فضيحة جديدة ل GM

[خيري]

السلام عليكم ورحمة الله وبركاته

هذه الايام نشوف سيارات جي ام الصغيرة انتشرت وخصوصا الابيكا وافيو و اوبترا وكثير من الناس اعجب بالسيارة وقليل منهم اللي انصدم وانا واحد منهم على بالي انها امريكية او استرالية بس ما توقعت انها تكون من شركة دايو ومصنعة في كوريا ..وسعرها بعد البيع رخيص (ببلاش) انا اتكلم عن الاوبترا اللي جربتها رحت الحراج اشوف كم بتجيب صراحة رجعت من الحراج وانا كاره السيارة . السيارة اللي معايا 2004 وماشية 3000 كلم جابت اكثر سعر 24 الف ريال وهذا خويي اللي اعطاني السعر (اعلى سعر ) والحين طلعلي فيها عيب جديد في الجيربوكس. النمرة الثانية بعد مضاربة مع الجير بوكس يبدا يعشق (اللي يشوفني يقول سايق حافلة ) اما الافيو الصغيرة صراحة اشوف الايكو احسن منها بمليون مرة والثالثة اللي ماجربتها الابيكا فاللي عنده معلومات عنها يتفضل علينا

(هذا الموضوع كتبته بعيد عن العواطف والتعصب كتبته عن واقع تجربتي لا كره في جي ام ) وشكرا

[الأنصاري]

الله يعينك وانشاء الله تتعوض بسيارة افضل في المستقبل

وسالفة الجير راجع فيها الوكيل عندك ضمان

[A7medo]

هذي مو فضيحة يالحبيب


الي صاير ان طلعت لك مشكلة في القير

نفس ما قال الأخ بو عبود راجع الوكيل لأن السيارة اكييد بعدها على ضمان الوكالة

بس الله يعينك اذا كانت على الجميح .

[B4_STI]

السيارات الي سولفت عنها من الاساس مادخلت مزاجي يا خيري وازيدك من الشعر بيت الابيكا يا طويل العمر عند واحد من اخوياي ماشياه حول 9000 توها المهم جديده وطلعتله مشكله بدواسه البنزين يعني يكون واقف باشاره والسيارة من حالها تحرق بنزين (ترفع ار بي ام) دخلها الشركه اكثر من مرة ولا فائده يصلحوها وما تقعد اكثر من اسبوع وترجع المشكله نفسها:think:

[Imaj]

إنت من جدك إنت وياه وإلا تمزحون :OO:

واحد من أقاربي عنده ليجانزا 2001 وما شاء الله تبارك الله مثل العسل..

وهو شخص تعمله نظيف مع السيارة يعني ما يفحط بها ولا يلعن والديها..

طبعاً ويش دخل الليجانزا في الموضوع :rolleyes:

ليجانزا >>>> إبيكا :D

نوبيرا >>>> أوبترا :o

وهكذا :)


بعدين ما ضحكوا عليك.. إنت ضحكت على نفسك.. بإمكانك تفك الكبوت وتلاحظ مكتوب GM DAEWOO AUTO & TECHNOLOGY...

أو على الزجاج الجانبي تلاحظ مكتوب كلام بالكوري :corsair:


يعني كان المفروض إنك تلقي نظرة على السيارة قبل لا تشتريها..





سلام :banana:

[560SEL]

8
8
8
فيه ناس ما تعرف انجليزي .. المفروض الوكيل يصرح بهذا الشئ بأعلان او الموزعين يذكرون هذا الشئ للي يشتري..

وبعدين ياخي انت ليه انت دايم في خط الدفاع الاول عن GM .. يحق لك تحبها ..وبعض سيارات GM انا احبها

لكن ما اتوقع انك ترضى تدافع عن شركة تنصب على اخوانك المسلمين وتتسبب في معاناتهم ..

اتمنى ان كلامي ما يزعلك ..


وبالنسبة لGM ما فيه شئ يحتفظ بسعره حاليا الا GMC وانفوي الى حد ما ... فقط ..



اخوي صاحب السيارة ..انصحك تحط سيارتك في معرض وتصبر عليها شوي .. يمكن تجيب قيمة احسن




آسف على الاطالة







سلاااام

[yazed]

رد مقتبس من Imaj
إنت من جدك إنت وياه وإلا تمزحون :OO:

واحد من أقاربي عنده ليجانزا 2001 وما شاء الله تبارك الله مثل العسل..

وهو شخص تعمله نظيف مع السيارة يعني ما يفحط بها ولا يلعن والديها..

:banana:

هلا اخوي Imaj

انا ما اعتقد انها مشي معه عسل الا ان كان مايستخدمه ومخليها اذا احتجها يعني بعربي موقف ولا يستخدمها الا للحاجه

انا كان معي ليجانزا 2001 واذا ما ادخلها للورشه كل شهر هذا انجاز واخر مره موضب مكينتها

وقطع غيارها غاليه في نظري وعرف وحد معه ليجانزا مغير مكينتها

وانا ما انصح بشئ اسمه دايو لان فيها تقنيات اكبر من حجمها

والحمد لله اني تخلصت منها

[عاشق الاكورد]

وانا معاك في نفس الكلام كان عندي ليجنزا
موديل2000
اذا يجي شهر ماتدخل الوكاله نسووي عيد في هالشهر
يعني خلاص السياره زهقتني بالمره
كل شهر تغيير كنداسه+ كراسي مكينه+ جلد
وغيرها من الاعطال الكثيره
والحين بعتها والحمدلله افتكيت منها

[Imaj]

لا لا لا أنا قلت لكم هو السيارة مريحة وما يكرفها..

إذا مرة من البيت للجامعة ومن الجامعة للبيت..

يعني إذا مرة يمشي بها 50 كيلو في اليوم (إذا مرة كثر)

الحمد لله ماشية السيارة وبدون مشاكل..

بس لا تنسون إن السيارات حظوظ وكثير يصير بن كم مية سيارة يطلع سيارة أو حتى 10 فيها مشاكل..



عموماً ما كنت حأدافع عنها لو مشفت هالشيء بنفسي..


560SEL : :D :D





سلام :banana: