View Full Version : تعالوا ندردش شوي ( موضوع غير السيارات)
زورو الامارات
29-05-2004, 01:54 PM
بسم الله الرحمن الرحيم
السلام عليكم ورحمة الله وبركاته
تعالوا ندردش شوي معاكم
ياليت لو كل واحد ينسى انه عضو في قسم السيارات ويتكلم عن موضوع طريف صار له او موقف محرج
او مقلب بعيد عن السيارات
او اي شي في قلبه ووده يقوله
خلونا نفضفض شوي :)
ونتعرف على بعض اكثر :)
سنـاري
29-05-2004, 02:22 PM
موقف طريف : خليني افكر في موقف محترم و اكتبه بعدين
موقف محرج او بالاصح ماله داعي : مرة و انا مسافر من جدة الى المدينة سويت حادث متوسط في احد الشوارع و صدمت في BMW
ضغطت الكبوت بقوة على السيارة و قلت ان شاء الله ما ينفتح عليا
و انا من النوع الي اذا عزمت على امر خلاص ما احب اتردد
و بعد مدة بسيطة كنت ماشي على سرعة 80 ولسا ما خرجت من جدة دوبي معدي شارع حراء انفتح الكبوت في وجهي و ضرب في قزاز السيارة
و تكسر القزاز عليا و دخلت قطع منه الى داخل السيارة و حتى السقف اتعفت من قوة الضربة و رحت وقفت السيارة على جنب و طلعت الحبل من السيارة و ربطت الكبوت في الصدام
و كملت السفر 450 كم او اكثر قليلا
و كانت اسوأ رحلة في حياتي
و الله لا يوريكم مكروه و يحفظكم من كل شر
مقلب : بصراحة انا ما اتقبل المقالب و خاصة الثقيلة منها
:glasses2:
Super SS
29-05-2004, 02:59 PM
انا اقول موضوع مثل هذا ينحط في قسم الكاريكاتير
هذا القسم اسمه سوالف السيارات وانت اعلم يا مشرف
وشكرا اخوك
ملاك070
:sleep:
JUST CORVETTE
29-05-2004, 03:18 PM
السلام عليكم ورحمة الله وبركاته
هلا اخواني ..
هلا اخوي زرور .. والله لك وحشه كبيره ..
موضوع رائع .. يخفف من الروتين شويه :)
في يوم ..
والله ما متذكر شئ :cool:
بس باشوف الباقي ..
تحياتي لكم اخواني
شو رايكم نتكلم عن السينما واخر الافلام مثال فلم TROY او THE DAY AFTER TOMORROW.. بصراحة انصحكم بالمشاهدة...
RED Chevy
29-05-2004, 05:02 PM
رد مقتبس من SLR
شو رايكم نتكلم عن السينما واخر الافلام مثال فلم TROY او THE DAY AFTER TOMORROW.. بصراحة انصحكم بالمشاهدة...
طروادة وايد حلو وفلم يأثر فيك:banana: وأنصح فيه بعد هو وآلام المسيح:damp:
مشرفنا أهم شي نفتك من الروتين وهذي الموضوع أفضل طريقة:banana: حالياً مو متذكر شي بس إذا خطر شي على بالي يصير خير:rolleyes:
ACCORD-V6
29-05-2004, 05:50 PM
فعلا موضوع حلو ويكسر الروتين
لكن للاسف ماعندي شي الحين
لكن دائما خالد افكاره حلوه
فعلا محتاجين لمواضيع النقاش والدردشه الخفيفه
وفعلا سوالف الفتره هذي تحسن عن اول
ان شاء الله دائما كذا واحسن
مع انا افتقدنا بعض الاعضاء اللي عندهم امتحانات وفي انتظار عودتهم ان شاء الله
رد مقتبس من زورو الامارات
بسم الله الرحمن الرحيم
السلام عليكم ورحمة الله وبركاته
تعالوا ندردش شوي معاكم
ياليت لو كل واحد ينسى انه عضو في قسم السيارات ويتكلم عن موضوع طريف صار له او موقف محرج
او مقلب بعيد عن السيارات
او اي شي في قلبه ووده يقوله
خلونا نفضفض شوي :)
ونتعرف على بعض اكثر :)
وعليكم السلام ورحمة الله وبركاته
شكلك كنت متضايق مرررره يوم حطيت الموضوع
MuGeN
30-05-2004, 05:41 AM
رد مقتبس من 902
وعليكم السلام ورحمة الله وبركاته
شكلك كنت متضايق مرررره يوم حطيت الموضوع
اي والله ... مبين :) ..
أما أنا ردي قااااااااادم ......
اهلا مشرفنا العزيز
هلا بالاعضاء الكرام
يا اهلا وسهلا ومرحبا ومرحبتين وسهلين وثلاث سهلات ونص ونصين وخمس اخماس وسدسين وربع
<------- لا تشرهون عليه توه طالع من الاختبار
بصراحه على طاري الاختبارات عندي قصه حلوه
بصراحه هي شخصيه ويمكن بعضكم ما يفهمها لكن بقولها
اليوم كان عندي اختبار وبصراحه سويت شي انجاز عظيم في حياتي الدراسيه
لأول مره في حياتي الدراسيه
طلعت للجامعه الساعه 11.30 والاختبار الساعه وحده
<--- هنا بتقولون وش هالدافور الي طالع بدري
دافور = طالب مجد للغايه
المهم وصلت الجامعه لقيت كم واحد من الي ياخذون معي في نفس الشعبه
وجلست اسولف واضحك وانكت معهم ولا كان فيه اختبار
والاغرب والعجيب انه بدا الاختبار الساعه 1
تخيلوا بدا الساعه وحده
بعدين وزعوا دفاتر الاجوبه
بعدها وزعوا الاسئله
بعدين جلست اطالع بالاسئله الي هي الحين جالسه جمبي الله ياخذها
اخذت نظره ثاقبه لقيت 4 اسئله كل واحد في صفحه
ملحوظه:انا فيه حزء مهم ما ذاكرته لكن كل باقي الاجزاء ذاكرتها باجتهاد قبل الاختبار ب3 ساعات
المهم السؤال الاول كان على الجزء الي ما فتحته مع ان السؤال كان سهـــل جدا لو اني بس متصفح الجزء كان حليته
السؤال الي بعده نفس الجزء الي ما فتحته
والثالث نفس الحكايه
الرابع والاخير
فيه 3 فقرات
حليت الاولى بكل ثقه والجواب كنت على بالي انه كامل وما كامل الا سبحانه
لكن طلع عندي غلط غبي لابعد حدود تخيلوا اني قسمة 34/2 وطلعت الناتج 16 مع انه 17
وخربط علي كل البرنامج الي انا كاتبه
والفقره الي بعدها
على الجزء الي ما فتحته
الاخيره مالي خلق احلها
واول ما قالوا الي يبي يسلم يسلم
طلعت وسلمت الورقه ما فيها الا حل سؤال عليه 5 درجات من 45
هذا انا اعتبره انجاز فظيع مدري كيف سويته
يبدو ان الفطور كان فيه شي غلط
المهم انا بصراحه حسيت اني غير مهتم وغير مسؤول الي سويته كان فظيع
لكن في وقتها بما اني اول مره اسويه كان شعور مدري كيف كاني نطيت من فوق الفيصليه دون اني افكر اني بالاخير بطيح في الارض
المهم احس اني اهبل للحين جالس اظحك على نفسي
على فكره الماده كانت سي بلس بلس
واتمنى ان القصه تكون اعجبتكم
هههههههههههههههههههههههههه
وشكرا على حسن استماعكم"قرائتكم" وشكرا
A7medo
30-05-2004, 12:34 PM
شي عادي يا زيزو الظاهر اول مرة اتصيدك هذي الحالة
زورو الامارات
30-05-2004, 04:25 PM
السلام عليكم ورحمة الله وبركاته
ذكرتني بأيام الدراسه
انا مبدع جدا في الرياضيات لدرجة اني كنت احل المسألة
ثلاث مرات وكل حل يطلع عندي ناتج يختلف عن الحل الي قبله
صارت معاي اكثر من مره
واحلى صدفه اني حليت غلطت والفت سبع قوانين
وطلع الناتج صح
انا قلت في معجزه صارت يمكن انا نيوتن وانا مادري
HaKeM
30-05-2004, 08:55 PM
حرام ياzezo
أنا أبغى أنسى انسى الي سويته في 3 اختبارات هذا الترم شكله
حا أجيب العيد على أصوله الله يستر
تصدق واحد من أصحابي خش الإختبار ولا ذاكر ولا صفحة المادة فيزيا2 والإختبار 15 مالتي شويز أخذ 12 من 15
وأنا الي ذاكرت أخذت 9
:cry: :cry:
الفجر mtr البعيد
31-05-2004, 03:04 AM
يا اخ زورو الامارات موضوعك حلو جدا وطلعتنا من الجو الروتيني صرنا كأن احنا في فصل دراسي عن السيارات ونسينا انفسنا
المهم موقفما حظني شي للان بس اذا في شي مايصير خاطركم الا طيب
ملحوظه**
ارجو انكم تطلعون من موضوع الدراسه والمقالب لاني طفشت من الدراسه:(
RED Chevy
31-05-2004, 03:26 AM
:laugh:
سبحان الله شكله كل أعضاء سوالف نفس الحالة:D
آنا أمس مادرست عدل واليوم رحت الحمد لله جا الإمتحان سهل لو داخلين في التعقيد جان حالي من حالك يازيزو:D
والله احميدو زي ما قلت اول مره تصيدني وانشالله الاخيره لانها من جد باااااااااااايخه انك تطلع وانت ضامن ميه بالميه انك حامل الماده
مشرفنا الله يرجك انا اموت مع الابداع الي مثل كذا بعدين عادي حاكم العدل تصير مع ناس كثيييييييييير والله يعينك ويوفقك باختباراتك
ريد شبفي زين انها عدت سلامات
لكن انا اليوم خلصت اخر اختبار
هيييييييييييييييييييييييييييييييييييييييييه:glasses2: :D :D :D
الله يعين الي ما خلصوا ويوفقهم
HaKeM
31-05-2004, 09:27 AM
أنا من يوم الخميس خلصت:laugh: :laugh:
المهم يريت كل عضو يكتب مقلب صار في حياته بعيداً عن السيارات والدراسة:p
تحياتي:D
Dreams_Maker
31-05-2004, 06:59 PM
رد مقتبس من حاكم العدل
حرام ياzezo
أنا أبغى أنسى انسى الي سويته في 3 اختبارات هذا الترم شكله
حا أجيب العيد على أصوله الله يستر
تصدق واحد من أصحابي خش الإختبار ولا ذاكر ولا صفحة المادة فيزيا2 والإختبار 15 مالتي شويز أخذ 12 من 15
وأنا الي ذاكرت أخذت 9
:cry: :cry:
ياخي فتحت جروح كانت ملتأمه..(ماادري اذا الكلمه ذي صح او لا)..
السمستر كامل انا حرق في الكتاب وآخرتها درجات تحت الحديده ...وناس ماعمرها فتحت الكتاب ودرجاتها فوق السما..
من جد لمن تسمع هالكلام تكره الماده والطلاب والمدرس وكل شي..
:cry:
بس هذا شي كان في نفسي وبطلعه :(
والله يستر من القادم..
واللي عنده موضوع غير عن الدراسه يقول....
مع اني ماااعتقد :laugh:
وتحياتي
الفجر mtr البعيد
01-06-2004, 07:26 AM
واللي عنده موضوع غير عن الدراسه يقول....
مع اني ماااعتقد
وتحياتي
ـــــــــــــــــــــــــــــــــــــــــــــــــــــــ
اكيد مافي غير الدراسه انا اقولك ليش انت لاحظ ان الناس اذا مابينهم ميانه تحصلهم يتكلمون في مواضيع رسميه مثل الدراسه او الشغل
ارجو انكم فهمتوا قصدي
وقطو الميانه والزعل مرفوع:anger:
uae speed
01-06-2004, 09:43 PM
مراااحب :D
فكرتك حلوة زورو ... انا عندي موقف طوييييييييل و حلو .. بس ما ببتعد عن السيارات :D
مرة كنت مأجر ايكو لأن سيارتي كانت في الكراج ... المهم
كنت راجع البيت حوالي الساعه 12 بالليل ..
والشارع اللي امشي به فيه خطين ( سريع وبطيء ) ..
كنت امشي عادي وشوي ولا واحد عنده لومينا ss قاعد يخسس فيني
يعني ايي جنبي يدوس ويخف يدوس ويخف .. الظاهر يشوفني اسوق فايبر :D انا طبعا كنت في السيد السريع وهو على يميني في السيد البطيء .. انا اقول بلاه هذا .. ما عرف يستقوى الا على ايكو :( :D
قلت اوكى بدوس وياه just for fun ولعب يعني :D
جان ادوووووس وراعي اللومينا معاي ولا كأنه حاس ان في ريس :D
المهم تمينا على هالحال .. يتمصخر علي ويدق اشارة يمين ويسار ..
قلت انا براويه ...
كان في مجموعة شاحنات طوييييله جدامي تمشي على السيد اليمين .. حول العشرة يمكن ..!
نياااااهاهاها وجتني فكرة :corsair:
مشيت عادي لين ما كان الفرق بيني وبين الشاحنات عمود ونص ..
وهني عاد جان ادوووس و راعي اللومينا يدوس وياي ويتمصخر
وما يدري عن اللي في بالي :D
اول ما وصلت الشاحنات طبعا راعي اللومينا خفف سرعته ههههههههههههه جدامه شاحنات .. وانا مشيت في السيد مالي ..
راعي اللومينا مشى وراي وانا كنت جدامه والشاحنات على يميننا .. وهني عاد استهبلت عليه لين ما قلت بس .. دقيت اربع اشارات .. واخفف السرعه واسويله حركات ..
وربيعي طالع من الجامه يصاااارخ يقول ايكو راحت عن لومينا ههههههههههههه ونمشي على سرعة 60 كيلو بجانب الشاحنات
وسكرنا على راعي اللومينا ... مسكيييين اتخبل هههههههههه :D
بعد ما اتجاوزنا الشاحنات .. انا عطيته درب و داااااس :D
ولا شفته من هذاك اليوم :D
والسموحه طولت عليكم .. ابتسم انت في سوالف :D
علي عبدالله
02-06-2004, 05:32 PM
اذكر ايام كنت في الثانوية حصل لي موقف طريف في المطار واحنا كنا راجعين من الامارات وجايين للدوحة وكان في مجموعة من الاهل والاصدقاء موجودين للاستقبال وكان عمي الكبير واحد من الحضور
عموما لما رحنا نسلم عليهم توجهت انا في البداية الى عمي بحكم انه في اول الصف ولما وصلت كنت ابغى احب راسه لكنه فجأة راح حق الوالد وتركني احب الهوى :D :D (كنت بذوب من الاحراج)
طبعا بعض الاهل شافوا الموقف المحرج والى اليوم يعايروني فيه :D
اهم شي استروا علينا انتوا يا اعضاء السيارات ترا مثل هذي المواقف ممكن تحصل للجميع مب شرط انا بس http://www.kaznova.com/vb/images/smilies/newicon2/dogpile.gif
Dreams_Maker
02-06-2004, 07:27 PM
رد مقتبس من uae speed
مراااحب :D
فكرتك حلوة زورو ... انا عندي موقف طوييييييييل و حلو .. بس ما ببتعد عن السيارات :D
مرة كنت مأجر ايكو لأن سيارتي كانت في الكراج ... المهم
كنت راجع البيت حوالي الساعه 12 بالليل ..
والشارع اللي امشي به فيه خطين ( سريع وبطيء ) ..
كنت امشي عادي وشوي ولا واحد عنده لومينا ss قاعد يخسس فيني
يعني ايي جنبي يدوس ويخف يدوس ويخف .. الظاهر يشوفني اسوق فايبر :D انا طبعا كنت في السيد السريع وهو على يميني في السيد البطيء .. انا اقول بلاه هذا .. ما عرف يستقوى الا على ايكو :( :D
قلت اوكى بدوس وياه just for fun ولعب يعني :D
جان ادوووووس وراعي اللومينا معاي ولا كأنه حاس ان في ريس :D
المهم تمينا على هالحال .. يتمصخر علي ويدق اشارة يمين ويسار ..
قلت انا براويه ...
كان في مجموعة شاحنات طوييييله جدامي تمشي على السيد اليمين .. حول العشرة يمكن ..!
نياااااهاهاها وجتني فكرة :corsair:
مشيت عادي لين ما كان الفرق بيني وبين الشاحنات عمود ونص ..
وهني عاد جان ادوووس و راعي اللومينا يدوس وياي ويتمصخر
وما يدري عن اللي في بالي :D
اول ما وصلت الشاحنات طبعا راعي اللومينا خفف سرعته ههههههههههههه جدامه شاحنات .. وانا مشيت في السيد مالي ..
راعي اللومينا مشى وراي وانا كنت جدامه والشاحنات على يميننا .. وهني عاد استهبلت عليه لين ما قلت بس .. دقيت اربع اشارات .. واخفف السرعه واسويله حركات ..
وربيعي طالع من الجامه يصاااارخ يقول ايكو راحت عن لومينا ههههههههههههه ونمشي على سرعة 60 كيلو بجانب الشاحنات
وسكرنا على راعي اللومينا ... مسكيييين اتخبل هههههههههه :D
بعد ما اتجاوزنا الشاحنات .. انا عطيته درب و داااااس :D
ولا شفته من هذاك اليوم :D
والسموحه طولت عليكم .. ابتسم انت في سوالف :D
LoooooooooooooooooooooooooooL
صراحه حركه حلوووووووووووووووووووووووووه...وشيطانية بعد..:laugh:
================
الفجر mtr البعيد
والله يجوز أخوي...مع انهم الشغل الشاغل هالأيام...وحديث الشارع مثل مايقولون هو الـ إختبارات :mad:
وراح نقط الميانة طال عمرك..وانت اولهم :D