشاكله اقل و المكاين تعيش الى 500 الف كيلو لاكن ماعمري شفت امريكي يتعدى 350 الف كيلو !!!!!!!!!!

لو استرسل في الكلام راح يفصلوني من عملي.

ياليت لو تتكلم من واقع تجارب مو من واقع محبه للشفر اتمنى يوم ادخل المنتدى و اشوف رد تنتقد فيه جودة الشفر.

شوف يا بو الشباب اذا كانوا الأمريكان أغبياء أتمنى منك انت (كذكي) وتروح تفهمهم كيف يسوون السيارات .

وثانيا انت قلت
(ماعمري شفت امريكي يتعدى 350 الف كيلو !!!!!!!!!!)

أبيك تدش هالموقع وتشوف بعينك
http://www.oldchevytruck.com/chevytrucksforsale/

وشوف هالصورة :
هذي سيارة موديلها 1929 وللحينها تمشي .:D

http://www.oldchevytruck.com/trucks1/29-chev0.jpg

http://www.oldchevytruck.com/trucks1/29-chev2.jpg

http://www.oldchevytruck.com/trucks1/29-chev3.jpg

وهذي مو ماشية 3 آلاف إلا معدية 35 الف .

وفي سوبربان يستخدمونه الشياب والسواق (شكل قديم) أكيد تعرفه .

وشوف مدرسين المصريين والسوريين الخ..... يستخدمون يا إما شفر موديلاته 80 إلى 95 ومرتاحين منه .

وشتبي أمثله بعد أنا حاضر .

وأنا أعرف شباب متأذين من الماكس (تخترب الإكسات فيها) والمترجم .

فكل واحد له عيوبه .

560SEL

16-02-2004, 10:25 PM

رد مقتبس من RED Chevy
إخوي سوى حركه في 500 خلاه يدخل الأحمر كامل يعني كان يطير طيران لامكسيما ولا خواتها كان يقصهم قص.:D

و من قال انه ال 560SEL ما يدخل الخط الاحمر

اذا عطيته دعسه قويه يوصل ل6500RPM

و صدقني وقتها لا لومينا SS و لا كابرس رويال يطلع عليه :D

تحياتي

Wild CRX

17-02-2004, 07:53 AM

رد مقتبس من RED Chevy
الCRX معروف بأدائه القوي، وحق قومات ممتاز لاكن ماينفع حق خط، إحسب لو دربك 300كم وبتكون سايق 200 مابتوصل إلا والمكينه :eek: :help: :cry: :cry1: :shock2:

لا تخاف صاحبك ذيب :banana:
اصلا انا ماأحب اسرع في الخط واجد ,,,,, بس للضرورة أحكام
يعني لما واحد يقهرني ادوس معاه شوي لين اقول له باي باي وبعدين اخفف
:laugh: :glasses2:

مؤيد اف1

17-02-2004, 08:01 AM

اذا الياباني يعيش الامريكي زين :D الي اعرفه الامريكي يعيش اعرف واحد عنده كابرس العداد وصلت ومليون وقلب ولا وضب المكينه والقير بس كان مهتم في السياره وزيتها ولا كان يفحط وكله طلعات بها البحر :banana: الميتسوبيشي كولت مجربينها موديل 94 كم سنه وبوشت المكينه رغم انها ماوصلت 150000 الف كم :D

حفيد الفاروق

17-02-2004, 08:11 AM

رد مقتبس من مؤيد اف1
اذا الياباني يعيش الامريكي زين :D الي اعرفه الامريكي يعيش اعرف واحد عنده كابرس العداد وصلت ومليون وقلب ولا وضب المكينه والقير بس كان مهتم في السياره وزيتها ولا كان يفحط وكله طلعات بها البحر :banana: الميتسوبيشي كولت مجربينها موديل 94 كم سنه وبوشت المكينه رغم انها ماوصلت 150000 الف كم :D

هههههههههههههه شفت شلون .
إلي يعيش فترة أطول هو الأمريكي بس .

وأنا ما أقولك ما أحب الياباني بالعكس أحبه بس أحب سيارات معينة مثل:
(السكايلان - الزد - السوبرا)
هذيلي بس أحبهم حيل في الياباني :banana:

RED Chevy

17-02-2004, 11:21 AM

رد مقتبس من 560SEL
و من قال انه ال 560SEL ما يدخل الخط الاحمر

اذا عطيته دعسه قويه يوصل ل6500RPM

و صدقني وقتها لا لومينا SS و لا كابرس رويال يطلع عليه :D

تحياتي
لا تجيب سيدان قول زد SL ترى الوحوش ماتلاعب قوته مو طبيعيه.

luminaltz

18-02-2004, 05:09 AM

السلام عليكم
كيف الحال شباب

بصراحه الموضوع شيق بس للاسف جينا متاخرين

علي العموم كلام اخونا nfs عسل بصراحه ....بس بغيت اضيف شي بالنسبه للومينا السته الموتر فيه قوه اقصد المحرك يمتلك قوه كبيره بس ما قادر يطلعها واعتقد مثل ما قال اخونا nfs العيب في الجير والجزوز سيستم بعد... السياره وكانها مكتمه وما قادره طلع قوتها

بس حبيت اسال خبرائنا اذا كان باالامكان تعدل في الجير ويصير اداء السياره احسن
اذا كان حد عنده فكره رجاءا لا تبخلوا علينا .
بالنسبه للدوران المنخفض في المكينه شي ممتاز وصرفيه السياره معقوله جدا بالمقارنه مع سيارات سته سلندر
وسلمتوا

حفيد الفاروق

18-02-2004, 05:31 AM

رد مقتبس من luminaltz
السلام عليكم
كيف الحال شباب

بصراحه الموضوع شيق بس للاسف جينا متاخرين

علي العموم كلام اخونا nfs عسل بصراحه ....بس بغيت اضيف شي بالنسبه للومينا السته الموتر فيه قوه اقصد المحرك يمتلك قوه كبيره بس ما قادر يطلعها واعتقد مثل ما قال اخونا nfs العيب في الجير والجزوز سيستم بعد... السياره وكانها مكتمه وما قادره طلع قوتها

بس حبيت اسال خبرائنا اذا كان باالامكان تعدل في الجير ويصير اداء السياره احسن
اذا كان حد عنده فكره رجاءا لا تبخلوا علينا .
بالنسبه للدوران المنخفض في المكينه شي ممتاز وصرفيه السياره معقوله جدا بالمقارنه مع سيارات سته سلندر
وسلمتوا

ذكرتني بشغلة (الله يذكرك بالشهادة)

الكورس إلي طاف رفعنا سيارات الشباب بالهيدروليك ومنها سيارتي , الدكتور شاف السيارة من تحت (سيارتي) قالي عيب اللومينا ان اكزوزها معفن يعني مو شئ تصميمه غلط .
يعني ماكو إلا نركب اكزوز سيستم رياضي :think:

King 4x4

18-02-2004, 05:56 AM

أصلا معروفه.

كل موتر فوق ال4000 سي سي.

يكون مكتوم من الوكاله.

ركب له هدرز و شوف كيف يطير.

560SEL

18-02-2004, 11:25 PM

رد مقتبس من RED Chevy
لا تجيب سيدان قول زد SL ترى الوحوش ماتلاعب قوته مو طبيعيه.

صدقني الكلام هذا عن تجربه فعليه :D

RED Chevy

19-02-2004, 09:26 AM

السلام عليكم ورحمة الله وبركاته
يا أخي آنا أييدك وقصدي إن اللومينا مو قد ال560 وهو أقوى بكثييييير وبعد عن واقع تجربه

MAX 2002

19-02-2004, 11:47 AM

السلام عليكم ورحمة الله وبركاته

يا شباب كل واحد قاعد يفتي من عنده خصوصا هذا الي مدري ايش اسمه حق الشفر
المهم انتوا نسيتوا شي مهم
وهو سبب الضغط المنخفض هو وجود اوفر درايف في اللومينا
اوفر درايف

وهذا الأوفر درايف يقلل من الضغط العالي للمكينة وما احتاج اشرح لأنه معروف

ودليل كلامي هو شوفوا الكامري الأوتو فيها زر يفصل الأوفر درايف شوفوا لما ينفصل الأوفر درايف كيف يطلع الضغط لفوق ( يعني يحرق بالعربي )

وبرضوا عندنا جمس لما أحرق فيه يحرق معي لكن بعدين ينزل الضغط بسبب وجود الأفو درايف

واصلا الموضوع ما يبغاله مناقشة كلها بسبب الأوفر درايف

والسلام ختااااام

عمرTarga

19-02-2004, 06:24 PM

رد مقتبس من ولد الخبر
أجل هناك عوامل اخرى...

لان زميلي عنده ماكسيما 3000 سي سي على سرعة 120 يكون عداد الدورات على 3 اتوقع..والماجنا تكون على 3ونص...لكن صرفية الماجنا للبنزين اصرف..

هذا من ناحية..ثانيا ..مكينة الماجنا اكبر ..ليه يكون دورانها اعلى؟؟:confused:

الصراحة كلامك غير دقيق

آنا سيارتي ماجنا 2003

لمن أكون ماشي 120 يكون عداد الضغط 2.7 وكان معاي كم شاهد ويكتبون بالمنتدى

وعداد الضغط يكون على 3 لمن أكون ماشي 155 كم

يعني حتى الماجنا عداد الضغط حقها أقل من الماكسيما

وشكرا

Dreams_Maker

19-02-2004, 08:16 PM

رد مقتبس من MAX 2002
السلام عليكم ورحمة الله وبركاته

يا شباب كل واحد قاعد يفتي من عنده خصوصا هذا الي مدري ايش اسمه حق الشفر
المهم انتوا نسيتوا شي مهم
وهو سبب الضغط المنخفض هو وجود اوفر درايف في اللومينا
اوفر درايف

وهذا الأوفر درايف يقلل من الضغط العالي للمكينة وما احتاج اشرح لأنه معروف

ودليل كلامي هو شوفوا الكامري الأوتو فيها زر يفصل الأوفر درايف شوفوا لما ينفصل الأوفر درايف كيف يطلع الضغط لفوق ( يعني يحرق بالعربي )

وبرضوا عندنا جمس لما أحرق فيه يحرق معي لكن بعدين ينزل الضغط بسبب وجود الأفو درايف

واصلا الموضوع ما يبغاله مناقشة كلها بسبب الأوفر درايف

والسلام ختااااام

اللومينا مافيها اوفر درايف...فيها بس بور...PWR

:sleep: