تتوقعون كم تكلف سيارتي بعد الحادث(صور)

[M.A.M]

السلام عليكم ورحمة الله وبركاته
اخواني انا صار لي حادث والحمدلله جت سليمة وجاني بعض الرضوض الخفيفة والله يبعد عنكم شر الحوادث ... المهم ياشباب انا ابحط صور للسيارة وياليت الاخوان اصحاب الخبرة يفيدوني هل السيارة تتصلح وترجع مثل اول وتتوقعون كم تكلف ؟؟ واذا ماكانت تتصلح او كانت مكلفة مرة تتوقعون قيمتها لو ابيعها في التشليح ؟؟

http://dky123.jeeran.com/crash2.JPG
http://dky123.jeeran.com/crash1.JPG
http://dky123.jeeran.com/crash.JPG

ابي منكم النصيحة يااخواني
ومشكورين مقدماً والله يكفيكم شر الحوادث ان شاء الله

[A7medo]

اقل شي 9000 ريال

[عاشق الاكورد]

الحمدلله على السلامه اخوي m.a.m

وانشالله ماتشووف شر

وبصراحه الحادث قووي والايرباق طالع

والهوندى بشكل عام قطع غيارها نااااار غالي

وانا انصحك انك تبيعها عشان ماتخسر فيها واجد

واذا تبي تصلحها الله يعينك عليها اسئل مجرب

وتحياتي...

[-X-]

السلام عليكم ورحمة الله وبركاته


الحمد لله على سلامتك والله ماتوقعت ان السيارة تكسرت زي كذا

انا اشوف انك تبيعها وتريح نفسك ومعوض خير انشاء الله
بس لية الجنط الي ورا رايح فيها كذا ؟

[M.A.M]

A7medo
شكراً على مرورك
=============
عاشق الاكورد
الله يسلمك ويعافيك والشر مايجيك ان شاء الله
ووالله اني متردد والله يكتب اللي فيه الخير
==========================
-X-
الله يسلمك ويعافيك ياخوي
والله اني متررد لكن الله يكتب اللي فيه الخير ويعوضني ان شاء الله
وبالنسبة للجنط ماجاه شي لكن الكفر نفسه مع الجنط انعكف ومدري صراحة وش الشي اللي يمسك الكفر اللي ورا الظاهر انه المقص وهو انعكف بسبب الرصيف لان الرصيف كبير

ومشكورين وبانتظار باقي الاخوان
تحياتي للجميع

[TOP-SECRET]

رد مقتبس من عاشق الاكورد
الحمدلله على السلامه اخوي m.a.m

وانشالله ماتشووف شر

وبصراحه الحادث قووي والايرباق طالع

والهوندى بشكل عام قطع غيارها نااااار غالي

وانا انصحك انك تبيعها عشان ماتخسر فيها واجد

واذا تبي تصلحها الله يعينك عليها اسئل مجرب

وتحياتي...

[STS4ever]

الحمد لله على السلامه اخوي والله يعوضك

حبيبي انت شغلتك بسيطه خاصه ان الشاص ماجاه شي اللي واضح في الصوره الثانيه فانت حاول تخلي الصاجات الداخليه وكل الشغل الداخلي سمكره بدون اي تغيير ( اشترط على الورشه اللي بتدخلها فيها ) واذا هامك المنظر الخارجي كثير للسياره حاول تلاقي الكبوت والرفرف والصدام والشمعه تشليح على العموم اتوقع تكلف 6000 شامل شغل الورشه والقطع وكل شي
وانا ضد انك تبيع السياره وهي مصدومه لان تعرف السعر بيطيح كثير لاكن اذا ملزم تبيع صلح اي كلام خل كل الشغل سمكره وبيع بعدها وبكذا على الاقل بتجيب قيمه معقوله لاكن تبيعها في هالحاله اتوقع التشاليح مابيرحمونك واسف على الاطاله لاكن حبيت اقدم اللي اقدر عليه لمساعدتك وماتشوف شر

سلام

[560SEL]

اول شي حمد لله على السلامة .. وما تشوف شر ..

بالنسبة للسيارة .. يؤسفني اني اقولك انها بتكلفك .. شغل اي كلام ولا شغل مظبوط بتكلفك ..وانا ما ودي اقول كذا ..
بس الصراحة زينة ..

عندك الشمعة ( على ما اذكر ) كانت بـ 1000 ريال ... بس اكيد خفضوها ..
المساعد الامامي يمين اكيد ظرب ..
الصدام يبغاله تغيير ( مع انك تقدر تصلحة عند الفيبر قلاس )
الكبوت تغيير
الرفرف كذلك ..
والكفر اللي ورا مدري بعد وش يبغاله
.. واذا تبي تركب ايرباق جديد ... الله يعينك .. اذا ايرباق الكامري القديمة بـ 6000 ريال .. فما بالك بالهوندا..
طبعا وفيه حاجات داخل الكبوت اكيد تضررت
هذا غير شغل اليد .. اتوقع بين 2000-3500

تقريبا المجموع .. 8000-11000 ريال

وانصحك تجيب قطع البودي من التشليح ..

والله يعينك .. وانشالله انها آخر المصايب ..



آسف على الاطالة



سلاااام

[WRX]

السلام عليكم ورحمة الله وبركاته

اول شئ الف الحمد لله على السلامة

بس الصراحة ماودي اضيق صدرك لاكن زي ماقال اخوي 560SELالسياره بتكلف واااااااجد

بصراحة ما ادري كيف قطع سيارتك اذا زي السوباروا او اغلى انا اتوقع أنها حا تكلف فوق 25 او 30حتى:(

عموما انت كذا ولا كذا لازم تمر على الورش ويسولوك تقدير همة....

[560SEL]

لالالالالالالا

بتكلف ياخوي ..

فوق الـ15000 ريال
:(

[شيخ الشباب]

وعليكم السلام ورحمة الله وبركاته

الحمدلله على السلامة M.A.M

شف أنا معي أكورد زي حقتك وصادم فيها مرتين .. بس الحمدلله عليها تأمين شامل وكله في الوكالة

على أسعار الوكالة .. بتكلفك أكثر من عشرين ألف

إذا ما كنت مأمن .. نصيحة بعها .. لأنك بتدفع قد قيمتها تقريبا تصليح (رأي شخصي)

وإذا ملزم تصلحها .. ادفع الفرق ودخلها الوكالة .. بصراحة شغل عبدالله هاشم نظييييييييييف .. والله ترجع سيارتي كنها جديدة

560 SEL :

الشمعة خفضوها صار سعرها 600 بعد ما كانت حول الألف :)

[يا هاجسي]

قبل كل شئ.. الحمد لله على سلامتك

وزين إنها جت في الحديد

وأنت طلعت منها سالم غانم..

ثاني شئ.. وبصراحة.. لا تتوقع الكثير.. لأن إصلاحها بيكلف كثير..

الأهم إنك تتخلص منها الآن..

وتتعظ من اللي حصل.. يعني على الأقل تدير بالك على نفسك..

:o

وشكراً.. :banana:

[bashar_255]

صلح و بيع :think:

[Nas]

:OO: :OO: :OO:

الحمد لله على سلامتك أخوي M.A.M

الحديد يتعوض أهم شيء أنك انته بخير.

ياخي وينك مختفي و ما تبين ولا لا لك مشاركات ولا ردود من زمان. :sleep: :sleep:

[cruiser2000]

السلام عليكم ورحمة الله وبركاته



الحمدلله على السلامة وان شاء الله يكون اخر حادث لك


انا عندي فكرة

شرايك تشوف القطع المتعورة في سيارتك وتدور عليها في التشاليح واحسب القيمةالاجالية

طبعا الشمعه الامامية لازم تشتريها

شوف المجموع كله
اذا كان فوق ال 10 الاف

سمكرها وبيعها

اما اذا كان رخيص جدا

صلحها وتوكل على الله



هذي مجرد فكرة
شرايكم ؟

اخوكم
خالد

[فتى اللومينا]

حمد الله علاى السلامة

و بالنسبة الى التصليح ما اعتقد ينفع لك انك تصلح الى ادا السيارة مؤمنة

لان القطع الي متعورة في السيارة غالية مرره خاصه انه الاير باق لا يقل سعر الاثنين عن 10 الاف ريال

و ادرعة السياره و الجوانبين و العكوس و و و ..... الشمعة الامامية بـ 500 ريال اخوي عنده اكورد فـ عندي خبره بالاسعار و الكبوت بـ 1200 تقريبا و الرفارف بـ 600 الى الواحد و الصدام التجاري بـ 100 و الاصلي بـ 700 .

ادا تبغا تشلح انت شلحها لان التشليح بياخدها من عندك رخيصة و الهوندا ما تتحصل في التشليح الى قليل

انت تقدر تبيع المكينة و القير و اشياء ثانية كثير فشلحها انت احسن من انك تعطيها تشليح

[العمده]

Mا اقول غيـــــــــــــــــــــــــــــــــــــــــــــــر حمدلله على سلامتك والله يعينك في السيارة




:cry: :cry: :cry: :cry: :cry: :cry: :cry:







NEZO007@HOTMAIL.COM

[العمده]

Mا اقول غيـــــــــــــــــــــــــــــــــــــــــــــــر حمدلله على سلامتك والله يعينك في السيارةوالحمدلله على كل شئ

((قل لن يصيبنا الا ما كتب الله لنا))

ياM.A.M

:( :( :( :( :( :( :( :(





NEZO007@HOTMAIL.COM

[الأنصاري]

طبعا صعب تصلح السيارة تصليح نظيف لأن بكلفك كثييييييير خاصة ان السيارة هوندا والمعروف ان قطع الغيار ناااااااااااااااااااااار

انصحك تسمكر كل شئ يتسمكر والي مايتسمكر خذة من التشليح

والأشياء الثانية ركبها تجاري

بعدها بيع السيارة

لوبعتها تشليح ماراح تجيب حتى قيمة تصليحها
صلحها وبيعها

والله يعينك

[loolicpolic]

رد مقتبس من بوعبود
طبعا صعب تصلح السيارة تصليح نظيف لأن بكلفك كثييييييير خاصة ان السيارة هوندا والمعروف ان قطع الغيار ناااااااااااااااااااااار

انصحك تسمكر كل شئ يتسمكر والي مايتسمكر خذة من التشليح

والأشياء الثانية ركبها تجاري

بعدها بيع السيارة

لوبعتها تشليح ماراح تجيب حتى قيمة تصليحها
صلحها وبيعها

والله يعينك

وألف حمدا لله على سلامتك..

تحياتي..

[SS_Z06]

حمد لله على سلامتك



اما تصلحها وتاخذ لها كل شي تجاري وعلى طول اتبيعها
او تبيع كل قطعة بروحا وانت وفنك في البيع



(الله يساعدك على مصيبتك)

[عين الفهد]

الحمدلله على سلامتك اخوي M.A.M واتوقع راح تكلف فوق 25,000 ريال بالراحه واذا تريد نصيحتي واسال خبير ماترجع السياره بعد التصليح مثل ماكانت ونصيحتي لو كان سعرها فوق قيمة التصليح وممكن تحصل ربح فيها صل استخاره وصلح وبيع


وماتشوف شر (في الحديد ولافي الروح)

:)

[ACCORD-VETIC]

الحمد لله على سلامتك أخوي و لا تشوف شر
بالنسبة لسيارتك فسوف أعطيك هذه النصيحة
لقد حدث لي حادث مقارب نوعا ما الا أنه كان في الجانب الأيمن الأمامي من السيارة و سيارتي نفس سيارتك و لقد خرج علي الأيرباق و غيرت المساعدات الامامية كامة مع الجنط و المصباح الامامي و ايضا الصدام الامامي و لحسن الحظ فسيارتي مؤمنة ولقد أدخلت سيارتي الى عالم السيارات على طريق الخبر و الحمد لله كلفتني السيارة 15 ألف ريال بدون ترجيع للايرباق لأن ترجيعه لوحده يكلف 9000 ريال وتم اصلاح السيارة في خلال ثلاثة أسايع و كل شي عليهم و ما شاء الله رجعت السيارة أفضل من السابق ........ هذا اذا كنت مؤمن على السيارة
و اذا اردت ان تستفسر عن اي شي او ان تهاتفني ارسل الي

[M.A.M]

اشكر جميع من شارك والله يسلمكم كلكم ويكفيكم شر الحوادث ويبعدكم عنها وصراحة والله انكم اخجلتوني بردودكم لاني مااقدر اوفيكم حقكم وصراحة هذا شي مو غريب عليكم ومن عوايدكم
ومشكورين مرة ثانية وانا ان شاء الله اني ابستفيد من نصايحكم هذي والله يكتب اللي فيه الخير
تحياتي وتقديري لكل من شارك وهنأني بالسلامة
تحياتي للجميع

