نيسان باترول 2005 أول تجربة

[Crower]

السلام عليكم ورحمة الله وبركاته
رجعت البلاد 4 أيام اجازة...... على السبت ياني تلفون من وكالة المسعود للسيارات علشان اشوف الباترول 2005 .
مريت الوكالة و لكن السيارة ما كانت موجوده قالولي تعال الاحد و عطوني كتالوج السيارة...
في الكتالوج في اختلافات عن 2004 لكن يوم رحت الاحد الوكالة
:shock2: :shock2: :shock2: :shock2: :shock2:
غير في الكتالوج و على الطبيعة غير
الاختلافات: 1- توفر الباترول للمرة الاولى في تاريخه بلون جلد أسود او شامواه أسود.
2- تغيير داخلي كبير, وضع مفاتيح الديفلوك و الخزان الاحتياطي في الطبلون ( اليسار تحت) و المكان اكثر من ممتاز لقربه من يد السائق.
3- تغير المقدمة و تحس بشبهها من التايتن بيك اب.
4- تغير الصدام الخلفي و الامامي و الانوار.
5- جودة التشطيب الداخلي تغيرت كثير عن الموديلات السابقة و تحس انه طبلون انفينتي او احسن يمكن.
6 - الاختلاف لا يوفص للون الداخلي الاسود كلمه روعه شوي عليه.
7- توفر نوعين من المقاعد فقط, جلد الكانترا أو شامواه.
8- لون اسود او بيج كريمي (افتح من السابق و اقرب على الهيليوس) من الداخل.
9- القيادة تقريبا نفس شي الفرق في عزل الاصوات تحسن بشكل بسيط.
هذا اللي اذكره الحين و اعذرونيhttp://www.matarol.com/cars/2/2nissanpatrol3.jpg http://www.matarol.com/cars/2/2nissanpatrol2.jpg

[grandv8]

السلام عليكم ورحمة الله وبركاته

Crower
حمدالله على السلامة اخوي احمد ونورت المنتدى ماشاء الله.
شكرا على معلوماتك عن نيسان وان شاء الله انجوف تجربتك وتصوير لنيسان بترول.

بس على هالشكل الجديد بتمشي نيسان مثل قبل ولا غلطت مرة ثانية.

تحياتي لك
:D

[Crower]

مشكور محمد بس انا ما صورت شي لاني كنت مستعجل.
بالنسبه لنيسان ما اعتقد انهم غلطوا لآن تطوير الباترول من الداخل هو الاهم و اعتقد انهم نجحوا بشكل كبير و بالنسبه للمحرك اعتقد انه اكثر من كافي لين ما يوصل اللاندكروزر الجديد يمكن 2006 و بعدين في احتمالية نشوف النيسان بمحرك التايتن, كلها سياسة كسب زبائن.

[Dr cars]

شكرا يا أخ Crower ....السيارة حلوة جدا من الداخل

:shock2: تطور رهيب

[TOP-SECRET]

مشكووور اخوي على الموضوع والحمد لله على السلامه بس هل شكله شبابي نفس السابق او انك تحس بانهم غلطوا يوم غيرو شكله الخارجي؟:)

[الأنصاري]

التطور الداخلي شئ جيد عشان يصير بمستوى الاندكروزر

اما الخارجي ايضا معقول

بس مانقدر ان نقول انها جديدة بالكامل نفس المحرك وقاعدة العجلات والجير

[لون الليل]

بس مانقدر ان نقول انها جديدة بالكامل نفس المحرك وقاعدة العجلات والجير

نسيت شي بوعبود ... مسكات الابواب... شكلها مب شي :laugh: :laugh:

[uae speed]

مرحبا ..
مشكور اخوي crower على موضوعك .. :)
على فكرة بالنسبة للكاتالوجات الموجوده بالوكالات ترى المعلومات فيها مب دقيقه أحياناً ..!
ونفس الشي في الصور .. لازم يكون في اختلاف ولو بسيط !!

المهم .. انا ملاحظ ان اكثر الشباب هني في المنتدى ما عيبهم الشكل اليديد من الصور المعروضة في النت ..! لكن اقوول اصبروا شوي وشوفوها على الحقيقة .. اكيد بتغيرون قراركم !

الحين انا يالس اتخيل النيسان اليديد .. بلون أسود .. وتواير تسعمية .. ومنزل ! :D يا ويل حالي ..

بسألك أخوي .. نزلوا كل موديلاته في وكالة المسعود ؟
السلك .. والوسط .. ؟

والسموحه :)

[بو عجب]

هذه صورة الباترول من قدام

http://www.matarol.com/cars/2/2nissanpatrol.jpg

تحيتي

و مشكووور على الموضوع :)

[RED Chevy]

تسلم إخوي ومثل ماتوقعت الموتر تطور للأفضل والداخلية صارت فخمة وصار يشبه الرنج من داخل..

خطوة قوية أخرى لنيسان نتمنى لها التوفيج بقيادة كارولس غصن:cool:

[ACCORD-V6]

من الصور

شكله صار ابداااااااع

مشكور اخوي crower

[قوة الأحلام]

فيه شيء واحد ماعجبني :( مقدمة السيارة

أتمنى أن تكون على الطبيعة أفضل من الصور