أحد جرب التويو

[Third Eye]

السلام عليكم ورحمة الله وبركاته

ياشباب إيش رايكم في التويو

أحد جرب هذا المقاس 14\70\195

هل التويو بشكل عام مهتمة في التماسك أم الهدوء


عاااجل :think:

[مجنون بورش]

الصراحة انا جربت التويو لكن ما عجبني مره
اسيارت سارت تحوس كثير كان مركب عى اسييارة دونلوب من بدها قعد تقريبا 2 وماشفت منه مشاكل
لكن ما غيرته ندمت:( :cry:

[TOP-SECRET]

والله ماجربتها يالغالي


اول ماقريت الموضوع على بالي العنوان احد جرب التيربو :) ويوم شفت الموضوع قلت اول مره اشوف حجم هذا التيربو:D طلع مقاس تواير,, ان شاء الله الشباب يفيدونك:)

[عاشق الاكورد]

ماانصحك فيها ابتعد عنها

او اخذلك السومي تومي

تراها ممتازه جدا

[Imaj]

أنا ما جربته!!

لكن أقدر أقول لك إن الدنلوب و النيتو ممتازين جداً..




التويو ما أتذكر إني جربته!!










سلام :banana:

[الشبابي]

نصيحة لا ... بعد عنها ...
تراهي سيئة وتتمسح بسرعة ودايم ترج ...
زود عليها شوي وخذ بريدجستون ولا يوكوهوما ولا ميشلان احسن لك منها ...
يا رجال خذ اي شي بس نصيحة الا تويو ...

























اخوكم الشبابي

[oil_HKS_lio]

سومو توما

[الارهابي]

مره ركبت مع واحد على سيارته كفرات تويو


قلت له انت مركب كفرات ولا جنازير دبابه :D

ازعاج مو طبيعي

[ابداع2004]

اضافة على الاخوان انها لينه مره يعني مع المطبه يروح الكفر وشوف عاد الشوارع الله يعين :headshak:


تحياتي محمد الهاجري

[B4_STI]

ما انصحك بيها:cool:

[CL-Class]

ردودكم غريبة الصراحة :think:


التويو أعرف انها ممتازة ولا أذكر أحد اشتكى منها خصوصاً ان صناعتها ياباني 100%

يمكن الشباب اللي تعرفونهم كفراتهم منتهية وصارت قديمة وأكيد مع الزمن راح تنمسح

بعدين يخوي الصوت من النقشة حتى لو ميشلان لو بيريللي

حبيبي من ناحيتي......... خذ التويو وانت مرتاااااااااااااااااح:o

وأفضل انك تاخذ مقاس الـ 205 وليس الـ 195

لانه أكبر وأفضل تماسك




بس أهم شي تأكد ان الصناعة في اليابااااااااااااااااان 100% مو البرازيل أو الهند أو غيرها


لكن ماعلمتني وش نوع سيارتك؟؟؟؟........... لأن كل نوع يليق عليه اطار معين

[HAMANN.de]

رد مقتبس من TOP-SECRET
والله ماجربتها يالغالي


اول ماقريت الموضوع على بالي العنوان احد جرب التيربو :) ويوم شفت الموضوع قلت اول مره اشوف حجم هذا التيربو:D طلع مقاس تواير,, ان شاء الله الشباب يفيدونك:)

:laugh: :laugh: :laugh:

[Third Eye]

السيارة كامري 2001

المقاس 14\70\195

[LS1 killer]

والله بصراحة انا مركب على سيارتي إطارات من نوع تويو وصار ليهم أكثر من سنة والحمدلله لاراحت النقشة ولا فيهم صوت ازعاج وممتازين وايد وايد وايد وشايف ليهم مقارنة مع البريجستون والميشيلان وماشاء الله فيه تنافس بينهم بس الفرق يكون في السعر لأنه مكان الصناعه يختلف ....... بس من ناحية الشباب يقولوا ماننصحك بهم ماتوقع انهم جربوهم او مثل ماتكرم اخوي وقال يمكن اليي جربوهم منتهيين او مستحدمين وماهم مربطين :think: :think: مثل ماقلت لك وللحين مركبين على سيارتي ومسوي عليهم تجارب في التماسك والسرعه والصوت والحمدلله كلشي تمام :banana:

[Third Eye]

مشكورين ياشباب وماتقصروا

الجميع مجمع على أنها (ماتسوى)

أخوي LS1 killer

ممكن تقولي أسم الموديل الى عندك لأنو على حد علمي نوع واحد هوا الى ممتاز في التويو ويمدحونه

[ACCORD-VETIC]

السلام عليكم ورحمة الله وبركاته
و الله نفس الكفر و نفس المقاس أنا مركبهم على سيارتي وصار ليهم سنتين و هم عال العال ما شاء الله:black:

[Third Eye]

بالله ياليت لوتقولي كيف التماسك معك

وكيف هل هوا مزعج ؟

النوع الى عندك مكتوب عليه 600


ياليت لو تردلي خبر بسرررعة

[Third Eye]

مشكورين ياشباب

ماقصرتوا

ويعطيكم ألف عافية والحمدلله الى بعدنا عنو

[LS1 killer]

انا الموديل الييي عندي اسمه TOYO TS-1 :banana: وماشاء الله
والله يشهد على الكلام بانه مايطلع عندي صوت كفرات ابد ولافيهم ازعاج موليه :glasses2:

وأكيد ما أمدحهم علشان انهم مركبين على سيارتي لأ لأنهم لو موش اوكيه كان غيرتهم ولا هتميت لأي سعر أهمشي سلامتي وراحتي :p

[zoom6]

سلام
انا مركب تويو بس عيبها اذا اكلت مطب قوي تحبل من الجنب
يعني كفرات جيده

[MR.FOCUS]

السلام عليكم ورحمة الله وبركاته

والله انا مركب على سيارتي كفرات تويو و الصراحة التماسك ممتاز جدا بس فيهم صوت خفيف

بس تبي الصراحة :think:هم تواير ممتازين و عندنا بالكويت اكثر ما يركبهم سيارات المرسيدس لانها نقشتها جميله مرة ....

فركبهم و انت مطمن

[CL-Class]

حبيبي لايهمونك

التويو فخر الصناعة اليابانية


وصدقني لو تسأل اللي قالولك لاتركبها...صدقني محد جربها والا حكموا عليها بعد مااستهلكوها مره


وحط النقطة هذي في راسك ولايهمك ..... وتأكد اشياء مطبوعه على الكفر وسبق وذكروها الشباب في مواضيعهم..

تاريخ الصناعة جديد 2004 مو مخزن

temperature = A

TRACTION=A

تحياتي لك

بعدين تقولي سيارتك كامري يعني التويو مناسب جدا جدا جدا لها

يعني الشغل ياباني قلبا وقالبا

المهم حبيبي ( لو ) يركب عندك مقاس 205 بدل الـ 195 يكون أفضل لعدة أسباب..... مساحة إلتصاق بالأرض أكبر بالتالي تماسك أفضل في الطريق.... كل مازاد حجم الاطار زاد تحمله أيضا وزادت السرعة القصوى أيضا مع ان السرعة محددة بالكود المطبوع لكن هذا اللي حاصل في الواقع .....

تحياتي:banana:

[Third Eye]

فينك يايوبا من بدري CL-Class
خلاااااص اشترينا الكفر اشتريت بريلي p4000

الصراحة من أبدع مايكون

عموما تسلللللللللللللللللم ياغالي على إهتمامك وماتقصر

والله يخليك