لحقوني راس المكينه حق التيرسل احترق

[جلكسي]

السلام عليكم


اخواني انا عندي تيرسل توماتيك وارتفعت الحراره بسسب انكسار راس الراديتر واحترق راس المكينه


تتوقعون القى الراس في السعوديه ولا لا لان السياره توماتيك وكم يكلف

[bahrainlove]

خذ لك مكينة كاملة ما بتكلف 100 دينار

[TOP-SECRET]

خذلك RB20 ركبها على الترسل مع القير وماراح تكلفك اكثر من 2500 :D

[جلكسي]

اخواني صعب ماكينه كامله ب100 دينار يعني 10 الاف والسياره قيمتها في الصوق 14000 الف ريال


وبعدين انا ابقى سعر راس الماكينه

هل هو غالي

[S8]

انت سيارتك ابو مكينه 1.5لتر ؟

بخصوص الراس ...والله اعلم مافي شي اسمه ان الراس ينحرق...

اذا ارتفعت حرارة السيارة وراح فيها راس المكينه فالحل الوحيد هو ان الراس ينفك وتغير فيه وجه الراس وتسوي خراطه للراس بس

وترجع السيارة زي اول بالتمااااااااااااام


والله يعينك ...والشغله ذي كلها ماراح تكلف اكثر من 350-400ريال والله اعلم


تحياتي:)

[الفتى الشهيد]

السلام عليكم ورحمة الله
صارت لي في الكرسيدا
نزل ماي الرديتر بسبب انشقاق الهوز
وارتفعت الحرارة واخترب الراس
ومثل نا قال اخوي S8
تغير الوجه وتخرط الراس
كلفني في حدود 600 ريال
لكن الميكانيكي يقول ما راح ترجع مثل أول
وأنا ما ادري عنها لأني بعتها على طوول بعد التصليح
سلام

[TOP-SECRET]

اخوي جلكس 100 دينار يعني 1000 ريال:D

[سياف]

نفس ما قال أخوي S8... و اللي أعرفه إن حف الهيد (الراس) يزيد قوة المكينه بس يقلل عمرها :cool:

[جلكسي]

يعني هل تنصحوني اني بعد التصليح ابيعها على طول علما اني لقيت راس للمكينه مستعمل ب450 وش رايكم ؟؟؟؟؟؟؟؟؟؟؟؟

[جلكسي]

اخواني الكرما ارجوا ان تسعفوني بالحل

[TOP-SECRET]

تأكد من الراس وخذه المخرطه اذا هو ممسوح من قبل ولا نظيف ومحد لعب فيه ومب مضروب في الشمس ومافيه غير تتوكل على الله وتاخذه واذا ركبت الراس المستعمل راح ترجع السياره نفس قبل ان شاء الله:)

[S8]

وليه تغير الراس وانت تقدر تصلح الموجود؟

فلوسك زايدة ؟ روح اشتري لك راس جديد

الله يصلحك سوي له خرط اذا كان يتحمل ذلك

تحياتي:)

[جلكسي]

اخوي انا ما ابي اخسر 500 على خراطه والراس مستعمل وضمانه شهر ب500 لكن السؤال هل تنصحوني ابيعها ولا اخليها بعد التصليح

[S8]

اف اف اف

عشان راس بس تبيع السيارة ؟

انا وضبت راس مكينه الكامري حقتي من 3 سنوات والسيارة الى الان عندي

وكثير من الناس توضبراس مكينه السيارة ...ولا صارت اي مشكله ولا شي

ولا منها اي ضرر ولا اضرار جانبية ابد

بالعكس ...السيارة ترجع مثل اول اذا مو احسن ....

تحياتي :)