نبي مشورتكم نبي نشتري سيارة ... بسرعه وضروري

[cruiser2000]

السلام عليكم ورحمة الله وبركاته



كيف حالكم


واحد من اصدقائي معاي سألني عن سيارة سعرها حدود

30 الف اعلى شي او 40 الف هالحد


السيارات المحتار بينهن هن :

00 - 01 كامري " 4 او 6 سلندر : يفكر في 6 سلندر"

00-01 مكسيما " ربيعي عنده وحدة وما اشتكى منها ابدا "

00-01 كورولا " ممكن تكون بعد 1.8 2004 "

00 -01 صني " ما نعرف عنها شي الا انها مب قوية "

اسعارهن ومعلومات عنهن وكل شي ابي بسرعه الله يخليكم




وواحد ثاني يفكر في لاند كروزر موديل جديد يكون وممتاز
اي موديل ونبي مواصفاتهن


يبيها حق الاستعمال الشخصي وطبعا بيضربب خطوط احيانا


الريال عزابي ومب مال تزويد وسرعه بيتزوج قريب

ويبي سيارة زينة ممتازة واهم شي ما يكون خرابها وايد
ولا القطع غالية

طبعا مستعملة

وطبعا ما انسى وقت ما تبيع سعرها ما يطيح يكون

سألني عن الهوندا قلت له لا يروح ياخذها لانها بتذبحه قطع غيار
وعندنا واحد يشتكي منها دايما حتى باعها

والجيب طبعا خرابه كثيرة جدا جدا بانواعه




أرجوا المساعدة

ومشكورين مرة اخرى

تحياتي لكم
كروزر2000

[Supra_Rider]

يبغون مستعمل عالي الجودة و يحتفظ بسعره مالهم غير التويوتا

و بالنسبة للكروزر لا يعلى عليها ... اسأل مجرب;)

وسيعه و مريحه و في نفس الوقت قومتها قوية و سهلة التحكم و المناورة ... كأنها سيدان ما شاء الله ... و باقي المواصفات هي مواصفات التويوتا المعروفة من جودة و مكيف رائع ..الخ

انصحه ياخذ الستة سلندر GXR

[cruiser2000]

السلام عليكم ورحمة الله وبركاته


مشكووور اخوي سوبرا على الرد


ومن ناحية الاند عرفت كل شي

لكن باقي السيارات الصالون اللي حطيتهن
شو عن المواصفات والمكينة وصرفية البترول وقطع الغيار والاسعار ؟

ما عليكم امر

وين باقي الاعضاء !!!!!!!

[RED Chevy]

والله ياكروزر الأول خل يشوف الماكشس حلو ونشيط والكامري مانصح فيه الماكس والأكورد أفضل والثاني الكروزر زين بس مافي مواصفات وماشوف يناسب واحد توه متزوج يشوف شي أصغر أحسن ومادري يقولون ال6 ماينفع للخطوط.:)

[الأنصاري]

طبعا الكروزر بدون مايفكر في الفورويل افضل سيارة دفع رباعي للخليج دون منافس
قوة ومتانة ومكيف وكل شئ ومافي داعي اكمل السيارة مش محتاجة شهاتي بالنسبة لرسواتها في الخطوط تمشي 195 الي هي القفلة لاتنسيم ولا صوت كفرات ولا شئ عزل تام الصراحة وقطع تزويدها واكسسوراراتها في محلات الزينة اكثر من سيارات الإسبورت

بالنسبة للصالون الماكس والكامري ممتازرين
واذا الميزانية ماتكفي الكرولا ممتازة جدا جدا جدا

[cruiser2000]

رد مقتبس من RED Chevy
والله ياكروزر الأول خل يشوف الماكشس حلو ونشيط والكامري
مانصح فيه الماكس والأكورد أفضل والثاني الكروزر زين بس مافي
مواصفات وماشوف يناسب واحد توه متزوج يشوف شي أصغر أحسن
ومادري يقولون ال6 ماينفع للخطوط.:)


اوافقك في الماكس لانها زينة في الخطوط والاستعمال الشخصي

بالعكس الستة سلندر ممتاز على الخطوط

اخوي عنده ماكس ودايما خطوط من العين لابوظبي
ودبي والشارقة والحمدلله مافيها اي شي

ربيعي الثاني يفكر بالاندكروزر وبصراحة ماعليها كلام








رد مقتبس من بوعبود
طبعا الكروزر بدون مايفكر في الفورويل افضل سيارة دفع رباعي للخليج دون منافس
قوة ومتانة ومكيف وكل شئ ومافي داعي اكمل السيارة مش محتاجة
شهاتي بالنسبة لرسواتها في الخطوط تمشي 195 الي هي القفلة
لاتنسيم ولا صوت كفرات ولا شئ عزل تام الصراحة وقطع تزويدها
واكسسوراراتها في محلات الزينة اكثر من سيارات الإسبورت

بالنسبة للصالون الماكس والكامري ممتازرين
واذا الميزانية ماتكفي الكرولا ممتازة جدا جدا جدا



اوافقك الرأي


شباب انا من رأي اشوف الماكس والكامري ممتازين بس لا تنسون
صرفية البترول للكامري اقل عوضا على الماكس
الرحابة الماكس طبعا فخمة اكثر
وكأنك راكب 8 سلندر مع انها 6

الخطوط كلهن متازات في الخطوط
الاستعمال المدني كلهن ممتاز


وشكرا على الردود اخواني

لكن نبي الاختيار الحاسم بين هذول

________________
كامري
ماكس
كورولا
______________
من ناحية :
الاستعمال الشخصي والمدني
صرفية البترول
السعر
قطع الغيار




اخوكم
كروزر2000

[محمد دريهم]

بهذا المبلغ وجوده عاليه..



غير الفورد لايدور ابدا..وخاصة انه عاقل ومقبل على زواج..

[RED Chevy]

هلا إخوي كروزر، الماكس ثم الماكس ثم الماكس أشوفها الأفضل، ولو يكب رنجات 2003 يصير الموتر 100% وأشوفها الأفضل من جميع النواحي.