شرايكم كل واحد يكتب نصايحه علشان السيارة

[حفيد الفاروق]

بسم الله الرحمن الرحيم
لازم تكون النصيحة منك انت مو من منتدى آخر أو من كتاب .
نصايحي لكل شاب لطيف وعنيف هو :
تغيير زيت المكينة كل 2500 إلى 3000 كم . وتغيير الفلتر كل 3 مرات .
وتعتمد تغيير الزيت على :
حالة الجو - حالة المكينة - استخدام الشخص للسيارة .
وهذي دورة التزييت بالسيارة :
http://wahiduddin.net/race/images/Oilsys_3.gif


يجب تغيير زيت القير كل 8 أشهر (هذا بالنسبة لي لأني كويتي فمشاويري قصيرة أما بالنسبة للشباب ما أدري)
ومثل ما تعرفون الزيت رخيص أما القير غالي ويفضل وضع مبرد للقير مثل هذا (الصورة مأخوذة من الكينق):
http://www.perma-cool.com/Catalog/CatImages/PG05-C1.gif
وهذا لأن الجو حار .

يجب تغيير الفلاتر كلها والبلاكات كل 6 أشهر (لضمان الحصول على أداء أفضل وعمرطويل للمكينة )
لازم تغيير التواير قبل فصل الصيف (يا كثر التواير المنسلخة وقت الصيف) وأحسن التواير حسب علمي هو ميشلان .

ممممممممممممممممممممممم بعد شنو :think:

يجب عدم استعمال ماء الفلتر أو أي ماء للراديتر إلا الماء المقطر أو الماء إلي يبيعونه بالوكالة . (لأن باقي المياه فيها أملاح حتى لو مرت على 10 فلاتر ) واذا استعملنا ماء الغير مخصص للسيارة يترسب الملح داخل قمصان البريد للسيارة وهذي صورة دورة التبريد :
http://www.mirafiori.com/124/system.gif



وعندي بعد نصايح بس بعدين بكتبهم بس لازم نشوف الردود .
كل واحد يكتب تجاربه يا شباب حتى الكل يستفيد.

[NOFEAR]

بسم الله الرحمن الرحيم


أكبر نصيحه وأعظم نصيحة اقدمها لسائقي السيارات
_____________ تجنب السرعه الجنونيه ___________________
فلا شيئ اسرع من القدر
والله يحفظكم مشكور اخوي على الموضوع الطيب:)

[حبوب بوظبي]

مشكوووور عالموضوع الحلو

وين يتركب مبرد القير (قصدي فالسياره)؟
و كم سعره؟
و شو تأثيره؟

[حفيد الفاروق]

رد مقتبس من حبوب بوظبي
مشكوووور عالموضوع الحلو

وين يتركب مبرد القير (قصدي فالسياره)؟
و كم سعره؟
و شو تأثيره؟

وين بيتركب أو كم سعره ما أدري

بس أعرف تأثيره (من أخونا أحمد) :
الغرض من تركيبه:
(خاصة وان ركبت معاه مبرد زيت الجيربكس وهو مطلب اساسي في جونا الحار وخاصة للي يدعسو باستمرار )

بس تأثيره :
يطول من عمر الجير بوكس (القير)


والله شباب نبي ردودكم وتفاعلكم حتى نستفيد .

[grandv8]

السلام عليكم ورحمة الله وبركاته

شكرا اخوي

حفيد الفاروق على الموضوع المهم والي جميع الناس يجي ان تتطرق به وتأخذ معلومات كافية لكل شي ولو في نقطة بسيط جدا للسيارة واليكم 15 نقطة للمحافظة على السيارة وصيانتها دوريا وبأنتظام.

اليكم هذا الشكل التوضيحى.

http://www.budgetsandiego.com/warranty/gfx/car-care-map.gif

والصورة تتكلم عن اهتمام
1 نظام التكييف
2 الزامور
3 ماسحات
4 الاضاءة الخلفية
5 مساعد الفرامل
6 اشارة تحذيرية
7 اشارة دوران او تجاوز
8 الاضاء الرئيسية
9 سيور
10 نظام العادم
11 فلتر هواء
12 انابيب
13 اطارات
14 ضغط الاطارات
15 مستوى زيت الفرامل

ان شاء الله جيبت معلومة لكم
وشكرا
:D

[حفيد الفاروق]

مشكور على المعلومات بس ما في تفاعل !!!!!!!!!!!

[RED Chevy]

السلام عليكم ورحمة الله وبركاته
إنت تامر أمر:
1- أهم شي لاتتعب الموتر.

2- حافظ على نظافتها من داخل وبرى، لأن لو تراكم الوصخ صعب تنظفها
3- قبل ماتطلع في السياره سو فحص على الطاير وتأكد من الزيت والماي والتواير.
4- إذا شفت أي صوت أو خلل أو مشي مو طبيعي وقف على صوب وشوف شفيها وإذاماعرفت روح لورشه وصلح كل شي أول بأول لأن العطل يجر الباقي وراه
5- خلك راايق ولاتسوق بسرعه جنونيه دايماً وكل شارع ووضعه.
6- إذا شي ماتفهم فيه بالسياره لا تتفلسف وتحاول تصلحه بنفسك وتعفس الموتر
هذي اللي عندي حالياً والباقي بعدين وأشكرك على الموضوع.

[حفيد الفاروق]

مشكور أخوي رد تشيفي

[علي عبدالله]

خذوا من عندي نصيحة خاصة من واحد مجرب (هو انا للاسف )
لاتشترون سفايف تجارية ....تراها ماتنفع ابدا وتخرب الدرام ويل
خذوا الاصلي حتى لو كان الفرق كبير (ترا قيمته فيه بالفعل )
اعتبروا هذي النصيحة تشمل كل قطع الغيار الاخرى
(اعتمدوا على الاصلي دائما ولايغركم رخص التجاري )ترا وراه الندامة
وشكرا لك ياحفيد على الموضوع المهم http://www.ayshey.com/forum/images/smilies/g14.gif

[محمد دريهم]

انا اقول اهم شي تسخن الموتر قبل ماتمشي...

صدقني راح يحميك باذن الله من مشاكل كثيره في البلوف وراس المكينه..والخ...

[CRX]

هلا و غلا
شكرا اخو حفيد الفاروق و grandv8 على المعومات وعلى كل افكار الحلوه التي استفدت منها اما انا راح اضيف من عندي
يا شباب انتبهو للحفر الي في شوارعنا الي لو طاح فيها فيل ما طلع :anger:
الرحمه يا عمال الصيانه في شوارعنا :anger:

[VIPER GTS-R]

بصراحة موضوع حلو وانا عندي نصيحة مهمة جدا جدا جدا

لا تعطي مفتاح سيارتك لاحد مهما كان لو كان ابوك بصراحة انا كنت مهمل بهالجانب وقبل يومين وديت سيارتي للورشة فيها صوت بالقير ودخلتها الورشة قالو هذي كراسي القير قلت اوكي قالو تعال بكرة اليوم ما يمدي قلت خلاص خلي السيارة عندكم وانا خليتها من خوفي عليها والله قلت تقعد بالورشة افضل ما يجيها شي بالطريق المهم لما جيت ثاني يوم بالصبح لقيت السيارة مصدووووومة :cry: ...
وبصراحة انا مقهور مرة هم قالو بيصلحونها بس ما فيه مثل السيارة ببوية وكالتها المهم نصيحتي لما يحط الواحد سيارته بالروشبة لا يتركها لهم يلعبون فيها واذا بطول لا يعطيهم المفتاح ابدا ولو يبون يجربونها لا يطلع فيها المهندس انت سوق وهو بجنبك حتى لو بيحركها شوي لا تخليه ولا تستحي هم ما يستحون والله يدعسون على سيارتك ويخربونها عيني عينك ولا مرة رخذت السيارة من الورشة وريحتها كلها دخان ؟؟ ومرة لقيت الفرش الداخلي كله زيوت ؟؟ حتى الشماسية ما سلمت من الزيت والله ... :(

مشكور خيوو على الموضوع

تحياتي
ف
ا
ي
ب
ر

[745]

شكرا لكاتب الوضوع.
نصيحتي " لا تسوق و انت نعسان"
تحياتي

[حفيد الفاروق]

مشكورين يا شباب على الردود وما قصرتوا .

ونصايحي :
لا تضربوا بوليش مرات كثيرة لأنها تخرب الصبغ وتخليه باهت .
ولا تدعس حيل والسيارة واقفة لأنه راح يأثر على القير , بس لما يبدل أول وبعدين دوس .
مممممممممممممم :think:
افحص نظام (ABS) علشانه مهم وقت الوقوف المفاجئ , حتى لا تتجمد الاطارات وقت الوقوف المفاجئ .
حافظ على الهواء في الاطارات واقرأ جم حد ضغط التاير (أنا قريته مكتوب على تايري 44 PSI . فأنا أشيك عليه وأعبيه 42 , والتايري الفاش يجهد المكينة .

ومثل ما قال راعي البيج ركب دائما الأصلي (مهم جدا جدا)
حاول انك لا تغسل المكينة حتى لا تصدأ (صدأت عندي مضخة الماي لما غسلت المكينة)
ولا تنسى انك تشيك على زيت البريك .(وغيره كامل يكون أحسن)

وانك ماشي على سرعة 20 كم فما فوق لا تشغل المكيف حتى لا ينقطع الغايش , لأن عامود الكرنك هو يحرك الكمبرسيو وفي السرعات العالية عامود الكرنك سريع الدوران جدا جدا فلما تشغل الكمبريسور تلقى عامود الكرنك فجأة يلف الكمبريسور من حالة السكون إلى سرعة عالية جدا جدا فجأة وهذا خطأ , ويفضل وانت واقف تشغل التكييف .

وانتظروا الباقي بعدين .
ولا تبخلوا علينا بمشاراتكم فإني والله استفدت منكم .

[password]

السلام عليكم

أنصح نفسي وأنصح الجميع بالتواضع ,,,

فليس كونك تملك سيارة فخمة أو رياضية ترى نفسك أفضل من غيرك او

انك تحتقره ..

ورد في الأثر ( وما تواضع احد لله إلا رفعه )

وكذلك تجنب السرعة ...

وعدم الإقتراض من البنوك لشراء سيارة ( القروض الربوية )

[حفيد الفاروق]

للرفع يا شباب (نبي مشاركة)

[Mr_CoRvEtTe]

نصيحتي

(( لاتسرعون ولا تفحطون ))

هما كلمتين لكن ادري صعب تنفيذهم

[560SEL]

السلام عليكم ورحمة الله وبركاته

تصدق يا حفيد الفاروق يوم قريت الموضوع بغيت أطنشه بسبب سوء التافهم اللي كان بيننا حول الشفر و اللومينا :D

لكن في النهايه احنا اخوان و لا يفرق بيننا حديد


بصراحه موضوعك جميل جدا و أنا أقترح انه يثبت


النصايح كالتالي :

-- اذا كانت السياره فيها Timing Belt فلابد انك تغيره كل 120 الف كيلو و هذا السير موجود غالبا في سيارات السحب الامامي باستثناء البعض منها مثل المكسيما حيث ان اللي فيها هو جنزير مو سير مطاطي و انا أشدد على هالنقطه لأن اكثر الناس يهملونا و نتايجها و خيمه جدا

-- نصيحتي من ناحية تغيير زيت المكينه هو انه يتغير كل 5000 كيلو على الاكثر

-- الانتباه لضغط الهوا في الكفرات بالذات اذا كان الشخص ناوي يسافر و يمشي مسافات طويله على سرعات عاليه بالنسبه لمعظم السيارات ضغط الهوا في الكفرات لازم يكون 35 لكل من الكفرات الاماميه و الخلفيه

-- تغيير البواجي و فلتر البنزين كل 20 الف كيلو على الاقل

-- الفحص الدائم للمقصات و الاذرعه و الركب و غيرها و العكوس اذا كانت السياره سحب امامي

-- عدم غسل مكينة السياره بالديزل الا للضروره القصوى

-- الانتباه دائما للفرامل و الحرص على تركيب أجود الانواع مهما كلف الثمن و يشمل الفحمات و الهوبات و الكليبرات و الانتباه أيضا لمستوى زيت الفرامل و الكلتش ((اذا كانت السياره قير عادي))

-- وزن الكربون اذا كانت السياره مرسيدس قديم :D

-- الفحص الدائم لزيت الدفرنس اذا كانت السياره دفع خلفي

-- عدم الاسراع اثناء القياده

-- اتركوا التفحيط :laugh:



تحياتي

[حفيد الفاروق]

هلا أخوي
شدعوى علشان سيارة للحين حاط في قلبك أفا عليك بس , الصراحة أنا ما أتذكر والله الحديث إلي دار بيننا (شفت شلون أنا مو شايل في قلبي)
وعلى قولة القايل
(في الملعب أعداء وفي الخارج أصدقاء)

يا أخي باللعنة




























































































































































































































طبعا في الشفر وخاصة أمريكا :D
أنا أقول إلي صار معاي (تجربتي للسيارة) وانتوا تزعلون .
يعني مو معقولة الواحد يدوس فوق 120 وفجأة يدعم والسيارة تتقطع وبعدين تقولون وين الأمان .
(هذي وجهة نظري لا أحد يثير الموضوع)

عطونا أرائكم

[RED Chevy]

السلام عليكم ورحمة الله وبركاته
ماعندي أفكار ونصايح بس حفيد و560 بارك الله فيكم وعساكم دايم أحباب وذي الأخلاق وماقدر أقول شي غير.