هل انت راضي عن سيارتك كم تعطيها من 100

[الشرقاوي]

السلام عليكم ورحمة الله وبركاته

بصراحه موضوع من زماااااااااان شاغل بالي عشان نستفيد من تجارب بعض وما نتعرض لمأساه لما نشتري سياره وتطيح بكبودنا بسبب الوكيل او ردائت الجوده او صرفية الوقود او غلاء قطع الغيار وغيره:cry: :cry: :cry:

فياليت كل شخص يكتب عن سيارته من الالف الى الياء من وكيلها ومن جودتها وعيوبها والاخير اللي هو الاهم :sleep:

اذا رجع الزمن للخلف هل سيشتري غيرها وايش بيشتري:think: :think: :think:

وبالنهايه يعطيها كم من 100:confused:

[الشرقاوي]

:confused: :confused: :confused:

بصراحه سيارتي ما اقول انها كامله فيها بعض العيوب الطفيفه مثل

1- الشكل القبيح عند البعض(مع العلم ان الاسم يغطي)

2-من جوا تفتقر لبعض الكماليات مثل الصوت من الدريكسون

3-الجلده حقت الرفرف دائما تنفك بس مارحت للوكاله ودايم يقولونلي بنصلحها عالضمان:D

4-تسارعها مايرضيني لسياره ب6سلندر مع العلم انها تطلع على بعض السيارات من فئتها

اما ايجابياتها فهي

يكفيني اسمها

2- ماقد وديتها للوكاله ابدا منذ سنه مشيت فيها 40000كيلو

3-كل شي فيها من السي دي للفتحه للستاره ورا

4-احلى مافيها السي دي 6سي دي وتدخلها ورا بعض من قدام يعني مو من الشنطه فوق الكاسيت

5-لاحظو معاي ان السياره كاسيت وسي دي

6-الوكيل زي العسل اااخر مره دخلتها تشييك ال40000مع البريكات وتلميع من جوا وبرا ب3000ريال

اما عن النسبه المؤيه ما اقدر اعطيها فوق ال90بالنسبه لي اما كسياره للناس ف80حلو

على فكره سيارتي لكزس ES300(تعمدت اخليها اااخر شي):D :D :D


ولو ماشريت غيرها مادري ايش اااخذ صراحه:think: :think: :blink: :cry1:

[ACCORD_559]

السلام عليكم ورحمة الله وبركاته

كيف الحال اخووي الشرقاوي
ياخي انت كانك عارف اني توني جاي من الصيانه :)
على العموم
انا سيارتي هوندا اكورد2003

لها السياره سنه وخمس شهور
والسياره ماشيه 70000كلم

محد يسئلني فين تروح فيها خلال سنه على العموم

من ناحيت الوكيل اعطيه 7من10
والصيانه كمان اعطيهم 8من 10
والسياره ولله الحمد ماعانيت منها من شي
غير زيت عب بنزين
غير اقمشه

ومن ناحيت الصيانه مادخلتها الا مره وحده وهي صيانه ال1000 كيلو

وافضل مافي السياره
انها 5 سرعات وهذا الشي المميز في فئة السيارات ال4 سلندر

السياره سي دي واحد
واليوم دخلتها صيانه
ال70000 كلم

وقالو صيانه ال70000
اجووور اليد بس 550ريال
يعني مع قطع الغيار 1300ريال

ولو السياره ماطلعت هوندا كوررد
كنت اتمنا واحلم انا املك

اودى A6

ولكن الاقدار تفعل ماتشاء

:shock2:

والله كريم ويصبرنا على عبدالله هاشم وقطع الغيار حقته النار

وتقبلو تحياااااااااااااااااااااااااااااتي
اخوكم
LuMNai_SS:blink:

[الأنصاري]

بالنسبة لي
سيارتي لاندكروزر

الوكيل وقطع الغيار
اعطي الوكيل 9 من 10
خدمتهم ماعليها كلام حتى انهم مددولي ضمان السيارة الى 5 سنوات
قطع الغيار رخيصة وامس الصراحة تفاجئت الصدام الخلفي ب350 ريال والأمامي 330 ريال والله اني مب مصدق صدام لندكروزر بهذة القيمة يعني اي حادث او اي شي يسير غير الصدام ولاتسمكر
يوم ادخل السيارة الوكالة الفحص من الدصام الى الصدام مايتجاوز 300 ريال ومع قطع الغيار مايتجاوز 500 ريال

بالنسبة للسيارة ايضا 9-10
افضل سيارة دفع رباعي مش كلامي صار استفتاء في هذا الموضوع وطلعت السيارة في المركز الأول
رساوة-قوة-هدوء
سيارة تتحمل الكرف ماتعرف الخرابات سيارتي ماشية 14 الف غير الزيت والبترول والفلتر ماغيرت شئ

العيوب صرفية مرتفه للوقود
قلة المميزات مع ارتفاع سعر السيارة في طراز gx الي في قطر

[HaKeM]

موضوع جميل ومفيد لمن يريد اقتناء سيارة جديد

الوكيل اعطيه 8 من 10
السيارة اعطيها 80 من 100

مميزاتها:
1. المواد الخام الداخليه والديكور جميل.
2. مريحة بشكل معقول.
3.قطع الغيار عمرها طويل.

عيوبها:
1. دركسونها تقيل.
2. الهدوء فيها غير مقبول بسبب صوت الكفرات والهواء صوته متوسط.
3. جنوطها حجمها صغير.
4. الفرامل والبريكات متوسطة القوة وليست بالأداء المطلوب.
5. لاتتوفر بأنوار زنون.
6. قوتها غير مقبولة من محرك v6.

السيارة تويوتا افالون
:p

[Lorinser300E]

بالنسبه لي انا سيارتي هيا سيات ليون توربو

السياره هذي ادمان إذا سقتها وبعدين سقت غيرها في النهايه بتحن لسواقتها و المتعه فيها

اعطي السياره في متعه القياده 10 من 10
اعطي خدمه الوكيل 6 من 10 تحس ان العمال هناك مايعرفون للسياره
الراحه بالنسبه لسياره من هذا الحجم 7 من 10 (( بس صراحه ايش تتوقع من سياره تقريبا سبورت ))
الشكل :D اعطيها 20 من 10
قوه المكينه 10 من 10 والي جربها راح يعرف ليش انا عطيتها 10
الاعطال اعطيها 8 من 10
الثبات اعطيها 9 من 10 (( فيها شوي بودي رول )) بس لو أقارنها بالكامري تكون النسبه 300% افضل
قدره البريكات خياليه اعطيها 10 من 10

للأسف ما تجي هذي السياره بزنون


وهذي السياره مناسبه جدا للي عندهم هوايه تعديل السيارات قطعها في النت بالهبل

وبس :D

[مجنون سيارات]

اما انا سيارتي سوناتا 2001 :p

1- بالنسبه لي السياره شكلها حلو من اول نظره حبيتها :D

2- السياره لها ثلاث سنوات عندي ومشت في حدود 55 كيلو متر :D شوي صح ؟

3- الوكيل 9 من 10 (يكفي انه افضل وكيل في الشرق الاوسط وهذا هو وكيل هيونداي ماشاء الله عليه)

4-الصيانه جيده جدا والاشخاص متعاونين 8 من 10

5- بالنسبه لي سواقتها متعه :cool: 8 من 10 بسبب ثباتها وهذا من واقع تجربه لي معها

6- الحمد لله ما اشتكي منها بشىء ومواضب على الصيانه الدوريه مع ان الضمان انتهى بس تعاملهم يخلي الواحد يروح لهم غصب

7- عيبها خفيفة وزن وهذا اعتقد عيب كل السيارات الجديده

8- سعرها حلو جدا بالنسبة لفئتها

9- قطع الغيار شوي غاليه

وفي المستقبل مخطط على سوناتا 2006 :black: بس ننتظر نزولها في أسواقنا :glasses2:

[Imaj]

أنا أعطيها 95 من 100

كل شيء فيها أحبه ما عدا إني ما أقدر أمارس الأوتو بان بها :o






سيارتي كابريس 95








سلام :banana:

[Dreams_Maker]

المميزات أختصرها بثلاث كلمات... سريعه، قوية، جذابة

عيوبها... الوكيل، قطع الغيار ,البريكات, الثبات, الفخامة.


السياره: لومينا
الموديل:2000
العداد: 59000كم (تقريبا)..حتى هذه اللحظه

التقييم: 80%

:help:

[tornado]

انا والله حالياً اقيم سيارتي 0 من 100 ..

