للخبراء في السيارات الكلاسيكية فقط !!

[mo7trm]

القصه و مافيها ..

عندنا مدرس امريــكي في المعهد ...

اسولف انا وياه عن السيارات الامريكيه الكلاسيكيه يوم الثلاثاء ..

وعن اسعارها ومواصفاتها والرجال فاهم جدا في هذا المجال ...

قالى انا عندي سيارتين (طبعا ليست ملكه ولكن يعرف صاحبها او شي زي كذا) ...

وراني صورها بعد ثلاثه ايام (اليوم) ... تفاجأت !!!
(صور فوتو غرافيه وليست على الكمبيوتر )

الاولى شيلبي كوبرا موديـــــل 1964 !!!
لونها ازرق وبخطين ابيض والداخلى اسود
والاحلى من كذا عددها لايتجاوز 7000 ميل !!
ونظيفه جداااااااااااا من الخارج والدخل والمكينه تمام

والثانيه شيفروليه كورفيت موديل 1957 !!!
لونها ابيض والداخلى احمر !!
وعددها لايتجاوز 7000 ميل !!
ونظيفه جداااااااا من الداخل والخارج وشكل المكينه تمام ..

وماعرفت اطلع صور شبيهه لها 100% من النت..
وماحاولت كثير لأنى متأكد انكم بتعرفون السيارات !!

بعد المقدمه الطويله نجى للمهم الاسعاااااار

الشيلبي كوبرا بـــ 10500 دولار بدون الشحن وبدون الجمرك طبعا
والشيفروليه الكورفيت بــ11000 دولار بدون الشحن والجمرك طبعا

الشحن والجمرك تكلفته لا تتجاوز 10 الاف ريال
وراح ياخذ-المدرس- على السياره 1000 دولار كسمسار لعمليه البيع

شرايكم معقول كلامه ؟؟!!!

اطلب خبرتكم ولاتبخلوا على بالجواب....

[RED Chevy]

وش تنتظر هذي ببلاش لو تجيبها هني بتربح فيها على الأقل 5000 دولار في الوحده هذي سوبر كلاسيك والشلبي نادر إن تحصله بالخليج يعني توكل على الله أشوف السعر برخص التراب، لكن لو تروح أمريكا تحصلهمأرخص، واحد من المعارف جاب موستنج قديم طلع عليه بأقل من 2000 دينار مع كل شي، وعرضوا عليه 6000 ماباع يعني شي حلو حتى حق إستخدامك.

[560SEL]

السلام عليكم ورحمة الله وبركاته

من ناحية الشيلبي فأنا ما أنصح بها أبدا لأنها بتتعبك في حكاية قطع الغيار

أما الكورفيت فأظن ان قطعها متوفره


اذا كنت تبي سيارات كلاسيكيه قويه فأنا أنصحك بالسيارتين التاليتين :

مرسيدس 450SEL 6.9
مرسيدس 560SEL AMG

هذي السيارتين فيها قوه مو طبيعيه و تجاكر أقوى السيارات الموجوده الان بذات اذا عرفنا ان المرسيدس ال 6.9 تسارعه من 0 -- 100 في 6.3 ثانيه و ال 560SEL AMG تسارعه من 0 --- 100 في 5.7 ثانيه و كذلك أسعارها مع الشحن ما تكلف ابدا يعني اذا كانت غاليه مره سعرها ما يتعدى 20 الف ريال مع الشحن و الجمرك




تحياتي

[A7medo]

هل هذه السيارت الي تقصدها

http://musclecar-logbook.net/GMC/1957%20Corvette%20%200100.jpg

http://www.moonbowgraphics.com/lauriesphotogallery/cars/cobra.jpg

[أبوالزين]

بصراحة موضوعك حلو
بس ترى حاسب يعني قطع الغيار مشكله كبيره
هذي سيارات من النواع اللي لازم تخليها حج طلعه وحده في الشهر((يوم تكون مواعد:D ))
والله ترا الحسد بيكون على كيفك و كل يوم جراج

[ViPeR_4_LiFe]

ما دام عندك الفلوس لها لا تضيعهم

بس انت متأكد انهم نظيفين؟؟

يعني ما فيهم مشاكل؟؟

ترى الكلاسيك شخصيه و شكله ما يصير قديم (لأنه اصلا قديم:D )

[silver]

ما ادري بس أحس أن الأسعار مره طايح ... وعلى علمي وإلي اشوفه في بعض مواقع بيع السيارات الكلاسيك ... ان اسعار هذي السيارات تتعدى أحياناً 40 الف دولار ...

فكيف راح يجيبهم لك بهذا السعر :blink:
ما ادري بس أحس إنها نصبه ...

على العموم تأكد اكثر منه عن نظافتهم وإذا كانوا أصليين ... لأني سمعت ان في شركات تبيع بدي تقليد حق الشلبي والمكينه أي كلامه وجمعون السيارة وتطلع نفس الشلبي الأصلية :shock2:

وشء ثاني ... تأكد متى راح تنتهي إقامة المدرس ... لا ياخذ منك الفلوس وبعدها تنتهي إقامته ويسافر ويكون انصب عليك :)

[A7medo]

رد مقتبس من silver
ما ادري بس أحس أن الأسعار مره طايح ... وعلى علمي وإلي اشوفه في بعض مواقع بيع السيارات الكلاسيك ... ان اسعار هذي السيارات تتعدى أحياناً 40 الف دولار ...

فكيف راح يجيبهم لك بهذا السعر :blink:
ما ادري بس أحس إنها نصبه ...

على العموم تأكد اكثر منه عن نظافتهم وإذا كانوا أصليين ... لأني سمعت ان في شركات تبيع بدي تقليد حق الشلبي والمكينه أي كلامه وجمعون السيارة وتطلع نفس الشلبي الأصلية :shock2:

وشء ثاني ... تأكد متى راح تنتهي إقامة المدرس ... لا ياخذ منك الفلوس وبعدها تنتهي إقامته ويسافر ويكون انصب عليك :)

وش دراك يمكن صار له سنين متجنس :confused:

[الهاجري]

السلام عليكم ورحمة الله وبركاته

السيارتين تقليد (معاد تصنيعهم) الشلبي يباع 90,000 - 120,000 دولار والكورفيت موديل 1957 يباع 55,000 - 75,000 دولار
راجع موقع ebay
www.ebay.com
راح تشوف الاصلي والتقليد ولك الاختيار بس لا تنسى صلاة الاستخاره ...

[mo7trm]

RED Chevy
هلا والله اخوي انتظر بس اتأكد من السالفه لأن قلبي مو مطمن ...
ومسأله الروحه لأأمريكا صعبه جدا ..خاصه الايام هذي ..
الفيزايطلعونها بطلوع الروح:corsair:
تقصد دينار بحريني ؟؟!!

560SEL
شكرا لك ..وانا لو كتب الله واشتريت ..ماراح اطلع فيهم كثير ..
يعني ماراح استهلك قطع غيار كثير ...وبعدين النت موجود والقطع تطبها واسبوعين تكون عندك:)
وبالنسبه للمرسيدسات اللى تقول ..اي موديل الصنع ؟؟!!

A7medo
ايوه بالظبط هذي هي :shock2: :shock2:

racing_guy
اكيد اكيد ..ماراح اطلع فيهم الا مره وحده بالشهر
لانه معايا الفارسه Z3 :banana: للاستخدام اليومي

ViPeR_4_LiFe
والله بالصور تقول انهم كأنهم جدد مو بس نظيفين ..:shock2:

silver
والله كلامك ممكن يكون معقول ...جداا
لأانه بالفعل شي يخوف ..فرق السعر مو بسيط ..
بس تكفي ..
حاول تشوفلى شويه معلومات عن مسأله السيارات المقلده ..:blink:
اما من ناحيه اقامته لاتخاف اهو صارله اكثر من 5 سنين بالسعوديه
وشكله مطول هنا ...:banana:
و10 الف دولار هذي يطلعها بشهرين!!!:eek:

A7medo
لا لا ..اهو امريكي ..امريكي اصلي :laugh:

الهاجري
اخوي الله يسلمك تكفى شويه معلومات عن التقليد........
لاني شفت الموقع بس ماعرفت و الاسعار كلها فووووق
50 الف دولار!!!
يعني فرق السعر مو سهل ابدا