ظــلم ظـــلم لأبعد حــدود..!!

[الدكتور 15]

السلام عليكم ورحمة الله وبركاته

أكتشفت أمر جديد في حياتي وأنا أبلغ من العمر 19 عاما

أكتشفت بأن رجال الأمن هم ليسوا برجال أمن

أكتشفت بأن الضعيف في بداية الأمر يأكله القوي

أكتشفت بأن الثقه لا أسلمها لجميع الناس



بداية الأمر وبداية معاناتي كنت أقود السيارة في أحد شوارع الكورنيش...وفجأة أتت الشرطة من خلفي تريد إيقافي...

وأنا توقفت وذهبت الى رجل الامن ...

وقال لي :- رخصتك..!!

وقلت له : - تفضـل...

وقلت له :- ليش أنتم موقفيني ممكن أعرف السبب..!!

قال لي : - عليك تظليل خلفي...

وقلت له : - ياأخي الكريم انا امس ماخذ مخالفه على التظليل الخلفي ولا كملت 24 ساعه ممكن تعفيني من هذه المخالفه الثانيه..!!

قال لي : - ماراح أعفيك عن المخالفه الا إذا شلت التظليل قدامي..


وقلت له : - حاضر أشيل التظليل بس ماتعطيني مخالفه..


وقال لي :- طيب جيب استمارة السيارة...


ذهبت الى السيارة وقمت بإحضار الاستماره..وبعدها....


قال لي : - تدري شلون في ظابط مبلغ عنك وهو اللي موصيني عليك... تدري شلون...تعال وراي واوديك عند الظابط وإتفاهم معاه...


وقلت له : - حاضر..

وبعدها ذهبت خلف سيارة الشرطة بسيارتي ورجل الامن يمتلك رخصت قيادتي وإستمارة السيارة...

وطال المشوار الى ظابط الشرطة...

وفي لحظه أتفاجأ بأن رجل الامن يذهب بي الى (( الحجز ))...

وأتى لي وأنا متعجب وقال : - عطني مفتاح السياره نبغى نحجزها أسبوع..!!

قلت له : - بأي وجه حق أعطيك السياره وتحجزها وانت ماقلت لي وش الاسباب وين كلامك لي تقول بوديك عند ظابط الشرطه أنت تخدعني ولا تستغفلني...والله مااعطيك مفاتيح السياره لو تطير..!!

قال لي : - باخذ السياره غصبن عنك


قلت له : - أنت لو بتاخذها غصب عني أنا باخذها من فوق خشمك...!!

وتوجه إلى بإندفاع وأمسك بيدي وهو يحاول أخذ مفاتيح السياره وأنا أمسك مفاتيح السياره بيدي وبكل قوتي


الى ماوصلت المسألة الى تجريح اليد فأسقطت مفتاح السيارة في الارض وكلي قهر وإحساس بالظلم والإهانه

وقلت له : - الله يــلــ ***


وبعد ماتلفظت بهذه الكلمات قام بجري الى سيارة المرور وسحبي الى
(( التوقيف ))


وعندها أتى اليه صاحبه الذي يعمل في (( التوقيف ))

وقال له صاحبه : - وش عندك مع هذا..!!؟

رد عليه قائلاً : تلــفظ علـــي...!!


وبعدها وأنا كلي قهر وغضب رديت قائلاً : - بعــــد إيــش تلفظت علــيك...!!

بعد ماسحبتني للحجز وانت تقول لي بوديك عند ظابط تتفاهم معاه

بعد ماوافقت على كل شروطك عشان تعفيني من مخالفه

بعد ما تعاملت معك في بداية الامر بكل إحترام وأدب وضعف

تقوم تخدعني وتوديني الحجز...!!


وبعدها لم يهتم صاحبه الى كلامي...

وقام بإحضار ورقة لكتابة محضر...

وتم إخراجي بالكفالة..!!؟

وفي نهاية الامر ماذا حصل

سمعتي تشوهت أمام أصدقائي..أمام عائلتي أمام المجتمع..على شىء تافه...ولا أستحقه


أحسست بالظلم .... أحسست بالقهر

وأنا كنت فالبداية كلي فرح وسرور وبهجه عندما كنت أقود سيارتي في الكورنيش وأقضي لحظة فراغي...وبعدها حصل ماحصل (( ويقولون سياحة في المملكه أفضل ))


أي سياحة في المملكه أفضل...؟ وقد وحصل ماحصل لي وأنا في الكورنيش وفي مكان سياحي..!! .. وأساس المشكله تافه..!!

أي سياحة في المملكة أفضل..؟
وهم يقومون بسحبي من أقصى المدينه الى أقصاها بعد ما كنت أقضي وقتي في مكان سياحي..!! ...وأساس المشكله تافه..!!

تألمت كثيراً

وتأكدت بأن هناك أناس في رجال الأمن لا يستحقون بأن يكونوا رجال أمن

وتعلمت بأن لا أثق بكلام رجل الأمن نفسه ولامن أي شخص أخر..!!


وماأقول الا الله يصبرنا دام عندنا ناس بهالاشكال..

[X_RaYs]

والله شي يقهر .. بس وش نسوي !!؟

ما باليد حيله ..

الله يعينك

[A7medo]

ابتسم انت في السعودية

انت في ....:damp:

[Mr_CoRvEtTe]

صحيح قهر

[mecore_97]

ماقول الا

حسبنا الله ونعم الوكيل

[مسيطر]

ههههههههههه

مشي حالك اخوي

بالفعل شي يقهر

لكن بالله واحد تلاقي ماعنده الا الإبتدائية وش ترجي منه:Sad2:

تحياتي

[العمــ^_^ـــيد]

مسيطر انا معاك وجوابك 100%

[DodgE]

لا حول ولا قوه الا بالله

مدري شقول ولله ..........

[RED Chevy]

رد مقتبس من DodgE
لا حول ولا قوه الا بالله

مدري شقول ولله ..........

[حبوب بوظبي]

لا حول و لا قوة إلا بالله :headshak: :headshak: :headshak: :headshak:

:Sad2: :Sad2:

[rakboost]

لا تخاف من الشرطي

راوه العين الحمره شافاك ساكت عنه :anger:



:anger:

[HSV-V8]

بكل بساطة تقدر تقدم تظلم الى مدير عام المرور في منطقتك .. واكتب في معروضك اسم الشرطي الي حاول انتزاع المفتاح ... واذا تبي تكبر المسأله أكبر وأكبر رح للمستشفى وخلهم يسوون تقرير على الجرح الي في يدك .... صدقني الشرطي راح يتوقف عن العمل اول ما يقرون خطابك .... والطريقة هذي مجربة وناجحة ... لكن يمكن يعطونك مخالفة على التضليله و يوقفونك لتلفضك على رجل امن اثناء تاديه الواجب.


اخيراً اخوي كان الله في عونك .... بس عندي سؤال من جد قاهرني ... ايش دخل السياحة في الموضوع :blink:

[oil_HKS_lio]

انالله الله يعنيك اقسم بالله شي يقهر صدقت والله اي سياحه ذاك اليوم بعيني شفت شرطي موقف باترول من قطر يسوي حاله يقول ليه مركب الاريل طويل يقوله ياتعطيني اياه اصادره او تلحقني القسم اي سياحه هاذي؟؟؟:anger: وش قال غير جو

[أبوالزين]

الله يعينك أخوي. ويعين الجميع على هذولا الناس.:black:

[TOP-SECRET]

رد مقتبس من racing_guy
الله يعينك أخوي. ويعين الجميع على هذولا الناس.:black:

[Corvette_Stingray]

كل مؤمن مبتلي يا خوي إصبر على هل أمور ولك الأجر ان شاء الله ..

ويقول الله تعالى لدعوة المظلوم : لأنصرنك ولو بعد حين

فقل حسب الله ونعم الوكيل على هؤلاء

[SS_Z06]

:black:






















































:anger:

[bahrainlove]

الله يعينك يا خوي

[MuGeN]

أخوي إحنا بعد المفروض نتجنب الشر ...

و لمعلوماتك أخوي Oil .. ترى الإيريل الكبير ممنوع :think:

[AMG]

الله يعينكم :headshak:

[مجنون بورش]

الله يعينك على مصيبتك
لكن نصيحة روح اشتكي عليه عند رئيس القسم حقه
واذا ما اعطاك حقك شوف اللي اكبر منه
لانه زي الكلاب هذي المفروض ما تقعد في المرور لانهم شوهوا المرور
انا اكره المرور كره لحد الموت:mad: :mad: :mad:
يعني ممكن امشي مع واحد مو مسلم ولا امشي مع واحد من كلاب المرور
لاني انا برضه عانيت معاهم ومع امن الطرق
بس امن الطرق لمن اشتكيت على رئيسهم انصفني وجاب العسكري واعتذر مني
لكن المرور لنا الله:mad: :mad: :mad:
وانا عمري 18:cry:

[السائق المثالي]