لانها صراحه ظهرت لي قررون .. نفس الخليجي الي متزوج وحده من هله وماخذ على راسها وحده بتاع مابنقول وين يمكن يزعلون علينا :damp: :D ..

بالاجازه الصيفيه دخلتها الوكاله 4 مرات والمشكله الي فيها ليومكم هذه موجوده :( ..

بخصوص تعامل الوكاله 70% لانهم حراميه اشويه ..

مميزاتها ..
1- الشكل الجذاب ..
2- الفخامة الداخليه الملموسه بالخشب الطبيعي .. (بنتلي مب اوميجا خخخ)
3- جلد السياره احسن فنان ..
4- تقنية الصوت من أحدث الانظمة مع سستم من الوكاله بوز ..
5- ليتها الزينون كنت ماأذي اعيال الفريج فيه لانه ايلسون ع الرصيف واستقامة الليت تضرب بعيونهم ..:D
عيوبها ..
1- بأختصار (مشاكل بالقير تشيب الراس ..)
2- بسنه وحده غيرت مراوح المكينه مرتين ..
3- واايد الحراره ترتفع ..
4- وكيل السيارة حمار مايعرف شو علت السياره وهالشي انا متعقد منه لان لليوم مايعروفون شو مشكلة السياره .. :cry1:
5- ولا شي بس ..

وتسلم لي ع المووضوع ..

[سنـاري]

سيارتي فورد كراون فكتوريا

الميزات

1- شكل جميل جدا و من اروع التصاميم الموجودة

2- راحة كبيرة جدا

3- مكيف بارد

4- هدوء و عزل جيد للاصوات الخارجية

5- صرفية ممتازة جدا للوقود على الخطوط السريعة

6- قطع غيار رخيصة و متوفرة

7- سهلة الصيانة و غير معقدة

8- مساحة ممتازة لشنطة السيارة

9- سعر ممتاز عند الشراء و عند اعادة البيع

10- محرك قوي و عزم رائع

11- فخامة مذهلة في فئة LX Upgrade


العيوب

1- لا تستطيع التحكم بكيفية اندفاع الهواء من المكيف يعني كل الروائح في الشارع تشمها عندك

2- صرفية بنزين مرتفعة داخل المدن

3- لا يتوفر عداد يوضح عدد دورات المحرك

4- فخامة اقل من المتوسط في الفئة Standard و LX العادي


* الوكيل لم اجرب التعامل معه فعليا و لكن كل من اعرفهم من اصحاب الفوردات يثنون عليه

* لو عاد الزمان للوراء و تقدم ثم عاد و تقدم ثم عاد و تقدم لن اشتري غير الفورد كراون فكتوريا:rolleyes: و حتى في المستقبل اذا الله اعطاني العمر و العافية راح اشتري كراون فكتوريا ان شاء الله:banana: و اذا كبرت العيلة راح اشتري فورد اكسبدشن:D

* اعطي السيارة 95\100

* جودة رائعة و الله يعطيني خير السيارة ويكفيني شرها :)


و تقبلوا خالص الشكر و التقدير

:)

[ميكانيكي]

بالنسبة لي انا سيارتي وانيت داتسن موديل 79
من احلى مايمكن ماعليها اي خرابات وديكور التخشيب الداخلي جميل جدا والشاشة الالكترونية المتصلة بالقمر الصناعي ماعليها كلام ......اعطيها 100%






خخخخخخخخخخخخخخ:D

طبعا كنت استخف دمي عموما موتري ما اظن حد من سوالف عنده منه لانه عائلي بحت بالرغم اني شاب لحالي بس هذي الظروف
موتري فورد اكسكيرجن اسود ( 10 سلندر) الكبير .
وبصراحة وبدون مبالغة سواقته مرييييحة لاقصى درجة واندفاعه وعزمه ممتاز على الرغم من حجمه
وخصوصا ان اللي معي جلد فالجلوس فيه مريح فعلا ..
بشكل عام انا احب السيارات الامريكية الكبيرة مثل السوبربان والاكسكيرجن وعلشان كذا استعمله
عيوبه .. صعوبة العثور على موقف لان حجمه ( كبير فعلا )
اما صرفيته فالصراحة انها ماتختلف كثير عن السوبربان .وماشي حالي من هذي الناحية :glasses:

[الشرقاوي]

السلام عليكم ورحمة الله وبركاته

يعطيكم الف عافيه الى الااان الاغلبيه راضيين عن سياراتهم:D :D :D :banana:

[Nas]

مشكورين على الموضوع الطيب

أنا سيارتي هوندا اكورد 2002 اخر موديل قبل الجديد أخترت السيارة لأني حصلتها بسعر وااااااايد حلو 54,500 درهم مع فتحة و cd و باقي المواصفات عادية.
كنت باخذ قبلها كامري لكن شفت هده مواصفاتها احسن و شكلها أحلى من الكامري(وجهة نظر شخصية).