[zezo]

الحمدلله على السلامه اخوي MAM ما تشوف شر الله يعينك اخوي


بالتوفيق

[M.A.M]

الله يسلمك اخوي zezo والشر مايجيك ان شاء الله
واشكر جميع من شارك بالموضوع
تحياتي للجميع

[922]

الحمد لله على السلامة

((قل لن يصيبنا الا ما كتب الله لنا))


وماتدري يمكن خيره :p

[M.A.M]

الله يسلمك اخوي 902 ويكفيك شر الحوادث
والحمدلله على قضاء الله وقدره خيره وشره
تحياتي

[danjrous911]

السلام عليكم ورحمة الله وبركاته
انا اشوف تبيعها احسن واذا تبي اشوفلك مشتري ممكن
زالحمد لله على السلامه
بس انتبه تصلح السياره انتبه:shock2: :shock2: :anger:
:headshak: :headshak: :headshak: :( :( :( :mad: :mad: :mad:

[M.A.M]

اخوي danjrous911 الله يسلمك حبيبي ويكفيك شر الحوادث
وعلى العموم انا ابرسل لك رقم جوالي برسالة خاصة واذا حصلت احد ناوي يشتري خله يكلمني على الجوال وانا من الرياض وترا السيارة بيني وبينك تنفع للتشليح لان كل شي فيها سليم ماعدا الجهة الامامية اليمنى والكفر الخلفي مايل بسبب الرصيف يعني بالعربي اللي تضرر من البودي هو الصدام والكبوت والرفرف الايمن لكن من جوا صراحة ماادري لازم يشوفها واحد يعرف

تحياتي ..

[ACCORD-V6]

الصراحة
والصراحة المؤلمة

اذا صلحتها بتكلف عليك واجد

واذا بعتها تشليح
بيكسرون عليك القيمة
مااظن تجيبلك اكثر من 7 الاف اذا مب اقل

تصليح وبيعها هو الافضل
بس اهم شي ماتغش اللي بيشتريها

وان شاء الله تكون اخر المصائب
والحمد لله على السلامة..

[Strange Impala]

حمد لله على سلامتك اخوي

بالنسبه للسياره اتوقع اذا كنت بتصلحها من عندك بتكون مكلفه خاصه ان الارباق طلع

خذها نصيحه وفكر بالبيع

وحمدلله على سلامتك مرة ثانيه

[M.A.M]

ACCORD-V6
والله فعلاً الصراحة مؤلمة في بعض الأحيان ولكنها مفيدة
وانا ودي اعرف وش الاشياء اللي صارت لها غير البودي يعني اللي تحت الكبوت والكفرات وهل الشاصي سليم ولا وهي الصراحة يبغى لها تفرغ كامل ودوخة راس والله يعين ويكتب اللي فيه الخير ومشكور يااخوي على نصايحك واهتمامك
=============================================
Strange Impala
الله يسلمك اخوي ويكفيك شر الحوادث
والله يكتب اللي فيه الخير ان شاء الله


تحياتي للجميع

[B4_STI]

اول شي حمدالله على السلامه وبعدين في الحديد ولا فيك ثاني شي مدام هوندا اتوقع تصليحها غالي وماعتقد انك ادا صلحتها راح ترجع زي ماكانت وخصوصا الضربه جات من الواجه على العموم ادا ناوي تبيعها لتشليح انصحك ادا انتا في جده تبيعها للتشليح النهدي ممكن يعطيك اعلى سعر والله يعوض عليك.

[M.A.M]

مشكور اخوي B4_STI والله يسلمك ويكفيك شر الحوادث
وللاسف انا من الرياض .. على العموم انا عندي احساس ان الهوندا مرغوبة في جدة اكثر من الرياض واتوقع لو ابيعها تشليح في جدة بتجيب لي سعر احسن من الرياض .. الله يكتب اللي فيه الخير
تحياتي للجميع

[MR.FOCUS]

اول شي الحمد الله على السلامة و خطاك السمو ...


و المهم بالحديد ولا فيك ...:m:


من خلال نظرة سريعة أتوقع تكلفك تقريبا 18000 ريال :think:






و الله يعوضك خير