سرعة الإستجابه

[HaKeM]

مساء الخير

عندي مشكله في السيارة وهي سرعة الإستجابة لدعسة البنزين

قبل فتره كنت ادعس دواسة البنزين السيارة تستجيب بسرعه

ودحين صارت السيارة تاخذ وقت لين تستجيب لدعسة البنزين

والجربوكس اسمعله صوت خفيف كأنه وين من سرعه 0 الى 100

وعزم السياره طاح بعد ال60 الف كيلو

ايش السبب في هذا وايش الحل معاه؟



لأني اليوم اطارحت مع عضو في المنتدى مرتين مره قومه ارض

وكان الفوز لصالحي والمره الثانيه كانت سحبه على 40 وكان الفوز لصالح العضو ..

بسبب تأخر استجابة السيارة لدعسة البنزين

سيارتي افالون6 سلندر 2003 قير اوتو ماتيك والسياره الثانيه كامري 4 سلندر 2001

مركب بكره رياضيه وفاك دبه


:D

[grandv8]

السلام عليكم ورحمة الله وبركاته

اخوي
افحص زيت ناقل الحركة.،لان كل 45 الف كيلو يباله نبديل
افحص صحن كلتج ناقل الحركة.لان من كثرة حكرة القير بروح صحن كلتج.
افحص الانجكتر يمكن به وسخ ،يباله تنظيف.

تحياتي
:)

[CL-Class]

شكلك ماسويت تصفية للمكينة من زماااااااااااااااااااااااااااااااااااااان :damp:

صفي المكينة من حيث تغيير البواجي واسلاكها وغيره وتعال عطنا رأيك

[Corvette_Stingray]

أنا أقول يمكن الفيول بامب أو الإنجكترات فيهم وسخ ..

أو الزيت يبي له تبديل :banana:

والله أعلم

[cap_SS]

هلا اخوي روح الى اي ورشة محترمة او تضمن شغلها وقول ليهم يشيكوا على كيبل القير ادا مانفع معاك بدل زيت القير.
وسوي تصفية الى المكينة قبل هذا الشي ادا ما سويت قبل هالوقت.
انشالله تزبط معاك ورد علينا

[HaKeM]

سيارتي ماشيه 75 ألف وغيرت زيت القير في 60 ألف

أنا خايف يكون من صحن الكلتش لأني اسمع صوت ونه من القير

انا اغير البواجي والسيور واشوف كم يكلف صحن الكلتش


ومشكورين على ردودكم

:)

[الأنصاري]

والله ماتقدر نفتي في موضوعك انصحك تروح الوكالة او مكان محترم

واذا تبي تجرب شئ خفيف مايكلف جرب تغير فلتر البنزين

[bashar_255]

اذا تنزيل النمر عندك تعبان مع ما سبق فالأغلب انه مخ القير روح لورشة يشيكو لك على القير عدل ...


اذا تنزيل النمر ok ممكن العلة في الكمبيوتر او شب من الشبات :think:




تحياتي:)