الي عاجبني في السيارة أنها:
- ما تصرف وايد بترول.
- كراسيها جيدة (مش ممتازة) حتى للي جالسين ورا.
-إذا عرفت قياساتها عدل و فهمتها عدل, ما بتخيب خيب ظنك في المناورات :banana: :banana: (بس أهم شيء الواحد ما يتفلسف زيادة عن الزوم لأنها في النهاية هوندا و ما فيها ثبات السيارات الالمانية)
- السيارة ممتازة لتركيب الأنظمة الصوتية (بشكل أحترافي).
- الحمد لله للحين ما صارتلي أي مشكلة في المكينة مع اني وايد مهملنها:mad: الى درجة اني مرة كملت 8000 كيلو بدون تغيير الزيت:blink:

بصراحة أشوف أنه إيجابياتها مغطية على سلبياتها اذا خذينا في الاعتبار أهمالي الشديد للصيانة.
(أدري انه الي أسويه غلط:anger: )

راضي عليها بنسبة 100/95

لو عاد الزمن الى الوراء كنت بصبر شهر و باخذ الاكورد الجديدة , مع هذا مش ندمان لأنه السيارة ما تنعاب.:laugh:

[black scorpion]

انا اعطي سيارتي 85 من 100
عيوبها استهلاكها العالي للوقود ارتفاع اسعار بعض قطع الغيار او اغلبيتها صيانه وكيلها مش ولا بد صوت المحرك عالي بعد 140 كم/س وتهريب الهوا(يمكن عشانها جيب)
السيارة ماشية 115000كم تقريباً
اعطي الوكيل 6 من 10
اعطي السيارة 8.5 من 10
مواصفاتها الايجابية:
6 سماعات
سي دي(واحد)
مكيف اليكتروني
فتحة سقف
مقاعد مخمل
جير عادي
طبعاً دي مواصفات سيارتي وهي مش الفل اوبشن
موديلها 2001
NISSAN PATHFINDER

[الشبابي]

موضوع حلو ...
انا بالنسبة لي معاي ماكسيما 2002 ...
اعطي الوكيل 6 من 10 ... والان تحسن كثير واعطيه 8 من 10 ...
السيارة ما دخلت الا صيانتين ...
ولله الحمد ما اذكر انها تعطلت ولا مرة ... بس اذكر الرومان بلي غيرته بسبب التهبيط ...
السيارة اعطيها 9 من 10 وهي من نوع جي في تو ... مواصفاتها عالية على كل حال وخصوصا الفل كامل بس كنت اتمنى الفل كامل ، والمفروض يضيفون عليها ثلاث ميزات ..
1/ نظام رساوة .
2/ جير اوتو 5 سرعات .
3/ دعم للتيليفون .
والسيارة شكلها حلو وممكن تتضبط ويصير شكلها جنان بس لو كان اسمها انفينيتي كان صارت قدام الناس ارقى يعني زي لكزس ..
يعني ما تصير من طبقة الاكورد واللومينا والكامري ... تصير من طبقة الجي اس والسي تي اس والجماعة .......
















اخوكم الشبابي

[القرن الجديد]

والله موضوع مميز جدا وشكرا لك

نسبة الرضا عن السيارة 85 \100


مميزات السيارة

1- رساوة جيدة
2- عزم السيارة اكبر من مكينتة
3- قطع غيار رخيصة جدا *
4- حبيت السيارة (لانها اقتصادية)

عيوبها

1- العزل فيها لك علية شوي (اعني صوت مكينة) (طبعا سيارتي اقل نوع)
2- نادم اشد الندم اني ماشريت قير اوتو




*القطع عندنا في الرياض رخيصة جدا (طبعا اصلي ) عند الموزعين وليس في الوكالة


سيارتي سوناتا موديل 2000

اببيعها بعد سنتين وابشتري اوبيريوس او سوناتا 2006 او قراندور الجديدة