يا شباب انا محتار بين سيارتين واريد المساعده!!

[LC_LE]

بسم الله الرحمن الرحيم
السلام عليكم ورحمة الله وبركاته

يا شباب انا محتار بين سيارتين

الاولى:
لكزس RX330 رقم 3 و سعرها 13.500 ريال عماني و الموصفات:
مصابيح زنون و كراسي مخمل و خشب و 6 سي دي تشنجر و بدون فتحة سقف و بدون مجسات. سعة المحرك 3300 سي سي و قوة 252حصان و فرامل ABS.

الثانية:
مرسيدس ML320 بس للاسف اني ما اعرف موصفات هذه السيارة و لا سعرها. يليت لو واحد من الشباب يفيدنا عن هذه السيارة و خصوصا السعر لان الميزانية محدودة على 13.500 ريال عماني.

ولكم جزيل الشكر و التقدير مع العلم باني اتقبل جميع الاراء حتى و لو في سيارات غير عن السيارتين المذكورات و في حدود الميزانية.:confused: :confused: :think:

[سردال]

وعليكم السلام ورحمة الله وبركاته

المرسيدس في آخر عمرها وراح ينزل موديل جديد منها قريب، لذلك ما أنصحك تشتريها، إما تنتظر أو تشتري لكزس، واللكزس ممتاز.

[الأنصاري]

رد مقتبس من سردال
وعليكم السلام ورحمة الله وبركاته

المرسيدس في آخر عمرها وراح ينزل موديل جديد منها قريب، لذلك ما أنصحك تشتريها، إما تنتظر أو تشتري لكزس، واللكزس ممتاز.

[زورو الامارات]

بسم الله الرحمن الرحيم

السلام عليكم

الكزس افضل صفقه حتى تصنيعها هالمره اصبح افضل

انسى سالفة المرسيدس لانها خلاص اخر سنه لها

جرب تسوق اللكزس مواصفاتها من الداخل دلع روح شوفها

[علي عبدالله]

ما عندي شي ازيده على كلام الشباب
ولو اني انصح بالاطلاع على المرسيدس اكثر ومعرفة سعره ومواصفاته
خصوصا انه يبقى (مرسيدس)
ولو كانت عندك نظرتي (بما ان الشكل قرب يتغير فسعره راح يكون ارخص بالتأكيد)
هذا اذا كنت من الناس اللي ماتهمه سالفة الاشكال الجديدة والقديمة
والله الموفق :)

[RED Chevy]

هلا إخوي، المرسيدس مثل ماقالوا الشباب شيله من بالك وسعره أكثر من ميزانيتك بقليل، اللكزس جيد بس مخمل وماشوف فيه مواصفات تستاهل سعره وبنظري القديم أحلى، تبي شوري إذا جيب شوف الفلكس طوارق سيارة حلوة وفخمة ومميزة وراقية، هذي أنصح فيها، ولاتخاف من الشركة إذا وكيلكم أوكي إنسى وخذها بدون ماتفكر بشي، غير الطوارق عندك سيارات وايد ثانية وبذكر لك أسامي شوف اللي يعجبك وأي سؤال آنا حاضر:
الإنفوي شكله حلو ومشيه محترم وفخم ورزه.
اليوكن يكون بنفس ميزانيتك.
شوف النيسان بترول مدري كم سعره عندكم بس يختلف من مكان لي ثاني.
الشروكي حلو بس بيتغير قريب.
الدورانجو الجديد شكله غريب
وإذا تبي سيدان عندك كامري شيوخ( ES( معشكلها القبيح بس حلوة من داخل.
الكابرس.
:)

[بوأربع]

إذا تبي رأيي ابتعد عن لكزس الغبية(ES)

و اشوف RX معقول

[until the end]

انا اقترح عليك نيسان باترول بس بالنسبه لفلوسكم ما اعرف لها مره:D
خدها ونــــــــــــــــــــــــــــــــام مرتاح واله ادا انته من محبي 4×4 متوسط الحجم اخد باثفايندر وارتــــــــــــــــــــــــــــــــاح
نصيحه (النيسان على كل لسان) :D

[Lumina_ss_Coupe]

عليك بالـــ BMW X5 خوووووووووووش موتر جيب محترم


:corsair: :corsair: :corsair: :corsair: :corsair: :corsair:

[LC_LE]

بسم الله الرحمن الرحيم
السلام عليكم ورحمة الله وبركاته


مشكورين يا شباب و شكلي كذاك ان شاء الله باشتري الكزسRX330

[RED Chevy]

إخوي أنصحك تشوف الطوارق شكله أحلى وأرخص وفيه مميزات أكثر وإذا تبي صور قول لي:rolleyes: