خل نوصف لكم طلعة بسيطة وتقييم للسوق مني....

[RED Chevy]

بسم الله الرحمن الرحيم

السلام عليكم ورحمة الله وبركاته


كيفكم شباب، طبعاً اللي فيكم جا البحرين يعرف الزحمة كيف تصير يوم الخميس خصوصاً عند المجمعات وممكن تشوف سيارات ماقط شفتها:D

الخميس الفايت كان غريب وايد، بس بس بس يوم الخميس شفت أكثر من 5 لومينات LS سعودية بس السعودية وكلها 2004....

حاولت أدور كامري الموديل الجديد لكن أدري محد بيصدق اللي شفتهم 2 بس بس بس يمكن مروا غير وما إنتبهت لهم بس الموديل الجديد 2 فقط:cool:

لو جيتو بتشوفون كيف، خصوصاً إني ماكنت رايح السيف كنت رايح الراشد:D تقريباً بين كل 10 سيارات سعودية سيارتين بحرينين:D وحياهم اله منورين البحرين:) لكن اللي أقوله في مواضيع ثانية إن في البحرين نقدر نحكم على السوق يبين هني، المكان اللي وقفنا فيه كان فيه الأغلب هوندات بعديم شفرات بعدين نيلسين ويتوزعن الباقي وفقط كامري وحدة:headshak:

وكان يمنا ماكس قطري فنان ماشاء الله عليه:banana:

الجماسي في الفترة الأخيرة زادت بشكل كبير:rolleyes: الكابرس إنتشر وخصوصاً الرويال:mad: (قبل كان في 2 بس وموترنا بينهم أحين عند كل إشارة:cry: )الهوندات صاروا منثرين:D المكاسيمات شي طبيعي مثل الكامري قبل:D اللومينا بشكل غير طبيعي صدقوني أكثر سيارة شفتها ذاك اليوم وولا وحدة سيدانSS يا LS/LTZ أو كوبيه:damp:

المازدا صار لها سوق محترم شوي بعد الزوم زوم زوم:D

مرسيدس وBMW إحتكار للفئة الفخمة لكن لاحظت الSRX بدى ينتشر:)

بس شفت شي غريب:damp:
760 سعودي لوحته:

111 كون 111

وفوقه خصوصي:banana:

بس كان واقف بالباركات العادية:confused:

لاحظت إن الH2 إتنتشر مع إني توقعت له الفشل:D

الجاغ بدى يمشي سوقه شوي:think:

الZ350 ياكثره وكلا حمر:D وواحد مال صديق إخوي...

الكروزر تشوف يا بحريني ياقطري وممكن إماراتي لكن الأكثر بحريني+قطري والقطري ينعرف من بعيد فيه شي يختلف مدري شنو حاولت أركز ماصدت الإختلاف ممكن الصدامات أو الزيج أو مدري:D

كامري شيوخ صارت أكثر من الكامري:D صدقوني تلاقيها أكثر من الكامري...


ومن خلال هالنظرة السريعة على الشارع تبين مايلي

:D

1- الكامري تشهد إنخفاض كبير جداً بالمبيعات على عكس اللومينا...

2- الأكورد مستواها وصل فوق وتخطت الكل وهي سيدة السوق حالياً..

3- الماكس في تحسن مستمر وزيادة لا نقصان...

4- السوق إفنتح على سيارات جديدة غير اللي كان متعود عليها...

5- المستهلك عرف شنو الأفضل وإتجه له...

6- السوق يكبر يوم بعد يوم وتنزل أشكال غريبة وبعضها حلوة وبعضها بايخة لكن في سيارات محافظة على مستواها الراقي في التصميم...

7-السيارات الكوبيه مالها سوق في البحرين...

8- الناس تتجه نحو الأجياب أو السيدان المتوسط/الكبير/الفخم...

أتمنى إن الموضوع عجبكم وهذي أولاً وأخيراً نظرتي للسوق وتحليل بسيط مني وأتمنى إنه عجبكم وصدقوني كتبته بدون تحيز الغالي أصله غالي والزين يفرض نفسه ولا شرايكم:D

[TOP-SECRET]

يعطيك العافيه عبدالرحمن على الجوله مشاء الله البحرين صارت GM متحرك :)


بالنسبه للكروزر القطري والبحريني مادري شنو الي يختلف :p يمكن التواير والرنقات وشوي شغلات وستيكرات :D

http://free.one.picturehost.co.uk/Untitled-1gggg.jpg


http://free.one.picturehost.co.uk/1071846118.jpg


:OO: في شنو يختلفون عن كروزراتكم:OO:

[TOP-SECRET]

يعطيك العافيه عبدالرحمن على الجوله مشاء الله البحرين صارت GM متحرك :)


بالنسبه للكروزر القطري والبحريني مادري شنو الي يختلف :p يمكن التواير والرنقات وشوي شغلات وستيكرات :D


http://free.one.picturehost.co.uk/Untitled-1gggg.jpg


http://free.one.picturehost.co.uk/1071846118.jPG


:OO: في شنو يختلفون عن كروزراتكم:OO:

[الثلج الأبيض]

مرحبا عبدالرحمن

ترى شفت اللاند القطري الاسود اللا موقف فوق الرصيف عند صالة البليارد جمب السيف ...

وعلى فكرة الكوامري ديك الليلة مي طبيعية في شارع المعارض :D

كانوا ثلاثة وأنا الرابع :D :D :D


شفت رويال أسود بحريني صاحبه مشمغ ولوحته أكثر شي فيه الستات (6) قلت يمكن أنت :OO:

وعلى فكرة أنا من السعودية :p


شكراً :D

[القرن الجديد]

رد مقتبس من RED Chevy
بسم الله الرحمن الرحيم

السلام عليكم ورحمة الله وبركاته


1- الكامري تشهد إنخفاض كبير جداً بالمبيعات على عكس اللومينا...
===========================
والله في الرياض كثر النمل
===========================

2- الأكورد مستواها وصل فوق وتخطت الكل وهي سيدة السوق حالياً..
================================
تستاهل وهي عند اخوي وتعتبر شبية الالمانيات من حيث الرساوة والاداء
===============================

3- الماكس في تحسن مستمر وزيادة لا نقصان...
============================
لا تعليق
===========================

4- السوق إفنتح على سيارات جديدة غير اللي كان متعود عليها...
===========================
هذا الكلام الصحيح والمفروض يصير مهو كل الناس شارين تويوتا ونيسان وهوندا
==============================

5- المستهلك عرف شنو الأفضل وإتجه له...
==============================
اااااااااااااااااااااه منك يا ريد شيفي (حزب الشفر) وعلى العموم الشعب متجة للسيارات الاجمل شكلا
==============================

6- السوق يكبر يوم بعد يوم وتنزل أشكال غريبة وبعضها حلوة وبعضها بايخة لكن في سيارات محافظة على مستواها الراقي في التصميم...
==================================
OK
===============================

7-السيارات الكوبيه مالها سوق في البحرين...
==========================
لا تعليق
============================

8- الناس تتجه نحو الأجياب أو السيدان المتوسط/الكبير/الفخم...
==============================
لا تعليق
==============================

:D



وبخصوص الكامري اكثر الكامريات مع اقل 21 سنة تقريبا (في الرياض) (قبلالسن القانوني لجواز السفر) وووو لوموزينات

والهوندا اكورد من 21 - 40 سنة اغلبها


موضوع تشكر علية
(ولو انة متحيز شوي) :eek: :eek:

[BMW540I]

RED Chevy .. احصائيه حلوه منك .. :cool:

[الأنصاري]

مشكور رد شيفي وتقريبا السوق القطري عكس البحريني :D :D

ويالله بالتوفيق للجميع
:D :D

[Crackjas]

السوق الكويتي مختلف اختلاف جذري عن الدول الاخرى

اكثر شي تلقاه الالماني
مثل البورش والبي ام والمرسيدس والفولكس فاغن
وتلاحظ انتشار الباجيرو بشكل رهيب عكس دول الخليج:eek:
واكثر شي تشوفه الكايين والطوارق والانفينيتي اف اكس
:banana:

[محمد دريهم]

<<توه جاي من أبها..



اولا السلام عليكم..



ثانيا الكامري حققت اعلى نسبة مبيعات عالميا...


يعني اخوي ريد تشيفي ...كونك نقزت المعارض مره وحده..لا يعتبر تقييم للسوق...


هنا في السعوديه عندنا..



تدري الكابرس ال تي زد اللي كان قيمته 90 الف موديل 2000 الحين ينباع ب40 الف ريال..يعني نفس قيمة الكامري مستعمله..



لأن الامريكي في السوق عندنا كله غيرر مرغوب فيه...ومعروفه الاسباب....


وما هو انا اللي اتكلم تعال خذ لفه في المعارض..وشوف اسعار الكابرس....:confused:

[RED Chevy]

هلا والله بالشباب:D

حمد: إكشفت فرق واحد بس البمبر( الصدام) يختلف إختلاف جذري:D ويمكن الزيج( الإستكرات فيهم فرق:rolleyes:

الثلج الأبيض : هلا فيك إخوي وذاك مو موترنا:D وشفته باليل عند محطة البنزين وكان مشغل الDVD :D ومارحت المعارض ذاك اليوم بس شفت شي يضحك:D يوم ندخل السيف كان في موستنجين كويتيين كشف وفاتحين الكشف مروقين يوم طلعنا واقف واحد عند الدانة والرافعة جدامه:D

القرن الجديد : إش هالتعليقات يابطل:D بس أدري السوق مختلف عندكم بالسعودية:banana: واللي إنتبهت لهم2 بس ولا كامري زود الموديل الجديد القديم موجود بس ماعديتهم:D

BMW540I : هلا فيك إخوي ومشكور على ردك:p

بوعبود : والدليل عندي:D عمري ماشفت موتر قطري مو تويوتا غير 2 بس المكسيما وأودي A6 الباقي ياكروزر أو كامري:D

Crackjas : ولاتنسى نجاح الجاغوار والروفر عندكم، البورش بالنسبة له كموتر رياضي ممكن تشوفه وايد بس بشكل عام الكوبيه مو ماشي عندنا أكيد بتحصل بس الناس ماتتجه له كثير:rolleyes:

KING_V6 : لاتاكلني:D

آنا ماقلت رحت معارض:D هذي نظرة تحليلية للسيارات اللي تشوفها في الشارع والأماكن العامة:D تقدر تسويها بأي وكت روح الراشد وناظر بالسيارات شوف شنو متوفر أكثر شي شنو اللي طايح سوقه وووووو يعني هيك:D

والأمريكي تدري إنه يطيح سعره والألماني والإمجليزي بعد محد مسك سعره مثل الياباني:D

نسيت شي بالغلط، كل يوم أشوف لومينا قطري LTZ بس هذيلا ما نسيت شي:D

[محمد دريهم]

اخوي ريد تشيفي..


الواحد مايحكم على مبيعات سياره لمجرد انه يشوفها..


انا اقول لك حاجه في علم النفس..


اللي عنده كامري..يصير يطالع في الشوارع للكامري وبس..عشان كذا يشوفها كثيره..

واللي عنده فورد نفس الكلام..


وانت اتوقع عندك نفس المشكله..


لانه المبيعات تقدر تاخذها من الوكاله وتقارن..


وبالفعل اللومينا والكابرس حققت اعلى مبيعات ..لكن على مستور سيارات جنرال موتورز وليس على المستوى العالمي..


وشكرا

[RED Chevy]

رد مقتبس من KING_V6
اخوي ريد تشيفي..


الواحد مايحكم على مبيعات سياره لمجرد انه يشوفها..


انا اقول لك حاجه في علم النفس..


اللي عنده كامري..يصير يطالع في الشوارع للكامري وبس..عشان كذا يشوفها كثيره..

واللي عنده فورد نفس الكلام..


وانت اتوقع عندك نفس المشكله..


لانه المبيعات تقدر تاخذها من الوكاله وتقارن..


وبالفعل اللومينا والكابرس حققت اعلى مبيعات ..لكن على مستور سيارات جنرال موتورز وليس على المستوى العالمي..


وشكرا


أي مشكلة الله يهداك ماعندنا لومينا سيدان:D وعندنا كامري وأكوردين:D وأوبل وبولو:D يعني بشوفهم كلهم:D

الكلام اللي كتبته فوق كتبته وآنا متأكد 100% من إني مازيد لسيارة أو أنقص بحق وحده ودامك بالخبر حياك الخميس وشوف كيف السوق عندنا
:D

قلبتها علم نفس ها:D

الوكالة كلمت مدير المعرض وقال ماعنده صلاحية يعطيني أرقام:D

وترى كفاية اللومينا عندكم كيف منتشرة، قلت لك شفت أكثر من 5 لومينات سعودية 2004 LS :banana:

ولحظة تذكرت شي، إذا تدري وكيل GM عندنا كل يوم يستلم من40-50 سيارة للصيانة يعني مافي مكان حتى بعد التوسعة، وإذا تبي تدخل سيارتك تاخذ موعد قبلها ب7 أيام :D
الكدلك نعتبرهم قليل الجمس عادي الشفر الأغلبية:D

[TOP-SECRET]

الظاهر الموضوع الي كتبه بوعبود عن بابو الحين بيصير بين ريد شيفي و الكنق في6 :eek:

[RED Chevy]

رد مقتبس من TOYOTA - OBAS
الظاهر الموضوع الي كتبه بوعبود عن بابو الحين بيصير بين ريد شيفي و الكنق في6 :eek:

:D

لا تفاول علينا عاد:D

آنا قلت اللي شفته وبس:D

ولا شرايك:D

[TOP-SECRET]

رد مقتبس من RED Chevy
:D

لا تفاول علينا عاد:D

آنا قلت اللي شفته وبس:D

ولا شرايك:D

[محمد دريهم]

اخوي ريد تشيفي..


اتمنى اشوفك


تعال السعوديه وعطني ميس كوول خخخخخ:D



والله صدقني غير تنبسط...:banana:

[RED Chevy]

حمد: :D

KING_V6 : أجيب وياي فرقة حماية أو 2 يكفون:D

بس أنبسط كيف يعني أفرفش أو أنبسط أنبسط:D

[الشبابي]

اخوي ريد شيفي ...
موضوع جميل وحلو ... لكن عشان تاخذ احصائية صحيحة لازم تكون على عينة من مجتمع كبير والخليج كله مجتمع واحد فصعب تاخذ العينة من ديرة وحدة الاوهي البحرين ...
خذ شوي من البحرين شوي من الكويت شوي من .... وهكذا ...
واحنا عندنا ...

1/ كامري بجيمع الانواع والان هناك احتفال بمبيع 300 الف كامري بالسعودية مابين 2003 / 2004 .. تعرف شنو 300 ؟؟
انا اعرف شخص بمصلحة الجمارك يقول لي ان اكبر عدد للكوامري بالسعودية كان 180 الف .. فمابالك بـ 300 الف ؟؟؟
2/ الكورولا ...
3/ الماكسيما ...
4/ اللومينا . ...
5/ الاكورد ... وهكذا ...










اخوكم الشبابي

[RED Chevy]

رد مقتبس من الشبابي
اخوي ريد شيفي ...
موضوع جميل وحلو ... لكن عشان تاخذ احصائية صحيحة لازم تكون على عينة من مجتمع كبير والخليج كله مجتمع واحد فصعب تاخذ العينة من ديرة وحدة الاوهي البحرين ...
خذ شوي من البحرين شوي من الكويت شوي من .... وهكذا ...
واحنا عندنا ...

1/ كامري بجيمع الانواع والان هناك احتفال بمبيع 300 الف كامري بالسعودية مابين 2003 / 2004 .. تعرف شنو 300 ؟؟
انا اعرف شخص بمصلحة الجمارك يقول لي ان اكبر عدد للكوامري بالسعودية كان 180 الف .. فمابالك بـ 300 الف ؟؟؟
2/ الكورولا ...
3/ الماكسيما ...
4/ اللومينا . ...
5/ الاكورد ... وهكذا ...



اخوكم الشبابي

وذي المفروض يصير لكن من وين أطلعهم:D

آنا قلت نظرة تحليلية ماحاولت أحصل إحصائيات خبرك هذي فيها تعب كبير وأصلاً الوكالات مايعطونك أرقام:mad: والمرور صعبة وين تدور بكل هالسيارات:D

آنا قلت خل نركز شوي ونشوف شنو منتشر وشنو زاد وشنو نقص وطلعت لكم النتيجة هذي الموضوع:D

ومهما كان هذي إجتهاد شخصي ومعرض للخطأ بس هذي اللي شفته:D

وتصجق أكلم إخوي اليوم أقول له شفت شقد صاروا الكابرس إلا الوالد يقول في القهوة اليوم يتكلمون يقولون الكابرس الجديد وايد إنتشر:D لاتقول آنا قايل لهم بعد هذي كلام الشياب:D

بس ترى حتى الكورولا إهتز عرشها الناس قامت تشوف النيسان والكيا وهدت تويوتا...

صديق إخوي كان مسوي حادث بسيارته وداها إخوي الوكالة( تويوتا) يقول له الحارس إنتوا البحرينين مالكم غير تويوتا وتم يتكلم اللي يشوف هو الوكيل، وحتى البواب يكلمك من طرف خشمه وش تبي زود تروح توقف في الباركات لو سيارتك مو تويوتا يقول لك ممنوع...
لو شنو الناس يبيون الكلمة الطيبة وهذي اللي تويوتا قاصرتها وهي سبب من أسباب نزلو مبيعاتها عندنا:rolleyes:

[مسيطر]

هه
تبغى تقول ان مبيعات الكامري تعبانه؟

والله لو لقطنا كل الكامريات حق الشباب عندنا كان غطت على ارض البحرين كلها من اولها لاخرها :glasses2: :black:

[RED Chevy]

رد مقتبس من مسيطر
هه
تبغى تقول ان مبيعات الكامري تعبانه؟

والله لو لقطنا كل الكامريات حق الشباب عندنا كان غطت على ارض البحرين كلها من اولها لاخرها :glasses2: :black:

إسمح لي على الكلام اللي بقوله لكن هذي الحق;)

كل مرة تدخل قسم السيارات تدخل وتكتب رد ماله داعي، يعني وش فايدة ردك هذي؟

خل عندك إسلوب شوي وإذا عندك شي مفيد قوله وإذا ملعندك مايحتاج ترد وتتعب نفسك;)

وإذا منت مصدق الجسر مابيقول لا تعال شوف بنفسك...

تحياتي:)

[TOP-SECRET]

رد مقتبس من RED Chevy


خل عندك إسلوب شوي

[علي عبدالله]

هلا ريد شيفي
والله صدفة غريبة فعلا انك نزلت موضوعك هذي في نفس الفترة اللي انا رحت فيها البحرين بالذات .(حتى في نفس اليوم تقريبا. الاختلاف في الوقت فقط):p
انا رحت يوم الخميس الظهر وبت هناك يوم واحد .ورجعت اليوم الليل (يعني قبل ساعتين فقط من كتابتي لهذا الرد);)
السبب طبعا (زيارات عائلية وشراء كمية من الحلوى والمتاي لانه خلص للاسف ...انا لا امزح..:blink:
في العادة اروح بالسيارة واعبر جسر الملك فهد لكن هذي المرة قررت ماروح بالسيارة الا بعد مايتم انشاء الجسر المباشر بين البحرين وقطر :rolleyes: (مشروع قريب ان شاء الله)
ورحت بالطيارة واستأجرنا سيارة هناك في البحرين (مازدا زوم زوم)
عموما بعد ما انهيت الزيارة العائلية كانت المهمة الثانية هي البحث عن السوق القديم لاني اعرف من بعض الاهل ان الحلوى والمتاي هناك وهذي اول مرة اضطر اشتريه بنفسي (شخصيا ) في العادة اروح واستلمه من بيت الاهل جاهز وارجع الدوحة لكن هذي المرة اضطريت ابحث عن السوق القديم (اللي صوب البوابة البيضة) وكانت شغله صعبه فعلا (وحصلته اخيرا والحمدلله )
طبعا شفت بعض الربع (القطريين هناك ) والكروزرات تنعرف ;) ورحت السيف لالقاء نظرة عليه ومجمع اخر جنبه اسمه geant وكانوا روعة صراحة وناوي ارجع قريبا لالقاء نظرة اكبر ان شاء الله
واول ما انهيت شغلي ورجعت اليوم قعدت فورا ابي اكتب لكن تفاجأت انك نزلت موضوع شبيه بالصدفة فقررت اني اكتب اللي عندي هنا تفاديا للتكرار ;)
عموما هذي بعض صور التقطها على السريع نظرا لانعدام الوقت للاسف

http://ghanem10000.jeeran.com/Imagerete.jpg

هذي المازدا اللي استأجرناها وكانت حلوة واقتصادية لاقصى درجة

...
وهذي صورة للسوق اثناء البحث عن ...طعام الروح ;)

http://ghanem10000.jeeran.com/Imavvxw.jpg

وشكراhttp://www.ayshey.com/forum/images/smilies/cowboy.gif

[RED Chevy]

:D خوش خوش وأشوف السيف زحمة طلعوا جايين يستقبلونك:D

صورة المازدا في المطار صح:D

والصورة الثانية لسوق المنامة( يمكن من شهرين أو أكثر ماطبيته:D )

لكن رايح هناك ليش؟

الحلوى الأصلية عندنا في المحرق وبس الباقي كله تقليد:D

وعجبتني البوابة البيضة:D هذي باب البحرين:D شفته شكبر:D

والسيف هذي شي أساسي في البحرين، أكيد شفت الزحمة كيف ذاك اليوم، وآنا لفيته كامل ذاك اليوم فاضي ماعندي شي:D بس ماشفناك:think:

وحياك الله في البحرين في أي وكت، وهالمرة لازم حلوى شويطر الأصلية والمتاي في كل مكان لكن الحلوى في محرق وبس:D

[الثلج الأبيض]

أسبوعين ثلاثة ياعبدالرحمن وأنا مجمع أصحاب الكوامري كلهم ورايحين على البحرين :p

ما أبيك تزعل وماتشوف كوامري :D

نسوي تجمع كوامري سعودية في البحرين :eek: في السيف :eek:


تحياتي لك :p

[RED Chevy]

رد مقتبس من الثلج الأبيض
أسبوعين ثلاثة ياعبدالرحمن وأنا مجمع أصحاب الكوامري كلهم ورايحين على البحرين :p

ما أبيك تزعل وماتشوف كوامري :D

نسوي تجمع كوامري سعودية في البحرين :eek: في السيف :eek:


تحياتي لك :p

:laugh: ضحكتني كتير كتير كتير:D :laugh:

حياكم الله بس يوم الخميس ها عشان أنزل موضوع، وأول شي وقفوا عند الجسر أي واحد عنده لومينا وقفوه وقولوا له شي خل يرجع ونكتب لكم موضوع عكس هذي:D

[بن ممدوح]

اشوف ان موضوع اخوي RED Chevy قلب كله كامري كامري ،،
بس الصراحة موضوعك جميل جداً وشيق .
اقول اخوي RED Chevy ما عليك من كلام مسيطر انا احس ان كلامه خشن شوي مدري ليش :anger:

ويعطيك العافية على هذا الموضوع ، بس حبيت اقولك اذا انا نزلت البحرين بتكون في استقبالي ولا :think:



أخوكم ،،
بن ممدوح ،

[بن ممدوح]

لا تنسى رد علي اوكي;)

[بن ممدوح]

:banana:

[RED Chevy]

في دقيقة وحدة 3 ردود:eek: :blink:

:D

بس إذا نزلت البحرين كيف بتنزل ببراشوت:D لو عندي رخصة كان سويت تجمع لك مو أستقبلك بس:D كلها سنتين ويصير خير:banana: