سوال بخصوص تحويل السكان من يمين ليسار ؟؟؟؟عسى من يفدينا من الاخوان

[فرو]

السلام عليكم ورحمة الله اخواني :)


عندي اسنفسار لمن عنده إلمام بهل الامور لاني ناوي اخذ انشاءلله لكزس ال اس 400 وارد ياباني وبغيت احواله الي مقود يسار فمادري هل حد يقدر يفيدني والتحويل هل يظبط يعني من ناحية عمل الكهرباء والمحرك والبوكس حقت الاسترنج لاني سمعت انه شوي معقد طبلونه 400 ومكن تظهر مشاكل مستقبليه اذا ماكانت فوريه .

والسيارات اانا من معارض دبي شفتهن وماشاءلله عليهن بعض منهن نظافه في البدي و المحرك .



فلا تبخلوا علينا بالردود عاد هاي ثاني مشاركة لي في قسم السيارات


:) :) :)


تحياتي

[grandv8]

السلام عليكم ورحمة الله وبركاته

هلا اخوي فرو
هلا بك ومرحبابك معانا

بالنسبة لتبديل سكان لكزس يكلف حسب قطع الغيار الي يتم استبداله من :
طبلون كامل داشبورت
استرينغ
قطع المكيف
نقل مكان دواسة البترول والفرامل
كمبيوتر يتغير
شغلات كهربائية.

انت قبل ماتحول او تشترى شي ورش عند دوكامز دبي اسأل اي مكيانيكي بيخبرك وكم التكلفة بتكلف،والتكلفة ااظن للكزس اكثر من 10 الف او اقل شوي.

ممكن شباب بعد يفيدونك اكثر.

تحياتي لك
:)

[lumina]

اقولك اخوي تأكد قبل ماتاخذ اي سيارة لأنه اي سيارة تاخذها سكان يمين وتحولها يسار ماتقدر تسجلها يقولون هناك قرار إتحادي بعدم تسجيل اي سيارة محولة من هذه الفترة فياريت اخوي تستفسر قبل وانا بستفسر بعد عن هذا الموضوع بس انا متأكد 80 % من هذا القرار لأنه ربيعي عندك لكزس LS400 ويحوله الحين وهو متبهدل مب عارف شو يسوي في تسجيله بعد مابيطلع ....:OO:

[فرو]

هلا بأخي grandv8 :)

انا مريت على الورش الي بجنب الجمارك الي بدبي في العوير بس اسعارهم بالغلا والجلا (يعتمد على قطع سكراب خليجي ويقولك من الوكاله السمان) وصلن اسعارهم تفريبا 16000 والثاني قال 14000 والثالث بعد ضرابه 10000 ويقولوا يضمنوا الفحص مال ابوظبي اذا رجعوها بسب التركيب .وهني مربط الفرس تسمع كثير من الكلام عند الشباب انها تسجل عادي وتقدر تسجلها سنة بعد في ام القوين كما الحاصل الحين كسكان يمين ومكثرهن داخل العين ؟؟؟؟؟:shock2: وكله جياتي :blink: وسئلت عن كراج في البريمي يبدلهن ويعطيني ضمان الفحص والتسجيل لابوظبي ب 6000 درهم وشفت عنده كم وحده مرتبنهن صراحه يعني ما تنعرف انا الطبلون مبدل والحين باقي اتاكد من سالفة الفحص بس




هلا بأخوي راعي lumina :)


هي السالفة انا الحين ربشتني اكثر عن التحويل وبسال المرور لانه السيارة بتكون استوفت شروط المواصفات المطلوبه للتسجيل يعني المفروض مافي اي اشكال من هالناحية .(مع انه حرام شكله وهي سكان يمين ترتوب بس القوانين ما تساعد هني :cry: ) والوارد تحس في مواصفات اكثر من الخليجي (سعر غالي وبدون جودة ولا مواصفات) وانظف وسمعت الشباب يقولوا انها اقتصاديه في استهلاك البترول مو زي الخليجي لازم تخلي وراك محطة بترو ل وين ما تسير :glasses2:
لومينا سيارة حلوة عندي وحده موديل 2000 LTZ اقتصاديه كانت بس الحين مادري شو حل فيها قامت صرفيتها تزيد مع انه دايم اعملها صيانه (ياليت احصل من يعرف يصين سيارة امريكيه في العين كلهن اربع كرجات ونصب بيزه عندهم والسيارة تطلع بسبعن عله غير الي فيها من وراهم والوكاله من زمان غاسل اايدي منها )




مشكورين اخواني على مروركم وردودكم الحلوه وبارك الله فيكم :)