اخوي خذ مني كلام مابتندم بعده ابد
اول ما تقرأ ردي روح للمستشفى ولو مستشفى خاص وخلهم يكتبوا لك تقرير وأنك تضررت من تصرف هذا الشرطي السفيه القذر بعدين روح للمحكمة اللي بالمدينة اللي انت ساكن فيها واكيد اي محكمة بتشوف عنها ناس تكتب معاريض شوف لك واحد منهم اعطيه 100 ريال وهو بيكتب لك كل اللي تبغاه يكتبه وباسلوب مؤثر جدا جدا جدا بعد كذا روح لمكتب جريدة الاقتصادية واعطيهم الخطاب واطلب منهم ان ينصفوك وصدقني اذا نشروةا معاناتك غير تقلب الدنيا عليهم قلب بس أهم شيء بالموضوع انك تكون متذكر اسم الشرطي.

[comondor--GTSR]

هذا لو لقاله واحد واصل كان شوي ويبوس رجوله

[E_TYPE]

:anger: :anger: كل شئ جايز منهم :anger: :anger: ناس ماتفهم :anger::anger:

[Corvette_Stingray]

السائق المثالي انا معاك ..:banana:

[الثلج الأبيض]

صير مثلي أخوي


العجرة علطول في السيارة

لو أكبر شنب في المرور أعطيه القاز وأمشي عنه :corsair:

[الدكتور 15]

السلام عليكم ورحمة الله وبركاته

مشكورين أخواني على ردودكم وتفاعلكم معي..


لــكن أكتشفت شىء جديد...!!


ذهبت اليوم الى قسم المرور لأكمال إجرائات إخراج السياره من الحجز..


وبعدها في قسم المرور ..رأيت الشخص (( رجل الامن )) الذي قام بحجز سيارتي وتعامله السىء معي..رأيته بالزي المدني وهو مرتبك..!!؟

وحالته غير طبيعيه..؟

ويلتفت الى زملائه في العمل كثيراً ويذهب إليهم ويترجاهم..؟

تعجبت من حاله...!!

وذهبت وسألت أحد زملائه في العمل

وقلت له : - وش قصة هالرجال وش فيه مرتكب وخايف..؟

قال لي : - وأنت وش يهمك..؟

وقلت له : - لأن هذا الشخص سبب لي مشكله وغلط بحقي

قال لي : - أها عشان كذا..

قلت له : - ايه

قال لي : - شوف هذا الرجال مسكين..!! حالته صعبه..!!..وهو خايف الان لأنه عمل مخالفه في عمله وغلط على مواطن..

قلت له : - طيب وهو غلط معي أنا بعد بس ماأحد أهتم لأمري...طيب اللحين وش فيه هالرجال راعي مشاكل وهو في الامن..؟؟

قال لي : - هذا الرجال قصته قصه...كان يشتغل اول عندنا من فتره بالمرور وكان معه دباب...ومره من المرات طاح من الدباب وجاته خبطه في راسه قعدته في غيبوبه...وبعد ماقام من الغيبوبه الرجال صار يضـيـع كثير..ويقول كلام ويغيره بعد فتره.. وصار يغلط على الناس ويغالط زملائه في العمل


قلت له : - طيب ليش أنتم موظفينه مادام حالته كذا..؟

قال لي : - رأفتاً في حاله..؟

قلت له : - شلون...؟

قال لي : - هو وحيد أهله و ماعندهم الا الله ثم هو فعشان كذا موظفينه..!!


====


لو كان مريض فعلاً فالله يشافيه...


هل نلوم هذا الشخص رجل الامن البسيط..؟؟

أو نلوم الأدارة التي ألبسته شعار الامن والمرور..؟؟


====


أنا بغيت أكلم الظابط وأزيد على العسكري الطين بله وأقول له وش صار معي وكيف تعامل معي هذا العسكري...

بــس يوم دريت أنه مريض..!!

تراجعت عن قراري..

وما أقــول الا الله يــشفيه .. ومو الشرهه عليه الشرهه على اللي وظفوه


===


والحمدالله طلعت السيارة بكل يسر وسهوله وتمت معاملتي بكل إحترام وأدب من إتجاه رجال الامن الاخرين..

وحتى جزاهم الله خير مسحوا المحضر اللي كتبه العسكري (( المريض ))

وسلموا لي السياره وتعذروا لي..

وانا صراحه طاب خاطري..


بس والله حرام عليهم أنهم يوظفون ناس مثل هالاشكال..!!


وشكراً

[Chever4ever]

السلام عليكم ورحمة الله وبركاته
اللهم صلي على محمد وآل محمد
جزاك الله خير أخي الكريم في موضوعك المثير عموماً مانبي نتلكم كثير عن المهزلة الي صايرة عندنا وخصوصاً من رجال الأمن السعودي ولا غيرها من الدوائر الحكومية عموماً أخوي وبأختصار كبير مهما عملت من حسن نيه في تعاملك مع رجال الأمن تظل أنت حثاله عنده قسماً بالله العلي العظيم أذكر موقف قاله الي صاحبي وهو عنده موستانج موديل 94 والله العظيم الرجال ماعنده يسدد قيمة المخالفات الي عليه والله يمكن عليه الأن حوالي 15.000 الف ريال ومع تخفيض المخالفات بعد عموماً ندخل في صلب الموضوع تعرف في مرة من المرات هذا خويي قسماُ بالله العلي العظيم بالرغم انه عنده موستانج الأ أنه لا يتعدى سرعه 80 ك/س تخيل في هذا الزمن تلاقي أشخاص من هذا النوع عنده سيارة مثل هذه ورياضيه وما يسرع فيها أكيد لا عموماً الي حصل أنه كان جاي عند نقطة التفتيش الي حصل بالضبط انه عطوه مخالف سرعه وتظيل الرجال ماسكت عنهم مخالفة تظليل طيب بس سرعه لا و الله ماسكت عنهم الي حصل انه الرجال يحاول يتناقش معاهم وفعلاً حصل النقاش ولكن نقاش غير هادف مثل مايقولون يعني دخلوا في صلب الموضوع عموماً كلمه منه وكلمه من العسكري الغبي وكلمة من العسكري الثاني عموماً وصلوا في النقاش روح أجلس في سيارتك وحنا نتشاور نفكك ولا ما نفكك عموماً بغيتهم حصلت أنه يترجاهم ولكن بقصد الأهانه له والرجال حاول يمين يسار عموماً :anger: طفش منهم وقسماً بالله رد عليه بكلام خلى شعر راسهم يشيب من كلامه الي خلالهم يتنرفزون منه وقاله بالبنط العريق أنا أعرف أنك تبوني أترجاكم لكن والله العظيم انتون ماتعرفون كيف حتى تكتبون أساميكم على ورقة بيضه :D هما هنا :black: :black: تنرفزوا منه وعطوه قسيمة أشتراك عند الدولة بعد ما سمعهم كلام الله لا يراويكم شرشحهم تشرشح تعرفون ويش عمل لهم قالهم أنا أدري أنكم تبغوني أروح لكم أترجاكم وأشوي أبوس رجايلكم وقالهم مافي أمل تحصلون على مرادكم مني وأعرفكم تبغوني مثل الحمار والقراء والسامع بكرامة أروح لكم يمين شمال روح حق فلان وتعال حق فلان اذا فكك فلان أنا بفكك ليش كرة قدم هي علشان تلعبون فيه يمين يسار والله عليهم مقالب تشيب الراس لكن ما أقول الا حسبي الله ونعم الوكيل والله حسيبهم يوم القيامة ناس كيف تتعامل معاه بقر الله يكرمكم والله :black:

[!!!]

زين انك لقيته مريض وطاب خاطرك

غيرك الى الحين مقهور وماطاب خاطره


قبل اسبوعين في جدة حصل موقف مو طبيعي لي مع بزر مرور مو رجل مرور

ما ابغى أنكد عليكم لانه بصراحة سالفة ترفع الضغط والسكر والقولون وكل شي


حسبي الله على الظالم منهم بس


وبيني بينك 99,999999% منهم ظالمين ومتخلفين وحاقدين على الشباب وخاصه لما تطلع تتمشى وهو عنده استلام ومرابط في الشارع
!!



والله يعين بس
:o

[Third Eye]

يا كثر المواقف السخيفة منهم

والله أنا صار موقف قريب من موقفك كل ما اتذكره والله يجبلي الحزن والكآبة...

في واحد صاحبي عنده كمارو اتهموه بأنه كان يفحط في محطة المنار

مع أنو الرجال هادى ولادعس ولا شي

المهم شالوا سيارته الحجز!

[ABD 911]

جزاهم الله خير ..

والحمدلله إنها طلعت حالة إستثنائية لا أكثر ..

ABD 911

[مجنون بورش]

اخويABD 911

مهي حالة استثنائية
مع كل الشباب بتحصل ولا كل العساكر طاحوا من دباب:anger:

[Third Eye]

رد مقتبس من مجنون بورش
اخويABD 911

مهي حالة استثنائية
مع كل الشباب بتحصل ولا كل العساكر طاحوا من دباب:anger:

:laugh: :laugh: :laugh: :laugh: