ايش رايكم في التعديلات التي اجريتها على سياراتي

[الأنصاري]

ابي رايكم في هذة التعديلات

في البداية صبغت الصدام الأمامي والخلفي بنفس لون الموتر ولسه في عملية بولش ماسويتها انشاء الله بعد كم يوم وكلفتني 600 ريال والحمد لله الكراج الي تعاملت معاة شغلة كان نظيف مره

الإضافة الثانية مسجل JVC مع MP3 ومعاه ريموت وكاسيت وكل شئ اخذتة مع التركيب 800 ريال

وفي اشياء صغيرة ثانية مايستحق الواحد يتكلم فيها اترككم مع الصور
ورايكم واقتراحاتكم تسرني:rolleyes:

http://www.ta7meel.com/up/21/1077447180.jpg
http://www.ta7meel.com/up/21/1077447389.jpg
http://www.ta7meel.com/up/21/1077447630.jpg
http://www.ta7meel.com/up/21/1077447766.jpg

[mill_955]

ماشالله سيارتك طالع شكلها حلو بس ناقصك حاجات بسيطه:

- تركب انوار ضباب
- تشيل الخطوط الجانبيه
- تركب جنوط VXR


وانشالله بيطلع موترك روووووعه

[A7medo]

التعديلات روووعة ما شاء الله

بس حبيت أقترح عليك شي

أتركب كرومات على الليتات الخلفية

شي ثاني ما أدري أذا موترك في جناح لأنه مو باين من الصورة فأذا ما كان فيه جناح أنصحك أتركب لأن شكله بصير وايد حلو

:)

[SeSo2003]

السلام
مثل ما قالو الشباب ركب لك انوار ضباب ( كشافات )
وركب لك دقن في الصدام الامامي ( لحيه)
ومن داخل تخشيبه

واهم شي تغير الجنوط تركب جنوط vxr-3 لان بالجنوط يتغير شكل السياره 100%

[MuGeN]

والله الصبغ عجبني شغل نظيف :OO:

يعطيك خيره و يكفيك شره .. :D

[زورو الامارات]

السلام عليكم ورحمة الله وبركاته

ماشاء الله شغل حلو

ونصيحتي لا تبالغ في التعديلات الشغل الخفيف يعيش اكثر ويستمر


تحياتي لك

[RED Chevy]

السلام عليكم ورحمة الله وبركاته
شغل محترم، والله يبارك لك فيه، بس مثل ماقالوا الشباب بدل الرنجات وركب جناح ويكمل موترك.

[Mr_CoRvEtTe]

حلوه بس يبيلها اشياء زياده مثل ما قلولك الاخوان

[grandv8]

السلام عليكم ورحمة الله وبركاته

هلا اخوي عبود

ماشاء الله تبارك الرحمن والله يخلي لك السيارة ويحفظك من عيون الحاسدين اخوي.

سيارتك يحتاج لها شغلات بسيطة جدا من :
تركيب كشاف امامى بس لامبة قوية يعني 120 فولت
تركب دبة صوت وخاصة دبة صوت تيربو بتطلع للسياره نغمه حلوه
والله شي شغلات ثانية يمكن انت بغيى تقول وتشاور فينا.

شكرا اخوي مرة ثانية
:D

[خُردة]

على البركه اخوي بو عبود والله يعطيك من خيرها ويكفيك شرها..

فيه دعامه صغيره تجي على الصدام الامامي مكتوب عليها لاند كروزر ..


شبيهه بالدعامه اللي تجي على الباترول .

تجي على الجيوب السعوديه اللي عندنا ..

بصراحه تعطي شكل حلووووو مره وسعرها رخيص ..

انا حصلتها بالرياض عند محل العليان للزينه بـ 750 ريال .

[الأنصاري]

مشكورين شباب على اقتراحاتكم جميعا
اعتقد ان الكشافات والجنوط فكرة حلوة
بالنسبة للخطوط ما ابي اشيلها لأنها تعجبني وقيمتها في الوكالة 4000 ريال
بالنسبة لبقية الإقتراحات نفكر فيها وندرسها
وزور الإمارات كلامك صحيح يعني انا اضيف بعض الأشياء الأساسية بدون مبالغة

ونسمع راي البقية

[TOP-SECRET]

ماشالله سيارتك طالع شكلها حلو وروووووعه بس ناقصه شوي شغلات :-

* كشافات
* رنقات VX-R او لكزس 470 اذا ماتبي بوالين خذ 17 احلا يعني اصليات
* تواير ميشلان نفس الي على البي امات الي تكون مسافاتها ضعيفه بين التاير والرنق

والله يوفقك :rolleyes:

[ACCORD-V6]

يعطيك خيرها ويكفيك شرها
عندي لك كم نصيحه قلتها لك اول ماشريت السياره

طعني وماراح تخسر

-كشافات ضباب
-جنوط
-كتابة VX R V8 في الخلف
-جناح
-تشيل الخطوط
والخطوط اهم نقطه لانها تشوه السياره تشويه كبير جدا

طعني وماراح تخسر ومافيه احد بيدري انه جي اكس

غير كذا بيخرب شكل السياره

ركز على كلامي زين
وبالتوفيق

[علي عبدالله]

تبي نصيحتي ..لاتعمل مثلي وتقعد تبالغ في الاضافات
انا باقولك افضل اضافتين تعملهم مستقبلا
1- ركب انوار زنون
2- شيل الخطوط ( تراها مب شي خليه سادة احسن ) :D :p
والله الموفق

[حفيد الفاروق]

صح ركز على الزنون بس يكون من نوع بوش (سمعت انه احسن زنون)
وحطلك ستكر صورة وحش ترى يطلع حلو .
مثل هذا مثلا
http://www.akmonsteratvs.com/images/Truck%20Sticker.jpg

وعندي لك سؤال يقولون الشباب كل الجيبات مش ثابتة فوق 120 (يعني تحس كأنه ينقلب) وأنا ودي أشتري تاهو فحيت أسألك هل هذا الكلام صحيح ؟

[محمد دريهم]

تعديلات رائعه..


لكن زي ماقالوا الشباب ناقصه انوار ضباب...

لكن اذا بتغير جنوط لاتحط جنوط في اكس ار..حط جنوط مميزه..عشان تصير مميز..



وشكرا

[الأنصاري]

TOYOTA - OBAS
خلاص الكشافات بحطها الكل ينصح فيها

ACCORD-V6
مشكور جدا على النصايح وفيها بعضها اكيد بسوية بس الاخطوط لا:cry: واشيل العلامة لا:cry: اما البقية اقتراحات ممتازة:banana:

راعي البيج ممكن ليش لا بس اهم شي في الزينون مايكون مستعمل ومايكون مال اودي :D

حفيد الفاروق مشكور على مشاركتك بالنسبة لثبات الجيوب الجيب بطبيعة حالة مش اثمت من الصالون بس انا اشوف الكروزر ممتاز يعني تلف لفات خشنة على سرعة 80 ما في اي مشاكل وفي الخط احلى شئ راسي ومافي تنسيم والسيارة على راحتها وكل هذة على القفلة 195 كم

ولد الخبر كلامك صحيح بس اصعب شئ في قطر انك تحصل جنوط:D :D

http://www.ta7meel.com/up/21/1077522436.jpg

[أبوالزين]

سيارتك روعه اخوي
و حفيد الفاروق تطمن الفورويل اريح من الصالون
عندنا جمس يوكون ما شاء الله 180 كأنك تسوق 140
مريح و ثابت اكثر من الصوالين

[007]

ماشاء الله شغل جميل..
القطريين مشهورين بحبهم للاندكروزر...
أذكر يوم زرت قطر اخر مرة ان 90% من السيارات الي اشوفها في الشوارع هي اللاندكروزر وجيب الكزس خاصة في فئة الشباب..
الله يقويكم..
الله يعطيك خيره و يكفيك شره اخوي...
تحياتي..

[الأنصاري]

007 تسلم وحياك مره ثانية في قطر ندورك يمين ويسار :D :D

[حفيد الفاروق]

رد مقتبس من racing_guy
سيارتك روعه اخوي
و حفيد الفاروق تطمن الفورويل اريح من الصالون
عندنا جمس يوكون ما شاء الله 180 كأنك تسوق 140
مريح و ثابت اكثر من الصوالين


حفيد الفاروق مشكور على مشاركتك بالنسبة لثبات الجيوب الجيب بطبيعة حالة مش اثمت من الصالون بس انا اشوف الكروزر ممتاز يعني تلف لفات خشنة على سرعة 80 ما في اي مشاكل وفي الخط احلى شئ راسي ومافي تنسيم والسيارة على راحتها وكل هذة على القفلة 195 كم

مشكورين على الردود أخواني

[mustang cobra]

رد مقتبس من mill_955
ماشالله سيارتك طالع شكلها حلو بس ناقصك حاجات بسيطه:

- تركب انوار ضباب
- تشيل الخطوط الجانبيه
- تركب جنوط VXR


وانشالله بيطلع موترك روووووعه

مثل ماقاله الاخ اللطيف