قــــــــــومــــــــه عنيفه الكل ينتظرها بفارغ الصبر (ادخلوااا بسرعه )

[infiniti]

بسم الله الرحمن الرحيم

اول شي اعتذر من المشرفين لوضع القومه في هذا القسم لاكن لأهميتها وضعتها هنا.

طبعا الكل يتحدث عن قومه اللومينا و الزد350 و الكل يقول كلام من راسه او كلام منقول من شخص اخر و هنا حبيت اني اوضح بعض النقاط حول هذه القومه بالتفصيل الممل لكي اقطع الشك باليقين .


اولا قوة السيارتين و الوزن و الموديل

اللومينا موديل 2002

الوزن 1570 كيلو تقريبا تزيد او تنقص 10+- كيلو

المكينه 5700 cc ثمانيه سلندر LS1

الجير اوتوماتيك
الحاله : هدرز + اكزوز سستم + رام اير

القوه من المصنع = 325 او 328 حصان

القوه بعد التزويد على حسب كلام صاحب السياره 350 حصان تقريبا

السواق : صاحب السياره و خبره كبيره في القومات .

عداد البنزين = النصف

الكفر الاحتياطي = غير موجود لتخفيف الوزن
==============================

زد 350 موديل 2004

الوزن 1530 كيلو تزيد او تنقص 10+- كيلو

المكينه 3500 CC سته سلندر VQ35DE

الجير عادي سته تعاشيق

الحاله : ستــــــــــــــــــوك ( سياره تجارب للوكاله )

القوه من المصنع = 294 حصان

السواق انا شخصيا (INFINITI ) مع ان تجربتي للزد لم تتجاوز 24 ساعه فقط .

عداد البنزين = الثلث

الكفر الاحتياطي = غير موجود لتخفيف الوزن

======================================================
مسافه القومه 0 - 800 متر

جميع السيارتين مفصول منهم التراكشن و السبب انه السياره تقطع البنزين في بدايه القومه لذا اتفق الطرفين على فصل التراكشن لمصلحه الطرفين .

تمت القومه في كورنيش الدمام
حاله الجو 37 درجه مؤيه الرطوبه عاليه جدااا.


و اخيرااا


حملت المقطع على موقعين مختلفين و اتمنى من احد الاخوان ان يحمل المقطع على موقع موثوق.

ملاحظه اذا ما اشتغل المقطع استخدم برنامج QuickTime Player
امتدام الفلم AVI
المقطع عباره عن ملف مضغوط.

الموقع الاول

http://www.cars-club.com/up1/index.php?act=dl&file=RFNDSTAwNjIuemlw


الموقع الثاني


http://www.remass.net/up/up/DSCI0062.zip


تحياتي للجميع .

[Trans-Am RAMAIR]

السلام عليكم


مبروك الف مبروك لعشاق ال nissan 350 z

مشكور اخوي infiniti على القياده و على الفيديو الحلو...على الاقل الحين في دليل الواحد يقدر يحتج في!!


تحياتي للجميع

[R32 HPA]

مشكور اخويا على جهودك الطيبة

جربت الأثنين واشتغل على الميديا بس للأسف الصوت فقط :headshak: :cry:

يقولك خطأ في برنامج الترميز


نحن في انتظارك :help:

[HaKeM]

التصوير تعبان

والفرق بين السيارتين بسيط

:p

[BoSaLem]

قومه قويه مشكور اخوي انفنتني بس للاسف التصوير مو ذاك الزود

ما اعتقد احد يقدر يشكك بقوه الزد الحين واللومينا عليه اضافات بعد

وحش الزد:black:

[Porsche GT2]

هذا والإس إس مزود

والله سيارة الزد :black:

[zoom6]

:banana: :banana:
مشكور

[WRX]

السلام عليكم ورحمة الله وبركاته

تحياتي لك وللزد....:p

[X_RaYs]

اولا الزد سياره قويه والشي هذا مايختلف عليه اثنين ..

بس انا من رايي من الظلم مقارنة سيارة جيرها أوتو 4 تغييرات مع سياره جيرها عادي و6 تغييرات !!

معنى كلامي انه لو كانت الزد أوتو كان صارت المقارنه أعدل شوي ..

ومشكور اخوي infiniti

[durango]

حلوه بس النشره الجويه..:D






مشكور اخوي.. بس لما تخلص من تجربه الزد,ياليت لو تمررها:laugh:









EMO

[Porsche GT2]

اخوي X_RaYs

لا تنسى إن اللومينا 8 سلندر ومزودة بعد .. والزد 6 سلندر ستوك

يعني بعد ظلم للزد إنها تقارن بسيارة 8 سلندر ومع ذلك تفوقت عليها ..

[FSM]

الزد وبس :black: :black: :black:
:laugh:

وصله للفيديو (http://www.cars-club.com/up1/store/DSCI0062.zip)


:banana: :banana: :banana:

[زورو الامارات]

السلام عليكم ورحمة الله وبركاته


والله شغل حلو والسيارتين اداء وقوه ماعليهم كلام

بس الفيديو مايبين بسهوله اي سياره متفوقه والسبب السرعه الهائله

[عاشق الهوندا]

صااااروخ ارض ارض الزد ما شاء الله
:shock2: :shock2:

[Qatif_Altima_Hks]

مبروك الف مبروك

نيسان على كل لسان
:D
من قريت الموضوع وقلت الزد قدام وبدون كلام مغترين انتو في الومينات:black:

[King 4x4]

كل واحد عنده لومينا لا يسوي لنا زحمه الحين :laugh: .

والمسافه حتى 800 متر عشان اللومينا يكون عندها نفس تجيب الزد بالخط و لا قدرت. :laugh:

[CRX]

هلا و غلا


اكيد نيسان وبس وكفايه ان الموتر ستله سلندر و مب مزود وفوق كدا تحت التمرين من الوكاله يعني
اما الومينا التي الكل يعتبرها اقوى السيارات و 8 سلندر و مزود ولكن :headshak: هدا هو واقع الحال
صح كلامك اخوي Qatif_Altima_Hks
Viva 350 :D

[TOP-SECRET]

لووووووووووووووووووووووووول :eek: :eek: :eek: والله استهزاااااااااء سياره 6 سلندر وستووووووك

ضد سياره 8 سلندر ومزوووووده

وتقريبا نفس الوزن

خخخخخخخخخخخخ الصراحه لاتعليق يعني لو الاثنين ستوك مافيه مستوى ابدا

ويعطيك الف الف عافيه اخوي انفينتي على الموضوع الروووووعه

وطبعا انت الحين وضعت النقاط على الحروف مثل مايقولون ومافيه كلام في هذا الموضوع بعد الآن

:p تحياتي

[ES 300]

لو فيه لومينا اس اس كوبيه اتوقع النتيجه بتكون غيــر .. :black:


والزد كان كذا بالقومه :banana: ..

[الأنصاري]

سخرية القدر

ذكاء المحرك يالياباني يتفوق:D :D

[®Lumina ss 2002]

بدون تعليق (http://spoof3d.com/projects/2oo/videos/03-350z_vs_LT1-Z28.mpg)
على ما اظن ان شفر كان ست سلندر ركزوا ع الاكزوز علما سيارتين كانو ستاندرد (ستوك):banana: :banana: :black:

[mustang cobra]

ماشاء الله مبروك عليك والله تهزيئه قويه ما كنت اتوقعها بس التقرير الي في البدايه دقيق بدرجه اول مره اشوف واحد واحد يكتب مثل هذه التفاصيل:blink:

[B4_STI]

رد مقتبس من Porsche GT2
هذا والإس إس مزود

والله سيارة الزد :black:

[2k2]

والله 350 طلعت مو هينـــــــــــــــــــه :banana:

[oil_HKS_lio]

السلام عليكم

مع اني ماشفت القومه بس مشكوووووور زياد الحين اصحاب الومينات خليهم يحطون في بطونهم بطيخه
وفوق كذا مزوووووووووووووووووووووووووووووووووووووود يعني لو مو مزود كلاام ثاني

المقطع طلع لي صوت وصوره

احد يتكرم ويحط لنا برنامج DivX الجديد

[ABD 911]

مشكوور على اللقطة القوية بصراحة والحين اللومينات عرفوا قدرهم وعرفوا مع مين يطلعون

المقطع الموجود في رد infiniti (الموقع الأول) الي نزله يعمل له إعادة تسمية ويضيف كلمة .zip في الأخير ورح يضبط .. وتم تصحيحه في رد FSM ..

شكراً مرة أخرى وبإنتظار قومات للألتيما 3.5 :cool:

ABD 911

[lt4_caprice ss]

السلام عليكم

بس أنا أعرف إنه اللومينا اس اس يطلع على الكماروا وأنا عندي فيديو ا إنه الكماروا طالع على
الزد الجديد 350



بس حجمه كبير
7ميجا

وهذا المقطع



http://spoof3d.com/projects/2oo/vid..._vs_LT1-Z28.mpg

:banana: :banana:

وشكراً

[lt4_caprice ss]

السلام عليكم

وإلي مايقدر ينزل الرابط
يدخل على هذا الرابط وينزله


http://www.cars-club.com/vb/showthread.php?t=322



وشكراً

[أبوعدنان]

السلام عليكم ورحمة الله وبركاته

مشكور على الفيديو ولاكن لو كان من داخل السياره يكون احسن

والسؤال هل على الومينا برنامج لان جي ام مضعفه المحرك عند الغيرات حفاظا على القير وعندما

يزال تفرق السياره فرق واضح وكذلك تقديم الشراره يساعد وانا لااقول هذا الكلام من فراغ فقد برمجت

عده لومينات وكذلك القير العادي(غير متوفر للخليج) يفرق فيه حوالي عشرين حصان


وفي منتدى الجي تي او صار عده سباقات تغلبت ال جي تي او ( لومينا للامريكان)

الا مره بين زد و جي تي او اتوماتيك تقدمت الزد بنصف سياره وصار صاحب الزد معدل

ويمكن ان الزد االمصدر لامريكا اضعف من اللى عندنا او الجي تي او اقوى من اللومينات الس اس

ولاحظ ان عندهم قير عادي


وهذه روبط منتدى الج تي او التي صار فيها النقاش للي يجيدون الانجليزي

http://www.ls1gto.com/forums/showthread.php?t=7386

http://www.ls1gto.com/forums/showthread.php?t=6547

http://www.ls1gto.com/forums/showthread.php?t=5892

وهذه في مضمار سباق يعني لفات مهو خط مستقيم

http://www.ls1gto.com/forums/showthread.php?t=3802


تحياتي للجميع

[Dentist]

مشكور يالغالي

تعيش الزد :banana:

ويسقد الحاقدين :ranting:



وما يصح الا الصحيح :)

[Trans-Am RAMAIR]

السلام عليكم



اولاً في وايد اشياء خطاْ انذكرت!!

1- ال nissan 350 z وزنه= 1525 كيلو بالضبط....اللومينا SS وزنها= 1658 كيلو بالضبط...يعني الفرق بينهم بالوزن= 133 كيلو......يعني فرق كبيــــــر و الاخوان هني يفتون بأن الوزن متقارب اذا 133 كيلو وزن متقارب شخليتوا حق المتباعد؟!!

2- ال nissan 350 z سياره سبورت فقط+كوبيه....اللومينا SS سياره سبورت+اربع ابواب.....

3-ال nissan 350 z مثل ما ذكر اخونه انفنتي كان قير عادي 6 سرعات..اللومينا بالخليج للاسف ما يتوفر اله بقير اوتوماتك 4 سرعات+العداد مقفول عند 249 كيلو. و الZ مو مقفول يعني ينزل الي فبطنه كله على الراحه.

------------------------

على الاقل و اذا كان هناك اقل عداله بالموضوع....ليش ما تقارنون الZ بال Chevrolet Camaro Z28 علماً بان الكمارو وزنه 1580 كيلو تقريبا و مكينته نفسها الي على اللومينا SS و بالعكس اضعف شوي لان قوتها 310 حصان و يتوفر بقير عادي 6 سرعات.....هني تكون المقارنه او القومه عادله.

طبعاً الي يعرف بالسيارات و القومات راح يعرف النتيجه من الحين....لانه الكمارو يلعب باللومينا SS لعب مو طبيعي يعني اقل شي ب600 متر يعطيها فرق شبه كامله و المعروف ان الكمارو مسافته 800 متر يعني الله يستر شراح يصير بالZ


ملاحضه:::الخليجيه Chevrolet Lumina SS + الاستراليه Holden Commodore SS+ البريطانيه Vauxhall Monaro=====سياره واحده و لا تختلف اله بالاسم فقط......لاكن الفرق الوحيد ان فباقي البلدان غير الخليج طبعاً تتوفر بقير عادي 6 سرعات ...مثال بسيط البريطانيه Vauxhall Monaro تسارعها 5,3 ثانيه و باحد المقارنات بين عدة سيارات و كان من بينهم الZ تفوقت عليه بكل سهوله في جميع انواع التسارع و الربع ميل اله في مكان واحد و اهو الحلبه..الZ بالحلبه قطع وقت=دقيقه و 32 ثانيه و بالمقابل الVauxhall Monaro دقيقه و 33 ثانيه..طبعاً المقارنه من مجلة EVO



و هذا موقعهم www.evo.co.uk

----------------------------------------------

المهم ادري ان راح يرد علي واحد و يقولي لا ترقع..انا من الحين اقول بنفسي اني قاعد ارقعلها لانه صج تستاهل و هذا مو ترقيع بالعكس حق و ينقال....و انا مايبت حرف واحد من عندي.



تحياتي

[RED Chevy]

v
v
v
v
v
v

خوش رد اللي فوقي:D

وألف شكر يازياد على الموضوع اللي برد قلبي:p

ولاتخاف ترى النتيجة مازعلتني بالعكس عجبتني وايد لأن الزد عادي مو آوتو يعني لو كان أوتو وش تتوقع:rolleyes:

وبإنتظار قومة لss أوتو مع زد أوتو يمكن تصير القومة لنا:D

[TOP-SECRET]

لاتنسى انه مزود يابوراشد :eek:

[RamAir]

النتيجه طبيعية خصوصاً ان القير في اللومينا اوتو والزد يدوي والوزن من صالح الزد وانا بصراحة اسغرب من الي يعتبرون الـهدرز + اكزوز سستم + رام اير تزويد كلها منشطات لا اقل ولا اكثر :)

ومبروك للي فرحانين بالزد :cool:

[Dr cars]

شكرا جزيلا على التفاصيل و الفيديو

[الامير الاحمر]

مرحبا..

انا من محبي اللومينا<<<<< ليس لشئ .. ولكن لأن عليها شعار الشفر فقط ..!!!


ولكن النتيجة فاجئتني ...


:shock2: فعلا الزد قوي

:banana: :banana: :banana: :banana:

تحياتنا للياباني

ايواااا ياعشاق الياباني افرحو>>>>> ولا بأس من الشماته بعد :D



تحياتي للجميع

[NFS]

Trans-Am RAMAIR

علشان نخلي المقارنة عادلة ، روح كنسل (سليندرين) من مكينة الـSS وركب قير الـ6سرعات وخلي التجربة تنعاد مرة ثانية وخلينا نشوف النتيجة (لعلى وعسى تتغير) :D


RamAir

------------------------------------------------------------------------------------------------
وانا بصراحة اسغرب من الي يعتبرون الـهدرز + اكزوز سستم + رام اير تزويد كلها منشطات لا اقل ولا اكثر
------------------------------------------------------------------------------------------------



الصراحة المصطلحات عندك شيء غريب وعجيب.


إلا تركيب البوست كنترولر أيش يسمى؟ <----- لا يكون مسهلات:eek:

[Trans-Am RAMAIR]

اخوي NFS روح قسم الفيديو في قومه بين كمارو 6 سلندر و z350 ..حملها و اضحك على الz...



تحاتي للجميع

[الارهابي]

رد مقتبس من NFS
Trans-Am RAMAIR

علشان نخلي المقارنة عادلة ، روح كنسل (سليندرين) من مكينة الـSS وركب قير الـ6سرعات وخلي التجربة تنعاد مرة ثانية وخلينا نشوف النتيجة (لعلى وعسى تتغير) :D


RamAir

------------------------------------------------------------------------------------------------
وانا بصراحة اسغرب من الي يعتبرون الـهدرز + اكزوز سستم + رام اير تزويد كلها منشطات لا اقل ولا اكثر
------------------------------------------------------------------------------------------------



الصراحة المصطلحات عندك شيء غريب وعجيب.


إلا تركيب البوست كنترولر أيش يسمى؟ <----- لا يكون مسهلات:eek:

اجل التيربو حق اللجه :D

[RamAir]

**************************************************
NFS
الصراحة المصطلحات عندك شيء غريب وعجيب.


إلا تركيب البوست كنترولر أيش يسمى؟ <----- لا يكون مسهلات
***************************************************
اخوي NFS القطع الي في الموضوع اتحدى اذا كانت توصل 30 حصان بعدين من متى الواحد كل ما ركب له كم قطعة قال توصل للقوه الفلانية وين عايشين فيه انا :think:



*************************************************

رد مقتبس من الارهابي
اجل التيربو حق اللجه :D

*****************************************************
الارهابي شكلك مبسوط على القومة :banana:

[الارهابي]

http://www.arab3.com/images12/82873007.jpg

:D


ايه مبسوط و من حقي اضحك و اتشقق بعد :D

ما ادري لمتى تفكروا اللومينا قويه و مسوينها مقياس لقوه السيارات :D



قال هولدن قال :laugh: :D

[مؤيد اف1]

رد مقتبس من الارهابي
http://www.arab3.com/images12/82873007.jpg

:D


ايه مبسوط و من حقي اضحك و اتشقق بعد :D

ما ادري لمتى تفكروا اللومينا قويه و مسوينها مقياس لقوه السيارات :D



قال هولدن قال :laugh: :D

اللومينا ماهي مقياس بس ناس واجد مو فاهمين هالشغله سياره سيدان ويحطوها مقياس:laugh:

وغير كدا جيرها معفن مضيع قوة السياره وحاطين برنامج عليه من زود تحمله:laugh:

[Imaj]

يا ناس يا عالم.. القير نسيتم القير..

لو الماكينة مليون حصان إذا القير مو محترم ما في نتيجة!!

لا ومقارنينها بزد قير عادي..

عيب عليكم..

بعدين تقولون ثمانية وستة وأربعة ليش نلعب بالوت :D

ايش رايكم نعد الصمامات نجد الزد 24 و اللومينا 16..

اللحين تصير المقارنة غير عادلة وبقوة..


طبعاً في عوامل أخرى مثل الإنسيابية والعزم والقوة..

وأنا بالذات أطالب بقياس قوة محرك الزد عالداينو.. لأن عادة اليابانيين يكذبون في القوة المستخرجة.. يمكن تكون 300 حصان أو أكثر..





وبالنسبة للي يطالب بحذف سلندرين من اللومينا، ليش ما نحذف 8 صمامات من الزد وتصير 18 ضد 18.. ؟؟!!!

هذا الكلام غير عادل بالمرة.. إنت تعرف إن محركات LS تتميز بأنها بسيطة جداً وإعتمادية وخالية من التعقيد.. أما خذ محرك VQ35 فيه تقنيات وإليكترونيات أكثر من اللي في أبولو 11..




الله يهديكم :)

[oil_HKS_lio]

رد مقتبس من lt4_caprice ss
السلام عليكم

بس أنا أعرف إنه اللومينا اس اس يطلع على الكماروا وأنا عندي فيديو ا إنه الكماروا طالع على
الزد الجديد 350



بس حجمه كبير
7ميجا

وهذا المقطع



http://spoof3d.com/projects/2oo/vid..._vs_LT1-Z28.mpg

:banana: :banana:

وشكراً

انتو الحين الي متمسكين بهاذي القومه وعادينها مقياس ان الكمارو اقوى من الزد انا ايش يثبت لي ان هاذا الكمارو مو مزووووووووووووود؟؟؟؟؟؟؟؟؟؟؟


ولا احد يقول قير تماتيك او ماغير تماتيك مايحتاج حجج دام انكم تقلون انها عائليه وقير تماتك وثقيله لاتخلونها قويه:banana:

والي يقولك انها قير تماتيك نسيت انها 8 سلندر ليش اليباني احنا ماقلنا ان الومينا 8 والي باط جبدي انها مزوده بعد وهم ماقلنا شي

نجي الي يقلون انها سياره عائليه

انتو يعني متئكدين انكم تبون سياره عائليه اجل خلاص لاتحطون راسكم براس الزد وبتسوون في الومينا غصب طيب عنتر بن شداد

نجي اللحين للسياره العائليه مثل ماطلبتم

يوم الخميس الي راح كورنيش الدمام شارع ميرمار كذا فوق الساعه1فيه التيما

قصصصت 3 لومينات اس اس

الحين ممكن يجيك واحد يقول السواق له قيمه كبيره

انزين 3 لويمنات يعني 3 سواقين كلهم مافيهم خير؟ يعني اكثر من سواق مافي حجه للسواق

اسمحولي صراحه مثل ما انتم تدافعون هم انا ادافع عن الي احبه

[Crower]

لا يعجبكم العجب و لاالصيام في رجب
في قسم الفيديو حاطين اللومينا انها مقياس القوة و غيره و انها تطوف الزد بكل سهولة, و يوم بين الصدق قلتوا عائلية,الوزن, الجير و مادري شو
عيل ليش مسوين هالضجة على اللومينا.
اخوي ترانز ام: مستحيل و تعرف شو مستحيل:rolleyes: كمارو 6 سلندر يشبر عند الزد الا ان كان مزود... احسبها بالعقل.
اخوي ايماج: على فكرة و من تجربة.... الزد الاوتو اقوى من العادي في القومة:rolleyes: ....

[Imaj]

ما أحد فيكم تفكر في ردي كما يجب

-------------------------
وبالنسبة للي يطالب بحذف سلندرين من اللومينا، ليش ما نحذف 8 صمامات من الزد وتصير 18 ضد 18.. ؟؟!!!

هذا الكلام غير عادل بالمرة.. إنت تعرف إن محركات LS تتميز بأنها بسيطة جداً وإعتمادية وخالية من التعقيد.. أما خذ محرك VQ35 فيه تقنيات وإليكترونيات أكثر من اللي في أبولو 11..
-------------------------





لا عاد أسمع أحد يقول ثمانية وستة.. ترى الفرق بينهما أثنين..

لكن الفرق بين 16 (لومينا) و 24 (Z) ثمانية..

بدال لا نخلي اللومينا V6 ليش ما نخلي الزد 16V ؟!

ونشوف كيف يصير الأداء..

تقارنون محرك عمره 7 سنين وبتقنيات بسيطة بمحرك فيه تنقنيات أكثر من اللي في الصاروخ شالنجر..


عادتكم يا شباب سوالف غير عقلانين أبداً.. هناك جوانب عديدة ينظر إليها..

لمن تقوم زد على لومينا شيء عادي.. لأن عندك أول شيء فرق السعر.. يعني سيارة بـ85 ألف تقوم على سيارة بـ140 ألف فضيحة ما بعدها فضيحة.. لكن كما حدث في الواقع شيء عادي ومتوقع!!



عندما تقارن تنظر إلى المحرك مو بس كعدد إسطوانات أو عدد ليترات بل أيضاً للتقنيات وعدد الصمامات وكل شيء.. تنظر للوزن و حتى نفسية السيارة.. يمكن اللومينا ما كان لها خلق :D

تنظر للسعر وتنظر للمواصفات.. الزد من الأساس كان التركيز أن تكون سبور كل شيء فيها من الصفر مصمم كي تكون سبور..

اللومينا لا.. الشاصيه مأخوذ من الأوميجا وواقع تحت عمليات سمكرة عديدة..


رجاء فكروا في كلامي قبل لا تردون..


مرتضى أتفاهم معاك بعدين :o

[until the end]

السلام عليكم ورحمة الله وبركاته
مشكور اخوي على الفديو الروعه وعلى مجهودك الكبير وخصوصا" السياقه الرائعه:banana:

[الارهابي]

رد مقتبس من Imaj
ما أحد فيكم تفكر في ردي كما يجب

-------------------------
وبالنسبة للي يطالب بحذف سلندرين من اللومينا، ليش ما نحذف 8 صمامات من الزد وتصير 18 ضد 18.. ؟؟!!!

هذا الكلام غير عادل بالمرة.. إنت تعرف إن محركات LS تتميز بأنها بسيطة جداً وإعتمادية وخالية من التعقيد.. أما خذ محرك VQ35 فيه تقنيات وإليكترونيات أكثر من اللي في أبولو 11..
-------------------------





لا عاد أسمع أحد يقول ثمانية وستة.. ترى الفرق بينهما أثنين..

لكن الفرق بين 16 (لومينا) و 24 (Z) ثمانية..

بدال لا نخلي اللومينا V6 ليش ما نخلي الزد 16V ؟!

ونشوف كيف يصير الأداء..

تقارنون محرك عمره 7 سنين وبتقنيات بسيطة بمحرك فيه تنقنيات أكثر من اللي في الصاروخ شالنجر..


عادتكم يا شباب سوالف غير عقلانين أبداً.. هناك جوانب عديدة ينظر إليها..

لمن تقوم زد على لومينا شيء عادي.. لأن عندك أول شيء فرق السعر.. يعني سيارة بـ85 ألف تقوم على سيارة بـ140 ألف فضيحة ما بعدها فضيحة.. لكن كما حدث في الواقع شيء عادي ومتوقع!!



عندما تقارن تنظر إلى المحرك مو بس كعدد إسطوانات أو عدد ليترات بل أيضاً للتقنيات وعدد الصمامات وكل شيء.. تنظر للوزن و حتى نفسية السيارة.. يمكن اللومينا ما كان لها خلق :D

تنظر للسعر وتنظر للمواصفات.. الزد من الأساس كان التركيز أن تكون سبور كل شيء فيها من الصفر مصمم كي تكون سبور..

اللومينا لا.. الشاصيه مأخوذ من الأوميجا وواقع تحت عمليات سمكرة عديدة..


رجاء فكروا في كلامي قبل لا تردون..


مرتضى أتفاهم معاك بعدين :o

في شركه اسمها اراو انجنيرنق تسوي روس 32 بلف للشفر بس لمكاين الجيل الاول SBC و BBC
افرض انها تركب على الLS1 كم تتوقع الفرق بين LS1 ب16 بلف و LS1 ب32 بلف بدون تغيير اي حاجه ثانيه ؟ وش تتوقع تكون النتيجه

و لو جبنا مكينه الزد و سوينا لها راس بحيث يكون بلفين لكل سلندر يعني 12 بلف كم تتوقع تنقص من قوتها بدون تغيير اي حاجه ثانيه ؟ وش تتوقع تكون النتيجه بعد

العبره مو بعدد البلوف :D العبره في الflow ( يقيسوه بالCFM ) و خصوصا في الwet flow مو بعدد البلوف و لا حجمها :D
و هذا الشي اول ما يحدده تصميم الports في الراس و ايروديناميكيه دخول و خروج الهوا و البنزين منها و الport velocity يعتبر شي مهم جدا بعد :D


و بعدين على سالفه التقنيات و التنكلوجيا :D
اقدر اجيب لك سياره بديها حديد و ما تشتغل الصبح الا لما تخليك تشيب و مكينتها ستوك و مو مغير فيها بلط واحد و جيب لي سياره حاطين لها سوبركمبيوتر في الECU حقها و انا اعرف كيف امترها :D
و بقير اوتو بعد :D



حجه الحريقه الطفايه :D

[Qatif_Altima_Hks]

شباب شفيكم متعصبين للموضوع

العام في التجمع الي صار الاهو جولة التألف كان في كرنيش القطيف

بعد ماخلصنا الفعاليات:D داس skyline gts بمحركات rb25det مع لومينا ss ستوك

والجماعه صوروها القومه لسكاي عطى الومينا فرق حوالي ليت:rolleyes:

لو احصل الرابط حطيته بس يمكن موجود عند خوينا oil HKS

والعام في ZX240 عليه محركات موستنج داس مع لومينا في مخطط المحدود

والنتيجه لصالح الزد:D الفيديو موجود عندي وهو من اخراج خوينا الباد كلير 95 ابو علي:)

اذا حصلت الوصله بانزلها

لاتغترو في الومينات قوه على خرطي:black:

[oil_HKS_lio]

Qatif_Altima_Hks
افا عليك كل شي موجود

هاذا الموضوع
http://www.swalif.net/sforum1/showthread.php?s=&threadid=184217

وهاذا المقطعين الي يبغا يحملهم
http://www.cars-club.com/taulf/vid/skylinevslumina_ss2003_1.asf

http://www.cars-club.com/taulf/vid/skylinevslumina_ss2003_2.asf

250 حصان:D :D :D :D :D :D :D

[TOP-SECRET]

ليش الف والدوران يعني الفيديو الكل شافه ومايفيد هذا الكلام الزد قام على لومينا والومينا 8 سلندر و325 حصان والزد 6 سلندر و 280 حصان مسويين ظجه ليش لا وفوق هذا اللومينا مزود :banana: اي نعم مزود والي يقول هذا سهالات ومادري شنو واشياء ماتعتبر تزويد حط قدامك سيارتين وحده بهيدرز بس من غير باقي القطع الي مركبها راعي الومينا وحط نفس السياره شركه وشوف النتيجه :p

[الارهابي]

اخوي Qatif_Altima_Hks

ما تدري عطاسات الRB20 شد بلد بكم و وين احصلهم :D

[Qatif_Altima_Hks]

رد مقتبس من الارهابي
اخوي Qatif_Altima_Hks

ما تدري عطاسات الRB20 شد بلد بكم و وين احصلهم :D

شوف انا عندي واحد حق ابلاد بس فاصل عنه الهوا ومركب جنبه واحد ثاني كبير حق شركه

اذا تبغى زي الي مركبنه او حق شد ابلاد باشوف الك وهم اقيامهم على 150 الى 200

اذا تبغى قولي بكرا اشوف الك

:black:

[الارهابي]

وش نوع اللي ركبته :D

انا عندي واحد شد بلد حق RB20 اخدته ب50 ريال :D
من فوق مكتوب عليه نيسان بس هو من صناعه متسوبيشي
علامه متسو من جنب :D

الشد بلد بكم ؟

[Qatif_Altima_Hks]

رد مقتبس من الارهابي
وش نوع اللي ركبته :D

انا عندي واحد شد بلد حق RB20 اخدته ب50 ريال :D
من فوق مكتوب عليه نيسان بس هو من صناعه متسوبيشي
علامه متسو من جنب :D

الشد بلد بكم ؟

الشد بلد 100 يبيعوه الى 150

انا الي ركبنه حق شركة blitz خذيته 200 هو كان يبغاه 300 بس شافني كل يوم اروح له:D عطاني وياه

ترى الي عندك عدل لاتفرط فيه لان صناعة اصليه عليه ختم متسوبيشي:eek: هذا النيسان الاصلي

لوتشوف اغلب قطع النيسان كذا اليوم بس مشيك اشوف ختم على الماقنيت:D

[الارهابي]

اها

هذا اللي عليه ختم المتسوبيشي نفس اللي يجي على المتسوبيشي التيربو ما ادري وش اسمهم في امريكا و يمدحوه :D

[Porsche GT2]

رد مقتبس من Crower

في قسم الفيديو حاطين اللومينا انها مقياس القوة و غيره و انها تطوف الزد بكل سهولة, و يوم بين الصدق قلتوا عائلية,الوزن, الجير و مادري شو
عيل ليش مسوين هالضجة على اللومينا.


صح كلامك Crower

[BoSaLem]

اخوي ايماج انت تقول حرام تقارن اللومينا مع الزد

خلاص قارن الكمارو 6 سلندر مع الزد 6 سلندر الاثنين قير عادي !!

وشووف منو يطلع ماشي؟؟

[oil_HKS_lio]

رد مقتبس من BoSaLem
اخوي ايماج انت تقول حرام تقارن اللومينا مع الزد

خلاص قارن الكمارو 6 سلندر مع الزد 6 سلندر الاثنين قير عادي !!

وشووف منو يطلع ماشي؟؟

يارجال مايحتاج ال8 سلندر خالصين منه مايحتاج 6:laugh:

[Qatif_Altima_Hks]

الارهابي

بسألك سيارتك فيها تايمر تيربو؟؟:D

[الارهابي]

لا :D

بس ترى هالاغراض مو لليون

[Imaj]

طيب وزبدة الموضوع..

بصراحة إنت خنت الشفر يا الإرهابي بس دام إنك إرهابي نتفهم توجهاتك المضادة للأمركة:)

روح وغير اسمك لخبير الددسن أصرف :laugh:

[oil_HKS_lio]

رد مقتبس من Imaj
طيب وزبدة الموضوع..

بصراحة إنت خنت الشفر يا الإرهابي بس دام إنك إرهابي نتفهم توجهاتك المضادة للأمركة:)

روح وغير اسمك لخبير الددسن أصرف :laugh:

يا بن الحلال الحق حق :D

[الارهابي]

اي شفر :D
هدي هولدننننننن :D

[مؤيد اف1]

هولدن طول عمرها مرتبطه ويا الشفر :D

[Pure_Intimidation]

Nice!
:D

[خبير نيسان]

السلام عليكم ورحمة الله وبركاته
ومتى صارت اللومينا بالزد
خل يجي كومورو كورفيت وانا مستعد احط وياه ريس

[Trans-Am RAMAIR]

السلام عليكم


اخوي خبير نيسان روح قسم الفيديو و رد بموضوع الكورفيت vs سكايلن....اعتقد انا راد عليك و على الزد مالك و اذا بتتفاهم اكتب رد هناك

و عن الكلام الفاضي الله يخليك:)

[الارهابي]

يا شباب السالفه مقارنه بين قوه الزد و اللومينا مع العلم بالفروقات اللي بينهم

و النتيجه الزد يطلع في القومه :D

خلاص زين فهمتوا

مو واحد يجي لي يقول الزد فيه سماعات اكثر
ولا اللومينا تانكيها اكبر و لا كراسيها مو مريحه


فكونا :D

infiniti
المفروض طلعت مع لومينا اس اس ستوك عشان لا يجي لك واحد يقول لك راعي اللومينا ما يعرف يلغم و بدل ما يقويها صارت خاقه :D

[FSM]

رد مقتبس من الارهابي

infiniti
المفروض طلعت مع لومينا اس اس ستوك عشان لا يجي لك واحد يقول لك راعي اللومينا ما يعرف يلغم و بدل ما يقويها صارت خاقه :D


:laugh: :laugh: :laugh: :laugh: :laugh: :laugh: :laugh: :laugh:

هاهاهاهاهاهاهاهاهاهاهاهاهاااااااااااي :D