View Full Version : خبراء الهوندا ضروري( حصلنا h22a)
RED Chevy
01-10-2004, 02:16 PM
بسم الله الرحمن الرحيم
السلام عليكم ورحمة الله وبركاته
شباب كيف حالكم...
المهم مادري إذا قلت لكم من قبل إن مكينة الأكورد طقت وتحتاج تبديل...
نزلنا المكينة في وطلع مامنها فايدة حالتها مستعصية ممكن تتصلح لكن مابتعيش...
فالخيار الأمثل هو التبديل وحصلنا مكاين وايد 2.2 و2.3 العاديين لكن أمس إخوي حصل h22a كاملة بالوايرينج تبعها وكل أغراضها ب290 دينار بدون القير هل السعر مناسب وهل بنواجه مشاكل مع القير( القير اللي عليها أوتو تبع ال2.2 العادية) أحين جا دور خبراء الهوندا هل السعر مناسب وهل القير بيستحملها؟
السيارة أكورد 97 والقير مبدلينه قبل فترة ( 4 شهور يمكن) ويلا بإنتظار ردودكم ومعلوماتكم...:black:
TOP-SECRET
01-10-2004, 02:24 PM
كل هذي العيوب في الاكورد وتقول انها احسن من الكامري الي تخر ماي:D
على العموم انا مالي خبره في الهوندا وان شاء الله الشباب يفيدونك يابوراشد وبالتوفيق..:)
uae speed
01-10-2004, 02:49 PM
هلا .. ولكم باك اخوي .. :)
بصراحه ما عندي فكرة عن الاشياء الميكانيكية ..
بس حبيت اسلم .. :)
يمكن NFS عنده جواب لاستفسارك ..
تحياتي لك .. :)
smartman
01-10-2004, 03:35 PM
انا اعتقد ان السعر مناسب و اذا تحب تتاكد روح الشرقية فيها مكاين هوندات بالهبل
السيارة أكورد 97 والقير مبدلينه قبل فترة ( 4 شهور يمكن)
غريبة :OO: احنا عندنا اكورد 1992 و للحين ماقل شئ :D مكينة و قير شد بلد و السيارة سبيل :D يعني الكل يستخدمها :laugh:
هلا و غلا
السعر انا اشوفه شوي غالي لان قبل قرته لرحت للمحلات التي لدينا بالشرقيه وشفت مكينه راخيصه ولكن اعتقد الاخ NFS يفيدك اكتر
لو حبيت تروح للمحلات احنا متسعدين للخدمه يالغالي
تبديل المكينة نفس الأصلية بكم تكلفكم؟
قارن هذي التكلفة مع قيمة المكينة إللي لقيتها + التعديلات + كمبيوتر .
الفرق كبير في السعر لكن هل أنت تشوف أن التعديلات هذي والقيمة إللي راح تدفعها تسوي الأداء إللي بتلاقيه وخصوصاً أن القير أوتو؟
سؤال:
كيف (طقت) مكينة السيارة ؟ ممكن بالتفصيل تشرح أيش حصل للمكينة؟
RED Chevy
01-10-2004, 10:52 PM
رد مقتبس من NFS
تبديل المكينة نفس الأصلية بكم تكلفكم؟
قارن هذي التكلفة مع قيمة المكينة إللي لقيتها + التعديلات + كمبيوتر .
الفرق كبير في السعر لكن هل أنت تشوف أن التعديلات هذي والقيمة إللي راح تدفعها تسوي الأداء إللي بتلاقيه وخصوصاً أن القير أوتو؟
سؤال:
كيف (طقت) مكينة السيارة ؟ ممكن بالتفصيل تشرح أيش حصل للمكينة؟
مشكورين ياشباب على الردود وماقصرتوا ويزاكم الله خير...
________________________
جاسم: هلا فيك يالغالي ومشكور على ردك ونفس المكينة الأصلية يمكن حدها 120 دينار...
المكينة اللي حصلناها كاملة بكل شي مع الكمبيوتر لكن بدون القير بس...
القير أوتو لازم لأن الوالد بسيتعمل السيارة:D أخاف نخليه عادي ويطق ريسات:D ...
المشي بيكون أقوى من السابق بكثير حط في بالك مكينتها الأصلية 2.0 وعلى ماظن 130 حصان أو 140 بالكثير...الh22 220 حسب ماسمعت...
السعر أشوفه كثير لكن إنت وش رايك وهل القير بيستحمل قوة المكينة؟...
وعن كيف طقت هي عويصة شوي:D
السيارة ماشية 280 ألف تقريباً وكارفينها كرف اليهد ومسكينة عطت كل ماتملكه وجاها يومها:D
خصوصاً إن آخر سنة كانت إستخدام عنيف إخوي ماقصر فيها...
الرنجات مال واحد من البساتن تكسروا والهد إنشلخ وصلحناه وهي ممكن تتصلح بس ماظن بتعيش كثير لأنها في حالة يرثى لها...
فالحل الوحيد هو مكينة جديدة لكن شنو المكينة هني تكمن المشكلة...
حصلنا مثل ماقلت 2.3 تبع 98 وطالع لكن هذي تغري كثير:black:
صحيح كم فلس زيادة لكن الأداء يفرق:think:
ولا إنت وش رايك:rolleyes:
إذا كان الوايرنغ كامل (من المكينة إلى الكمبيوتر) و المكينة معاها كومبريسور المكيف والدينمو مع الكمبيوتر (P13 للقير الأوتو) أشوف أن السعر مش بطال.
روح كراج الشام (محمد صالح) في سلمباد وأسأله أيش القطع إللي تحتاجها السيارة والتكاليف وشوف أيش بيقولك.
بخصوص القير ، أغلب الظن أنه يركب ، بس للتأكد أسأل محمد صالح....
RED Chevy
02-10-2004, 07:55 AM
رد مقتبس من NFS
إذا كان الوايرنغ كامل (من المكينة إلى الكمبيوتر) و المكينة معاها كومبريسور المكيف والدينمو مع الكمبيوتر (P13 للقير الأوتو) أشوف أن السعر مش بطال.
روح كراج الشام (محمد صالح) في سلمباد وأسأله أيش القطع إللي تحتاجها السيارة والتكاليف وشوف أيش بيقولك.
بخصوص القير ، أغلب الظن أنه يركب ، بس للتأكد أسأل محمد صالح....
هلا والله جاسم....
المكينة معاها كمبريسرها والوايرنج كامل بس نبهتني لنقطة ثانية وهي الكمبيوتر:rolleyes:
وإن شاء الله نشوف محمد صالح ونسأله وإخوي محصلها في سلماباد يمكن من عنده:D ...
ومشكور يالغالي على مساعدتك ويزاك الله خير:p
RED Chevy
03-10-2004, 04:13 PM
السلام عليكم ورحمة الله وبركاته
خلاص أنهينا الموضوع:D
إتضح إن الH22 كان خيار غير موفق لعدة أسباب منها السعر المبالغ فيه وإن السيارة بتكون أغلب شي عند الوالد ومانظمن إستحمال القير لقوتها لأن اللي قبله ماإستحمل ال2.0 كيف الH22 فوصل الموضوع إلى إختيار ال2.2 اللي جات على ال97 فل أوشبن والسعر أقل من نص سعر المذكورة أعلاه:D
وتقبلوا تحياتي وتقديري لكم على الإفادة وماقصرتوا يالطيبين:p