View Full Version : معاني لوحات السيارات في المملكة العربية السعودية
cruiser2000
19-08-2004, 04:03 PM
بسم الله الرحمن الرحيم
السلام عليكم ورحمة الله وبركاته
معاني لوحات السيارات في المملكه العربيه السعوديه
ع س ل <======= طبعاً اعضاء ومشرفين ومراقبين منتديات سوالف
ك ح هـ 000 >>>> اقرب مستشفى لو سمحت
ع ط س000>>> يرحمك الله
ط ر ب 000>>> فر قه شعبيه لجميع الافراح
ق ل م 000>>> حبر ولا رصاص
ج ر ب000 >>> انتبهوا لايعديكم
ا ح ب 000 >>>>> الله يعيينك
ج ب ن 000>>>> سياره توصيل طلبات لمطعم اتصل نصل0
ل ب ن 000 >>> صافي ولا مراعي يمدحون البان ندى
ب ك س 000>>>> ياروحي يانسيم حميد
ع س ى 000>>> سياره مدرس قواعد لغه عربيه على فكره يدرس خصوصي
ض ر ب / ج م ع / ط ر ح 000 >>>> سيارات مدرسين رياضيات بس مزحوم جدولهم
ق م ر 000>>>>> احسن لوحه موجوده ولا لا؟؟؟؟
أ هـ ب 000>>>>> يعني عيان ...عينه حارة !!!!
أ م ل 000>>> الله يكون بعونه لانه زوجته راح تغير هاللوحة !!!
ز ع ل 000>>>>>> طق راسك بالجدار !!!!!
د ح ب 000>>>>>> لا هزار
ف و ل < ========= بالخلطه السعوديه ولا المصريه
س م ك <======== سمك صافي .. ينم أحلى
منقوووووووووووووووووووووووووول
اخوكم
كروزر2000
:D :D :D
بس ودي اعرف منو هالمفكر اللي طرح هالفكرة .. يعني لو كود واحد راح اتكون افضل عن 3 حروووف!!!
SLR
Dr cars
19-08-2004, 04:18 PM
:laugh: :laugh: :laugh: رهيبة أخي....
أضيفلك
د ل ع<<<< ربنا يستر علينا منه:D
R32 HPA
19-08-2004, 04:29 PM
ماشاء الله عليه اللي مسويها مروق المانجا وشكله فاضي بس رهيبة :D
مشكور
SVT-COBRA
19-08-2004, 04:33 PM
بسم الله الرحمن الرحيم
السلام عليكم ورحمة الله وبركاته
ق ب ق = قم بس قم :D
BLACK-ICE
19-08-2004, 05:47 PM
فكره الحروف ماهي كويسه
الحين الاجنبي مايعرف لوحه سيارته:headshak:
أكييييييييييييد.. مشكلة من جد.. يخلونها إنجليزي وأرقام أصرف :D
بس بعدين يقولون تشبه بالغرب>>>> ما تعرفهم ربعنا معقدين :p
سلام :banana:
لون الليل
20-08-2004, 03:58 AM
هههههههههههههههههههههههههه
حد عنده ق م ر 014 للبيع :D
اللي يخلي اللوحات اللي عندنا .. أحمر - أزرق - أخضر - رمادي - آخضر غامج = تكسي :D
اشكرك عزيزي خالد :glasses2:
ابداع2004
20-08-2004, 06:59 AM
والله لوتتغير هذي اللوايح اصرف ترى مالها معاني والقهر الكل يقدر ياخذ رقم مميز اللي يسوى واللي مايسوى الله يرحم اللوايح القديمه على الاقل فيها خصوصيه
تحياتي محمد الهاجري
cruiser2000
20-08-2004, 02:34 PM
السلام عليكم ورحمة الله وبركاته
مشكووووووووووووورين اخواني كلكم على الرد
لكن انا كان لي غرض من طرح الموضوع هذا
صدقوني حد من الشباب يروح تفكيره بعيد
يعني شوفوا ثلاث حروف ما يقدر يطلع كلمات مب زينة
انتوا فاهمين قصدي
يا ليت لو تشوفون حل
نحن في الامارات حاطين مجرد 5 ارقام كحد اقصى
واما المييز يكون بالالوان
احمر اخضر رمادي وازرق
في العين وابوظبي
اما دبي انتوا تعرفون ارقامها كيف
بس صراحة مع احترامي الشديد لاخواني في السعودية انا
والله خايف من اليوم اللي يحضر فيه انسان يحط رقم لوحته
ثلاث حروف يكونن كلمة وحشة
وما اكثرهن
مثال بسيط
ك ف ر = بتقولولي بمعنى الكفر اللي هو التاير او الرنج
لكن حد تفكره يروح بعيد
ويقول هذا راعيه كافر
وكل احد وتفكيره
لكن صدق انا مهتم بالارقام هذي وايد وخايف
ع ن ز
ت ي س
ك ب ش
كلمات والله مشكلة بتصير
يعني لو تحطون لون معين يدل على كل منطقة يكون احسن والله
والاجانب بعد بيفهمونها حتى لو الارقام عربي ففقط بس يخلون شي يميز
هذا والله اعلم اخواني
علما واقولها مرة اخرى
الموضوع انا حطيته مش حق المصخرة والضحك
عشان انبه اخواني السعوديين بخطورة اللوحات :(
والله على ما اقوله شهيد
تحياتي لكم
اخوكم
خالد
والسموحة على الاطالة
cruiser2000
20-08-2004, 02:37 PM
السلام عليكم ورحمة الله وبركاته
نسيت ما اقول شي مهم وايد
انه الشخص بيمتنع وما بيقرب من اللوحات اللي فيها حروف تدل على الفاحشة والشهوة
لكن تعالوا شوفوا هذا اليوم
اللي يخلصن في كل الارقام ويبقى
الارقام اللي معاها حروف تدل على الفاحشة :(
هني شو بيكون التصرف؟؟؟؟؟؟؟؟؟؟؟
انا هذا اللي خايف منه اخواني والله
ياليت لو تكلمون الجهة المختصة
تحياتي لكم
اخوكم
خالد
أولا يا اخواني الحروف الي تدل على كلمات سيئة لا يتم إصدارها من الأساس
ثانيا مو كل الحروف موجودة ، يعني مثلا الحروف ج خ غ ز ش و غيرها هذي ما يتم وضعها من الاساس لأنها بتكون لها حروف مشابهة فبتصير لخبطة
مثل حرفي "ر" و ز" .... التشابه كبير فيصعب تمييز الحرف من مسافة بعيدة
:)
DDesigns
21-08-2004, 03:05 AM
والله لو يسونها على حسب المناطق يعني الشرقيه الوسطى الغربيه وهكذا ...
مثل الكويت حلو ..
اما حرف واحد ما اعتقد يكفي حق عدد سكان السعوديه ..
cruiser2000
21-08-2004, 07:57 PM
السلام عليكم ورحمة الله وبركاته
mdb :
اذا جذي شي طيب والله
DDesigns :
انا اوافقك الرأي
B4_STI
22-08-2004, 04:32 PM
والله يشباب انا سمعت من واحد مدري عاد صادق ولا لا المهم ان المخترع واحد سوداني والله اعلم:cool: