تركيب هدرز ودبة فلو ماستر للندكروزر 2000

[EL_3grab]

السلام عليكم شباب ...

والله هالمنتدى تميز في تميز وان شاء أنجاريكم فالهشي :banana:

ياينكم بموضوع ان شاء الله يعيبكم ..

تركيب هدرز صناعه محليه .. ودبه فلو ماستر سيريس 40 للند كلورز

خلونا نبدي ..

صورة المحل في صناعيه الشارجه .. الوق واق ( دعايه ببلاش ) ..:D

http://www.uaqboost.com/up/uploading/vedsfvefgd.jpg

تعرفون على قد الحال تركيب بو عبود ..

وهاي صورة الهيدرز بـ300 درهم

http://www.uaqboost.com/up/uploading/vefdsfev.jpg

وهذا اللند يوم مشتل فوق يفجون عنه هدرز الوكاله ..

http://www.uaqboost.com/up/uploading/brgdsfbv.jpg

وهذا هدرز الوكاله فريناه بحر ..

http://www.uaqboost.com/up/uploading/bgrsdvgesvdv6755.jpg

وهذا هدرز بوعبود بعد التركيب ..

http://www.uaqboost.com/up/uploading/bsrgvdsed.jpg

الهدرز وكت فلتر K&N ..

http://www.uaqboost.com/up/uploading/bhtbrgvrgsb.jpg

وأحينه جلبنا السيارة علشان يشل دبه الوكاله اللي بالنص ...

http://www.uaqboost.com/up/uploading/bvrgbvsv.jpg

ويالس يقص دبه الوكاله ..

http://www.uaqboost.com/up/uploading/bbvegtvgvtef.jpg

شوفوا الفرق بين دبه فلو ماستر ومال الوكاله ...

http://www.uaqboost.com/up/uploading/tgbvsaefdv.jpg

واحين يالس يركب دبه فلو ماستر .. شوفو الدبه الورانيه ضاربه راس بوسلووم ..

http://www.uaqboost.com/up/uploading/bvefvre.jpg

ادري الصور مب واضحه .. بس الله كريم ... وحتى التركيب والهدرز بالصناعيه يعني شي مب راقي وايد .. بس اكثريه الشباب جذي يسووون :cool:

وهذا الفيديو بعد التركيب .. الصوت شويه مبين .. طولوا على صوت سماعاتكم .. بس هالرمسه يمكن قبل 3 شهور مادري 4 .. الصوت احينه زاااد بشكل فظييع ... ما تتصورونه والله .. :banana:

دوس مني علشان تحمل (http://www.uaqboost.com/up/uploading/My_2.zip)

أذا الله قواني بصورلكم أياها وبحطه فيديو ... :rolleyes:

ولكم احلا تحيه طيبه من أخوكم غـــــــــــانــــــمـــ

EL_3grab

[EL_3grab]

غريبه ليش الصور مب ظاهرة ... :think:

ياليت المشرفين يحلونا هالشي .. :(

[سنـاري]

الصور مو ظاهرة بسبب الاقواس الموجودة في الروابط ( )

:p

[EL_3grab]

ما ضني بسبة الأقواس :confused:

الله يعلم ؟؟

[EL_3grab]

سوري حبايبنا .. وخذيت براي الغالي سناري ...طلع صدق بسبه الأقواس :rolleyes:

السموحه ...

[922]

ماشاء الله


شغل نظيف وناس محترفين


الله يعطيك خيره ويكفيك شرها امين


ومشكور اخوي على هالصور والشرح الرائع







تحياتي

[SLR]

ياسلام علييك يالعيماااني... بصراحة كفيت ووفيت وانته خطييييير عاده ماحصلت غير الواق واق:)... سوق طيور هذا مب محل تلحيم قزوزات

[EL_3grab]

شو نسوي ... عالميزانيه والله :banana:

الله كريم .. ويعوض الجميع ... تشكرات عالمشاركه ... :D

[ERT]

:corsair: اجرام

[EL_3grab]

خخخخخخخخخخخخ ... تعالوا عااد شوفوا مشيه .. (قير تماتيك ) اللي يسمعه والله يزيغ .. بس تعال اصفط حذالنا ... يكحكح اللند .. يحليله المكينه رايحه من الدنيا ماشيه 179000 وهذا من غير الدعمات والتنقيزات في البر .. :rolleyes:

يحليله بس ...

[TOP-SECRET]

يعطيك العافيه اخوي العقرب الله يعطيك خيره ويكفيك شره مشاء الله شغل محترم مع اني افضل الاصلي على الشغل المحلي الله يعينك على الدبه اذا كنت راعي دعس كل شهر بتنفجر

بس لو موترك قير عادي حرام قير تماتيك

ويباله بوالين 900 وتهبيطه من جدام وورى جامده شوي وانت والخير رباعه

على العموم كم خذ وقت تركيب الهيدرز كامل وكم كلفك:)

والفلتر ريس الراس كبير ولا صغير اذا صغير ترى مايصلح حق الستيشن وسمعت انه يطيح العزم بعد الراس كبير يفتح السياره في القومه وفي نهاية الخط والهيدرز مايبيله يفتح الموتر طول الوقت

تحياتي:)

[IVH]

ياعيني عليك ابو عبود .. الله يعطيك خير موترك ويكفيك شره

صوت موترك مرعب :banana: :banana:

ياباني والنعم في الموتر .. :cool:

[uae speed]

هلا والله براعي عيمان .. :)
ما شاء الله شغل ارهابي ... بس حط لك تواير تسعمية ..
وبيطلع وحش .. :)

عقبال التيربو ان شاء الله ;)

[الأنصاري]

والله شغل حلو بس ماقلت لنا اشلون عزم السيارة الحين

[King 4x4]

مشكور أخوي على الموضوع.

بس أنا ملاحظ كم حاجه.

الأولى انهم غيروا لك الراس و الدبه بس.

وباقى التوصيلات ما قربوا منها. :think:

بس مبروك عليك و شوي شوي على موترك تراه تماتيك :glasses:

[180B]

عقبال التيربو ان شاء الله

[EL_3grab]

TOP-SECRET .... أدري والله .. حلاته الأصلي ... بس الدبه اصليه فلو ماستر من امريكا قيمتها بعد التنزيل 375 درهم .. نفس سعر النت ... يعني الدبه من الزين وأن شاء الله ما تنفجر ...

لا والله ما با تواير 900 ... ناوي على تواير برجستون ديلور ام تي .. بتلاقي صورة في موضوع اخونا سناري ...

التركيب خذا 3 ساعات بالضبط ... وخذا مني الريال 200 درهم ..

الفلتر أكبر راس موجود بالمحل ... بس أحينه شليت البيب المنيوم مال الفلتر ورديت الربل .. لنه الألمنيوم وايد يحر وبالتالي يأثر بمشي السيارة ؟؟ :think:

IVH ... فديته والله بس قاصرنه قير عادي ... :rolleyes:

uae speed ... نفس ما قلت تواير برجستون للبر .. أحسن من 900 ... وناوي على تيربو وكت سوبرجارج ... لا تسالوني كيف :banana: .. بس اعرف :D

King 4x4 ... هيه الغالي لني انا خذيت بس راس ودبه ... والريال من عنده وصليي بييب من الراس للدبه ... ما شليت الدبه الأخيره لنه الصوت وايد بيزيد .. ومثل ما تعرفون الفلوماستر مافيه شاش وهالخرابيط .. دبات الفلو ماستر مسوايه حق الصوت وحق الأمريكي 8 .. وانا مالي 6 .. فخفت بعد انه الضغط يروح عني ويطيح عزم السيارة بالقومه ... فبدلت اللي بالنص بس .. والله كريم ...

180B ... أذا الله قدرني .. بس ان شاء الله :banana:

وسلامي لكل المشاركين ... اثريتوا الموضوع والله ...

http://www.uaqboost.com/up/uploading/Imagejtdjnt.jpg

[grandv8]

السلام عليكم ورحمة الله وبركاته

EL_3grab
ماشاء الله شغل حلو على السيارة .
وخاصة تعديل بسيط وماكلف وايد على السيارة.
تقدر بعد تضيف عليه بلاكات ريس ،تواير 900 او تنزيل للسيارة.

الله يعطيك خيرها ويكفيك شرها وانتبه على نفسك.
ونزل موضوعك من المواضيع المميزة بسوالف السيارات.

تحياتي
:D

[TOP-SECRET]

العقرب اذا تبا كامات مستعمله عند ربيعي من الشارجه واحد عصيمي يبا يبيعها ستيج3 نسيت قصة وين الكامات بس اذا تباها ان شاء الله مب مقصرين معاك وعلى كلامه جنها يديده نظيفه وايد:banana:

[bujassim]

في شي انصحك انك تسويه يمكن يعطي الهيدرز و الفلتر حقه

سكر المكينة ... و افصل عنها البتري (البطارية) لمدة ساعة... و ابعدين ركبها مرة ثانية
بهالعملية بترجع تبرمج الكمبيوتر على هيدرز جديد و فلتر جديد


بدون هالحركة الكمبيوتر ما بياخذ هوا وايد ولا بيطلع هوا وايد
يعني ما بتستغل الاضافات

انا سويت هالحركة بالموتر عندي و قلت الصرفية كان يمشي في 10.5 جالون 245 كيلو و صار يمشي 315 تقريباً

جرب و شوف شو.. ترى هالشي يطول عمر المكينة بعد


و هالعملية يتنصحون بها يعد كل عملية اضافة للسيارة

و خبرني شو صار وياك

[EL_3grab]

grandv8 ... ودي يالغالي .. بس أحين يالس أيمع :banana: ....وأول شي ناوله القير .. بلاقيه قالولي بـ5000 ويا شغل التبديل الله يعلم ...

وصراحه ما اعرف كيف اشكرك والله أول مشاركه لي وحطيتها بالمواضيع المتميزة والله تشرفت حبووووب ... :p

TOP-SECRET ... ستيج 3 .. زين خبرنا كم طالب فيهم .. لني محصل كامات عند واحد برخص ويداد .. حتى أذا عندك مستعملات ماشي ضرر ... :laugh: .. قولنا كم الأسعار وفالك طيب ...

bujassim ... تم .. باجر مجرب أن شاء الله ... اللي محاتنه القنوات المسجله بالرادو ... :D :D :D

مشكورين شباب بدونكم جان المووضوع ما وصل لها المستوى والله ...

أخوكم غـــانــــمــ

EL_3grab